JEREMI 44:7 - Bibəl ta Sar̄

⁷ Ngɔlaā ní Kɔ́ɔ̄ɓē Nə́ɓā kə́ tɔ́gən i ngá̰ý, Nə́ɓā yā Israel, ɔr̄ najə̄ i tītə̄ ń toō beē: I tām̄ rí tə́ á sḭḭ̄ kɔ́ gə̄ ī-rāāī rɔ̄sí yá̰á̰ kə́ tōr̄ kum kə̄ kété kété, bátə́ adə̄ dəngam gə̄ ō, dəyá̰ gə̄ ō, ngáń kə́ dūú gə̄ ō, ngáń kásə̄ gə̄ ō, a oyn̄ yā təgā Juda tə́ kanjə̄ kadə̄ gotə de gə̄ sḛ́ý ndin̄ kə kumdə́ ní.

Bible sar

⁷ Ngɔlaā ní Kɔ́ɔ̄ɓē Nə́ɓā kə́ tɔ́gən i ngá̰ý, Nə́ɓā yā *Israel, ɔr̄ najə̄ i tītə̄ ń toō beē: I tām̄ rí tə́ á sḭḭ̄ kɔ́ gə̄ ī-rāāī rɔ̄sí yá̰á̰ kə́ tōr̄ kum kə̄ kété kété, bátə́ adə̄ dəngam gə̄ ō, dəyá̰ gə̄ ō, ngáń kə́ dūú gə̄ ō, ngáń kásə̄ gə̄ ō, a oyn̄ yā təgā *Juda tə́ kanjə̄ kadə̄ gotə de gə̄ sḛ́ý ndin̄ kə kumdə́ ní.

JEREMI 44:7 Referans Kwoze

HABAKUK 2:10

Yá̰a̰ gə̄ ń sḭḭ̄ ī-númī rāā ní a əla rɔ̄sɔl̄ dɔ ngéésí gə̄ tə́. Dan ń sḭḭ̄ ī-nujiī gír de kə́ ngá̰ý gə̄ kɔ̄ɔ́ ní, ī-nujiī i kə rɔ̄sí sḭḭ̄ kɔ́ gɔ̄ɔ́.

JEREMI 51:22

M-úniī m̄-tə̄ndań de kə́ dəngam gə̄ ō, de kə́ dəyá̰ gə̄ ō, de kə́ tɔgə ɓə́ga gə̄ ō, balsáa gə̄ ō, ngáń kə́ dəngam gə̄ ō, ngáń kə́ dəyá̰ gə̄ ō.

EJEKIEL 33:11

I beé ní, tītə̄ ń m̄-ndiń kə kumḿ rɔ̄kum nōō, najə̄ ń mā Kɔ́ɔ̄ɓē Nə́ɓā m-ə́dásí ní n toó: Koy de kə́ majaĺ gə̄ adə̄m̄ mā rɔ̄nel̄ alé. Yá̰á̰ ń mā m̄-ndigə ní, i kadə̄ nin̄ tūrə̄n̄ jī bēl̄ loo rāā yá̰a̰ yādə́ ba ndin̄ kə kumdə́. Ɓɔ́, ə́ya̰ī jī bēl̄ loo rāā yá̰a̰ yāsí kə́ majaĺ gə̄ kɔ̄ɔ́. Israel gə̄, kadə̄ óyiī i tām̄ rí tə́?

NŌŌ RƆ̄ 2:11

Man̄ nōō utə̄ kumḿ ō, kemḿ təngām̄ ngá̰ý ō. Tɔ́gə́ḿ gətóo kɔ̄ɔ́ adə̄ m-ə̄sō m-ɔ́də nang. Tɔdɔ̄ ngōmandə yā gír deē yāḿ gə̄ nujə kɔ̄ɔ́ ō. ngán kə́ dūú gə̄ ō, kə́ ta mba tə́ gə̄ ō, ton̄ kə́ yo tə́ ndágə loo gə̄ kə́ kem ɓēé tə́.

JEREMI 44:14

De kə́ a ndi kə kumneé aláa de kə́ a teē ta yo tə́ dan gotə Juda gə̄ tə́ ō, ngé gə̄ ń reē ɓɔ̄ɔ̄n̄ rɔ̄də́ Ejiptə tə́ ō ní a gətóo. De kə́ a tél yā kaw̄ gogə́ kem ɓē kə́ Juda tə́ ń nin̄ gírə̄n̄ tél kaw̄ ndi ɓē kemeé ní a gətóo. Nin̄ a télən̄ yā kaw̄ kemeé alé, banī i ngé teē ta yo tə́ kə́rēý gə̄ tá ngóy.

JEREMI 9:21

Ɔ̄r̄ najə̄ ə́da na, najə̄ ń Kɔ́ɔ̄ɓē əda ní n toó: Nīń de gə̄ tə́sō, tītə̄ yedə̄ yá̰á̰ kə́ seĺ kem ndɔrɔ́ ō, tītə̄ dɔ kōō kə́ teē tə́sō gō nge sāā kōō tə́ ō, ba de kə́ yā kɔy gətóo ō.

JEREMI 7:19

I mā n ādə̄mī wōn̄g ní a? I nin̄ kɔ́ gə̄ aláa? I tām̄ rɔ̄sɔl̄ yādə́ nin̄ kɔ́ gə̄ tə́. Najə̄ ń Kɔ́ɔ̄ɓē əda ní n noó.

Gōsə̄ najə̄ gə̄ 15:32

Nge mbātə́ kɔjə̄ i de kə́ nge rāā ndāńg kə rɔ̄n nəkɔ́, banī de kə́ ndigə kadə̄ ndāńgnən̄ i de kə́ a ngáā.

Gōsə̄ najə̄ gə̄ 5:22

Yá̰á̰ kə́ gōtə́ aĺ gə̄ ń nge kem ndul rāā ní tél əhɔn nəkɔ́ gūmbə̄ tə́ ō, kəlā majaĺ yān gə̄ a do̰ō̰n ō.

1 SAMUEL 15:3

Ngɔlaā ní āw̄ ī-rɔ̄ɔ̄n. Ī-nujə yá̰a̰ yān gə̄ sák sák kɔ̄ɔ́ malang kanjə̄ kəya̰ yá̰á̰ kógə̄ḿ. Ī-tɔ̄l̄ yá̰a̰ malang ń ndi kə kumuú ní kɔ̄ɔ́, ī-tɔ̄l̄ dəngam gə̄ ō, dəyá̰ gə̄ ō, ngán gə̄ ō, ngán kə́ ta mba tə́ gə̄ ō, man̄g gə̄ ō, batə̄ gə̄ ō, jámbal gə̄ ō, kərō gə̄ ō.

NGÉ SARYA 21:11

Ba yá̰á̰ ń ā ī-rāāī ní n toó: ī-tɔ̄lī dəngam gə̄ ō, dəyá̰ gə̄ ń gerə̄n̄ dəngam kɔ̄ɔ́ ní ō, ba ə́ya̰ī dəyá̰ kə́ ger̄ dəngam aĺ ɓáý gə̄.

JOJUE 6:21

Nin̄ bāān̄ dɔ de kə́ kemeé gə̄ malang tɔ̄ləndə́ kə kaskaraá dəngam gə̄, kə dəyá̰ gə̄, kə ngán gə̄, kə de kə́ tɔgə gə̄, tɔ̄lə̄n̄ man̄g kə́ bəra gə̄ ō, batə̄ gə̄ ō, kərō gə̄ ō.

NDŪ NAJƏ̄ 32:25

Kəyā kaskar a tɔ̄l̄ de gə̄ ndágá ō, ɓōĺ a tɔ̄l̄ de gə̄ kújú ō. Balsáa a oy ō, ngōmandə a oy ō, ngōn̄ kásə̄ a oy ō, de kə́ tɔgə ɓə́ga a oy ō.

JEREMI 44:8

Tɔdɔ̄ sḭḭ̄ ī-rāāī ādə̄ wōn̄g rāām̄ sɔɔ̄ń kəla rāāsí gə̄. Ī-róōī yá̰a̰ ndējə̄ gə̄ ādī nə́ɓā kə́ rang gə̄ kem ɓē kə́ Ejiptə ń ī-reē ī-ɓɔ̄ɔ̄ī rɔ̄sí kemeé tə́ ní, kadə̄ óyiīneé yā təgā kɔ̄ɔ́ ō, kadə̄ ī-téliīneé yá̰á̰ kə́ de gə̄ kídə̄n̄ ō, yá̰á̰ kə́ to rɔ̄sɔl̄ ō, dan nápar de gə̄ malang kə́ dɔ nang tə́ tə́.

JEREMI 42:20

Sḭḭ̄ kɔ́ gə̄ ī-gólī rɔ̄sí, tɔdɔ̄ sḭḭ̄ ə́lamī rɔ̄ Kɔ́ɔ̄ɓē Nə́ɓā yāsí tə́ ə́daī na: Ɔ̄r̄ najə̄ kə Kɔ́ɔ̄ɓē Nə́ɓāá tām̄ yājí tə́, ə́dájí yá̰a̰ malang ń Kɔ́ɔ̄ɓē Nə́ɓā yājí əda ní kə ta njaá na j-a jə-rāā.

JEREMI 26:19

Ní, Ejekias mban̄g kə́ Juda tə́ ō, gír deē yān gə̄ malang ō tɔ̄lə̄n̄ Mise a? Ní, de gə̄ ɓōlə́n̄ ndíĺ Kɔ́ɔ̄ɓē sɔlə̄n̄neé kemən aĺ a? I loo ń noō tə́ n Kɔ́ɔ̄ɓē lōō gíŕ yá̰á̰ kə́ to kum kaȳ aĺ ń əda kadə̄ rāādə́ ní tə́. Ba jḭḭ̄ ɓáa jə-sāāī i yá̰á̰ kə́ majə aĺ kə̄ dɔjí tə́.

JEREMI 25:7

Banī ōōī najə̄ kɔrə̄ḿ alé. Ī-tél ī-nujiī kemḿ kə kəla rāāsí gə̄ ə̄nīīneé yá̰á̰ kə́ to kum kaȳ aĺ kə̄ dɔsí tə́. Najə̄ ń Kɔ́ɔ̄ɓē əda ní n noó.

Gōsə̄ najə̄ gə̄ 8:36

Deē ń rāā majaĺ seḿ māá ní rāā majaĺ i kə rɔ̄n nəkɔ́ ō, deē ń imə̄m̄ ní i de kə́ gḛy koy ō.

Gōsə̄ najə̄ gə̄ 1:18

Banī nin̄ əyān̄ gūmbə̄ i yā kəhɔń rɔ̄də́ nin̄ kɔ́ gə̄ ō, koō naā yādə́ kə́ jəke loo mundə̄ tə́ a tél yā kəsō i dɔdə́ nin̄ kɔ́ gə̄ tə́ ō.

1 SAMUEL 22:19

Saul adə̄ tɔ̄lə̄n̄ dəngam gə̄ ō, dəyá̰ gə̄ ō, ngáń kə́ dūú gə̄ ō, ngán kásə̄ gə̄ ō, man̄g gə̄ ō, kərō gə̄ ō, batə̄ gə̄ ō, bə̄yā̰ gə̄ ō malang kə́ Nob ń i ɓē yā ngé tun̄ yá̰a̰ gə̄ ń toō ní kə kaskaraá.

JEREMI 3:24

Banī rɔ̄sɔl̄ nujə kə kəla yā kaají gēé kɔ̄ɔ́, i kə ngōn̄ dūújí nú, nujə kə ngáń yá̰a̰ kul̄ yādə́ gə̄ ō, yá̰a̰ kul̄ kə́ bo yādə́ gə̄ ō, ngáńdə́ kə́ dəngam gə̄ ō, kə́ dəyá̰ gə̄ ō.

NŌŌ RƆ̄ 2:22

Ī-rāā ādə̄ ɓōĺ kə́ ngá̰ý teē kə̄ ta loo gə̄ tə́ reē dɔḿ tə́, tītə̄ ń de gə̄ a teēn̄neé kə̄ loo gə̄ tə́ yā reē rāā nāā tə́ noó beé. Ndɔ̄ rāā wōn̄g yā Kɔ́ɔ̄ɓē tə́ ní, de kə́ teē ta yo tə́, aláa ndi kə kumneé gətóo. Madə̄ ba̰ā̰ḿ tɔ̄l̄ ngánə́ḿ gə̄ ń m-ə̄tōdə́ kə tárá ngá̰ý ní kɔ̄ɔ́.

JEREMI 25:6

Ī-ngɔ̄dī gō nə́ɓā kə́ rang gə̄ yā ndɔ̄ȳdə́ aĺ ō, ɔ́siī nosí nang tə́ nodə́ tə́ yā rɔȳdə́ aĺ ō, ādī wōn̄g rāām̄ gír kəla rāāsí gə̄ tə́ aĺ ō, anī m-ā m̄-rāā sesí yá̰á̰ kə́ majaĺ aĺ bátə́.

JEREMI 38:17

Anī Jeremi əda Sedekias na: Kɔ́ɔ̄ɓē, Nə́ɓā kə́ tɔ́gən i ngá̰ý, Nə́ɓā yā Israel, ɔr̄ najə̄ i tītə̄ ń toō beē: Ré ī-ndigə teē kaw̄ kəsō kem jī de kə́ bo gə̄ yā mban̄g kə́ Babilon tə́ anī, ā ī-teē ta yo tə́ ō, hor a o̰o̰ ɓē ń toō aĺ ō. Ḭ̄ ō, gír kojə yāí ō ā ī-ndiī kə kumsí.

EJEKIEL 9:6

Ī-tɔ̄lī ɓə́ga gə̄ ō, ngásáā gə̄ ō, ngámandə gə̄ ō, ngán gə̄ ō, dəyá̰ gə̄ ō! Ī-rāāī ādī nin̄ gətóon̄ kɔ̄ɔ́ malang! Banī de gə̄ malang ń əjan̄ yá̰a̰ nɔtə nodə́ tə́ ní, ī-lōōī kɔdə rɔ̄də́. Ə́laī gír kem loo kə́ táĺ yāḿ tə́ laā. Loo ń noō tə́ nin̄ əlan̄ gír tɔ̄l̄ kum kɔɔ̄ gə̄ ndin̄ ta kújə yā Kɔ́ɔ̄ɓē tə́ ní.