JEREMI 46:6 - Bibəl ta Sar̄

⁶ De kə́ ɔl ngá̰ý, asə teē kum tə́ aĺ ō, de kə́ əhɔ rɔ̄n tɔgə ngá̰ý, asə kajə rɔ̄n aĺ ō. Nin̄ bḭ́ḭ̄n̄ ō, tə́sōn̄ ō, dɔ gɔ́sə bā Opəratə tə́, dām̄ mbɔ́r ɓē kə́ ko̰ó̰ tə́.

Bible sar

⁶ De kə́ ɔl ngá̰ý, asə teē kum tə́ aĺ ō, de kə́ əhɔ rɔ̄n tɔgə ngá̰ý, asə kajə rɔ̄n aĺ ō. Nin̄ bḭ́ḭ̄n̄ ō, tə́sōn̄ ō, dɔ gɔ́sə bā Opəratə tə́, dām̄ mbɔ́r ɓē kə́ ko̰ó̰ tə́.

JEREMI 46:6 Referans Kwoze

DANIEL 11:19

Gō tə́ anī ni a tūr̄ kumən kə̄ dɔ ɓē kə́ ngan̄g gə̄ kə́ dɔ nang yān tə́ tə́. Banī njan əhɔ dɔ nang aĺ adə̄ a teē y ā kəsō ō, a əngenən̄ gogə́ to̰ aĺ ō.

JEREMI 46:12

Nápar de gə̄ oōn̄ najə̄ rɔ̄sɔl̄ yāí, tɔdɔ̄ kɔŕ yāí taā dɔ nang. Nja go̰ rɔ̄ɔ̄ kógə̄ḿ tə́gā yā madə̄n adə̄ teē tə́sōn̄ jōó mbak.

JEREMI 50:32

Nge ngonjə̄ bḭ́ḭ̄ ō, teē əsō ō. De kə́ yā kunən dɔɔ́ gətóo. M-ə́la hor dɔ ɓē yān gə̄ tə́, adə̄ o̰o̰ loo kə gō gidənneé malang.

JEREMI 46:16

adə̄ bibə́rī to ɓōĺ ngá̰ý. De kə́ dəngam gə̄ teē tə́sōn̄ dɔ naā tə́. Nin̄ ədan̄ na: J-ḭḭ̄ dɔɔ́, jə-tél j-awī gogə́ dan gír deē yājí gə̄ tə́ ō, kem ɓē kojəjí tə́ ō, sa̰y kɔ̄ɔ́ ta kaskar kə́ kumən o̰o̰n aĺ tə́.

JEREMI 46:10

Banī ndɔ̄ ní i ndɔ̄ kə́ kadə̄ Nə́ɓā, Kɔ́ɔ̄ɓē kə́ bo kə́ tɔ́gən i ngá̰ý daləń ba̰ā̰ dɔ madə̄ ba̰ā̰n gə̄ tə́. Kaskar ń nujə loo ní, əsa yá̰a̰ ndān̄ ō, mósə de gə̄ rāān kə́ kasə tə́ ō. I yá̰a̰ kəsa kə́ bo ngá̰ý kə́ ndējə̄ Nə́ɓā, Kɔ́ɔ̄ɓē kə́ bo kə́ tɔ́gən i ngá̰ý, kem ɓē kə́ mbɔ́r ɓē kə́ ko̰ó̰ tə́, kadə bā Opəratə tə́.

JEREMI 25:9

m-ā m-ə́la gō gír de kə́ mbɔ́r ɓē kə́ ko̰ó̰ tə́ gə̄ ō, m-ā m̄-ɓār̄ nge kəla yāḿ Nabukodonosor, mban̄g kə́ Babilon tə́ ō, yā reē sedə́ kadə̄ rɔ̄ɔ̄n̄ ɓē ń toō ō, de gə̄ ń ndin̄ kemeé ní ō, kadə̄ rɔ̄ɔ̄n̄ nápar de gə̄ ń ndin̄ kemeé ní ō, kadə̄ rɔ̄ɔ̄n̄ nápar de gə̄ malang ń gīrə̄n̄ gidə ní ō. M-ə̄ndādə́ dɔ jīḿ yā rāādə́ kadə̄ télən̄ ndágə loo kə́ to kum ko̰, kə́ de gə̄ a əgan̄ kɔŕ ɓōĺ dɔ tə́ ō, yá̰á̰ kə́ nujə sák sák kə́ njɔ́ḿ gə̄ tə́ ō.

JEREMI 20:11

Banī Kɔ́ɔ̄ɓē i seḿ tītə̄ go̰ rɔ̄ɔ̄ kə́ tɔ́gən i ngá̰ý. adə̄ nja ngé rāāḿ ndoō tə́ gə̄ a əhɔ nang aĺ ō, asən̄ rāā yá̰á̰ ń a sāān̄ rāā ní aĺ ō. a asən̄ alé, adə̄ rɔ̄də́ a sɔl̄də́ ngá̰ý. I rɔ̄sɔl̄ kə́ a to ta kaw̄ jóo ō, dɔ deē a ndígə̄nal dɔ tə́ aĺ ō.

JEREMI 6:1

Ngán Benjamḛ gə̄, ī-teēī kɔ̄ɔ́ Jerusalem ba ī-sāāī loo ɓɔ̄ɔ̄ rɔ̄ yāsí loo kə́ rang tə́. Ī-kɔ̄ríī tōw̄ Tekoa tə́. Ə́laī dərapóo kə̄ dɔɔ́ dɔ ɓē kə́ Bet Kerem tə́. Yá̰á̰ kə́ to kum kaȳ aĺ ḭḭ dām̄ mbɔ́r ɓē kə́ ko̰ó̰ tə́ a reēsí noó, ā ī-nujiī nujə kə́ to ɓōĺ ngá̰ý.

JEREMI 4:6

Ə́laī dərapóo dɔɔ́ kum kə̄ Siyo̰. Āw̄ ī-ɓɔ̄ɔ̄ī rɔ̄sí, ī-lōōī dəba róbó. I yá̰á̰ kə́ to kum kaȳ aĺ n m̄-rāā kadə̄ ḭḭ dām̄ mbɔ́r ɓē kə́ ko̰ó̰ tə́ yā reē ní. Loo a nujə sák sák.

JEREMI 1:14

Kɔ́ɔ̄ɓē ədam̄ na: I dām̄ mbɔ́r ɓē kə́ ko̰ó̰ tə́ n yá̰á̰ kə́ to kum kaȳ aĺ a teē tū tə́ yā rāā de kə́ kem ɓēé gə̄ malang ní.

IJAI 8:15

Ni a tə́gā nja de gə̄ ngá̰ý, kadə̄ a əsōn̄ ō, a tétə̄n̄ rárák kɔ̄ɔ́ ō. Gūmbə̄ a əhɔdə́ ō, a asən̄ teē kum tə́ aĺ ō.

KOHELET 9:11

M-á̰á̰ yá̰á̰ kə́ rang gə̄ ngá̰ý dɔ nang tə́ ɓáý to̰. Ngé ka̰ȳ ngɔ̄də̄ ngá̰ý gə̄ ngɔ̄dən̄ tɔy madə̄də́ gə̄ dejə loo nējə̄ naā ngɔ̄də̄ tə́ aĺ ō, i de kə́ ngan̄g gə̄ n a tetən̄ rɔ̄ɔ̄ dejə ní aĺ ō, i de kə́ kumən edə̄ tɔȳ madə̄n gə̄ n a ənge yá̰a̰ kəsa ngándáńg ní aĺ ō, i de kə́ ger̄ najə̄ yān i ngá̰ý tɔȳ yā madə̄n gə̄ n yá̰a̰ kənge yān i ngá̰ý dejə ní aĺ ō, i ngé ger̄ yá̰á̰ ngá̰ý gə̄ n de gə̄ a ɔsən̄ gondə́ ngándáńg ní aĺ ō. Tɔdɔ̄ nin̄ malang ní, kə́rēý gə̄ anī nel̄ de gə̄ sedə́ ō, kə́rēý gə̄ anī yá̰á̰ kə́ to kum kaȳ aĺ rāādə́ ō.

PĀ GƏ̄ 27:2

Ré ngé ndāńg gə̄ ənīmə̄n̄ rɔ̄ɔ̄ yā rə́yām̄ naā tə́ anī, i nin̄ kɔ́ gə̄ madə̄ kɔ̄lə̄ḿ gə̄ ō, madə̄ ba̰ā̰ḿ gə̄ ō n njadə́ a tə́gā naā ō, a téē tə́sōn̄ ō ní.

DANIEL 11:22

Ngé rɔ̄ɔ̄ gə̄ ń a reēn̄ yā taā loo ní a asən̄ tetən rɔ̄ɔ̄ alé, ni a rējə̄də́ malang ō, a tɔ̄l̄ ngār kógə̄ḿ yā gír de gə̄ ń Nə́ɓā əhɔ madə̄ naā sedə́ ní ō.

2 MBAN̄G 23:29

I kem ɓāl̄ ko̰o̰ ɓē yān tə́ n Parao̰ Neko, mban̄g kə́ Ejiptə, aw̄ń kə ngé rɔ̄ɔ̄ yān gēé kum kə̄ bā Opəratə tə́ yā kaw̄ dḭḭ̄ń mban̄g kə́ Asiri ní. Mban̄g Josias gḛy kɔgə̄ de kə́ Ejiptə tə́ gə̄ mān̄, adə̄ dan ń Parao̰ a̰a̰n Megido ní tɔ̄lən.

2 MBAN̄G 24:7

Mban̄g kə́ Ejiptə tə́ teē loo to̰ alé, tɔdɔ̄ əla gír i man̄ kə́ Ejiptə tə́ bátə́ ugə̄ń bā Opəratə tə́ ní, mban̄g kə́ Babilon taā yá̰a̰ malang ń kété i yā mban̄g kə́ Ejiptə ní jīn tə́ kɔ̄ɔ́.