JEREMI 47:6 - Bibəl ta Sar̄

⁶ I yá̰á̰ kə́ to kum kaȳ aĺ kə́ ba̰ý beē! Kaskar yā Kɔ́ɔ̄ɓē, ā ī-taā koō i rə́ngáý tə́? Ī-tél údə kem hɔ̄pīí tə́ gogə́. Ī-ndi jəke kanjə̄ rāā yá̰a̰.

Bible sar

⁶ I yá̰á̰ kə́ to kum kaȳ aĺ kə́ ba̰ý beē! Kaskar yā Kɔ́ɔ̄ɓē, ā ī-taā koō i rə́ngáý tə́? Ī-tél údə kem hɔ̄pīí tə́ gogə́. Ī-ndi jəke kanjə̄ rāā yá̰a̰.

JEREMI 47:6 Referans Kwoze

JEREMI 12:12

Ngé nujə loo gə̄ a reēn̄ noó kə gō kə̄lá róbə gə̄ malang kə́ dəla loo tə́. Kaskar yā Kɔ́ɔ̄ɓē tɔ̄l̄ de gə̄ ta ngóy dɔ nang kógə̄ḿ tə́ bátə́ gān̄g kə́ noó tə́. De kógə̄ḿ kə́ ndi lɔm gə̄gē a gətóó bátə́.

JA̰A̰ 18:11

Jeju əda Piyer na: Ī-téĺ ə́la kaskar yāí kem hɔ̄pə̄n tə́ gogə́. Yá̰á̰ kə́ kem kopoó ń Bɔbə́ḿ adə̄m̄ kadə̄ m-ā̰ȳ ní kə m-ā̰ȳ aĺ a?

EJEKIEL 21:30

Ba ḭ̄ ngār kə́ Israel tə́, ḭ̄ i nge ndaa deē ndaa kə́ to rɔ̄sɔl̄ ngá̰ý! Kum mbang a reē noó kadə̄ tɔ̄l̄ ń ā ī-tɔ̄l̄ de gə̄ ní gír a gān̄g.

EJEKIEL 14:17

Aĺ ɓáa m-ā m̄-rāā kadə̄ de gə̄ a reēn̄ yā rɔ̄ɔ̄ gír de gə̄ ń toō. M-ā m-ə̄ndā dɔ ngé rɔ̄ɔ̄ gə̄ tə́ kadə̄ nujən̄n ɓē kɔ̄ɔ́ ō, kadə̄ tɔ̄lə̄n̄ de gə̄ ō, dā̰ gə̄ ō kɔ̄ɔ́.

JEREMI 25:27

Ā ə́dádə́ na: Najə̄ ń Kɔ́ɔ̄ɓē kə́ bo kə́ tɔ́gən i ngá̰ý, Nə́ɓā yā Israel əda ní n toó: Ā̰yī ādə̄ rāāsí ō, ī-tōmbī ō, ī-teē ī-tə́sōī kanjə̄ kadə̄ ḭ́ḭī dɔɔ́ ō, dan ń a á̰a̰ī kaskar ń m-ā m-ə́la dɔ dáńdə́ tə́ ní.

JEREMI 15:3

M-ā m-ə́la kə yá̰á̰ kə́ majaĺ gə̄ gíŕ sɔ́ dɔdə́ tə́: M-ā m-ə́la kə kaskaraá yā tɔ̄ləńdə́ ō, kə bísə gēé yā ndɔ́rəńdə́ nang tə́ ō, kə yel̄ kə́ no rā̰ tə́ gə̄ ō, kə dā̰ kə́ dɔ nang tə́ gə̄ ō yā rə́yańdə́ naā tə́ ō, yā gāngəń gír yādə́ kɔ̄ɔ́ ō. Najə̄ ń Kɔ́ɔ̄ɓē əda ní n toó.

JEREMI 12:4

Dɔ nang a əhɔ ndoō i bátə́ ta kə́ rá? Mu kə́ ndɔrɔ́ a tutə kɔ̄ɔ́ malang i bátə́ ta kə́ rá? De kə́ kem ɓēé gə̄ ń ədan̄ na Nə́ɓā a̰a̰ yá̰á̰ kə́ ndɔ̄ń tə́ alé ní, kem ndul yādə́ a tɔ̄l̄ dā̰ kə́ bembeé gə̄ ō, yel̄ gə̄ ō yā təgā.

JEREMI 4:21

M-ā m-á̰a̰ dərapóo rɔ̄ɔ̄ ō, m-ā m-ōō kōō tōw̄ ō, i bátə́ ta kə́ rá?

IJAI 10:15

Kə̄ngā ənda kadən kum gotə nge kunən tə́gań yá̰a̰ a? Gində̄ kəja kāgə̄ ɔjə rɔ̄n kum gotə nge kunən kəjań kāgə̄ a? To tītə̄ kə́ i ndéy n i nge rāā kadə̄ jī kə́ kunən unən dɔɔ́ beé, aláa i tītə̄ kə́ i sálang kāgə̄ n i nge kɔr no jī kə́ nge kəhɔn beé.

IJAI 10:5

Kɔ́ɔ̄ɓē əda na: I yá̰á̰ kə́ to kum kaȳ aĺ kə́ ba̰ý beē tām̄ yā Asiri tə́, ni ń wōn̄g rāām̄ anī m-únən m-ə́ndań ndéý ní! M-ā m-ɔ́jə wōn̄g ní i kāgə̄ ń ni-əhɔ jīn tə́ ní.

PĀ GƏ̄ 17:13

Kɔ́ɔ̄ɓē, ḭ́ḭ dɔɔ́! Ī-tā̰ madə̄ ba̰ā̰ḿ gə̄ rɔ̄ɔ̄, ə̄sō sedə́ nang tə́, ī-taām̄ jī ngé kem ndul gə̄ tə́ kə kaskar yāí.

1 YÁ̰A̰ GƏ̄ 21:27

Loo ń noō tə́ Kɔ́ɔ̄ɓē əda de kə́ dɔ rā̰ tə́ na kə tél kə əla kaskar yān gogə́ kem hɔ̄pə̄n tə́.

2 SAMUEL 2:26

Abner ɓāŕ Joab ədan na: J-a jə-tɔ̄lī naā kə kaskaraá i kə́ njɔ́ḿ gə̄ tə́ kanjə̄ dəba a? Ta tɔ̄l̄ ta anī rɔ̄nel̄ a gətóó ní ī-ger̄ aĺ a? I rə́ngáý tə́ n ā ə́da deē yāí gə̄ kadə̄ asədə́ ngɔ̄də̄ ngákó̰ó̰də́ gə̄ ní?

NGÉ SARYA 7:20

Gír ɓūtə̄ kə́ jōó gə̄ ní rāān̄ tītə̄ yādə́ ō. Nin̄ əhɔn̄ hor ngel̄ kə jīdə́ kə́ geleé ō, jī ko̰də́ əhɔnə̄ń tōw̄ ō, ba ədan̄ kə tɔ́gɔ́ na: I kaskar kə́ tām̄ yā Kɔ́ɔ̄ɓē tə́ ō, Jedeo̰ tə́ ō.

JEREMI 48:10

Ndɔ̄ĺ i dɔ deē ń rāā kəla yā Kɔ́ɔ̄ɓē kə yayaá ní tə́. Ndɔ̄ĺ i dɔ deē ń ɔgə̄ kaskar yān ɓōkə́ mósə́ nang tə́ ní tə́.

JEREMI 50:35

Ī-tə́gāī Kalde gə̄ kə kaskaraá, ādī kaskar ɔdə Babilon gə̄ ō, de kə́ bo gə̄ ō, ngé kum kedə̄ gə̄ ō kə́ Babilon tə́.

JAKARI 13:7

Najə̄ ń Kɔ́ɔ̄ɓē kə́ bo kə́ tɔ́gən i ngá̰ý əda wáńg ní n toó: Kaskar, ī-ndól̄ dɔ ɓīī tə́, ba ī-rɔ̄ɔ̄ nge kul̄ yá̰a̰ yāḿ, ī-rɔ̄ɔ̄ madə̄ taḿ ń əhɔ rɔ̄n tɔgə ngá̰ý ní. Ī-tɔ̄l̄ nge kul̄ yá̰a̰, loo ń noō tə́ batə̄ gə̄ a aw̄n̄ kə̄ loo gə̄ tə́ ō, yá̰a̰ kul̄ kə́ dūú gə̄ kə́ dan ɓūtə̄ yá̰a̰ kul̄ tə́ ní, m-ā m-ə̄nīdə́ rɔ̄ɔ̄ ō.