JEREMI 47:2 - Bibəl ta Sar̄

² Najə̄ ń Kɔ́ɔ̄ɓē əda ní n toó: Man̄ ḭḭ ngá̰ý dām̄ mbɔ́r ɓē kə́ ko̰ó̰ tə́ ō, tél man̄ kə́ nūgə́ wut wut ō. Man̄ ní taā loo kem ɓēé ō, un dɔ yá̰a̰ malang kə́ tū tə́ ō, un dɔ ɓē ō, de kə́ kemeé gə̄ ō. Dan ń de gə̄ oōn̄ kōō nja sə́ndá kə́ ngan̄g ngá̰ý gə̄ yā Parao̰ ō, kōō púsə́ sə́nda yān gə̄ ō, kōō nja púsə́ sə́nda gə̄ ō anī,

Bible sar

² Najə̄ ń Kɔ́ɔ̄ɓē əda ní n toó: Man̄ ḭḭ ngá̰ý dām̄ mbɔ́r ɓē kə́ ko̰ó̰ tə́ ō, tél man̄ kə́ nūgə́ wut wut ō. Man̄ ní taā loo kem ɓēé ō, un dɔ yá̰a̰ malang kə́ tū tə́ ō, un dɔ ɓē ō, de kə́ kemeé gə̄ ō. Dan ń de gə̄ oōn̄ kōō nja sə́ndá kə́ ngan̄g ngá̰ý gə̄ yā *Parao̰ ō, kōō púsə́ sə́nda yān gə̄ ō, kōō nja púsə́ sə́nda gə̄ ō anī,

JEREMI 47:2 Referans Kwoze

JEREMI 46:20

Ejiptə i mandə man̄g kə́ majə ngá̰ý, banī kón̄g mba gə̄ ḭḭn̄ dām̄ mbɔ́r ɓē kə́ ko̰ó̰ tə́ reē əhɔn̄ loo dɔn tə́.

JEREMI 8:16

Kōō sə́nda yān gə̄ ɓār̄ kə̄ Dan nú. Dɔ nang kə taá malang ndebə dan ń oō kōō nōō sə́nda yān gə̄ ní. Nin̄ reē nujən̄ kə dɔ nangaá ō, kə yá̰á̰ kə́ kemeé gēé ō, kə ɓēé ō, kə de kə́ kemeé gēé ō.

JEREMI 1:14

Kɔ́ɔ̄ɓē ədam̄ na: I dām̄ mbɔ́r ɓē kə́ ko̰ó̰ tə́ n yá̰á̰ kə́ to kum kaȳ aĺ a teē tū tə́ yā rāā de kə́ kem ɓēé gə̄ malang ní.

JEJU TEĒ KUM JA̰A̰ 17:15

Gō tə́ anī de kə́ dɔ rā̰ tə́ ní ədam̄ na: Man̄ gə̄ ń na m-á̰a̰ā̰ loo ń dəyá̰ kə́ nge rāā ájə́ba ndi tū tə́ ní, na i gír de gə̄ ō, kósə de gə̄ ō, nápar de gə̄ ō, gír ta gə̄ ō.

JEJU TEĒ KUM JA̰A̰ 17:1

Anī de kə́ dɔ rā̰ tə́ kógə̄ḿ dan ngé kə́ sīrí gə̄ ń kópə kə́ sīrí gə̄ i jīdə́ tə́ ní, reē ɔr̄ najə̄ seḿ, ədam̄ na: Ī-reē ādə̄ m-ɔ́jiī sarya yā dəyá̰ kə́ nge rāā ájə́ba ngá̰ý ń ndi kadə bā bo gə̄ tə́ ní.

JAKƏ 5:1

Ngɔlaā ní, sḭḭ̄ ngé kənge yá̰á̰ gə̄, ə́gaī kɔŕ ō ī-nōōī ō, tām̄ yā yá̰á̰ kə́ to kum tō ndoō gə̄ ń a reēn̄ kə̄ dɔsí tə́ ní.

1 KORḚNTƏ 10:28

Ba ré de kə́rēý ədasí na dā̰ ń toō i dā̰ kə́ tun̄ adə̄n̄ ɓesə̄ gə̄ anī, ə́saī alé tām̄ yā deē ń ədasí najə̄ tə́ ní ō, najə̄ yā kem rāā tə́ ō.

1 KORḚNTƏ 10:26

Tɔdɔ̄ ndangən̄ kem makətūbə̄ yā Nə́ɓā tə́ na: Dɔ nang ō, yá̰a̰ malang kə́ tū tə́ ō, i yā Kɔ́ɔ̄ɓē.

NAHUM 1:8

dan ń yá̰á̰ kə́ to kum kaȳ aĺ mān̄ tītə̄ man̄ dɔ mbal̄ beé ní. Banī ni-nujə madə̄ ba̰ā̰n gə̄ ō, tə̄ɓādə́ aw̄ sedə́ kum loo kə́ risə til yā yo tə́ ō.

DANIEL 11:22

Ngé rɔ̄ɔ̄ gə̄ ń a reēn̄ yā taā loo ní a asən̄ tetən rɔ̄ɔ̄ alé, ni a rējə̄də́ malang ō, a tɔ̄l̄ ngār kógə̄ḿ yā gír de gə̄ ń Nə́ɓā əhɔ madə̄ naā sedə́ ní ō.

JEREMI 48:39

I rí n rāā yá̰á̰ á tɔ́gə Moab ur̄ wak kɔ̄ɔ́ ní? I ba̰ý á ni tūr̄ gidən kə̄ rɔ̄sɔlɔ̄ɔ́ ní? Ī-nōōī ɓoo ɓoo, tɔdɔ̄ Moab tél kur̄ kəgō yā de gə̄ malang ń ndi gīrə̄n̄ gidən ní ō, tél yá̰á̰ kə́ a əla ɓōĺ kemdə́ tə́ ō.

JEREMI 46:13

Kɔ́ɔ̄ɓē ɔr̄ najə̄ kə Jeremi nge koō ta əda na: Nabukodonosor, mban̄g kə́ Babilon a reē yā kənda ɓē kə́ Ejiptə.

IJAI 59:19

Loo ń noō tə́, ḭḭ gír ɓē tə́ bátə́ no ɓē tə́ ní, de gə̄ malang a ɓōlə́n̄ gidə rī Kɔ́ɔ̄ɓē, nin̄ malang a ɓōlə́n̄ gidə kɔsə gɔn yān. A̰á̰ā̰, Kɔ́ɔ̄ɓē a rēē tītə̄ man̄ dɔ mbal̄ kə́ kum wól loo tə́ kə́ man̄ kə́ edə kə néĺ kə́ əla kə ngangá ngá̰ý mbəre gōn beé.

IJAI 28:17

Yá̰á̰ kə́ súmūú i yá̰a̰ mbɔ̄jə́ yá̰a̰ yāḿ, yá̰á̰ kə́ gōtə́ i kəlā yāḿ kə́ gində̄ pəlɔm i ta tə́. Man̄ kə́ edə kə kɔ̄sɔ̄ɔ́ a un yá̰á̰ gól̄ loo ń ā ī-ndiī gírí ní yā kaw̄ń kɔ̄ɔ́, loo ń ā ī-ɓɔ̄ɔ̄ rɔ̄sí tū tə́ ní man̄ a taā kɔ̄ɔ́.

IJAI 22:1

Najə̄ yā wól loo kə́ deē a̰a̰ yá̰a̰ tū tə́. Sḭḭ̄ de kə́ Jerusalem gə̄, i tām̄ rí tə́ á sḭḭ̄ malang ālī dɔ kújə gə̄ tə́ dɔɔ́ ní?

IJAI 15:8

De gə̄ ɓārə́n̄ yá̰a̰ kə gō gidə ɓē kə́ Moab kadə̄ dḭḭ̄n̄də́. Kɔŕ yo ɓār̄ bátə́ ugə̄ Egəlaim, ɓār̄ bátə́ ugə̄ dɔ bəlo man̄ gə̄ kə́ Elim tə́.

IJAI 14:31

Sḭḭ̄ ta róbə gə̄ kə́ yā kudəń kə̄ kem ɓē bo gə̄ tə́, ī-nōōī! Sḭḭ̄ ɓē bo gə̄, ī-gángī kɔŕ! Tɔ́gə dɔ nang kə́ Pilistin kə taá malang ur̄ wak kɔ̄ɔ́, tām̄ sa hor kógə̄ḿ kə́ to tītə̄ kil̄ man̄ beé, ḭḭ dām̄ mbɔ́r ɓē kə́ ko̰ó̰ tə́ a reē noó. Ɓē madə̄ ba̰ā̰ gēé ɓáa, de kə́ əya̰ ɓūtə̄ ngé rɔ̄ɔ̄ gə̄ ba aw̄ sa̰y ní gətóo.

PĀ GƏ̄ 98:7

Ādə̄ kōō bā bo kə yá̰a̰ malang kə́ tū tə́ ɓār̄ bu bu ō, ādə̄ kōō dɔ nang kə de kə́ dɔ nang tə́ gə̄ ɓār̄ ō.

PĀ GƏ̄ 96:11

Ādə̄ dɔ rā̰ rāā rɔ̄nel̄, ādə̄ dɔ nang tḭ́ḭ̄ bal walya. Ādə̄ kōō bā bo kə yá̰a̰ malang kə́ tū tə́ ɓār̄ bu bu!

PĀ GƏ̄ 50:12

Ré ɓō rāām̄ anī m-ā m-ə́daī alé, tɔdɔ̄ dɔ nang kə taā malang ō, yá̰a̰ malang kə́ tū tə́ ō i yāḿ.

PĀ GƏ̄ 24:1

Pā yā Dabid. Dɔ nang i yá̰a̰ yā Kɔ́ɔ̄ɓē ō, yá̰a̰ malang kə́ tū tə́ i yān ō. Dɔ nang kə taá malang i yá̰a̰ yā Kɔ́ɔ̄ɓē ō, de kə́ tū tə́ gə̄ malang i deē yān gə̄ ō.

JEREMI 6:22

Najə̄ ń Kɔ́ɔ̄ɓē əda ní n toó: Gír deē kógə̄ḿ gə̄ ḭḭn̄ mbɔ́r ɓē kə́ ko̰ó̰ tə́ a reēn̄ noó, nápar de kə́ ngá̰ý gə̄ ḭḭn̄ ta ngóy dɔ nang tə́ a reēn̄ noó.

JEREMI 46:12

Nápar de gə̄ oōn̄ najə̄ rɔ̄sɔl̄ yāí, tɔdɔ̄ kɔŕ yāí taā dɔ nang. Nja go̰ rɔ̄ɔ̄ kógə̄ḿ tə́gā yā madə̄n adə̄ teē tə́sōn̄ jōó mbak.

JEREMI 46:24

Əlan̄ ɓē kə́ Ejiptə jī gír de kə́ dām̄ mbɔ́r ɓē kə́ ko̰ó̰ gə̄ tə́, əlan̄ rɔ̄sɔl̄ dɔn tə́.