JEREMI 46:19 - Bibəl ta Sar̄

¹⁹ Ejiptə gə̄, ī-kánī yá̰a̰ mbā yāsí gə̄ na a əhɔn̄sí yā kaw̄ sesí dɔ nang kə́ rang tə́. Mempis a téĺ ndágə loo kə́ to kum ko̰ ō, ɓē kə́ hor nujəń ō, kə́ deē gətóo tū tə́ ō.

Bible sar

¹⁹ Ejiptə gə̄, ī-kánī yá̰a̰ mbā yāsí gə̄ na a əhɔn̄sí yā kaw̄ sesí dɔ nang kə́ rang tə́. Mempis a téĺ ndágə loo kə́ to kum ko̰ ō, ɓē kə́ hor nujəń ō, kə́ deē gətóo tū tə́ ō.

JEREMI 46:19 Referans Kwoze

IJAI 20:4

Mban̄g kə́ Asiri a əhɔ de kə́ Ejiptə tə́ gə̄ dəngáy ō, a ɔy de kə́ Etiopi gə̄ yā kaw̄ sedə́ dɔ ɓē kə́ rang tə́ dɔ gúú tə́ ō. Ni a ɔy balsáa gə̄ ō, de kə́ tɔgə gə̄ ō, yā kaw̄ sedə́ kanjə̄ kūbə̄ rɔ̄də́ tə́ ō, da njadə́ karī ō, rɔ̄də́ karī ō. Nge ń noō i rɔ̄sɔl̄ kə́ tām̄ yā de kə́ Ejiptə gə̄ tə́.

JEREMI 48:18

Sḭḭ̄ de kə́ Dibon gə̄, ī-risiī dɔ yá̰á̰ kə́ to kɔsə gɔn yāsí tə́ ō, ī-ndiī kə kəndā maná ō. Nge nujə kə ɓē kə́ Moab sák sák aw̄ kənīsí rɔ̄ɔ̄ tə́, ni nujə ɓē yāsí kə́ ngan̄g ngá̰ý gə̄ kɔ̄ɔ́.

EJEKIEL 30:13

Najə̄ ń mā Kɔ́ɔ̄ɓē Nə́ɓā m-ə́dá ɓáý to̰ ní n toó: M-ā m̄-rāā kadə̄ ɓesə̄ gə̄ gətóon̄ kɔ̄ɔ́ ō, m-ā m̄-rāā kadə̄ yá̰á̰ kə́ tɔ́sə̄ kum gotədə́ gə̄ ń ton̄ kem ɓē kə́ Mempis tə́ ní gətóon̄ kɔ̄ɔ́ ō. Ngār gə̄ a ton̄ dɔ nang kə́ Ejiptə tə́ to̰ aĺ ō, m-ā m-ə́la ɓōĺ kem de gə̄ tə́ kem ɓēé malang kə taá ō.

JEREMI 44:1

Kɔ́ɔ̄ɓē əndā najə̄ ta Jeremi tə́ kadə̄ ɔr̄ kə Juda gə̄ malang ń aw̄ ndin̄ Ejiptə tə́ adə̄ i kem ɓē kə́ Migədol tə́ ō, Tapanes tə́ ō, Mempis tə́ ō, gō nang kə́ Patəros tə́ ō ní:

SOPONI 2:5

I yá̰á̰ kə́ to kum kaȳ aĺ kə́ ba̰ý beē tām̄ yāsí sḭḭ̄ de kə́ Kapətor gə̄ ń ī-ndiī kadə̄ bā bo tə́ ní! Sarya ń Kɔ́ɔ̄ɓē gān̄g dɔsí tə́ ní n toó: Ḭ̄ Kanaan, dɔ nang yā Pilistin gə̄, m-ā m̄-nujiī kɔ̄ɔ́, m-ā m̄-taā deē yāí gə̄ jīí tə́ kɔ̄ɔ́.

JEREMI 34:22

M-ā m-ādə̄də́ ndūḿ kadə̄ tél reē rɔ̄ɔ̄n̄ ɓē ń toō. A ənīnən̄ rɔ̄ɔ̄ ō, a əsō kem jīdə́ tə́ ō, a əlan̄ hor dɔ tə́ ō. M-ā m̄-rāā kadə̄ ɓē gə̄ kə́ Juda télən̄ loo kə́ to kum ko̰ gə̄ ō, kə́ de gə̄ gətóon̄ tū tə́ gə̄ ō.

JEREMI 26:9

Tām̄ ɔ̄r̄ najə̄ kə rī Kɔ́ɔ̄ɓēé əda na: Kújə́ ń toō na a to tītə̄ Silo ō, ɓē ń toō na a nujə sák sák ō, de kə́ kemeé gə̄ na a gətóon̄ kɔ̄ɔ́ ō. Loo ń noō tə́ de gə̄ malang kə́ kem ɓēé kánə̄n̄ naā kə̄ dɔ Jeremi tə́ kem kújə yā Kɔ́ɔ̄ɓē tə́.

IJAI 19:13

Ngār gə̄ kə́ Soan télən̄ ngé kɔ̄r̄ gə̄, i ngār gə̄ kə́ kem ngán ɓē kə́ ndágá tə́ n ndɔ́rə̄n̄ ɓē kə́ Ejiptə aw̄n̄ seneé dɔ róbə́ kə́ majaĺ tə́ ní.

JEREMI 46:14

Yá̰á̰ ń a rāā yā rāā yá̰á̰ ní Ə̄nīī mbēr̄də́ Ejiptə tə́, ə́daī ādə̄ de gə̄ oōn̄ Migədol ō, Mempis ō, Tapanes ō. Ədaī na: Ɔ̄r̄ dɔí dɔɔ́! Ī-ndi dɔ rɔ̄í tə́! Á̰a̰ā̰, kaskar nujə loo kə gō gidií.

EJEKIEL 29:11

Deē aké dā̰ kə́ yā mān̄ loo ń noō tə́ a gətóo ō, ɓē kə́ Ejiptə a rāā ɓāl̄ kutə sɔ́ kanjə̄ kadə̄ deē kógə̄ḿ i kemeé ō.

EJEKIEL 29:12

M-ā m̄-rāā ɓē kə́ Ejiptə kadə̄ tél dəla loo kə́ ndágə doy tɔȳ gotə dəla loo gə̄ malang. Ɓē yān gə̄ a nujən̄ tɔȳ gotə ɓē gə̄ malang. M-ā m̄-rāā de kə́ Ejiptə gə̄ kadə̄ a tḭ̄ḭ̄n̄ naā kə̄ loo gə̄ tə́ kə̄ dan nápar de gə̄ tə́ ō, bátə́ ɓāl̄ kutə sɔ́.

OJEE 9:6

Dan ń ā ī-teēī kɔ̄ɔ́ kem ɓē yāsí kə́ nujə tə́ anī, ɓē kə́ Ejiptə a əhɔsí kə̄ rɔ̄n tə́, banī ɓē kə́ Mempis a tél i bəlo yosí. Mu kə́ majaĺ gə̄ a ɔrən̄ rɔ̄ɔ̄ dɔ yá̰a̰ yāsí gə̄ kə́ gātə̄də́ i ngá̰ý tə́, túpə kōn̄ gə̄ a taān̄ loo kem kújə yāsí gə̄ tə́.