JEREMI 45:1 - Bibəl ta Sar̄

¹ Kem ɓāl̄ kə́ nge ko̰ sɔ́ ń Joakim kə́ ngōn̄ Josias ndiń mban̄g Juda tə́ ní, Jeremi tə́da najə̄ gə̄ adə̄ Baruk kə́ ngōn̄ Neriya ndang makətūbūú anī, ɔr̄ najə̄ seneé ədan na:

Bible sar

¹ Kem ɓāl̄ kə́ nge ko̰ sɔ́ ń Joakim kə́ ngōn̄ Josias ndiń mban̄g *Juda tə́ ní, Jeremi tə́da najə̄ gə̄ adə̄ Baruk kə́ ngōn̄ Neriya ndang makətūbūú anī, ɔr̄ najə̄ seneé ədan na:

JEREMI 45:1 Referans Kwoze

JEREMI 36:1

Kem ɓāl̄ kə́ nge ko̰ sɔ́ ń Joakim, ngōn̄ Josias ndiń mban̄g Juda tə́ ní, Kɔ́ɔ̄ɓē ɔr̄ najə̄ ń toō kə Jeremi:

JEREMI 36:4

Jeremi ɓāŕ Baruk, ngōn̄ Neriya, kadə̄ ndang najə̄ gə̄ malang ń Kɔ́ɔ̄ɓē ɔr̄ seneé ní kem ndāŕ ndang najə̄ kógə̄ḿ kə́ ɓír̄ gidə naā tə́ ní tə́.

JEREMI 32:12

Baruk, ngōn̄ Neriya kə́ ngōn̄ Maseya, makətūbə̄ mang naā ndɔr̄ ní ta kum Hanamel kə́ ngōn̄ nānə̄ḿ tə́ ō, ta kum de kə́ kum tə́ gə̄ ń əndān̄ jīdə́ gír makətūbə̄ ní tə́ ō, ta kum de gə̄ malang kə́ Juda tə́ ń ran̄ ndágə loo ngɔ̄m̄ ta kújə yā mban̄g tə́ ní ō.

JEREMI 36:32

Tā anī, Jeremi un ndāŕ ndang najə̄ kə́ ɓír̄ gidə naā tə́ kə́ rang adə̄ Baruk nge ndang makətūbə̄ kə́ ngōn̄ Neriya. Ni ndang najə̄ gə̄ malang ń Jeremi tə́dan á Joakim, mban̄g kə́ Juda tə́ róō kɔ̄ɔ́ ní kemeé. Ndangən̄ najə̄ kə́ rang kə́ tītə̄ ngé gə̄ ń noō gə̄ ngá̰ý kemeé ɓáý to̰ ō.

JEREMI 32:16

Gō tə́ dan ń m̄-ɓɔ̄ɔ̄ Baruk ngōn̄ Neriya makətūbə̄ mang naā ndɔr̄ ní gír gān̄g anī, m̄-rāā Kɔ́ɔ̄ɓē ɓɔ́ m-ə́da na:

JEREMI 25:1

Najə̄ kə́ Kɔ́ɔ̄ɓē ɔr̄ kə Jeremi sɔɔ̄ dɔ gír de gə̄ malang kə́ Juda tə́, kem ɓāl̄ kə́ nge ko̰ sɔ́ ń Joakim, ngōn̄ Josias ndiń mban̄g kə́ Juda tə́ ní, adə̄ i kem ɓāl̄ kə́ ta kəga dɔ ń Nabukodonosor, ndiń mban̄g dɔ ɓē kə́ Babilon tə́ ní.

2 YÁ̰A̰ GƏ̄ 36:5

Dan ń Joakim ndi mban̄g ní ɓālə̄n i kutə jōó gidə i mí. Ni-o̰o̰ ɓē Jerusalem ɓāl̄ kutə gidə i kógə̄ḿ. Ni-rāā yá̰á̰ kə́ majaĺ ta kum Kɔ́ɔ̄ɓē Nə́ɓā yān tə́.

JEREMI 36:26

Mban̄g əda Yerameel kə́ ngōn̄ ngār ō, Seraya, ngōn̄ Ajriel ō, Selemia, ngōn̄ Abədel ō, kadə̄ kə əhɔn̄ Baruk nge ndang makətūbə̄ ō, Jeremi nge koō ta ō, banī Kɔ́ɔ̄ɓē ɓɔ̄ɔ̄ dɔdə́ kɔ̄ɔ́.

JEREMI 26:1

Ta kəla gír ko̰o̰ ɓē yā Joakim, ngōn̄ Josias, mban̄g kə́ Juda tə́ ní, Kɔ́ɔ̄ɓē ɔr̄ najə̄ ń toō kə Jeremi ədan na:

2 MBAN̄G 24:1

I ɓāl̄ ko̰o̰ ɓē yān tə́ n Nabukodonosor, mban̄g kə́ Babilon ḭḭń dɔɔ́ yā rɔ̄ɔ̄ de gə̄ ní. Joakim əla dɔn gír tɔ́gə yān tə́ ɓāl̄ mətá, banī gō tə́ anī mbātə́ kɔ̄ɔ́.

JEREMI 45:2

Kɔ́ɔ̄ɓē, Nə́ɓā yā Israel ɔr̄ najə̄ seí ḭ̄ Baruk i tītə̄ ń toō beē:

JEREMI 46:2

Najə̄ kə́ dɔ ɓē kə́ Ejiptə tə́ ō, dɔ ngé rɔ̄ɔ̄ gə̄ yā Parao̰ Neko mban̄g kə́ Ejiptə tə́ ō. Neko ndi i Karkemis, kadə bā Opəratə tə́ n Nabukodonosor, mban̄g kə́ Babilon tetənneé rɔ̄ɔ̄ ní tə́. I kem ɓāl̄ kə́ nge ko̰ sɔ́ ń Joakim kə́ ngōn̄ Josias ndiń mban̄g Juda tə́ ní.

JEREMI 51:59

Kété ní, Seraya kə́ ngōn̄ Neriya, kə́ ngōn̄ Maseya, i nge rāā kəla gə̄ kə́ ndogó mbangāá yā Sedekias, mban̄g kə́ Juda tə́. Ɓāl̄ ko̰o̰ ɓē kə́ nge ko̰ sɔ́ yā Sedekias tə́ anī, Seraya aw̄ seneé Babilon. Yá̰á̰ kə́ to kum kaȳ aĺ gə̄ malang ń i gáŕ kadə̄ reēn̄ dɔ ɓē kə́ Babilon tə́ ní ō, najə̄ gə̄ malang ń ɔrə̄n̄ dɔ ɓē ń toō tə́ ní, Jeremi ndangdə́ kem ndāŕ ndang najə̄ kə́ ɓír̄ gidə naā tə́ tə́.

DANIEL 1:1

Kem ɓāl̄ ko̰o̰ ɓē kə́ nge ko̰ mətá yā Joakim mban̄g kə́ Juda tə́ ní, Nabukodonosor mban̄g kə́ Babilon reē gīr̄ ɓē kə́ Jerusalem kə rɔ̄ɔ́.

JEREMI 36:2

Ún ndāŕ ndang najə̄ kógə̄ḿ kə́ ɓír̄ gidə naā tə́ ba ī-ndang najə̄ gə̄ malang ń m-ə́daī sɔɔ̄ dɔ Israel ō, Juda ō, nápar de gə̄ ō ní tū tə́. Əla gír dɔ ndɔ̄ ń m-ɔ̄rəń najə̄ seí ɓāl̄ yā Josias tə́ ní bátə́ ɓōólaā.