JEREMI 46:10 - Bibəl ta Sar̄

¹⁰ Banī ndɔ̄ ní i ndɔ̄ kə́ kadə̄ Nə́ɓā, Kɔ́ɔ̄ɓē kə́ bo kə́ tɔ́gən i ngá̰ý daləń ba̰ā̰ dɔ madə̄ ba̰ā̰n gə̄ tə́. Kaskar ń nujə loo ní, əsa yá̰a̰ ndān̄ ō, mósə de gə̄ rāān kə́ kasə tə́ ō. I yá̰a̰ kəsa kə́ bo ngá̰ý kə́ ndējə̄ Nə́ɓā, Kɔ́ɔ̄ɓē kə́ bo kə́ tɔ́gən i ngá̰ý, kem ɓē kə́ mbɔ́r ɓē kə́ ko̰ó̰ tə́, kadə bā Opəratə tə́.

Bible sar

¹⁰ Banī ndɔ̄ ní i ndɔ̄ kə́ kadə̄ Nə́ɓā, Kɔ́ɔ̄ɓē kə́ bo kə́ tɔ́gən i ngá̰ý daləń ba̰ā̰ dɔ madə̄ ba̰ā̰n gə̄ tə́. Kaskar ń nujə loo ní, əsa yá̰a̰ ndān̄ ō, mósə de gə̄ rāān kə́ kasə tə́ ō. I yá̰a̰ kəsa kə́ bo ngá̰ý kə́ ndējə̄ Nə́ɓā, Kɔ́ɔ̄ɓē kə́ bo kə́ tɔ́gən i ngá̰ý, kem ɓē kə́ mbɔ́r ɓē kə́ ko̰ó̰ tə́, kadə bā Opəratə tə́.

JEREMI 46:10 Referans Kwoze

NDŪ NAJƏ̄ 32:42

Gərā yāḿ gə̄ a a̰ȳn̄ mósə kadə̄ rāādə́ kə́ kasə tə́ ō, kaskar yāḿ a əsa dā̰ yā ndān̄ ō. Adə̄ i mósə de gə̄ ń tɔ̄lə̄n̄də́ ní ō, de gə̄ ń əhɔn̄də́ ta rɔ̄ɔ̄ tə́ ní ō, ngol áskar gə̄ yā madə̄ ba̰ā̰ gə̄ ō.

JOEL 1:15

Ndoō wa. Ndɔ̄ kə́ to ɓōĺ ngá̰ý ń i ndɔ̄ yā Kɔ́ɔ̄ɓē ní dɔ i ngɔr! Loo kə́ nujə ń i Nə́ɓā kə́ bo kə́ tɔ́gən i ngá̰ý n gḛy ní, a reē naā tə́ seneé.

JEREMI 46:2

Najə̄ kə́ dɔ ɓē kə́ Ejiptə tə́ ō, dɔ ngé rɔ̄ɔ̄ gə̄ yā Parao̰ Neko mban̄g kə́ Ejiptə tə́ ō. Neko ndi i Karkemis, kadə bā Opəratə tə́ n Nabukodonosor, mban̄g kə́ Babilon tetənneé rɔ̄ɔ̄ ní tə́. I kem ɓāl̄ kə́ nge ko̰ sɔ́ ń Joakim kə́ ngōn̄ Josias ndiń mban̄g Juda tə́ ní.

JEREMI 46:6

De kə́ ɔl ngá̰ý, asə teē kum tə́ aĺ ō, de kə́ əhɔ rɔ̄n tɔgə ngá̰ý, asə kajə rɔ̄n aĺ ō. Nin̄ bḭ́ḭ̄n̄ ō, tə́sōn̄ ō, dɔ gɔ́sə bā Opəratə tə́, dām̄ mbɔ́r ɓē kə́ ko̰ó̰ tə́.

Najə̄ kə́ Majə yā Jeju ń Luk ndang ní 21:22

Tɔdɔ̄ i ndɔ̄ dal ba̰ā̰ kə́ yā tɔ̄l̄ń ta yá̰a̰ malang ń i kə́ ndang kété ní.

JOEL 2:1

Ī-kɔ̄ríī tōw̄ Siyo̰ tə́. Úriī kɔl rɔ̄ɔ̄ dɔ mbal̄ yāḿ kə́ táĺ tə́. Ādə̄ de kə́ kem ɓēé gə̄ malang ndewn̄. Ndɔ̄ yā Kɔ́ɔ̄ɓē a reē noó, dɔ ndɔ̄ ní i ngɔr.

JEREMI 51:6

Ī-teē ā̰yī naā kɔ̄ɔ́ Babilon, ādə̄ náā nəkɔ́ ɓáa njan adə̄n. Ré i beé aĺ anī, ā óyiī dan ń a əndanən̄neé najə̄ yá̰a̰ rāān kə́ gotə aĺ gə̄ tə́ ní. I kum mbang dal ba̰ā̰ yā Kɔ́ɔ̄ɓē. Ni əgān i kərā yá̰a̰ gə̄ ń rāā ní.

JEREMI 50:15

Ə́gaī kɔŕ tetə rɔ̄ɔ̄ dɔn tə́ kə̄ ta loo gə̄ tə́ malang. Kāgə̄ ngaa dan kújə yān kə́ ngan̄g gə̄ tétə̄n̄ kɔ̄ɔ́, ndogə̄ mbal̄ yān gə̄ əndan̄ nang kɔ̄ɔ́. I Kɔ́ɔ̄ɓē n dal ba̰ā̰ ní. Ī-daliī ba̰ā̰ dɔn tə́, ī-rāain̄ yá̰á̰ ń ni-rāā kə madə̄n gēé ní.

IJAI 63:4

Kemḿ tə́ ní m̄-ndigə i dal ba̰ā̰ḿ. Kum mbang gān̄g dɔ gír deē yāḿ gə̄ asə.

IJAI 13:6

Úriī wúȳ kəhɔ ndoō! Dɔ ndɔ̄ yā Kɔ́ɔ̄ɓē i ngɔr. A reē i tītə̄ yá̰á̰ kə́ to kum kaȳ aĺ kə́ nujə yá̰a̰ malang kɔ̄ɔ́ beē, i Nə́ɓā kə́ bo kə́ tɔ́gən i ngá̰ý n əlan ní.

2 MBAN̄G 24:7

Mban̄g kə́ Ejiptə tə́ teē loo to̰ alé, tɔdɔ̄ əla gír i man̄ kə́ Ejiptə tə́ bátə́ ugə̄ń bā Opəratə tə́ ní, mban̄g kə́ Babilon taā yá̰a̰ malang ń kété i yā mban̄g kə́ Ejiptə ní jīn tə́ kɔ̄ɔ́.

IJAI 61:2

Ni əlam̄ kadə̄ m-ə́da najə̄ ń toō: I ɓāl̄ ń kadə̄ ā á̰a̰īń kem majə yā Kɔ́ɔ̄ɓē ní, i ndɔ̄ ń Nə́ɓā yājí a daləń ba̰ā̰ dɔ madə̄ ba̰ā̰n gə̄ tə́ ní! Ngé gə̄ ń əhɔn̄ ndoō ní, ni əlam̄ kadə̄ m̄-tél m-ādə̄də́ kəndā kem dɔ tə́ gogə́.

Makətūbə̄ yā Job 24:1

Nə́ɓā kə́ tɔ́gən i ngá̰ý ɔr̄ ndɔ̄ gə̄ əndādə́ dɔ jīn aĺ ō, deē yān gə̄ a̰a̰n̄ ndɔ̄ yān gə̄ ní aĺ ō, i tām̄ rí tə́?

IJAI 31:8

A tə́gān̄ Asiri gə̄ kə kaskaraá adə̄ ni a əsōn̄, ba kaskar ní tá i yā de gə̄ alé. Kaskar ń a nujən ní i yā deē ndul alé. Asiri gə̄ a a̰ȳn̄ naā no kaskar ní tə́ ō, balsáa yādə́ kə́ ngé rɔ̄ɔ̄ gə̄ a rāān̄ kəla ngámba dɔ gúú tə́ ō.

JEREMI 12:12

Ngé nujə loo gə̄ a reēn̄ noó kə gō kə̄lá róbə gə̄ malang kə́ dəla loo tə́. Kaskar yā Kɔ́ɔ̄ɓē tɔ̄l̄ de gə̄ ta ngóy dɔ nang kógə̄ḿ tə́ bátə́ gān̄g kə́ noó tə́. De kógə̄ḿ kə́ ndi lɔm gə̄gē a gətóó bátə́.

JEREMI 46:14

Yá̰á̰ ń a rāā yā rāā yá̰á̰ ní Ə̄nīī mbēr̄də́ Ejiptə tə́, ə́daī ādə̄ de gə̄ oōn̄ Migədol ō, Mempis ō, Tapanes ō. Ədaī na: Ɔ̄r̄ dɔí dɔɔ́! Ī-ndi dɔ rɔ̄í tə́! Á̰a̰ā̰, kaskar nujə loo kə gō gidií.

JEREMI 50:18

I tāmə̄n̄ ń toō tə́ n Kɔ́ɔ̄ɓē kə́ bo kə́ tɔ́gən i ngá̰ý, Nə́ɓā yā Israel, ɔr̄ najə̄ i tītə̄ ń toō beé ní: M-ā m̄-rāā yá̰á̰ kə́ tōr̄ kə mban̄g kə́ Babilon ō, ɓē yān ō, tītə̄ ń m-ə́ndań mban̄g kə́ Asiri tə́ ní.

EJEKIEL 21:28

De kə́ Jerusalem gə̄ gírə̄n̄ kadə̄ wə̄lā kə́ túgə̄ ń noō na a rāā yá̰á̰ kógə̄ḿ alé. Tām̄ túbə adə̄n̄də́ kadə̄ a ngɔ̄mə̄n̄də́. Banī mban̄g kə́ Babilon tə́ ter̄ kemdə́ dɔ ra ń nin̄ ran̄ dɔ ndūdə́ tə́ seneé aĺ ní tə́ ō, ni tāādə́ ədadə́ na n-a n-ɔydə́ yā kaw̄ sedə́ dɔ ɓē kə́ rang tə́ dɔ gúú tə́ ō.

JAKARI 6:6

Púsə rɔ̄ɔ̄ ń sə́ndá kə́ ndul gə̄ unən̄ ní, aw̄ kum kə̄ dām̄ mbɔ́r ɓē kə́ ko̰ó̰ tə́ ō, sə́ndá kə́ ndaa gə̄ aw̄n̄ kum kə̄ no ɓē tə́ ō, sə́ndá kə́ ɓál gə̄ aw̄n̄ kum kə̄ dām̄ mbɔ́r ɓē kə́ geleé tə́ ō.

IJAI 2:12

Kɔ́ɔ̄ɓē kə́ bo kə́ tɔ́gən i ngá̰ý, ngɔ̄m̄ ndɔ̄ kógə̄ḿ yā rɔ̄ɔń kə yá̰a̰ malang ń a ənda kadən ō, a ɔjə rɔ̄n ní ō, yā rɔ̄ɔń kə yá̰a̰ malang ń a̰a̰ rɔ̄n i yá̰á̰ kə́ bo tə́ ní ō, yā téləń seneé kə̄ nang tə́ ō.