JEREMI 44:28 - Bibəl ta Sar̄

²⁸ De kə́ kutədə́ i ngá̰ý aĺ gə̄ kə́ teēn̄ ta yo kaskar tə́ a ḭḭn̄ Ejiptə yā tél kaw̄ gogə́ dɔ nang kə́ Juda tə́. Ɓá anī, ngé gə̄ malang ń ndin̄ kə kumdə́ Juda tə́ á reē ɓɔ̄ɔ̄n̄ rɔ̄də́ Ejiptə tə́ ní, a gerə̄n̄ ké najə̄ i yāḿ aké i yādə́ nin̄ wa.

Bible sar

²⁸ De kə́ kutədə́ i ngá̰ý aĺ gə̄ kə́ teēn̄ ta yo kaskar tə́ a ḭḭn̄ Ejiptə yā tél kaw̄ gogə́ dɔ nang kə́ Juda tə́. Ɓá anī, ngé gə̄ malang ń ndin̄ kə kumdə́ Juda tə́ á reē ɓɔ̄ɔ̄n̄ rɔ̄də́ Ejiptə tə́ ní, a gerə̄n̄ ké najə̄ i yāḿ aké i yādə́ nin̄ wa.

JEREMI 44:28 Referans Kwoze

JEREMI 44:14

De kə́ a ndi kə kumneé aláa de kə́ a teē ta yo tə́ dan gotə Juda gə̄ tə́ ō, ngé gə̄ ń reē ɓɔ̄ɔ̄n̄ rɔ̄də́ Ejiptə tə́ ō ní a gətóo. De kə́ a tél yā kaw̄ gogə́ kem ɓē kə́ Juda tə́ ń nin̄ gírə̄n̄ tél kaw̄ ndi ɓē kemeé ní a gətóo. Nin̄ a télən̄ yā kaw̄ kemeé alé, banī i ngé teē ta yo tə́ kə́rēý gə̄ tá ngóy.

IJAI 10:19

Kāgə̄ gə̄ kə́ kem ku yā Asiri tə́ a na̰yn̄ i sḛ́ý beē, adə̄ ngōn̄ kə́ dūú a asə tə́da kutədə́.

JAKARI 1:6

Ɓá tā banī najə̄ yāḿ gə̄ ō, yá̰a̰ gə̄ ń m-ə́dá ngé kəla yāḿ gə̄ ń i ngé koō ta gə̄ ní kadə̄ rāān̄ ní, ta tɔ̄l̄ ta anī, yá̰a̰ gə̄ ní rāān̄ kaasí gə̄. Loo ń noō tə́ nin̄ tūrə̄n̄ háĺdə́ adə̄ ədan̄ na: Kɔ́ɔ̄ɓē kə́ bo kə́ tɔ́gən i ngá̰ý gḛy rāā yá̰á̰ kógə̄ḿ sejí sɔɔ̄ ń háĺjí ō, yá̰a̰ rāājí gə̄ ō. Adə̄ i yá̰á̰ ń noō n ni-rāā ní.

JEREMI 44:29

Kɔ́ɔ̄ɓē ɔr̄ najə̄ i tītə̄ ń toō beé: Yá̰á̰ ń a ɔjəsí kadə̄ m-ā m̄-rāā yá̰a̰ sesí loo ń toō tə́ ō, kadə̄ najə̄ ń m-ə́da dɔsí tə́ ní a rāā yá̰a̰, adə̄ yá̰á̰ kə́ to kum kaȳ aĺ a rāāsí ō ní n toó.

PĀ GƏ̄ 33:11

Banī yá̰á̰ ń Kɔ́ɔ̄ɓē gír̄ rāā ní a to ngándáńg. Yá̰á̰ ń ni gír̄ kemən tə́ yā rāā ní a to i kə dɔ ɓāl̄ gə̄, kə dɔ ɓāl̄ gə̄.

MATIYE 24:35

Dɔ rā̰ ō dɔ nang ō a mānə̄n̄, banī najə̄ yāḿ a mān̄ aĺ bátə́.

TƏ́DA 14:41

Moijə ədadə́ na: Ā ī-rāāī i rí n noó? Sḭḭ̄ ī-mānī i dɔ ndū Kɔ́ɔ̄ɓē, adə̄ a majə sesí alé.

IJAI 10:22

Tá Israel, ká ré kutə gír deē yāí gə̄ i ngá̰ý tītə̄ nán̄g ngárə̄ḿnjēý kə́ ta bā bo tə́ gə̄gē, i gotədə́ ń a na̰y ní ngóy n a tél yā reē rɔ̄ Kɔ́ɔ̄ɓē tə́ ní. Unən̄ ndūdə́ kɔ̄ɔ́ yā nujə loo. Yá̰a̰ rāā kə́ gōtə́ a taā loo tītə̄ man̄ beé.

JEREMI 42:17

De gə̄ ń a əsōn̄ róbó yā kaw̄ ndi Ejiptə tə́ ní, a oyn̄ yo kaskar ō, yo ɓō ō, yo mo̰y ngāl̄bɔ̄gīí ō. De kə́ dandə́ tə́ kə́ a ndi kə kumneé, aké a teē ta yo tə́ kum yá̰á̰ kə́ to kum kaȳ aĺ ń m-ā m̄-rāā kadə̄ əsō dɔdə́ tə́ ní a gətóo.

JEREMI 44:13

M-ā m-ə́nda de gə̄ malang ń ndin̄ kem ɓē kə́ Ejiptə tə́ ní tītə̄ ń m-ə́ndań ɓē kə́ Jerusalem kə kaskaraá ō, kə ɓōó ō, kə mo̰y ngāl̄bɔ̄gīí ō ní.

JEREMI 51:50

Sḭḭ̄ ngé teē ta yo kaskar tə́ gə̄, ə̄sōī róbó āwī. Ī-lōōī dəba. Ī-gírī dɔ Kɔ́ɔ̄ɓē tə́ loo kə́ sa̰y nəkɔ́ ń ī-ndiī tū tə́ noō ō, ādə̄ əga kemsí dɔ Jerusalem tə́ ō.

EJEKIEL 6:8

Banī m-ā m-ə́ya̰ gotə de kə́ sḛ́ý beē gə̄ ngóy, de gə̄ kə́ dɔ dáń nápar de gə̄ tə́ ń teēn̄ ta yo kaskar tə́ ní, dan ń a tə̄ndā tḭ̄ḭ̄n̄sí kə̄ kem ɓē kə́ rang gə̄ tə́ ní.