JEREMI 47:5 - Bibəl ta Sar̄

⁵ Nənga dɔ de kə́ Gaja tə́ gə̄ i kə́ dəsā kɔ̄ɔ́, utə̄n̄ ta de kə́ Askalon tə́ gə̄ kɔ̄ɔ́, adə̄ ndin̄ tadə́ mbóo. Sḭḭ̄ de kə́ ndágə loo tə́ gə̄ ń ī-ndiī kə kumsí ní, ā ī-toī dan tə́jā rɔ̄sí kə doó i bátə́ ta kə́ rá?

Bible sar

⁵ Nənga dɔ de kə́ Gaja tə́ gə̄ i kə́ dəsā kɔ̄ɔ́, utə̄n̄ ta de kə́ Askalon tə́ gə̄ kɔ̄ɔ́, adə̄ ndin̄ tadə́ mbóo. Sḭḭ̄ de kə́ ndágə loo tə́ gə̄ ń ī-ndiī kə kumsí ní, ā ī-toī dan tə́jā rɔ̄sí kə doó i bátə́ ta kə́ rá?

JEREMI 47:5 Referans Kwoze

JEREMI 48:37

Tā anī, dəsān̄ dɔ de gə̄ malang ō, mbāý de gə̄ malang ō, tə́jān̄ jī de gə̄ malang kə doó ō, de gə̄ malang o̰ō̰n̄ kūbə̄ kəhɔ ndoō ō.

JEREMI 25:20

de kə́ no ɓē tə́ gə̄ malang ō, mban̄g gə̄ malang kə́ kem ɓē kə́ Us tə́ ō, mban̄g gə̄ malang kə́ kem ɓē yā Pilistin gə̄ tə́, adə̄ i mban̄g kə́ Askalon tə́ ō, kə́ Gaja tə́ ō, kə́ Ekəron tə́ ō, gotə de gə̄ ń na̰yn̄ Asdod tə́ ní ō,

MISE 1:16

Sḭḭ̄ de kə́ Jerusalem gə̄, ī-ró̰yī nənga dɔsí gə̄ ō, ī-dəsāī dɔsí ɔ́jiīń kadə̄ ə́hɔī ndoō, najə̄ yā ngáńsí gə̄ kə́ ī-tariīdə́ ngá̰ý tə́! Ādə̄ nənga gətóo dɔsí tə́ tītə̄ yā míndə māl̄ beé, tɔdɔ̄ a ɔyn̄ ngáńsí gə̄ ngeé ń toō yā kaw̄ sedə́ dɔ ɓē kə́ rang tə́ dɔ gúú tə́, sa̰y rɔ̄sí tə́.

JEREMI 41:5

Anī de kə́ dəngam gə̄ kutə sɔ́sɔ́ ḭḭn̄ Sisem ō, Silo ō, Samari ō, reēn̄. Nin̄ dəsān̄ mbāýdə́ kɔ̄ɔ́ ō, rə́yā̰n̄ kūbə̄ kə́ rɔ̄də́ gə̄ tə́ ō, tə́jān̄ rɔ̄də́ kə doó ō, əhɔn̄ yá̰a̰ ndējə̄ gə̄ ō, kajaja ō, jīdə́ tə́ yā ndējə̄ kem kújə yā Kɔ́ɔ̄ɓē tə́.

MARK 5:5

Kə dɔ ndɔ̄ gə̄ ní, ndɔ̄ɔ́ ō kadaá ō, ni a njə̄rā i dɔ ɓádə gə̄ tə́, aláa i dɔ mbal̄ gə̄ tə́. Ni a gán̄g kɔŕ ō, a tə́jā rɔ̄n kə gájə mbal̄ gēé ō.

EJEKIEL 25:16

Tām̄ najə̄ ń noō tə́ ní, yá̰á̰ mā Kɔ́ɔ̄ɓē Nə́ɓā m-ə́dá ní n toó: M-ā m̄-rāā kadə̄ nin̄ a gerə̄n̄ gō tɔ́gə́ḿ. M-ā m̄-tɔ̄l̄ Pilistin gə̄ ń i de kə́ Kapətor gə̄ kə́ ndin̄ ɓē i kə gō kadə bā boó ní.

EJEKIEL 7:18

Nin̄ a o̰o̰n̄ kūbə̄ kəhɔ ndoō ō, ɓōĺ a ndewdə́ ō. Ta kumdə́ i kə rɔ̄sɔlɔ̄ɔ́ ō, nin̄ malang a dəsān̄ dɔdə́ kɔ̄ɔ́ ō.

JEREMI 47:4

Tām̄ ndɔ̄ kə́ yā kadə̄ Pilistin gə̄ oyn̄neé malang ō, kadə̄ gāngə̄n̄neé gír yā ngé gə̄ malang ń teēn̄ ta yo tə́ Tir ō, Sidon ō, á əɓan̄ kum kaw̄ dḭḭ̄də́ ní, asə kɔ̄ɔ́. Rɔ̄kum Kɔ́ɔ̄ɓē nujə kə Pilistin gə̄ kə́ dor̄ kə Kapətor tə́ ń ndin̄ kə kumdə́ ní.

JEREMI 47:1

Najə̄ kə́ dɔ Pilistin gə̄ tə́ ń Kɔ́ɔ̄ɓē ɔr̄ kə Jeremi nge koō ta pá tá kadə̄ Parao̰ rɔ̄ɔ̄ ɓē kə́ Gaja ní n toó:

JEREMI 16:1

Kɔ́ɔ̄ɓē ɔr̄ najə̄ seḿ əda na:

IJAI 15:2

De kə́ Dibon gə̄ aw̄n̄ nōó loo ndɔ̄ȳ gə̄ tə́. Moab gə̄ unən̄ pā yo kem ɓē kə́ Nebo tə́ ō, Medeba tə́ ō. Dɔ de gə̄ malang i kə́ dəsā kɔ̄ɔ́ ō, mbāý de gə̄ malang i kə́ kəja kɔ̄ɔ́ ō.

1 MBAN̄G GƏ̄ 18:28

Nin̄ əgan̄ kɔŕ kə ndūdə́ kə́ bo tɔȳ ké kété. Tá nin̄ tə́jān̄ rɔ̄də́ kə doó kə kaskaraá ō, kə nə̄ngaá ō, tītə̄ ń i jī bēl̄ loo rāādə́ tə́ ní adə̄ mósə a̰ȳ rɔ̄də́ tə́ mbong.

NGÉ SARYA 1:18

Juda gə̄ taān̄ ɓē kə́ Gaja ō, Askalon ō, Ekəron ō, naā tə́ kə loo gə̄ kə́ gō gīdə ɓē gə̄ ní tə́.

NDŪ NAJƏ̄ 14:1

Sḭḭ̄ i ngán Kɔ́ɔ̄ɓē Nə́ɓā yāsí, adə̄ ā ī-tə́jāī rɔ̄sí, aláa ā ī-dəsāī dɔsí yā rāań ndoō de kə́ koy alé.

LEBI GƏ̄ 21:5

Ngé tun̄ yá̰a̰ gə̄ a dəsān̄ dɔdə́ ō, mbāýdə́ kə́ mbɔ́ŕdə́ gə̄ tə́ ō, a əndān̄ tə́re rɔ̄də́ tə́ ō, loo yo tə́ alé.

LEBI GƏ̄ 19:28

Ī-tə́jāī rɔ̄sí kə doó loo wōn̄g yo tə́ aĺ ō, ə̄ndāī tə́ra rɔ̄sí tə́ aĺ ō. Mā i Kɔ́ɔ̄ɓē.

JEREMI 16:6

Kem ɓē ń toō tə́ ní, de kə́ bo gə̄ ō, de kə́ dūú gə̄ ō a oyn̄ mbak. Deē a dubə̄də́ aĺ ō, a un pā yo dɔdə́ tə́ aĺ ō, a əja rɔ̄n kə doó najə̄ yādə́ tə́ aĺ ō, a dəsā dɔn aĺ ō.