JEREMI 44:25 - Bibəl ta Sar̄

²⁵ Kɔ́ɔ̄ɓē kə́ bo kə́ tɔ́gən i ngá̰ý, Nə́ɓā yā Israel, ɔr̄ najə̄ i tītə̄ ń toō beē: Sḭḭ̄ ō, nə̄yá̰sí gə̄ ō, ɔ̄rī najə̄ ré tasí a̰ȳ aĺ ɓáý anī ī-rāāī yá̰á̰ ń ə́daī ní kɔ̄ɔ́ ɓá. Sḭḭ̄ ə́daī na j-a jə-rāā yá̰á̰ ń j-ənī ndūjí yā rāā ní. J-a jə-róō yá̰a̰ ndējə̄ gə̄ yā kadə̄ Mban̄g kə́ dəyá̰ kə́ dɔ rā̰ tə́ ō, j-a jə-tə́te kasə tə́ nang tə́ yā kadə̄n ō. Tā anī ī-rāāī yá̰a̰ gə̄ ń ə̄nīī ndūsí yā rāā ní ī-tɔ̄lī ta ō, ī-tə́teī kasə yāsí gə̄ nang tə́ ō.

Bible sar

²⁵ Kɔ́ɔ̄ɓē kə́ bo kə́ tɔ́gən i ngá̰ý, Nə́ɓā yā *Israel, ɔr̄ najə̄ i tītə̄ ń toō beē: Sḭḭ̄ ō, nə̄yá̰sí gə̄ ō, ɔ̄rī najə̄ ré tasí a̰ȳ aĺ ɓáý anī ī-rāāī yá̰á̰ ń ə́daī ní kɔ̄ɔ́ ɓá. Sḭḭ̄ ə́daī na j-a jə-rāā yá̰á̰ ń j-ənī ndūjí yā rāā ní. J-a jə-róō *yá̰a̰ ndējə̄ gə̄ yā kadə̄ Mban̄g kə́ dəyá̰ kə́ dɔ rā̰ tə́ ō, j-a jə-tə́te kasə tə́ nang tə́ yā kadə̄n ō. Tā anī ī-rāāī yá̰a̰ gə̄ ń ə̄nīī ndūsí yā rāā ní ī-tɔ̄lī ta ō, ī-tə́teī kasə yāsí gə̄ nang tə́ ō.

JEREMI 44:25 Referans Kwoze

MATIYE 14:9

Najə̄ ní nel̄ mban̄g aĺ tā, ba dan ń ni-ənī míndən ta kum ngé rāā nāā gə̄ tə́ kɔ̄ɔ́ ɓá ní loo n kə́ rang gətóo. Adə̄ ni-əda kadə̄ āw̄ reēn̄ kə dɔ Ja̰a̰ ní kə adə̄nən̄.

Makətūbə̄ ń Jud ndang ní 1:13

Nin̄-ton̄ i tītə̄ bəngál bā bo gə̄ beé, adə̄ húūlú dɔdə́ i yá̰a̰ rāādə́ kə́ to rɔ̄sɔl̄ gə̄ ō, ton̄ i tītə̄ tə́yō̰ gə̄ kə́ a dáȳn̄ dɔɔ́, kə́ Nə́ɓā ngɔ̄m̄ loo kə́ risə til nding tām̄ yādə́ tə́ kadə̄ ndin̄ kum tə́ ngándáńg beé ō.

EJEKIEL 20:39

Yá̰á̰ ń mā Kɔ́ɔ̄ɓē Nə́ɓā m-ə́dásí sḭḭ̄ ngán Israel gə̄ ní n toó: Sḭḭ̄ kógə̄ḿ kógə̄ḿ āw̄ ī-rɔyī nə́ɓā kə́ rɔ̄kum aĺ yāsí gə̄! Ba gō tə́ anī, ā ōōī taḿ dɔ gúú tə́. Ā ī-ndējī nə́ɓā yāsí kə́ rɔ̄kum aĺ gə̄ yá̰a̰ yā kídəń rīḿ kə́ kɔr̄ kam̄ to̰ alé.

IJAI 28:15

Sḭḭ̄ ə́daī na: J-ənī ndūjí j-adə̄ naā kə yoó. J-əndā jījí gír makətūbə̄ tə́ j-adə̄ naā kə de kə́ ɓádá gēé. Dan ń yá̰á̰ kə́ a nujə loo a rāā yā rāā yá̰a̰ anī, a reē loojí alé. Tām̄ sor̄ i yá̰á̰ kə́ j-a jə-ndi gírí, yá̰á̰ kə́ gōtə́ aĺ i loo ɓɔ̄ɔ̄ rɔ̄ yājí.

Makətūbə̄ yā Job 34:22

Loo kə́ risə til nding, aké ndíl yo, asən̄ kutə̄ dɔ ngé rāā yá̰a̰ majaĺ gə̄ alé.

JEREMI 32:29

Kalde gə̄ ń ənīn̄ ɓē ń toō rɔ̄ɔ̄ ní a udən̄ kemeé. A əlan̄ hor dɔ tə́ yā róōnəń naā tə́ kə kújə gə̄ ń de gə̄ róōn̄ yá̰a̰ ndējə̄ gə̄ kə́ tām̄ yā Baal tə́ ō, tə́ten̄ kasə adə̄n̄ nə́ɓā kə́ rang gə̄ ō, dɔ tə́ dɔɔ́ adə̄ wōn̄g rāām̄ ní. Kɔ́ɔ̄ɓē ɔr̄ najə̄ i tītə̄ ń noō.