JEREMI 46:1 - Bibəl ta Sar̄

¹ Gō tə́ anī, Kɔ́ɔ̄ɓē ɔr̄ najə̄ kə́ dɔ nápar de gə̄ kə Jeremi.

Bible sar

¹ Gō tə́ anī, Kɔ́ɔ̄ɓē ɔr̄ najə̄ kə́ dɔ nápar de gə̄ kə Jeremi.

JEREMI 46:1 Referans Kwoze

JEREMI 1:10

Ī-ger̄ majə kadə̄ m-ādī ndū ko̰o̰ ɓē dɔ nápar de gə̄ tə́ ō, dɔ ɓē ko̰o̰ gə̄ tə́ ō ɓōólaā, yā kadə̄ ī-ró̰ȳ kə ngəraá ō, ī-ɓéngə̄lē ō, yā kadə̄ ī-nujəń ō, ī-bótə̄yō̰ ō, yā kadə̄ ī-rāā ō, ə̄ndā ō.

Makətūbə̄ ń Pol ndang adə̄ Rom gə̄ ní 3:29

Ré i beé aĺ anī, Nə́ɓā ní i Nə́ɓā yā Jipə gə̄ ngóy ba i Nə́ɓā yā nápar de gə̄ alé. Ba ni i Nə́ɓā yā tə̄rā gə̄ ō,

JAKARI 2:8

Anī de kə́ dɔ rā̰ tə́ ń əndān̄ dɔn tə́ kadə̄ ɔr̄ najə̄ seḿ ní, ədan na: Āw̄ láẃ ə́da balsáá ń kəlā i jīn tə́ ní na: I gáŕ kadə̄ Jerusalem i ɓē kə́ tan ra i kə wōyōó ō, i ɓē kə́ ndogə̄ mbal̄ kə́ gidə tə́ kə́ yā rɔ̄ɔń dɔ tə́ gətóo ō. Tām̄ de gə̄ gē, dā̰ gə̄ gē ń a ndin̄ kemeé ní, kutədə́ i ngá̰ý.

JEREMI 4:7

Ɓɔl teē loo ton tə́, nge nujə kə nápar de gēé əsō róbó a reē. Ni teē loo ton tə́ yā kənī yá̰á̰ kə́ to kum ko̰o̰ dɔ ɓē yāí tə́. A əlan̄ hor dɔ ɓē yāí gə̄ tə́, de kə́ kemeé gə̄ a gətóon̄ kɔ̄ɔ́ malang.

TƏ́DA 23:9

Ré m̄-ra ta tél mbal̄ gə̄ tə́ ba m-á̰a̰ dɔdə́ anī, ré m̄-ra dɔ ngán mbal̄ gə̄ tə́ dɔɔ́ ba m-ə̄ndā ma̰ȳdə́ anī, m-á̰a̰ i gír de gə̄ kə́ ndin̄ tayā ba əlan̄ rɔ̄də́ dan nápar de kə́ rang gə̄ tə́ alé.

TA KƏLA 10:5

De gə̄ ń tə̄ndān̄ naā tḭ̄ḭ̄n̄ kə gō dor̄ loo gə̄ ní, i nin̄ n ojən̄də́ ní. De gə̄ ní ndin̄ i kə gō dɔ nang yādə́ gēé ō, kə gō ta yādə́ gēé ō, gír kaa yādə́ gēé ō, kə gō nápar yādə́ gēé ō.

JEREMI 43:11

Ni a reē ō, a ənda ɓē kə́ Ejiptə ō. Deē ń i tām̄ yā yo tə́ ní a oy. Deē ń i tām̄ yā kəhɔn kaw̄ seneé dɔ ɓē kə́ rang tə́ ní a aw̄n̄ seneé. Deē ń i tām̄ yā kadə̄ kaskar tɔ̄lən ní a oy yo kaskar.

EJEKIEL 29:1

Ɔyn̄ de gə̄ dɔ gúú tə́ aw̄n̄ sedə́ dɔ ɓē kə́ rang tə́ rāā ɓāl̄ kutə kógə̄ḿ kɔ̄ɔ́. Kem nāā kə́ nge ko̰o̰ kutə tə́, kə ndɔ̄ nāā kə́ nge ko̰o̰ kutə gidə i jōó anī, Kɔ́ɔ̄ɓē ɔr̄ najə̄ seḿ, ədam̄ na:

EJEKIEL 30:1

Kɔ́ɔ̄ɓē ɔr̄ najə̄ seḿ, ni ədam̄ na:

EJEKIEL 31:1

Ɔyn̄ de gə̄ aw̄n̄ sedə́ dɔ ɓē kə́ rang tə́ dɔ gúú tə́ rāā ɓāl̄ kutə gidə i kógə̄ḿ kɔ̄ɔ́. Kem ɓāl̄ kə́ nge ko̰ kutə gidə i kógə̄ḿ tə́, kem nāā kə́ nge ko̰ mətá tə́, kə ndɔ̄ nāā kə́ ta kəga dɔɔ́ anī, Kɔ́ɔ̄ɓē ɔr̄ najə̄ seḿ, ədam̄ na:

EJEKIEL 32:1

Ɔyn̄ de gə̄ aw̄n̄ sedə́ dɔ ɓē kə́ rang tə́ dɔ gúú tə́ rāā ɓāl̄ kutə gidə i jōó kɔ̄ɔ́. Kem ɓāl̄ kə́ nge ko̰ kutə gidə i jōó tə́, kem nāā kə́ nge ko̰ kutə gidə i jōó tə́, kə ndɔ̄ nāā kə́ ta kəga dɔɔ́ anī, Kɔ́ɔ̄ɓē ɔr̄ najə̄ seḿ, ədam̄ na:

HABAKUK 1:17

Ndɔ̄ kógə̄ḿ nin̄ a lōōn̄ gír kəla ń nin̄ a rāān̄ kə réng yādə́ ní tə́ yā tɔ̄ləń nápar de gə̄ kanjə̄ ka̰a̰ kum tō ndoō yādə́ a?