JEREMI 46:5 - Bibəl ta Sar̄

⁵ I tām̄ rí tə́ á m-á̰á̰də́ ra a ndewn̄ ní? Nin̄-télən̄ kə gōdə́. Ɓōĺ əsō kə̄ loo gə̄ tə́ malang. Najə̄ ń Kɔ́ɔ̄ɓē əda ní n noó.

Bible sar

⁵ I tām̄ rí tə́ á m-á̰á̰də́ ra a ndewn̄ ní? Nin̄-télən̄ kə gōdə́. Ɓōĺ əsō kə̄ loo gə̄ tə́ malang. Najə̄ ń Kɔ́ɔ̄ɓē əda ní n noó.

JEREMI 46:5 Referans Kwoze

JEREMI 49:29

De gə̄ taān̄ tandā yādə́ gə̄ ō, ɓūtə̄ yá̰a̰ kul̄ yādə́ gə̄ ō, kūbə̄ kə́ hɔɔ́lɔ̄ yādə́ gə̄ ō, ngáń gájə́ yá̰a̰ rāā kəla yādə́ gə̄ malang ō, jīdə́ tə́ kɔ̄ɔ́. Əhɔn̄ jámbal yādə́ gə̄ aw̄n̄neé ba ədan̄ dɔdə́ na: Loo malang i ɓōĺ.

JEREMI 6:25

Ī-lōō teē kaw̄ bembeé ō, ī-dáȳ kum róbó aĺ ō, tɔdɔ̄ kaskar yā madə̄ ba̰ā̰í əla ɓōĺ kem de gə̄ tə́ kə̄ loo gə̄ tə́ malang.

JEREMI 46:21

Áskar kə́ ngé rɔ̄ɔ̄ gír naraá ɓēé looneé gə̄ ton̄ tītə̄ ngán man̄g kə́ yembə majə gə̄ beé. Nin̄ gə̄gē a tūrə̄n̄ gándə́də́ yā ka̰ȳ naā tə́ malang. A ran̄ gotoó alé. Tɔdɔ̄ kə́ rɔ̄kum gə̄ tə́ ní, ndɔ̄ ń kadə̄ nujəneé sák sák kɔ̄ɔ́ tə́ ní ugə̄. I ndɔ̄ ń m-ā m-ādə̄ a ɔjəmən̄neé kəla rāādə́ gə̄ ní.

NAHUM 2:8

Madə̄ ba̰ā̰ gə̄ unən̄ yá̰á̰ kə́ tɔ́sə̄ kum gotə nə́ɓā kə́ dəyá̰ kɔ̄ɔ́, ba aw̄n̄ seneé dɔ ɓē kə́ rang tə́ dɔ gúú tə́. Dəyá̰ kə́ ngé ndɔ̄yn gə̄ nōōn̄ tītə̄ dér dum gə̄ beé. Nin̄ əndān̄ wurdə́ par par ɔjənə̄ń kadə̄ rɔ̄də́ nel̄də́ alé.

EJEKIEL 32:10

Rɔ̄ gír de gə̄ ngá̰ý a nel̄də́ alé najə̄ yāí tə́. Dan ń m-ā m-ə̄nī kaskar yāḿ no mban̄g yādə́ gə̄ tə́ anī, ndíl mban̄g yādə́ gə̄ a a̰ȳ. Ndɔ̄ ń ḭ̄ ā ə̄sōń tə́ ní, a asədə́ nin̄ ndew alé, tām̄ nin̄ kógə̄ḿ kógə̄ḿ ní a ɓōlə́n̄ tām̄ yā rɔ̄də́ nin̄ kɔ́ gə̄ tə́.

JEREMI 46:15

I rí kə́ beē, Apis a̰ȳ kɔ̄ɔ́, bəra man̄g yāí ra gotoó alé. Kɔ́ɔ̄ɓē mbəren kə̄ gogə́,

JEREMI 20:10

M-ōō najə̄ kə́ to ka̰ȳ ndíl gə̄ ń kósə de gə̄ ɔrə̄n̄ ní, nin̄ ədan̄ na: Ɓōĺ kə́ al̄ naā i kə̄ loo gə̄ tə́ malang. Ī-teēī kə gírneé ndágá, j-a jə-teēī kə gírneé. Madə̄ taḿ gə̄ ń m̄-gḛydə́ ngá̰ý ní ngóōn̄ taḿ sḛḛ yā ka̰a̰ ké tɔ́gə́ḿ a gətóo i rə́ngáý tə́ wa. Nin̄ ədan̄ na: Majanī yá̰á̰ kógə̄ḿ a gól̄ mbóo deē ń noō ngɔr, kadə̄ j-a jə-rāāī yá̰á̰ ń kemjí ndigə ní ta ō, j-a jə-rāāī ba̰ā̰ seneé ō.

IJAI 19:16

Ndɔ̄ kógə̄ḿ tə́ anī de kə́ Ejiptə gə̄ a ton̄ tītə̄ dəyá̰ gə̄ beé. Dan ń Kɔ́ɔ̄ɓē kə́ bo kə́ tɔ́gən i ngá̰ý a un jīn kə́ ɓir̄ yā kəlań ɓōĺ kemdə́ tə́ anī, ɓōĺ a rāādə́ kadə̄ a ndewn̄.

TA KƏLA 19:17

Dan ń teēn̄ sedə́ ndágá oy anī, de kə́ dɔ rā̰ tə́ kógə̄ḿ əda Lot na: Ā̰ȳ ájəń rɔ̄í. Ī-lōō mbel ka̰a̰ loo kə̄ gogə́ ō, ī-lōō dəba kum ndágə mdō tə́ ō, ba ā̰ȳ kum kə̄ mbalá na sōgə́ óy.

IJAI 5:25

I tām̄ najə̄ ń toō tə́ n wōn̄g rāā Kɔ́ɔ̄ɓē ngá̰ý kə gír deē yān gēé ní. Ni ɓir̄ jīn ba un kə̄ dɔɔ́ əndańdə́. Mbal̄ bo gə̄ ndewn̄, nīń de gə̄ to kə̄ kum róbə kɔsə gə̄ tə́ tītə̄ loo gə̄ kə́ kánə̄n̄ yá̰á̰ kə́ yḛr gə̄ tū tə́ beē. Yá̰a̰ malang ń noō rāā yá̰á̰ ɓá tā, banī wōn̄g yā Kɔ́ɔ̄ɓē tetə alé. Ni əhɔ jīn kə́ ɓir̄ dɔɔ́.

IJAI 13:8

Ndíĺdə́ a̰ȳ, gír rɔ̄ tōr̄ kə́ tayā tayā gə̄ malang rāādə́. Rɔ̄də́ tōr̄də́ ngá̰ý tītə̄ dəyá̰ kə́ a rāā kem beé. Ɔr kumdə́ ngá̰ý adə̄ nin̄ a̰a̰n̄ naā. Loo təngādə́.

IJAI 42:17

Ngé gə̄ ń ənīn̄ kemdə́ mámák adə̄n̄ ɓesə̄ gə̄ ní, ngé gə̄ ń ədan̄ yá̰a̰ yādə́ kə́ tɔ́sə̄ kum gotə yá̰a̰ gə̄ na: Nə́ɓā yājí gə̄ i sḭḭ̄ ní,

JEREMI 49:5

I beé tā anī, mā m-ā m-ə́la ɓōĺ kə́ ngá̰ý kemsí tə́ kə ta kūl̄ madə̄ ɓēsí gə̄. I Kɔ́ɔ̄ɓē, Nə́ɓā kə́ bo kə́ tɔ́gən i ngá̰ý n əda ní. A tə̄ndā tḭn̄sí kə̄ loo gə̄ tə́, yā kadə̄ náā nəkɔ́ ɓáa aw̄ súmūú kə̄ non tə́ ō, de kə́ yā kɔsə dɔ ngé ka̰ȳ naā gə̄ kə̄ naā tə́ a gətóo ō.

EJEKIEL 39:18

Ā ə́saī nīń go̰ rɔ̄ɔ̄ gə̄ ō, ā ā̰yī mósə ngār gə̄ kə́ dɔ nang tə́ laā ō. Nin̄ i yá̰á̰ kə́ tun̄ kum gotə bal batə̄ gə̄ ō, ngán batə̄ gə̄ ō, bal bə̄yā̰ gə̄ ō, kum gotə ngán man̄g kə́ yḛmbə gə̄ kə́ Basan ō.

NAHUM 2:9

Ninibə to i tītə̄ kār̄ kə́ man̄ kə́ kemeé də̄yā̰ kɔ̄ɔ́ malang beé. Deē kógə̄ḿ əga kɔŕ əda na: Ī-dəbaī, ī-dəbaī! Banī dan de gə̄ ń a a̰ȳn̄ naā tə́ ní, de kə́ mbel gətóo.

SOPONI 1:14

Dɔ ndɔ̄ kə́ bo yā Kɔ́ɔ̄ɓē i ngɔr. Dɔ̄ to ngɔr. Ndɔ̄ ní a reē i láẃ ngá̰ý. Ndɔ̄ ngeé ń noō tə́ ní, deē a oō kɔŕ kə́ to ɓōĺ ngá̰ý gə̄. De gə̄ kə́ wur kil yādə́ tɔȳ yā madə̄də́ gə̄ gə̄gē a ɓārə́n̄ yá̰a̰ kadə̄ dḭḭ̄n̄də́.