JEREMI 46:22 - Bibəl ta Sar̄

²² Dan ń ni oō kōō de kə́ a njə̄rā kə tɔ́gəneé anī, a̰ȳ kanjə̄ kadə̄ kōōn ɓār̄ tītə̄ yā lī beé. De gə̄ a reēn̄ kə̄ rɔ̄n tə́ kə kə̄ngāá tītə̄ ngé tə́gā kāgə̄ gə̄ beé.

Bible sar

²² Dan ń ni oō kōō de kə́ a njə̄rā kə tɔ́gəneé anī, a̰ȳ kanjə̄ kadə̄ kōōn ɓār̄ tītə̄ yā lī beé. De gə̄ a reēn̄ kə̄ rɔ̄n tə́ kə kə̄ngāá tītə̄ ngé tə́gā kāgə̄ gə̄ beé.

JEREMI 46:22 Referans Kwoze

IJAI 29:4

Ā ə̄sō gírí nang tə́ ngá̰ý, adə̄ ndūí a ɓār̄ tītə̄ kə́ teē i gíŕ nángāá beē. Ndūí ní a teē dan bumbə́rú tə́ i sḛ́ý beē adə̄ loo koōn ngan̄g ngá̰ý. To tītə̄ kə́ teē i gíŕ nángāá tītə̄ ndū ndíl de kə́ tɔ́gən gətóo kə́ a ɔr̄ najə̄ kum bumbə́rú tə́ beē.

IJAI 14:8

Kāgə̄ gə̄ gə̄gē rāān̄ rɔ̄nel̄ najə̄ yá̰á̰ ń rāāī tə́ ní. Kāgə̄ sipəres gə̄ ō, kāgə̄ sedər gə̄ kə́ Liban tə́ ō, ədan̄ na: Əla gíŕ jóo nəkɔ́ ń ī-toń ɓádá toó ní, de kə́ al̄ reē gōjí tə́ tə́gājí to̰ gətóo.

JAKARI 11:2

Sḭḭ̄ kāgə̄ sipəres gə̄, ī-nōōī ādə̄ oōn̄ ndūsí, tɔdɔ̄ kāgə̄ sedər gə̄ tə́sōn̄ kɔ̄ɔ́. Nujən̄ kāgə̄ kə́ majə ngá̰ý gə̄ ń noō kɔ̄ɔ́. Sḭḭ̄ kāgə̄ sén gə̄ kə́ Basan, ī-nōōī ādə̄ oōn̄ ndūsí, tɔdɔ̄ nujən̄ ku kāgə̄ yāsí kə́ nder̄ nginding kɔ̄ɔ́.

MISE 7:16

Nápar de gə̄ a a̰a̰n̄də́. Tɔ́gə́də́ i ngá̰ý ɓá tā, banī rɔ̄də́ a sɔl̄də́. Nin̄ a gerə̄n̄ yá̰á̰ kə́ yā kəda aĺ ō, a gḛyn̄ koō yá̰á̰ kógə̄ḿ aĺ ō.

MISE 1:8

I tām̄ najə̄ ń toō tə́ n m-ā m-ún pā yo ō, m-ā m̄-nōō ō ní. M-ā m̄-njə̄rā njaḿ karī kanjə̄ sākə̄rā ō, kanjə̄ kūbə̄ rɔ̄ḿ tə́ ō. M-ā m̄-nōō tītə̄ tal̄ ō, m-ā m̄-nōō tītə̄ burum ō.

IJAI 37:24

Mā ń i Kɔ́ɔ̄ɓē ní, ī-tájə̄m̄ kə ta kūl̄ najə̄ kə́ ə̄ndā ta ngé kəla yāí gə̄ tə́. Ḭ̄ ə́da na: Mā Senakerib, m-āl̄ dɔ mbal̄ bo gə̄ tə́ dɔɔ́ kə púsə rɔ̄ɔ̄ yāḿ gə̄ kə́ ngá̰ý, m-āw̄ bátə́ m-ūgə̄ dɔ mbal̄ Liban tə́ dɔɔ́. Kāgə̄ sédər yān gə̄ kə́ majən̄ tɔȳ madə̄ gə̄ ní m̄-tə́gādə́ kɔ̄ɔ́ ō, kāgə̄ sipəres yān gə̄ kə́ majən̄ tɔȳ madə̄ gə̄ ní m̄-tə́gādə́ ō. Mbal̄ bo yān kə́ ngāl̄ tɔȳ madə̄ gə̄ ní, m-āw̄ m-ūgə̄ tū tə́ ō, ku kāgə̄ yān kə́ majə tɔȳ madə̄ gə̄ ní, m-āw̄ m-ūgə̄ tū tə́ ō.

IJAI 10:15

Kə̄ngā ənda kadən kum gotə nge kunən tə́gań yá̰a̰ a? Gində̄ kəja kāgə̄ ɔjə rɔ̄n kum gotə nge kunən kəjań kāgə̄ a? To tītə̄ kə́ i ndéy n i nge rāā kadə̄ jī kə́ kunən unən dɔɔ́ beé, aláa i tītə̄ kə́ i sálang kāgə̄ n i nge kɔr no jī kə́ nge kəhɔn beé.

JOJUE 9:21

J-a j-əya̰īdə́ kadə̄ ndin̄ kə kumdə́, ba j-a j-əndāīdə́ ta kəla sāā kīr̄ tə́ ō, kɔdə man̄ tə́ ō, tām̄ yājí tə́. Yá̰á̰ ń ngāgəra dɔ ngán Israel gē ndigən̄ rāā ní n nuú.

PĀ GƏ̄ 74:5

Nin̄ əhɔn̄ kə̄ngā yādə́ gə̄ dɔɔ́ tītə̄ ngé ra kem ku tə́ yā tə́gā kāgə̄ beé.

JEREMI 46:21

Áskar kə́ ngé rɔ̄ɔ̄ gír naraá ɓēé looneé gə̄ ton̄ tītə̄ ngán man̄g kə́ yembə majə gə̄ beé. Nin̄ gə̄gē a tūrə̄n̄ gándə́də́ yā ka̰ȳ naā tə́ malang. A ran̄ gotoó alé. Tɔdɔ̄ kə́ rɔ̄kum gə̄ tə́ ní, ndɔ̄ ń kadə̄ nujəneé sák sák kɔ̄ɔ́ tə́ ní ugə̄. I ndɔ̄ ń m-ā m-ādə̄ a ɔjəmən̄neé kəla rāādə́ gə̄ ní.

JEREMI 46:23

Ká ré ku kāgə̄ yān nderə̄ń tītə̄ rí gə̄gē anī, ī-tə́gāī kāgə̄ gə̄ kə́ tū tə́ kɔ̄ɔ́. Najə̄ ń Kɔ́ɔ̄ɓē əda ní n noó. Kutədə́ i ngá̰ý tɔȳ yim̄ gə̄, adə̄ deē asə tə́dádə́ alé.