JEREMI 46:18 - Bibəl ta Sar̄

¹⁸ Mban̄g ń rīn na i Kɔ́ɔ̄ɓē kə́ bo kə́ tɔ́gən i ngá̰ý ní əda na: Tītə̄ ń m̄-ndiń kə kumḿ noō, ni a reē, a to i tītə̄ mbal̄ Tabor kə́ ra dan mbal̄ madə̄n gə̄ tə́ beē ō, i tītə̄ mbal̄ Karmel kə́ ra dan bā bo tə́ beē ō!

Bible sar

¹⁸ Mban̄g ń rīn na i Kɔ́ɔ̄ɓē kə́ bo kə́ tɔ́gən i ngá̰ý ní əda na: Tītə̄ ń m̄-ndiń kə kumḿ noō, ni a reē, a to i tītə̄ mbal̄ Tabor kə́ ra dan mbal̄ madə̄n gə̄ tə́ beē ō, i tītə̄ mbal̄ Karmel kə́ ra dan bā bo tə́ beē ō!

JEREMI 46:18 Referans Kwoze

JEREMI 48:15

Nge nujə kə dɔ nang kə́ Moab sák sák aw̄ kə̄ kənī ɓē yān gə̄ rɔ̄ɔ̄ tə́. Balsáa kə́ kɔl watang gə̄ kə́ Moab a aw̄n̄ kə̄ ta yo tə́. I mban̄g ń rīn na i Kɔ́ɔ̄ɓē kə́ bo kə́ tɔ́gən i ngá̰ý ní n əda ní.

NGÉ SARYA 4:6

Ndɔ̄ kə́rēý tə́ anī Debora əla gō Barak ngōn̄ Abinoam tə́ kem ɓē kə́ Kedes tə́, dɔ nang yā Nepətali tə́, ba ədan na: Yá̰á̰ ń Kɔ́ɔ̄ɓē Nə́ɓā yā Israel gə̄ əndā dɔí tə́ kadə̄ ī-rāā ní n toó: Āw̄ ɔ́y de gə̄ dūbú kutə dan ngán Nepətali gə̄ tə́ ō, Jabulo̰ gə̄ tə́ ō, ba āw̄ sedə́ dɔ mbal̄ Tabor tə́.

JOJUE 19:22

Dɔ nin̄ ní teē Tabor ō, Sahasim ō, Bet Semes ō, ba ta tɔ̄l̄ tan i bā Jurdḛ tə́. Ɓē gə̄ kə́ dɔ nang ní tə́ i kutə gidə i mehḛ́ ō, ngán ɓē gə̄ ndin̄ kə gō gididə́ ō.

MALASI 1:14

Majanī deē kógə̄ḿ aw̄ kə́ dā̰ kə́ majə gə̄ dan yá̰a̰ kul̄ yān gə̄ tə́. Ré deē ní ənī ndūn ō, ndējə̄m̄ dā̰ kə́ majaĺ ō anī, yá̰á̰ kə́ to kum kaȳ aĺ a reē dɔ kɔ́ɔ̄ tə́! Tām̄ mā Kɔ́ɔ̄ɓē kə́ bo kə́ tɔ́gə́ḿ i ngá̰ý m-ə́da na: Mā i mban̄g kə́ bo ō, nápar de gə̄ ɓōlə́n̄ tɔ́gə́ḿ ō.

IJAI 48:2

Tá sḭḭ̄ ā ī-ɓāríī naā na i ngé ndi kem ɓē kə́ táĺ tə́ gə̄ ō, ā ə̄ndāī tɔ́gə́sí i dɔ Nə́ɓā yā Israel ń rīn na i Kɔ́ɔ̄ɓē kə́ bo kə́ tɔ́gən i ngá̰ý ní tə́ ō. Sḭḭ̄ ōōī najə̄ ń toō:

IJAI 47:4

Rī nge kɔr̄jí ɓəloó na i Kɔ́ɔ̄ɓē kə́ bo kə́ tɔ́gən i ngá̰ý, kə́ táĺ yā Israel.

PĀ GƏ̄ 89:12

Dɔ rā̰ i yāí ō, dɔ nang i yāí ō! I ḭ̄ n i nge kəndā loo kə́ dɔɔ́ ō, kə́ nang tə́ ō, yá̰a̰ malang kə́ kemeé ō ní.

1 TIMOTE 1:17

Mban̄g kə́ nge ndi kə dɔ ɓāl̄ gə̄ ɓāl̄ gə̄ ń i Nə́ɓā kə́ a oy aĺ ō, kum deē a̰a̰n aĺ ō, ni i kal kógə̄ḿ beē ō ní, ādə̄ de gə̄ rɔȳnən̄ ō, ɔsən̄ gɔnən ō, kə dɔ ɓāl̄ gə̄ ɓāl̄ gə̄. Adə̄ i tītə̄ ń noō!

MATIYE 5:35

Ī-túbə kə dɔ nangaá alé, tɔdɔ̄ i bogəro kəndā njan. Ī-túbə kə rī Jerusalem alé, tɔdɔ̄ i ɓē yā Mban̄g kə́ bo.

JEREMI 51:17

De gə̄ malang télən̄ de kə́ mbóo gə̄ sɔɔ̄ń yá̰a̰ ger̄ yādə́, rɔ̄ ngé rāā kəla lɔ́r gə̄ sɔl̄də́ najə̄ ɓesə̄ yādə́ tə́. Ɓesə̄ yādə́ kə́ tɔ́sə gə̄ i yá̰a̰ kə́ rɔ̄kum alé, koō gətóo kemdə́ tə́.

JEREMI 44:26

I beé ní, sḭḭ̄ Juda gə̄ ń ī-ndiī Ejiptə ní ōōī najə̄ yā Kɔ́ɔ̄ɓē: m̄-túbə kə rīḿ kə́ boó kadə̄ najə̄ ń na Kɔ́ɔ̄ɓē ndi noó kə kumneé ní, Juda kógə̄ḿ kə ndi gō nang kə́ Ejiptə a əda tan tə́ to̰ aĺ i kə́ bátə́ gə̄ tə́.

JEREMI 10:10

Banī Kɔ́ɔ̄ɓē Nə́ɓā i Nə́ɓā rɔ̄kum, i Nə́ɓā kə́ ndi kə kumneé ō, i mban̄g kə́ ndi ngándáńg ō. Dan ń wōn̄g rāān anī, dɔ nang ndebə. Nápar de gə̄ asən̄ yá̰á̰ sḛ́ý ta wōn̄g yān kə́ ngá̰ý tə́ alé.

JOJUE 12:22

Kedes Yokəneam kə́ Karmel ō,

JEREMI 51:57

M-ādə̄ de kə́ bo yān gə̄ ō, kum kɔ̄ɔ́ yān gə̄ ō, ngé ko̰o̰ ɓē yān gə̄ ō, ngé rāā sarya yān gə̄ ō, go̰ rɔ̄ɔ̄ yān gə̄ ō, kasə nduú adə̄ rāādə́. Nin̄ a ɓīīn̄ ɓīī kə́ njɔ́ḿ gə̄ tə́ ō, a ndólə̄n̄ to̰ aĺ ō. I Mban̄g ń rīn na i Kɔ́ɔ̄ɓē kə́ bo kə́ tɔ́gən i ngá̰ý ní n əda najə̄ ń noō ní.

NGÉ SARYA 4:12

Sisəra oō kadə̄ Barak ngōn̄ Abinoam al̄ dɔ mbal̄ Tabor tə́.

JEREMI 4:7

Ɓɔl teē loo ton tə́, nge nujə kə nápar de gēé əsō róbó a reē. Ni teē loo ton tə́ yā kənī yá̰á̰ kə́ to kum ko̰o̰ dɔ ɓē yāí tə́. A əlan̄ hor dɔ ɓē yāí gə̄ tə́, de kə́ kemeé gə̄ a gətóon̄ kɔ̄ɔ́ malang.

JEREMI 4:13

Á̰a̰ī, madə̄ ba̰ā̰jí n a reē tītə̄ kil̄ man̄ yā kənījí rɔ̄ɔ̄ toó. Púsə rɔ̄ɔ̄ yān gə̄ ton̄ tītə̄ nél balway. Sə́nda yān gə̄ ɔlən̄ tɔȳ kə̄rō. Jḭḭ̄ i kə rɔ̄ tō ndoó tɔdɔ̄ nujən̄ sejí sák sák kɔ̄ɔ́.

JEREMI 10:16

Nə́ɓā yā Jakob to tītə̄də́ alé. I ni n i nge rāā yá̰a̰ malang ō, Israel i gír de gə̄ ń nin̄ i yá̰a̰ kənge yān ní ō. Rīn na i Kɔ́ɔ̄ɓē kə́ bo kə́ tɔ́gən i ngá̰ý.

AMOS 4:13

I ni n rāā mbal̄ bo gə̄ ní. Ni-rāā nél ō, ɔjə deē ndul gə̄ yá̰a̰ gə̄ ń ni núm̄ rāā ní ō. Ni-rāā loo kə́ dəloí kə́ unjə̄ kow adə̄ tél loo kə́ ndɔ̄ɔ́ ō, njə̄rā dɔ loo kə́ kḭḭ kə̄ dɔɔ́ gə̄ kə́ dɔ nang tə́ tə́ ō. Rīn na i Kɔ́ɔ̄ɓē, Nə́ɓā kə́ kɔ́ɔ̄ dɔ rā̰ ō dɔ nang ō.