JEREMI 44:22 - Bibəl ta Sar̄

²² Kɔ́ɔ̄ɓē asə tə́gā tan dɔ kəla rāāsí kə́ kə kem nduluú gə̄ tə́ ō, dɔ yá̰á̰ kə́ majaĺ ngá̰ý gə̄ ń ī-rāāī tə́ ní ō. Adə̄ ɓē yāsí tél loo kə́ nujə sák sák kɔ̄ɔ́ ō, ndágə loo kə́ to kum ko̰ ō, yá̰á̰ kə́ ndɔ̄ĺ ō, ɓē kə́ de gə̄ gətóon̄ kemeé ō, yá̰á̰ ń rāā yá̰a̰ ngɔlaā ní n toó.

Bible sar

²² Kɔ́ɔ̄ɓē asə tə́gā tan dɔ kəla rāāsí kə́ kə kem nduluú gə̄ tə́ ō, dɔ yá̰á̰ kə́ majaĺ ngá̰ý gə̄ ń ī-rāāī tə́ ní ō. Adə̄ ɓē yāsí tél loo kə́ nujə sák sák kɔ̄ɔ́ ō, ndágə loo kə́ to kum ko̰ ō, yá̰á̰ kə́ ndɔ̄ĺ ō, ɓē kə́ de gə̄ gətóon̄ kemeé ō, yá̰á̰ ń rāā yá̰a̰ ngɔlaā ní n toó.

JEREMI 44:22 Referans Kwoze

JEREMI 25:18

M-ādə̄ Jerusalem ō, ɓē kə́ Juda tə́ gə̄ ō, mban̄g yān gə̄ ō, de kə́ bo yān gə̄ ō, kadə̄ a̰ȳn̄ ba télən̄ yá̰á̰ kə́ nujə sák sák ō, kə́ to kum ko̰ kə́ de gə̄ a əgan̄ kɔŕ ɓōĺ dɔ tə́ ō, yá̰á̰ kə́ de gə̄ a ndɔ̄lə́n̄ naā kə rīneé ō. I yá̰á̰ ń noō n a rāā yá̰a̰ ngɔlaā toó.

MALASI 2:17

Ī-rāāī Kɔ́ɔ̄ɓē kə najə̄ kɔr̄sí gēé adə̄ ni ɔr. Sḭḭ̄ ə́daī na ké ī-rāāī i ba̰ý n ni ɔrəń ní wa. Sḭḭ̄ ī-rāāin̄ adə̄ ni ɔr, i dan ń ə́daī na ni na a̰a̰ ngé rāā yá̰á̰ kə́ majaĺ gə̄ na i kə kemən kə́ majaá ní, ni na ndigə najə̄ gō de gə̄ ngeé gə̄ ń noō tə́ ní. Sḭḭ̄ ə́daī ɓáý to̰ na: Ké Nə́ɓā kə́ nge gān̄g sarya kə́ gōtə́ ndi a rāā i rí wa.

JEREMI 44:12

M-ā m-ə̄ndā kumḿ gír Juda gə̄ ń teēn̄ ta yo tə́ á əsōn̄ róbó yā kaw̄ ɓɔ̄ɔ̄ rɔ̄də́ Ejiptə tə́ ní kə gōó. Nin̄ malang a oyn̄, a tə́sōn̄ kem ɓē kə́ Ejiptə tə́. A oyn̄ yo kaskar ō, yo ɓō ō, a télən̄ yá̰á̰ kə́ to kum ko̰ ō, a ndə̄ngān̄də́ yo ō, a ndɔ̄lə́n̄də́ ō, a tájə̄n̄də́ ō.

JEREMI 25:38

De gə̄ ɔtən̄ aw̄n̄ tītə̄ ń ɓɔl a əya̰ń loo ton ní beē. Wōn̄g kə́ ngá̰ý yā Kɔ́ɔ̄ɓē ō, kaskar yān kə́ kumən o̰o̰n aĺ ō, rāān̄ ɓē yādə́ adə̄ téĺ ndágə loo kə́ to kum ko̰.

JEREMI 25:11

Ɓē ń noō kə taá malang a tél loo kə́ nujə sák sák kɔ̄ɔ́ ō, ndágə loo kə́ to kum ko̰ ō, nápar de gə̄ ń noō a rāān̄ kəla adə̄n̄ mban̄g kə́ Babilon kem ɓāl̄ kutə sīrí.

JEREMI 18:16

Nin̄ rāān̄ ɓē yādə́ adə̄ téĺ ndágə loo kə́ to kum ko̰ kə́ de gə̄ a əgan̄ kɔŕ ɓōĺ dɔ tə́. De gə̄ malang ń mānə̄n̄ loo ń noō tə́ ní ɔr̄ kumdə́ ō, tə́gān̄ dɔdə́ nek nek ō.

IJAI 43:24

Nar yāí udə loo mang kámbə kotə gə̄ tə́ tām̄ yāḿ tə́ alé, ī-rāā adə̄ m̄-ndān̄ kə ta kūl̄ kəsa yibə̄ dā̰ kə́ tɔ̄l̄ ba tun̄ gə̄ alé. Banī ī-rāā adə̄ mā i ɓəlo yāí kə ta kūl̄ yá̰a̰ rāāí kə́ gōtə́ aĺ gə̄. Ī-rāā adə̄ kɔr rāām̄ kə ta kūl̄ mān̄ kə́ ī-mān̄ dɔ ndūḿ gə̄ kə̄ nja naā tə́.

IJAI 7:13

Anī Ijai əda na: I beé ní, sḭḭ̄ ń i de gə̄ kə́ gír kojə yā mban̄g Dabid tə́ ní, ōōī! Sḭḭ̄ ī-rāāī de gə̄ adə̄ kɔr rāādə́ ō, tá to tītə̄ kə́ nge ń noō asəsí aĺ ɓáý beē. Sḭḭ̄ ī-rāāī Nə́ɓā yāḿ adə̄ kɔr rāān ō!

Makətūbə̄ ń Pol ndang adə̄ Rom gə̄ ní 9:22

Nə́ɓā gḛy i kɔjə wōn̄g yān ō, tɔ́gən ō. Ɓá tā ba ni-tə́gā tan dɔ ngé gə̄ ń asə kadə̄ ni-rāā wōn̄g sedə́ ō, nujədə́ kɔ̄ɔ́ ō ní tə́.

AMOS 2:13

Beé ɓá ní, ngɔlaā m-ā m̄-rējə̄sí tītə̄ ń púsə́ kə́ yá̰a̰ gātə̄ rosə kem a rējəń yá̰a̰ malang kə́ dɔ róbən tə́ ní.

DANIEL 9:12

Nə́ɓā rāā yā ń əda dɔjí tə́ ō dɔ ngé ko̰o̰ ɓē dɔjí tə́ gə̄ ō ní, ni-reē kə yá̰á̰ kə́ to kum kaȳ aĺ kə́ ngá̰ý dɔjí tə́ Jerusalem. Kum tō ndoō kə́ tītə̄ ń noō to loo kə́rēý tə́ dɔ nang tə́ aĺ ɓáý.

EJEKIEL 5:13

M-ā m̄ bə̄gā wōn̄g yāḿ dɔsí tə́, m-ā m̄-bə̄gā wōn̄g yāḿ dɔsí tə́ bátə́ ta tɔ̄l̄ ta tə́, adə̄ m-ā m̄-dal ba̰ā̰. Loo ń noō tə́ ā ī-gerī kadə̄ deē ń ɔr̄ najə̄ sesí ní, i mā Kɔ́ɔ̄ɓē. Tɔdɔ̄ m-ásə́ tə́gā taḿ dɔ mbātə́ ndi dɔ kənī ndū yāsí tə́ alé.

JEREMI 44:6

Adə̄ m-bə̄gā wōn̄g yāḿ, wōn̄g kə́ ngá̰ý yāḿ, kadə̄ nujə ɓē gə̄ kə́ Juda ō, kə̄lá róbə gə̄ kə́ Jerusalem ō, tītə̄ hor kə́ o̰o̰ loo beé. Nin̄ télən̄ loo kə́ nujə sák sák kɔ̄ɔ́ gə̄ ō, loo kə́ yá̰a̰ gətóo tū tə́ gə̄ ō, yá̰á̰ ń rāā yá̰a̰ ngɔlaā ní n toó.

JEREMI 44:2

Najə̄ ń Kɔ́ɔ̄ɓē kə́ bo kə́ tɔ́gən i ngá̰ý, Nə́ɓā yā Israel, əda ní n toó: Sḭḭ̄ á̰a̰ī yá̰á̰ kə́ to kum kaȳ aĺ gə̄ malang ń m̄-rāā kə Jerusalem ō, kə ɓē gə̄ kə́ Juda tə́ ō ní majə. Á̰a̰ī kadə̄ ngɔlaā ní nin̄ nujə sák sák kɔ̄ɔ́ ō, de gə̄ ndin̄ kemeé to̰ alé ō.

JEREMI 29:19

Tɔdɔ̄ nin̄ oōn̄ najə̄ yāḿ alé. Nin̄ ń m̄-to dan kəla ngé kəla yāḿ gə̄ ń i ngé koō ta gə̄ rɔ̄də́ tə́ ní, oōn̄ najə̄ yāḿ alé. Najə̄ ń Kɔ́ɔ̄ɓē əda ní n noó.

JEREMI 26:6

yá̰á̰ ń m̄-rāā kə Silo ní, m-ā m̄-rāā kə kújə́ ń toō. M-ā m̄-rāā ɓē ń toō kadə̄ a téĺ yá̰á̰ kə́ nápar de gə̄ malang kə́ dɔ nang tə́ a ndɔ̄lə́n̄ naā kə rīneé.

JEREMI 24:9

M-ā m-ūtə̄ kumḿ njárárá, ba m-ā m̄-rāādə́ kadə̄ télən̄ yá̰á̰ kə́ to ɓōĺ tām̄ yā ɓē ko̰o̰ gə̄ malang kə́ dɔ nang tə́ tə́. A ənīn̄ pā sedə́ ō, a lurən̄də́ ō, a tájə̄n̄də́ ō, a ndɔ̄lə́n̄də́ ō, kə gō loo gə̄ malang ń m̄-tə̄ndā m̄-tḭ̄ḭ̄də́ tū tə́ tə́ ní.

JEREMI 15:6

I ḭ̄ n ə́yam̄ kɔ̄ɔ́ ō, ī-tūr̄ gidií taḿ tə́ kɔ̄ɔ́ ō ní. M-ə́la jīḿ kə̄ dɔí tə́ kadə̄ m̄-nujə seí. Kɔr asəm̄ ta tə́gā taḿ tə́.

IJAI 1:24

I tām̄ najə̄ ń toō tə́ ń Kɔ́ɔ̄ɓē kə́ bo kə́ tɔ́gən i ngá̰ý ō, ni ń i ngol ō, Nə́ɓā yā Israel kə́ tɔ́gən to ō, əda najə̄ ń toó ní: Yá̰á̰ kə́ to kum kaȳ aĺ kə́ ba̰ý beē! M-ā m̄-dal ba̰ā̰ rɔ̄ḿ dɔ ngé rɔ̄ɔ̄ seḿ gə̄ tə́, yá̰á̰ kə́ majaĺ ń madə̄ ba̰ā̰ḿ gə̄ rāān̄ seḿ ní, m-ā m-ə̄gādə́ kə̄rān!

TA KƏLA 19:13

Sekə́n̄ de kə́ kemeé gə̄ ngá̰ý rɔ̄ Kɔ́ɔ̄ɓē tə́, adə̄ ni əlají kadə̄ jə-nujəń kɔ̄ɔ́.

TA KƏLA 6:3

Tā anī Kɔ́ɔ̄ɓē əda na: M-ā m-ādə̄ ndílə́ḿ a ndi kem deē tə́ kə ndɔ̄ gə̄ ngándáńg alé, tɔdɔ̄ deē i dā̰ rɔ̄ kə́ tɔ́gən i ngá̰ý alé, adə̄ ɓālə̄n a aw̄ ngá̰ý gē a, i ɓú kə kutə jōó ngóy.

JEREMI 4:4

De kə́ Juda tə́ gə̄ ō, de kə́ kem ɓē kə́ Jerusalem tə́ gə̄ ō, ə́jaī mɔtəsí tām̄ yā Kɔ́ɔ̄ɓē tə́, ə́jaī mɔtə kə́ dan wursí tə́. Ré i beé aĺ anī, wōn̄g yāḿ a ndūbə̄ tītə̄ hor yā ko̰o̰ loo kanjə̄ kadə̄ deē asə tɔ̄l̄ ɔjəń dɔ kəla rāāsí kə́ majaĺ ngá̰ý gə̄.

JEREMI 21:12

Kɔ́ɔ̄ɓē ɔr̄ najə̄ i tītə̄ ń toō beé, sḭḭ̄ de kə́ gír kojə yā Dabid tə́ gə̄ ī-rāāī yá̰á̰ kə́ kə gōó dəloí kə ndɔ̄ gə̄. Ī-taāī deē ń rāān̄ kumən ndoō tə́ ní jī nge kəsa tətō de gə̄ tə́, na sōgə́ wōn̄g yāḿ kə́ ngá̰ý əɓa bup tītə̄ hor beé ō, o̰o̰ loo kanjə̄ kadə̄ deē asə tɔ̄l̄ ō, sɔɔ̄ń kəla rāāsí gə̄ kə́ kə kem nduluú.

JEREMI 23:2

I tām̄ ń toō tə́ n najə̄ ń Kɔ́ɔ̄ɓē Nə́ɓā yā Israel əda ngé kul̄ yá̰á̰ gə̄ ń i ngé ngɔ̄m̄ gír deē yāḿ gə̄ ní n toó ní: Sḭḭ̄ əya̰ī yá̰a̰ kul̄ yāḿ gə̄ kɔ̄ɔ́ adə̄ aw̄n̄ kə̄ loo gə̄ tə́. Ba mā m-ə̄ndā kumḿ gíŕsí tə́ yā kəndasí tām̄ yá̰a̰ rāāsí kə́ gōtə́ aĺ gə̄ tə́. Najə̄ ń Kɔ́ɔ̄ɓē əda ní n noó.

JEREMI 29:18

M-ā m̄-tə̄ɓā gōdə́ kə kaskaraá ō, kə ɓōó ō, kə mo̰y ngāl̄bɔ̄gīí ō. M-ā m̄-rāādə́ kadə̄ a télən̄ yá̰á̰ kə́ to ɓōĺ kə́ ɓē ko̰o̰ gə̄ malang kə́ dɔ nang tə́ a ndɔ̄lə́n̄ naā i kə rīneé ō, yá̰á̰ kə́ to kum ko̰o̰ kə́ de gə̄ a əgan̄ kɔŕ ɓōĺ dɔ tə́ ō, a tájə̄n̄ ō, kem ɓē yā nápar de gə̄ ń m̄-tə̄ndā m̄-tḭ̄ḭ̄də́ tū tə́ ní.

JEREMI 30:14

Dɔ ngé sāāí gə̄ malang ndigə̄nalií kɔ̄ɔ́. Gírə̄n̄ dɔí tə́ to̰ alé. M-ə́ndaī tītə̄ ń madə̄ ba̰ā̰í ḭ̄ deē a əndaīneé ní. I yá̰á̰ kə́ tōr̄ ngá̰ý n m̄-rāā seí ní, kadə̄ ī-gerə̄ń gō majaĺ yāí kə́ ngá̰ý gə̄ ō, yá̰á̰ kə́ gōtə́ aĺ yāí kə́ ngá̰ý gə̄ ō.

JEREMI 34:22

M-ā m-ādə̄də́ ndūḿ kadə̄ tél reē rɔ̄ɔ̄n̄ ɓē ń toō. A ənīnən̄ rɔ̄ɔ̄ ō, a əsō kem jīdə́ tə́ ō, a əlan̄ hor dɔ tə́ ō. M-ā m̄-rāā kadə̄ ɓē gə̄ kə́ Juda télən̄ loo kə́ to kum ko̰ gə̄ ō, kə́ de gə̄ gətóon̄ tū tə́ gə̄ ō.

JEREMI 42:18

Rɔ̄kum, najə̄ ń Kɔ́ɔ̄ɓē kə́ bo kə́ tɔ́gən i ngá̰ý, Nə́ɓā yā Israel, əda ní n toó: Tītə̄ ń wōn̄g yāḿ ō, wōn̄g kə́ ngá̰ý yāḿ ō rāāmə̄nneé dɔ de kə́ Jerusalem tə́ gə̄ ní, wōn̄g kə́ ngá̰ý yāḿ a rāām̄ dɔsí tə́ i tītə̄ ń noō ō, dan ń ā ūgīneé Ejiptə tə́ ní. Sḭḭ̄ ā ī-téliī i yá̰á̰ kə́ nujə sák sák kɔ̄ɔ́ ō, kə́ túbə ō, ndɔ̄ĺ ō i dɔ tə́, kə́ de gə̄ kídə̄n̄ ō, kə́ to rɔ̄sɔl̄ ō.

JEREMI 48:9

Údiī yá̰á̰ kógə̄ḿ kə́ kadə̄ əgań kem de gə̄ dɔ ɓē kə́ Moab kə́ nujə sák sák kɔ̄ɔ́ tə́. Ɓē yān gə̄ télən̄ loo kə́ to kum ko̰ gə̄. De kə́ kemeé gə̄ gətóon̄ malang kɔ̄ɔ́.

EJEKIEL 39:23

Nápar de gə̄ a gerə̄n̄ kum yá̰á̰ ń toō: Ɔyn̄ Israel gə̄ aw̄n̄ sedə́ dɔ ɓē kə́ rang tə́ dɔ gúú tə́ i najə̄ yá̰a̰ rāādə́ kə́ gōtə́ aĺ tə́, tɔdɔ̄ nin̄ ran̄ dɔ ndūdə́ tə́ seḿ mā Kɔ́ɔ̄ɓēé alé. I tām̄ najə̄ ń toō tə́ n m̄-tūr̄ gidəḿ tadə́ tə́ kɔ̄ɔ́ ní. M-ə́yá̰də́ kem jī madə̄ ba̰ā̰də́ gə̄ tə́, adə̄ nin̄ tɔ̄lə̄n̄də́ kɔ̄ɔ́ malang ta rɔ̄ɔ̄ tə́.

2 MBAN̄G 17:15

Nin̄ mbātə́n̄ ndū najə̄ yān gə̄ ō, madə̄ naā ń ni-əhɔ kə kaadə́ gēé ní ō, yá̰a̰ gə̄ ń ni-ra sedə́ ta rāā á ter̄ kemdə́ dɔ tə́ ní ō. Unən̄ gō yá̰á̰ kə́ karī gə̄, adə̄ nin̄ kɔ́ gə̄ télən̄ yá̰á̰ kə́ karī gə̄ ō. Ndájə̄n̄ nápar de gə̄ ń gīrə̄n̄ gidədə́ ní. I yá̰á̰ kə́ Kɔ́ɔ̄ɓē ɔgə̄də́ rāā ba nin̄ rāān̄. Tá Kɔ́ɔ̄ɓē ədadə́ na kə lōōn̄ rāā yá̰a̰ tītə̄ yādə́.

JEREMI 5:9

Ní, kə m̄-rāā yá̰a̰ kə de gə̄ ń toō aĺ i ba̰ý? Kə m̄-dal ba̰ā̰ dɔ gíŕ nápar de gə̄ kə́ beé gə̄ tə́ aĺ i ba̰ý? Najə̄ ń Kɔ́ɔ̄ɓē əda ní n noó.

DANIEL 9:11

Israel gə̄ mānə̄n̄ dɔ ndū najə̄ yāí ō, tūrə̄n̄ gidədə́ kɔ̄ɔ́ taí tə́ kanjə̄ koō ndūí ō. Loo ń noō tə́ ndɔ̄ĺ ō kōnjə̄ ō ń ndangən̄ kem makətūbə̄ ndū najə̄ yā nge kəla yāí Moijə tə́ ní reē dɔjí tə́ sɔɔ̄n̄ mbātə́ najə̄ yājí.