JEREMI 46:27 - Bibəl ta Sar̄

²⁷ Ḭ̄ nge kəla yāḿ Jakob, ī-lōō ɓōĺ. Israel, ī-lōō ndebə. M-ā m̄-gān̄g dɔí jī ɓē kə́ sa̰y ngá̰ý gə̄ tə́ ō, m-ā m̄-gān̄g dɔ ngán kaaí gə̄ dɔ nang ń əhɔ aw̄n̄ sedə́ tū tə́ tə́ ní ō. Jakob tél a reē, ni ɓōĺ yá̰á̰ kógə̄ḿ aĺ bátə́. Ni-ndi jəke kanjə̄ sōl̄ yá̰á̰ kógə̄ḿ, de kə́ njə́ɓan̄ to̰ gətóo.

Bible sar

²⁷ Ḭ̄ nge kəla yāḿ Jakob, ī-lōō ɓōĺ. Israel, ī-lōō ndebə. M-ā m̄-gān̄g dɔí jī ɓē kə́ sa̰y ngá̰ý gə̄ tə́ ō, m-ā m̄-gān̄g dɔ ngán kaaí gə̄ dɔ nang ń əhɔ aw̄n̄ sedə́ tū tə́ tə́ ní ō. Jakob tél a reē, ni ɓōĺ yá̰á̰ kógə̄ḿ aĺ bátə́. Ni-ndi jəke kanjə̄ sōl̄ yá̰á̰ kógə̄ḿ, de kə́ njə́ɓan̄ to̰ gətóo.

JEREMI 46:27 Referans Kwoze

IJAI 43:5

Ī-lōō ɓōĺ, mā i naā tə́ seí. M-ā m̄-rāā ngání kə́ dūn̄ tə́ gə̄ kadə̄ tél reēn̄ gogə́, m-ā m-ɔ́ýdə́ no ɓē tə́ yā kɔsə dɔdə́ naā tə́.

IJAI 43:1

Israel ní, ngɔlaā ní Kɔ́ɔ̄ɓē ədaī yá̰á̰ ń toō, ni ń əndāī ō, rāāī ō ní: Ī-lōō ɓōĺ, m̄-gān̄g dɔí. m̄-ɓāríī kə rīí, ḭ̄ i yāḿ mā.

JEREMI 50:19

M-ā m̄-tél yā reē kə Israel dɔ mu kə́ mból̄ yān tə́. Ni a əsa mu kə́ Karmel ō, kə́ Basan ō, kə́ dɔ mbal̄ gə̄ kə́ Epəraim tə́ ō, kə́ Galaad tə́ ō, kadə̄ tɔ̄l̄ ɓōn.

JEREMI 29:14

ba m-ā m̄-rāā kadə̄ ə́ngemī. Najə̄ ń Kɔ́ɔ̄ɓē əda ní n noó. M-ā m̄-rāā kadə̄ ī-tél ī-ndiī gogə́ majə tītə̄ kə́ kété ō, m-ā m̄-teē sesí kɔ̄ɔ́ dan napár de gə̄ tə́ malang ō, kə gō loo gə̄ malang ō ń m̄-tə̄ndā m̄-tḭ̄ḭ̄sí tū tə́ ní yā kɔsə dɔsí naā tə́. M-ā m̄-tél yā reē sesí gogə́ loo ń m-ādə̄ əhɔn̄sí tū tə́ ba aw̄n̄ sesí ní. Najə̄ ń Kɔ́ɔ̄ɓē əda ní n noó.

AMOS 9:14

Israel gə̄ ń i gír deē yāḿ gə̄ ní, m-ā m̄-rāādə́ kadə̄ a tél a ndin̄ tītə̄ kə́ kété. Ɓē bo kə́ nujə kɔ̄ɔ́ gə̄ ní, nin̄ a télən̄ yā rāā gogə́ ō, a télən̄ yā ndi kem ɓē bo gə̄ ní tə́ gogə́ ō. Nin̄ a əhɔn̄ kāgə̄ nduú gə̄ ō, a a̰ȳn̄ kasə nduú ō. Nin̄ a ndɔrə̄n̄ ō, a əsan̄ yá̰á̰ kə́ ndɔrɔ́ ō.

JEREMI 33:16

Ɓāl̄ yān tə́ ní, ngán Juda gə̄ a ajən̄ ō, de kə́ Jerusalem gə̄ a ndin̄ kanjə̄ kadə̄ yá̰á̰ kógə̄ḿ a̰ȳ ndíĺdə́ ō. Rī ń de gə̄ a ɓārə́n̄neé Jerusalem ní n toó: Kɔ́ɔ̄ɓē i nge rāājí kadə̄ jə-téliī de kə́ gōtə́ gə̄.

JEREMI 23:6

Ɓāl̄ yān tə́ ní, ngán Juda gə̄ a ajən̄ ō, ngán Israel gə̄ a ndin̄ kanjə̄ sōl̄ yá̰á̰ kógə̄ḿ ō. Ōōī rī ń a ɓār̄nən̄neé ní: Kɔ́ɔ̄ɓē i gōtə́ yājí.

IJAI 44:2

Mā, Kɔ́ɔ̄ɓē ń m̄-rāāī ní, m-ə̄ɓāī pá tá kadə̄ ojiīn̄ ɓáý ní, m̄-reē dḭḭ̄ī tə́. Yá̰á̰ ń m-ə́dá ní n toó: Gír de gə̄ yā Jakob, ḭ̄ Yesurun, nge kəla yāḿ ń m̄-gə̄rāī ní, ī-lōō ɓōĺ.

JEREMI 32:37

M-ā m-ḭ́ḭ sedə́ kə gō ɓē gə̄ malang ń m̄-tə̄ndā m̄-tḭ̄ḭ̄də́ tū tə́ kə wōngōó ō, wōn̄g kə́ ngá̰ý ō, kə́ al̄ naā ngá̰ý ō ní yā kɔsə dɔdə́ naā tə́. M-ā m̄-tél yā reē sedə́ gogə́ loo ń toō tə́ ō, m-ā m-ə̄ndādə́ kadə̄ ndin̄ laā kanjə̄ kadə̄ yá̰á̰ kógə̄ḿ a̰ȳ ndíĺdə́ ō.

EJEKIEL 39:25

I beé ní, yá̰á̰ ń mā Kɔ́ɔ̄ɓē Nə́ɓā m-ə́dá ní n toó: Əla gír ngɔlaā ní, kumḿ a o̰o̰m̄ tām̄ yā Israel gə̄ tə́, kumḿ a o̰o̰m̄ tām̄ yā ngé gə̄ ń Jakob ojədə́ ní tə́. M-ā m̄-tél kə dəngáy yādə́ gēé yā reē sedə́ gogə́ ō, m-ā m̄-rā kə de gə̄ malang ta ɓōĺ gidə rīḿ kə́ táĺ ō.

EJEKIEL 36:24

M-ā m-ɔ̄r̄sí kɔ̄ɔ́ dan nápar de gə̄ tə́ ō, m-ā m-ɔ́ýsí kem ɓē gə̄ ń ī-ndiī tū tə́ ní tə́ yā kɔsə njasí naā tə́ ba reē sesí gogə́ dɔ nang yāsí tə́.

IJAI 14:3

Israel, ndɔ̄ kógə̄ḿ tə́ anī, Kɔ́ɔ̄ɓē a adī kadə̄ ɔ̄r̄ koō gō ka̰a̰ tápə̄ yāí tə́, gō yá̰a̰ gə̄ ń nā̰ā̰īn̄ tə́ ní ō, gō kəhɔń əhɔīn̄ ɓəlo kə́ ngan̄g adə̄ ī-ger̄ tə́ ní ō.

IJAI 44:1

Ba ngɔlaā ní, gír de gə̄ yā Jakob, nge kəla yāḿ Israel, ḭ̄ ń m̄-gə̄rāī ní, ōō.

JEREMI 51:46

Ādə̄ tɔ́gə́sí ur̄ wak aĺ ō, ī-ɓōlíī najə̄ kə́ ɓār̄ sow kə́ ɔsə gō naā kə dɔ ɓāl̄ gə̄ kem ɓēé aĺ ō. Yá̰á̰ kə́ rāā kə dɔ́nɔ́ taā kem ɓē ō, nge ko̰o̰ ɓē kə́ rāā de gə̄ majaĺ tə̄ɓā madə̄n ba o̰o̰ń ɓē gotən tə́ ō.

EJEKIEL 16:53

M-ā m̄-tél yā rāā ɓē gə̄ ní gogə́ rang: M-ā m̄-rāā ɓē kə́ Sodom ō, ngán ɓē kə́ kadə tə́ gə̄ ō kadə̄ tél majən̄ gogə́ rang. Gō tə́ anī m-ā m̄-tél yā rāāī ḭ̄ Samari kadə̄ ī-tél ī-majə gogə́ rang ō.