JEREMI 46:17 - Bibəl ta Sar̄

¹⁷ De gə̄ a ɓārə́n̄ Parao̰, mban̄g kə́ Ejiptə tə́ na i kōō yá̰á̰ kə́ ɓār̄ ngá̰ý kanjə̄ kumən.

Bible sar

¹⁷ De gə̄ a ɓārə́n̄ *Parao̰, mban̄g kə́ Ejiptə tə́ na i kōō yá̰á̰ kə́ ɓār̄ ngá̰ý kanjə̄ kumən.

JEREMI 46:17 Referans Kwoze

1 MBAN̄G GƏ̄ 20:10

Ben Hadad əla əda na: Ré bumbə́rú kə́ Samari asə kadə̄ de gə̄ malang ń dānə̄mə̄n̄ ní əngen̄ asə kem jīdə́ kógə̄ḿ kógə̄ḿ anī, ādə̄ nə́ɓā gə̄ rāāmə̄n̄ yá̰á̰ kə́ tōr̄ kə́ beē ba tél rāāmə̄n̄ nge kə́ beē.

Teē Ngán Israel gə̄ 15:9

Madə̄ ba̰ā̰jí gə̄ ədan̄ na n-a n-ngɔ̄də̄n̄jí yā kəhɔjí, na n-a n-kēgə̄n̄ naā yá̰a̰ kənge yājí gə̄, na n-a n-ɔyn̄ kadə̄ mān̄ dɔ ɓōn kə́ kemdə́ tə́, na n-a n-ró̰ȳn̄ kaskar yādə́ gə̄ kem hɔ̄pə̄n tə́, na n-a n-tetən̄ jīdə́ dɔjí tə́.

EJEKIEL 31:18

Kem ndɔr̄ kə́ Eden tə́ ní, kāgə̄ kə́ majə tītīí gətóo ō, kə́ bo tītīí gətóo ō. Ɓá tā ba m-ā m̄-rāāī kadə̄ āw̄ gíŕ nángāá naā tə́ kə kāgə̄ gə̄ ń noō. Ā ī-to loo ń noō tə́ kə de gə̄ kə́ əjan̄ mɔtədə́ aĺ ō, kə de gə̄ kə́ oyn̄ yo rɔ̄ɔ̄ ō. Yá̰á̰ ń a rāā mban̄g kə́ Ejiptə ō, a rāā gír deē yān gə̄ malang ō ni n noó. I Kɔ́ɔ̄ɓē Nə́ɓā n əda najə̄ ń noō ní.

EJEKIEL 29:3

Najə̄ ń mā Kɔ́ɔ̄ɓē Nə́ɓā m-ə́dan ní n toó: Ḭ̄ Parao̰, mban̄g kə́ Ejiptə, m-ā m̄-rāā yá̰á̰ kə́ tōr̄ seí, ī-to tītə̄ mar kə́ bo kə́ to kum bā Nil tə́. Ə́da na bā na i yāí, na i ḭ̄ n na ī-rāā bā ní.

IJAI 31:3

De kə́ Ejiptə tə́ gə̄ i deē ndul gə̄, nin̄ i nə́ɓā gə̄ alé. Sə́nda yādə́ gə̄ i dā̰ gə̄, nin̄ i yá̰á̰ kógə̄ḿ alé. Dan ń Kɔ́ɔ̄ɓē sə́ra jīn anī, nge rāā kə deé əsō ō, nge dəje kadə̄ rāān̄ seneé teē əsō kərim ō, nin̄ jōó mbak oyn̄.

1 MBAN̄G GƏ̄ 20:18

Anī ni-əda na: Ré teēn̄ i yā reē dəjejí najə̄ lápə́ya anī, ə́hɔīdə́ kə kumdə́ ō, ré teēn̄ i yā reē rɔ̄jí anī, ə́hɔīdə́ kə kumdə́ ō!

Teē Ngán Israel gə̄ 15:10

Banī ḭ̄ Kɔ́ɔ̄ɓē ə́lá nél yāí anī bā bo ɔr tan dɔdə́ tə́. Nin̄-risə aw̄ ndin̄ gír man̄ kə́ to ɓōĺ ngá̰ý tə́ tītə̄ gində̄ pəlɔm beé.

1 MBAN̄G GƏ̄ 20:11

Mban̄g kə́ Israel tél əda na: Ə́daī Ben Hadad ɓáý na, deē ń aw̄ ta rɔ̄ɔ̄ tə́ ní a ɔjə rɔ̄n tītə̄ yā deē ń aw̄ ta rɔ̄ɔ̄ tə́ ba tetə rɔ̄ɔ̄ kɔ̄ɔ́ á téĺ ní alé.

KOHELET 3:1

Yá̰a̰ malang a rāā yá̰a̰ i kə kum mbangneé dɔ nang tə́ laā.