JEREMI 47:3 - Bibəl ta Sar̄

³ əgan̄ kɔŕ kadə̄ kə dḭḭ̄n̄də́ ō, de gə̄ malang kə́ kem ɓēé nōōn̄ naā ō. Yá̰á̰ ń noō rāā tá kadə̄ bɔbə̄ ngán gə̄ rɔ̄də́ ur̄ wak kɔ̄ɔ́ ní, tə́jān̄ kumdə́ ta ngáńdə́ gə̄ tə́ kɔ̄ɔ́.

Bible sar

³ əgan̄ kɔŕ kadə̄ kə dḭḭ̄n̄də́ ō, de gə̄ malang kə́ kem ɓēé nōōn̄ naā ō. Yá̰á̰ ń noō rāā tá kadə̄ bɔbə̄ ngán gə̄ rɔ̄də́ ur̄ wak kɔ̄ɔ́ ní, tə́jān̄ kumdə́ ta ngáńdə́ gə̄ tə́ kɔ̄ɔ́.

JEREMI 47:3 Referans Kwoze

JEREMI 8:16

Kōō sə́nda yān gə̄ ɓār̄ kə̄ Dan nú. Dɔ nang kə taá malang ndebə dan ń oō kōō nōō sə́nda yān gə̄ ní. Nin̄ reē nujən̄ kə dɔ nangaá ō, kə yá̰á̰ kə́ kemeé gēé ō, kə ɓēé ō, kə de kə́ kemeé gēé ō.

NGÉ SARYA 5:22

Tā anī sə́nda gə̄ mānə̄n̄ kə ngɔ̄dɔ̄ɔ́, kōō njadə́ ɓār̄ ɓuruk ɓuruk ɓuruk.

NAHUM 2:4

Áskar gə̄ yā madə̄ ba̰ā̰ ətōn̄ i der gə̄ kə́ rāān̄ man̄ yá̰á̰ kə́ kəre gidə tə́ gə̄ ō, kūbə̄ ko̰ō̰də́ gə̄ i kūbə̄ kə́ kərē gə̄ ō. Púsə rɔ̄ɔ̄ gə̄ ń tə́ndān̄də́ kə ta naá tām̄ yā rɔ̄ɔ̄ tə́ ní, ndə́lēn̄ pipir tītə̄ ta ndo̰ hor gə̄ beé ō, nənga gə̄ əlan̄ gíŕ yéȳ ō.

JEREMI 46:9

Ngé sə́nda gə̄, ə̄nīī rɔ̄ɔ̄. Ngé púsə́ sə́nda gə̄, ā̰yī ngɔ̄də̄ ngá̰ý. Ādə̄ ngé kəhɔ rɔ̄də́ tɔgə ngá̰ý gə̄ əndan̄ loo teēn̄, adə̄ i Kus gə̄ ō, Put gə̄ ō, ń gerə̄n̄ kəhɔ der majə ní ō, Lud gə̄ ń gerə̄n̄ kur gərā majə ní ō.

JEJU TEĒ KUM JA̰A̰ 9:9

Kūbə̄ ń əlan̄ ta nganjədə́ tə́ ní, to i tītə̄ kə́ rāā kə gindīí beē ō, kōō bɔ̄gə̄də́ ɓār̄ tītə̄ kōō púsə́ sə́ndá kə́ ngá̰ý gə̄ kə́ a̰ȳn̄ ngɔ̄də̄ ta kaw̄ kə̄ ta rɔ̄ɔ̄ tə́ beē ō.

JEREMI 50:42

Nin̄ əlan̄ ga̰ gərā ō, nənga ō kum kə̄ dɔɔ́. Kumdə́ o̰o̰də́ aĺ ō, a̰a̰n̄ kum tō ndoō yā deē aĺ ō. Kōōdə́ ɓār̄ tītə̄ kōō bā bo beé. Ngōmandə kə́ Babilon, nin̄ ndin̄ dɔ sə́nda gə̄ tə́ ba ran̄ kə ta naá, tītə̄ ɓūtə̄ ngé rɔ̄ɔ̄ gə̄ kə́ aw̄n̄ kə̄ kənīí rɔ̄ɔ̄ tə́ beé.

EJEKIEL 23:24

Nin̄ a ḭḭn̄ i dām̄ mbɔ́r ɓē kə́ ko̰ó̰ tə́ yā reē. A ndin̄ i dɔ púsə rɔ̄ɔ̄ gə̄ tə́ n a reēnəń ō, dɔ yá̰a̰ kal̄ kə́ tayā tayā gə̄ tə́ ō, a reēn̄ i kə ngé rɔ̄ɔ̄ kə́ ngá̰ý gə̄ ō. Nin̄ a utə̄n̄ gidə rɔ̄də́ i kə der gə̄ ō, kə jākā gində̄ gə̄ ō. Nin̄ a gīrīn̄ kə̄ ta gə̄ tə́. M-ā m-ɔ́jə́də́ najə̄ yāí ō, nin̄ a gāngə̄n̄ sarya dɔí tə́ i kə gō ndū najə̄ yādə́ gēé ō.

NAHUM 2:8

Madə̄ ba̰ā̰ gə̄ unən̄ yá̰á̰ kə́ tɔ́sə̄ kum gotə nə́ɓā kə́ dəyá̰ kɔ̄ɔ́, ba aw̄n̄ seneé dɔ ɓē kə́ rang tə́ dɔ gúú tə́. Dəyá̰ kə́ ngé ndɔ̄yn gə̄ nōōn̄ tītə̄ dér dum gə̄ beé. Nin̄ əndān̄ wurdə́ par par ɔjənə̄ń kadə̄ rɔ̄də́ nel̄də́ alé.

IJAI 5:28

Kum gərā yādə́ gə̄ i kə́ tadə́ atə limbēȳ limbēȳ, ga̰ gərā yādə́ gə̄ i kə́ kɔr gō malang. Hḛ̄l̄ nja sə́nda yādə́ gə̄ i kə́ ngan̄g tītə̄ mbal̄ beé ō, nja púsə́ sə́nda yādə́ gə̄ rə̄ngō tītə̄ nél man̄ kə́ əla kə ngangá ngá̰ý beē ō.