JEREMI 46:4 - Bibəl ta Sar̄

⁴ Ī-do̰ō̰ī púsə́ gír sə́nda gə̄ tə́. Sḭḭ̄ ngé kal̄ sə́nda gə̄, ālī dɔ sə́nda gə̄ tə́! Ī-raī kə ta naá kə jākā gində̄ yāsí gēé. Úsiī kum nənga yāsí gə̄ ādə̄ ndə́lēn̄ pipir. Ə́laī kūbə̄ gində̄ gə̄ rɔ̄sí tə́.

Bible sar

⁴ Ī-do̰ō̰ī púsə́ gír sə́nda gə̄ tə́. Sḭḭ̄ ngé kal̄ sə́nda gə̄, ālī dɔ sə́nda gə̄ tə́! Ī-raī kə ta naá kə jākā gində̄ yāsí gēé. Úsiī kum nənga yāsí gə̄ ādə̄ ndə́lēn̄ pipir. Ə́laī kūbə̄ gində̄ gə̄ rɔ̄sí tə́.

JEREMI 46:4 Referans Kwoze

JEREMI 51:3

Ādə̄ áskar kə́ nge kur gərā ō, kə́ nge rāā rɔ̄nel̄ kem kūbə̄ gində̄ yān tə́ ō, balsáá kə́ ngé rɔ̄ɔ̄ yān gə̄ ō oyn̄. Ī-tɔ̄lī ngé rɔ̄ɔ̄ yān gə̄ malang ādə̄mī.

EJEKIEL 21:28

De kə́ Jerusalem gə̄ gírə̄n̄ kadə̄ wə̄lā kə́ túgə̄ ń noō na a rāā yá̰á̰ kógə̄ḿ alé. Tām̄ túbə adə̄n̄də́ kadə̄ a ngɔ̄mə̄n̄də́. Banī mban̄g kə́ Babilon tə́ ter̄ kemdə́ dɔ ra ń nin̄ ran̄ dɔ ndūdə́ tə́ seneé aĺ ní tə́ ō, ni tāādə́ ədadə́ na n-a n-ɔydə́ yā kaw̄ sedə́ dɔ ɓē kə́ rang tə́ dɔ gúú tə́ ō.

NEHEMI 4:16

I dan ngeé ń noō tə́ n m-ə́dań ngán Israel gə̄ najə̄ ń toō ní. M-ə́dádə́ na: Sḭḭ̄ kógə̄ḿ kógə̄ḿ ní, ndɔ̄ɔ anī ī-toī Jerusalem kə ngé kəla yāsí gēé. Ndɔ̄ɔ́ anī ādə̄ j-əndāī ngé ngɔ̄m̄ loo gə̄ dɔjí tə́, banī kadaá anī jə-rāāī kəla malang.

2 YÁ̰A̰ GƏ̄ 26:14

Kə dɔ kaw̄də́ rɔ̄ɔ̄ tə́ gə̄ malang ń noō mban̄g a adə̄də́ der gə̄ ō, nənga gə̄ ō, jākā gində̄ gə̄ ō, kūbə̄ gində̄ gə̄ ō, ga̰ gərā gə̄ ō, mbal̄ kem bējə̄ gə̄ ō.

1 SAMUEL 17:38

Saul ɔy kūbə̄ rɔ̄ɔ̄ yān gə̄ tə́la rɔ̄ Dabid tə́. Ni-əla jākā gində̄ nə̄ngá kasə yān dɔn tə́ ō, kūbə̄ gində̄ yān rɔ̄n tə́ ō.

1 SAMUEL 17:5

Ni-o̰ō̰ jākā gində̄ nə̄ngá kasə dɔn tə́ ō, kūbə̄ gində̄ nə̄ngá kasə kə́ ngɔ́ɔn ndi gidə naā tə́ tītə̄ ngɔ́ɔ kānjə̄ ō. Kūbə̄ gində̄ ní kɔȳn asə kəlōo kutə mehḛ́.

JEREMI 51:11

Ɔ́liī ta kum gərā gə̄ ādī atə, Ɔ́yiī der gə̄ ō. Kɔ́ɔ̄ɓē ndól̄ ángal mban̄g gə̄ kə́ Medə tə́. A̰á̰ā̰, ni núm̄ rāā ń toō kə Babilon: I nujə seneé sák sák. I dal ba̰ā̰ yā Kɔ́ɔ̄ɓē, i dal ba̰ā̰ kə́ dɔ rā̰ tə́.

IJAI 8:9

Sḭḭ̄ gír de gə̄, ī-ndewiī ō, ādī ɓōĺ tɔ̄l̄sí kɔ̄ɔ́ ō! Sḭḭ̄ ɓē gə̄ ń ī-ndiī ta ngóy dɔ nang tə́ ní, ī-nēlī mbīsí majə! Ásiī kəndā dɔ rɔ̄sí danaá majə tām̄ yā rɔ̄ɔ̄ tə́, banī ɓōĺ to a ngóōsí noō. A̰á̰ā̰, ásiī kəndā dɔ rɔ̄sí danaá majə tām̄ yā rɔ̄ɔ̄ tə́, ba ɓōĺ to a ngóōsí noō!

JEREMI 46:14

Yá̰á̰ ń a rāā yā rāā yá̰á̰ ní Ə̄nīī mbēr̄də́ Ejiptə tə́, ə́daī ādə̄ de gə̄ oōn̄ Migədol ō, Mempis ō, Tapanes ō. Ədaī na: Ɔ̄r̄ dɔí dɔɔ́! Ī-ndi dɔ rɔ̄í tə́! Á̰a̰ā̰, kaskar nujə loo kə gō gidií.