JEREMI 45:5 - Bibəl ta Sar̄

⁵ Ḭ̄ ī-sāā rāā yá̰á̰ kə́ bo ngá̰ý gə̄ ní, ī-lōō gír̄ dɔ tə́ to̰. M-ā m̄-rāā kadə̄ yá̰á̰ kə́ to kum kaȳ aĺ əsō dɔ de gə̄ tə́ malang, banī m-ā m-ādə̄ ā ī-teē ta yo tə́, loo malang ń ā āw̄ tū tə́ ní tə́. Najə̄ ń Kɔ́ɔ̄ɓē əda ní n noó.

Bible sar

⁵ Ḭ̄ ī-sāā rāā yá̰á̰ kə́ bo ngá̰ý gə̄ ní, ī-lōō gír̄ dɔ tə́ to̰. M-ā m̄-rāā kadə̄ yá̰á̰ kə́ to kum kaȳ aĺ əsō dɔ de gə̄ tə́ malang, banī m-ā m-ādə̄ ā ī-teē ta yo tə́, loo malang ń ā āw̄ tū tə́ ní tə́. Najə̄ ń Kɔ́ɔ̄ɓē əda ní n noó.

JEREMI 45:5 Referans Kwoze

JEREMI 39:18

M-ā m-ájiī gáŕ adə̄ a oy yo kaskar alé. Ré ə̄nī kemií ādə̄m̄ anī, ā ī-rāā rɔ̄nel̄ teē ń ā ī-teē ta yo tə́ ní. Najə̄ ń Kɔ́ɔ̄ɓē əda ní n noó.

HEBƏRO 13:5

Kadə̄ háĺsí i háĺ ngé rāā ta nar gə̄ alé, ba kadə̄ yá̰á̰ ń ə́ngeī ngɔlaā ní asəsí. Tɔdɔ̄ Kɔ́ɔ̄ɓē nəkɔ́ əda na: M-ā m-ə́ya̰ī kɔ̄ɔ́ aĺ ō, m-ā m̄-mbātíī aĺ ō.

JEREMI 21:9

Deē ń a ndi kem ɓē ń toō tə́ ní a oy yo kaskar ō, yo ɓō ō, yo mo̰y ngāl̄bɔ̄gīí ō. Banī deē ń a teē yā kaw̄ nam̄ Kalde gə̄ ń gīrə̄n̄ gidəsí ní a ndi kə kumneé ō, a rāā rɔ̄nel̄ teē ń teē ta yo tə́ ní ō.

Makətūbə̄ ń Pol ndang adə̄ Rom gə̄ ní 12:16

Ādī kemsí i kógə̄ḿ kə naá. Ī-lōōī ka̰a̰ rɔ̄sí yá̰á̰ kə́ ngá̰ý tə́ ba rāā madə̄sí gə̄ yá̰a̰ aĺ tə́. Banī ī-rāāī kəla kə́ to kɔjə rɔ̄ aĺ gə̄. Ī-lōōī ka̰a̰ rɔ̄sí ngé kum kedə̄ gə̄ tə́.

JEREMI 25:26

mban̄g gə̄ malang kə́ mbɔ́r ɓē kə́ ko̰ó̰ tə́ ń ndin̄ ngɔr ō, ndin̄ sa̰y ō ní, ɓē ko̰o̰ gə̄ malang ń ndin̄ kə gō loo gēé dɔ nang tə́ ní ō. M-ādə̄ mban̄g kə́ Sesak adə̄ a̰ȳ ta tɔ̄l̄ ta tə́ ō.

SOPONI 3:8

Kɔ́ɔ̄ɓē əda wáńg kə̄ ndágá na: I beé ní, ī-ngóōī ndɔ̄ ń kadə̄ m̄-reēń yā kəndā najə̄ dɔsí tə́ ní! m̄-gḛy kɔsə dɔ gotə nápar de kə́ rang gə̄ kə̄ naā tə́, m̄-gḛy kɔsə dɔ ɓē ko̰o̰ gə̄ kə̄ naā tə́, yā kadə̄ m̄-bə̄gań wōn̄g yāḿ kə́ ngá̰ý dɔdə́ tə́. A̰á̰ā̰, hor wōn̄g yāḿ a o̰o̰ dɔ nang kə taá malang.

JEREMI 38:2

Najə̄ ń Kɔ́ɔ̄ɓē əda ní n toó Deē ń a ndi kem ɓē ń toō tə́ ní, a oy yo kaskar ō, yo ɓō ō, yo mo̰y ngāl̄bɔ̄gīí ō. Deē ń a teē yā kaw̄ nam̄ Kalde gə̄ anī, a ndi kə kumneé ō, a rāā rɔ̄nel̄ teē ń ni teē ta yo tə́ ní ō. Rɔ̄kum ni a ndi kə kumneé.

2 MBAN̄G 5:26

Elije ədan na: Deē ń risə kem púsə sə́nda yān tə́ ba aw̄ ton a taí ní, ndílə́ḿ á̰a̰n aĺ a? Dan n j-awineé toō i mbang taā nar ā? I mbang taā kūbə̄ ō, kāgə̄ olibə ō, ndɔr̄ kāgə̄ nduú ō, batə̄ ō, man̄g ō, kə ngé kəla kə́ dəngam, aláa kə́ dəyá̰ ō a?

TA KƏLA 6:12

Dan ń Nə́ɓā a̰a̰ loo kə́ dɔ nang tə́ anī, a̰a̰ kadə̄ hál de gə̄ malang i kə́ nujə kɔ̄ɔ́, tɔdɔ̄ nin̄ njə̄rān̄ i dɔ róbə́ kə́ súmūú tə́ alé.

IJAI 66:16

A̰á̰ā̰, Kɔ́ɔ̄ɓē reē i gān̄g saryaá dɔ deē ndul gə̄ tə́ malang kə horoó ō, kə kaskaraá ō. Yo a to ngá̰ý.

1 MBAN̄G GƏ̄ 3:9

Ní Kɔ́ɔ̄ɓē, ādə̄m̄ kem kə́ ger̄ najə̄ ādə̄ m̄-ndiń dɔ gír deē yāí gə̄ tə́ ō, kadə̄ m̄-gerə̄ń kɔr̄ kam̄ yá̰á̰ kə́ majə ō, kə́ majaĺ ō naā tə́. Tɔdɔ̄ kanjə̄ nge ń noō anī, de kə́ asə ndi dɔ gír deē yāí gə̄ tə́ gətóo, tām̄ nin̄ i ngá̰ý.

1 MBAN̄G GƏ̄ 3:11

adə̄ ni-tél əda mban̄g na: Ḭ̄ ī-dəjem̄ i kutə ɓālīí kə́ kadə̄ reē ta madə̄ tə́ aĺ ō, i yá̰a̰ kənge aĺ ō, i yo madə̄ ba̰ā̰í gə̄ aĺ ō, ba ī-dəje i kadə̄ kə ī-ger̄ kɔr̄ kam̄ yá̰á̰ kə́ majə ō, kə́ majaĺ ō, naā tə́ yā ko̰o̰ń ɓē kə gō gēé ní,

PĀ GƏ̄ 131:1

Pā kə́ yā kaw̄ń kə̄ loo kə́ táĺ tə́. I pā yā Dabid. Kɔ́ɔ̄ɓē, kɔjə rɔ̄ gətóo kemḿ tə́. m̄-sāā yá̰á̰ kə́ al̄ dɔḿ alé. m̄-ngɔ̄də̄ gō yá̰á̰ kə́ bo gə̄ ō, kə́ yáā kə́ tɔ̄ȳ dɔḿ gə̄ ō ń noō alé.

JEREMI 25:31

Kōn ɓār̄ bátə́ ugə̄ ta ngóy dɔ nang tə́, tɔdɔ̄ Kɔ́ɔ̄ɓē nējə̄n̄ naā najə̄ tə́ kə nápar de gēé, ni-rāā sarya kə de gēé kógə̄ḿ kógə̄ḿ. Əya̰ de gə̄ ń najə̄ i dɔdə́ tə́ ní adə̄ oyn̄ yo kaskar. Najə̄ ń Kɔ́ɔ̄ɓē əda ní n noó.

JEREMI 25:15

Yá̰á̰ ń Kɔ́ɔ̄ɓē, Nə́ɓā yā Israel ədam̄ ní n toó: Ī-taā kópə kasə nduú ń toō jīḿ tə́, ādə̄ nápar de gə̄ malang ń m-ā m-ə́laī kə̄ rɔ̄də́ tə́ ní ādə̄ a̰ȳn̄, i kasə wōn̄g yāḿ.

JEREMI 25:16

A a̰ȳn̄ ō, a bḭ́ḭ̄n̄ ō, tāmə̄n̄ mbitə mbitə ō, dan ń a a̰a̰n̄ kaskar ń m-ə́la dɔ dáńdə́ tə́ ní.