JEREMI 44:23 - Bibəl ta Sar̄

²³ I tɔdɔ̄ sḭḭ̄ ī-róōī yá̰a̰ ndējə̄ gə̄ ādī ɓesə̄ gə̄ ō, ī-rāāī majaĺ kə Kɔ́ɔ̄ɓē ō. Tɔdɔ̄ najə̄ ń ni-ɔr̄ sesí ní, sḭḭ̄ ōōī aĺ ō, úniī gō yá̰á̰ ndóō yān gə̄ aĺ ō, yá̰á̰ ń ni ədasí kadə̄ ī-rāāī ní, sḭḭ̄ ī-rāāī aĺ ō, yá̰á̰ ń ni-ra sesí ta rāā ní, sḭḭ̄ ī-rāāī aĺ ō. I tām̄ ń toō tə́ n yá̰á̰ kə́ to kum kaȳ aĺ ń toō rāańsí ní, yá̰á̰ ń rāā yá̰a̰ ngɔlaā ní n toó.

Bible sar

²³ I tɔdɔ̄ sḭḭ̄ ī-róōī *yá̰a̰ ndējə̄ gə̄ ādī ɓesə̄ gə̄ ō, ī-rāāī majaĺ kə Kɔ́ɔ̄ɓē ō. Tɔdɔ̄ najə̄ ń ni-ɔr̄ sesí ní, sḭḭ̄ ōōī aĺ ō, úniī gō yá̰á̰ ndóō yān gə̄ aĺ ō, yá̰á̰ ń ni ədasí kadə̄ ī-rāāī ní, sḭḭ̄ ī-rāāī aĺ ō, yá̰á̰ ń ni-ra sesí ta rāā ní, sḭḭ̄ ī-rāāī aĺ ō. I tām̄ ń toō tə́ n yá̰á̰ kə́ to kum kaȳ aĺ ń toō rāańsí ní, yá̰á̰ ń rāā yá̰a̰ ngɔlaā ní n toó.

JEREMI 44:23 Referans Kwoze

1 MBAN̄G GƏ̄ 9:9

Anī a tél a ədan̄də́ na i tɔdɔ̄ nin̄ əya̰n̄ Kɔ́ɔ̄ɓē Nə́ɓā yādə́ ń teē kə kaadə́ gēé kɔ̄ɔ́ kem ɓē kə́ Ejiptə tə́ ní. Nin̄ əya̰nən̄ kɔ̄ɔ́ ba tél namə̄n̄ kə nə́ɓā kə́ rang gə̄ ō, ɔsən̄ nodə́ nang tə́ nodə́ tə́ ō, rāān̄ kəla adə̄n̄də́ ō. I tām̄ ń noō tə́ n Kɔ́ɔ̄ɓē reēń kə yá̰á̰ kə́ to kum kaȳ aĺ gə̄ malang ń toō dɔdə́ tə́ ní.

PĀ GƏ̄ 119:150

Ngé rāā kumḿ ndoō tə́ ndāńg ndāńg gə̄ ń toō ndɔ́tə̄n̄ kə̄ rɔ̄ḿ tə́ ngɔr, nin̄ ɔrə̄n̄ rɔ̄də́ sa̰y rɔ̄ ndū najə̄ yāí tə́.

NEHEMI 13:18

Kaasí gə̄ rāān̄ i tītə̄ ń noō ō aĺ a? I tām̄ najə̄ ń noō tə́ n Nə́ɓā yājí rāā adə̄ yá̰á̰ kə́ to kum kaȳ aĺ gə̄ malang ń toō reēn̄neé dɔjí tə́ ō, dɔ ɓē ń toō tə́ ō ní. Ba sḭḭ̄, ndɔ̄ sabat ń ī-rāāī i ndɔ̄ kə́ karī tə́ ní, ī-rāāī i kadə̄ wōn̄g tél rāā Nə́ɓā kə ngán Israel gēé gogə́ ɓáý to̰!

2 KORḚNTƏ 6:16

Kújə yā Nə́ɓā ō, ɓesə̄ gə̄ ō ní, i rí n ɓoodə́ naā tə́ ní? Tɔdɔ̄ jḭḭ̄ i kújə yā Nə́ɓā kə́ ndi kə kumneé tītə̄ ń Nə́ɓā nəkɔ́ ədań ní, ni-əda na: M-ā m̄-ndi sedə́ ō, m-ā m̄-njə̄rā sedə́ ō, loo ń noō tə́ mā i Nə́ɓā yādə́ ō, nin̄ i gír deē yāḿ gə̄ ō.

1 KORḚNTƏ 10:20

Yá̰á̰ ń m̄-sāā kəda ní n noō alé! M-ə́da na yá̰á̰ ń de kə́ ndágá gə̄ tunə̄n̄ ní, tun̄ adə̄n̄ i ndíĺ kə́ majaĺ gə̄ ba i Nə́ɓā alé. m̄-gḛy kadə̄ ī-ɓooī naā kə ndíĺ kə́ majaĺ gə̄ alé.

NŌŌ RƆ̄ 1:8

Jerusalem rāā yá̰á̰ kə́ majaĺ adə̄ ni téĺ yá̰á̰ kə́ yḛr. Ngé gə̄ malang ń ɔsən̄ gɔnən ní kídə̄nən̄ kɔ̄ɔ́ dan ń a̰a̰n̄ kadə̄ gírən i karī ní. Nəkɔ́ gə̄gē a to̰ō̰ ō, tūr̄ gidən ō.

JEREMI 44:21

Yá̰a̰ ndējə̄ gə̄ ń sḭḭ̄ ō, kaasí gə̄ ō, mban̄g yāsí gə̄ ō, de kə́ bo yāsí gə̄ ō, gír de gə̄ kə́ kem ɓēé ō, ī-róōī kem ɓē gə̄ kə́ Juda tə́ ō, dɔ kə̄lá róbə gə̄ kə́ Jerusalem tə́ ō ní, Kɔ́ɔ̄ɓē ger̄ gō aĺ a? Əga kemən dɔ tə́ aĺ a?

JEREMI 44:18

Ba jóo nəkɔ́ ń toō ń jə-lōō gír róō yá̰a̰ ndejə̄ gə̄ tə́ yā kadə̄ Mban̄g kə́ dəyá̰ kə́ dɔ rā̰ tə́ ō, jə-lōō gíŕ tə́te kasə tə́ nang tə́ kadə̄n ō, jə-nal̄ yá̰a̰ malang ō, j-oy yo kaskar ō, yo ɓō ō.

JEREMI 44:8

Tɔdɔ̄ sḭḭ̄ ī-rāāī ādə̄ wōn̄g rāām̄ sɔɔ̄ń kəla rāāsí gə̄. Ī-róōī yá̰a̰ ndējə̄ gə̄ ādī nə́ɓā kə́ rang gə̄ kem ɓē kə́ Ejiptə ń ī-reē ī-ɓɔ̄ɔ̄ī rɔ̄sí kemeé tə́ ní, kadə̄ óyiīneé yā təgā kɔ̄ɔ́ ō, kadə̄ ī-téliīneé yá̰á̰ kə́ de gə̄ kídə̄n̄ ō, yá̰á̰ kə́ to rɔ̄sɔl̄ ō, dan nápar de gə̄ malang kə́ dɔ nang tə́ tə́.

JEREMI 40:3

Kɔ́ɔ̄ɓē rāā adə̄ yá̰á̰ ń əda najə̄n ní reē rāā yá̰a̰. Yá̰á̰ ní rāā yá̰a̰ i tɔdɔ̄ sḭḭ̄ ī-rāāī yá̰á̰ kə́ gōtə́ alé kə Kɔ́ɔ̄ɓēé ō, ōōī najə̄ yān aĺ ō.

PĀ GƏ̄ 119:155

Kajə ndetə kadə de kə́ sew aĺ gə̄ ngɔr alé. Tɔdɔ̄ nin̄ sāān̄ gō yá̰a̰ gə̄ ń ī-ndang kadə̄ yā rāā ní alé.

PĀ GƏ̄ 78:56

Nin̄ dumə̄n̄ naā, nāān̄ Nə́ɓā kə́ dɔɔ́ sa̰y ngá̰ý, mbātə́n̄ ngɔ̄m̄ ndū najə̄ yān gə̄.

2 YÁ̰A̰ GƏ̄ 36:16

Banī nin̄ mbóon̄ kə ngámbang kəla yā Nə́ɓā gēé ō, kídə̄n̄ najə̄ gə̄ ń Nə́ɓā ɔr̄ sedə́ ní ō, ɓōlə́n̄ ngé koō ta yān gə̄ aĺ ō, adə̄ wōn̄g ń rāā Kɔ́ɔ̄ɓē kə gír deē yān gēé ní dáwán gətóo.

PĀ GƏ̄ 78:10

i tɔdɔ̄ nin̄ ngɔ̄mə̄n̄ madə̄ naā yā Nə́ɓā alé, nin̄ mbātə́n̄ rāā yá̰á̰ ń ndū najə̄ yān əda ní.

PĀ GƏ̄ 119:136

m̄-nōō kə man̄ kumḿ, tɔdɔ̄ de gə̄ rāān̄ yá̰á̰ ń ndū najə̄ yāí əda ní alé.

JEREMI 26:4

Ā ə́dádə́ na: Najə̄ ń mā Kɔ́ɔ̄ɓē m-ə́dá ní n toó: Ré sḭḭ̄ ōōī najə̄ yāḿ aĺ ō, úniī gō yá̰á̰ ń m̄-ndóōsí ní aĺ ō,

JEREMI 44:2

Najə̄ ń Kɔ́ɔ̄ɓē kə́ bo kə́ tɔ́gən i ngá̰ý, Nə́ɓā yā Israel, əda ní n toó: Sḭḭ̄ á̰a̰ī yá̰á̰ kə́ to kum kaȳ aĺ gə̄ malang ń m̄-rāā kə Jerusalem ō, kə ɓē gə̄ kə́ Juda tə́ ō ní majə. Á̰a̰ī kadə̄ ngɔlaā ní nin̄ nujə sák sák kɔ̄ɔ́ ō, de gə̄ ndin̄ kemeé to̰ alé ō.

JEREMI 44:3

Tɔdɔ̄ nin̄ rāān̄ yá̰á̰ kə́ majaĺ, róōn̄ yá̰a̰ ndējə̄ gə̄ adə̄n̄ nə́ɓā kə́ rang gə̄ ń i ɓesə̄ gə̄ ní adə̄mə̄n̄neé wōn̄g. Ndɔ̄yə̄n̄ nə́ɓā gə̄ kə́ nin̄ gə̄gē sḭḭ̄ gə̄gē kaasí gə̄ gə̄gē ī-gerī gíŕdə́ alé.

JEREMI 44:10

Ɓōólaā gə̄gē ní nin̄ ndə̄ngān̄ rɔ̄də́ alé, ɓōlə́n̄ ndílə́ḿ alé. Nin̄ unən̄ gō róbə yāḿ gə̄ aĺ ō, unən̄ gō ndū najə̄ yāḿ gə̄ ń m̄-ndang m-ādə̄sí sḭḭ̄ ō, kaasí gə̄ ō ní aĺ ō.

2 MBAN̄G 17:15

Nin̄ mbātə́n̄ ndū najə̄ yān gə̄ ō, madə̄ naā ń ni-əhɔ kə kaadə́ gēé ní ō, yá̰a̰ gə̄ ń ni-ra sedə́ ta rāā á ter̄ kemdə́ dɔ tə́ ní ō. Unən̄ gō yá̰á̰ kə́ karī gə̄, adə̄ nin̄ kɔ́ gə̄ télən̄ yá̰á̰ kə́ karī gə̄ ō. Ndájə̄n̄ nápar de gə̄ ń gīrə̄n̄ gidədə́ ní. I yá̰á̰ kə́ Kɔ́ɔ̄ɓē ɔgə̄də́ rāā ba nin̄ rāān̄. Tá Kɔ́ɔ̄ɓē ədadə́ na kə lōōn̄ rāā yá̰a̰ tītə̄ yādə́.

DANIEL 9:13

Yá̰á̰ kə́ to kum kaȳ aĺ ní reē dɔjí tə́ malang i tītə̄ ń ndangən̄neé kem makətūbə̄ ndū najə̄ yā Moijə tə́ ní. Banī jḭḭ jə-tūr̄ gidəjí kɔ̄ɔ́ ta yá̰a̰ rāājí kə́ gōtə́ aĺ gə̄ tə́ jə-sɔlə̄ń kem Kɔ́ɔ̄ɓē Nə́ɓā yājí aĺ ō, jə-nēl̄ mbījí j-oōń najə̄ kə́ rɔ̄kum yān jə-sɔlə̄ń kemən aĺ ō.