JEREMI 44:2 - Bibəl ta Sar̄

² Najə̄ ń Kɔ́ɔ̄ɓē kə́ bo kə́ tɔ́gən i ngá̰ý, Nə́ɓā yā Israel, əda ní n toó: Sḭḭ̄ á̰a̰ī yá̰á̰ kə́ to kum kaȳ aĺ gə̄ malang ń m̄-rāā kə Jerusalem ō, kə ɓē gə̄ kə́ Juda tə́ ō ní majə. Á̰a̰ī kadə̄ ngɔlaā ní nin̄ nujə sák sák kɔ̄ɔ́ ō, de gə̄ ndin̄ kemeé to̰ alé ō.

Bible sar

² Najə̄ ń Kɔ́ɔ̄ɓē kə́ bo kə́ tɔ́gən i ngá̰ý, Nə́ɓā yā *Israel, əda ní n toó: Sḭḭ̄ á̰a̰ī yá̰á̰ kə́ to kum kaȳ aĺ gə̄ malang ń m̄-rāā kə Jerusalem ō, kə ɓē gə̄ kə́ Juda tə́ ō ní majə. Á̰a̰ī kadə̄ ngɔlaā ní nin̄ nujə sák sák kɔ̄ɔ́ ō, de gə̄ ndin̄ kemeé to̰ alé ō.

JEREMI 44:2 Referans Kwoze

JEREMI 34:22

M-ā m-ādə̄də́ ndūḿ kadə̄ tél reē rɔ̄ɔ̄n̄ ɓē ń toō. A ənīnən̄ rɔ̄ɔ̄ ō, a əsō kem jīdə́ tə́ ō, a əlan̄ hor dɔ tə́ ō. M-ā m̄-rāā kadə̄ ɓē gə̄ kə́ Juda télən̄ loo kə́ to kum ko̰ gə̄ ō, kə́ de gə̄ gətóon̄ tū tə́ gə̄ ō.

JEREMI 9:11

Ré deē kógə̄ḿ i kə kum kedēé anī, ādə̄ kɔ́ɔ̄ ger̄ kum ō, ɔjə najə̄ ń Kɔ́ɔ̄ɓē ədan kə taneé ní ō. i tām̄ rí tə́ á ɓē i kə́ nujə sák sák ō, i kə́ kəla hor dɔ tə́ tītə̄ dəla loo ń deē mān̄ tū tə́ aĺ bátə́ ō ní?

IJAI 6:11

m̄-dəje najə̄, m-ə́da na: Kɔ́ɔ̄ɓē, i bátə́ rə́ngáý tə́? Anī ni tūr̄ əda na: I bátə́ kum mbang ń a nujənə̄ń ɓē bo gə̄ sák sák kɔ̄ɔ́ tə́ ní ō, de gə̄ a gətóonə̄ń kɔ̄ɔ́ kem ɓē bo gə̄ tə́ ní ō, de gə̄ a gətóonə̄ń kɔ̄ɔ́ kem kújə gə̄ tə́ ní ō, ndɔr̄ gə̄ a télnə̄ń dəla loo kə́ yá̰a̰ gətóo tū tə́ tə́ ní ō.

MISE 3:12

Ɓá tā banī Siyo̰ a tél ndɔr̄ kə́ de gə̄ ndɔrə̄n̄ kɔ̄ɔ́, i tām̄ yāsí sḭḭ̄ tə́. A̰á̰ā̰, Jerusalem a nujə sák sák kɔ̄ɔ́ ō, mbal̄ bo ń kújə yā Kɔ́ɔ̄ɓē i dɔ tə́ ní, túpə kō̰n̄ gə̄ a taān̄ loo dɔ tə́ kɔ̄ɔ́ ō.

JEREMI 4:7

Ɓɔl teē loo ton tə́, nge nujə kə nápar de gēé əsō róbó a reē. Ni teē loo ton tə́ yā kənī yá̰á̰ kə́ to kum ko̰o̰ dɔ ɓē yāí tə́. A əlan̄ hor dɔ ɓē yāí gə̄ tə́, de kə́ kemeé gə̄ a gətóon̄ kɔ̄ɔ́ malang.

JAKARI 1:6

Ɓá tā banī najə̄ yāḿ gə̄ ō, yá̰a̰ gə̄ ń m-ə́dá ngé kəla yāḿ gə̄ ń i ngé koō ta gə̄ ní kadə̄ rāān̄ ní, ta tɔ̄l̄ ta anī, yá̰a̰ gə̄ ní rāān̄ kaasí gə̄. Loo ń noō tə́ nin̄ tūrə̄n̄ háĺdə́ adə̄ ədan̄ na: Kɔ́ɔ̄ɓē kə́ bo kə́ tɔ́gən i ngá̰ý gḛy rāā yá̰á̰ kógə̄ḿ sejí sɔɔ̄ ń háĺjí ō, yá̰a̰ rāājí gə̄ ō. Adə̄ i yá̰á̰ ń noō n ni-rāā ní.

NŌŌ RƆ̄ 5:18

I tɔdɔ̄ mbal̄ Siyo̰ tél loo kə́ nujə kɔ̄ɔ́ ō, loo kə́ tal̄ gə̄ a njə̄rān̄ tū tə́ ō.

NŌŌ RƆ̄ 1:16

Yá̰á̰ ń m̄-nōō najə̄n tə́ ní, rāā adə̄ kumḿ tetə man̄ jōó mbak. Tɔdɔ̄ nge sɔl̄ kemḿ ō, nge kadə̄m̄ tɔ́gə kadə̄ m̄-ndiń kə kumḿ ō, ɔr̄ rɔ̄n kɔ̄ɔ́ sa̰y rɔ̄ḿ tə́. Ngánə́ḿ gə̄ nujən̄ kɔ̄ɔ́, tɔdɔ̄ tɔ́gə madə̄ ba̰ā̰ḿ tɔȳ yādə́.

NŌŌ RƆ̄ 1:1

Jerusalem ń i ɓē kə́ kété de gə̄ i ngá̰ý kemeé ní, i ba̰ý á ngɔlaā əya̰nən̄ kɔ̄ɔ́ kə kérneé ní? I ba̰ý á ndi tītə̄ dəyá̰ kə́ ngaa koy beé ní? Ni ń rīn ɓār̄ ngá̰ý dan nápar de gə̄ tə́ ō, ni i ngār kə́ dɔ ngán ɓē gə̄ tə́ ō ní, i najə̄ rí tə́ á a rāā kəla ngámbá ní?

JEREMI 44:22

Kɔ́ɔ̄ɓē asə tə́gā tan dɔ kəla rāāsí kə́ kə kem nduluú gə̄ tə́ ō, dɔ yá̰á̰ kə́ majaĺ ngá̰ý gə̄ ń ī-rāāī tə́ ní ō. Adə̄ ɓē yāsí tél loo kə́ nujə sák sák kɔ̄ɔ́ ō, ndágə loo kə́ to kum ko̰ ō, yá̰á̰ kə́ ndɔ̄ĺ ō, ɓē kə́ de gə̄ gətóon̄ kemeé ō, yá̰á̰ ń rāā yá̰a̰ ngɔlaā ní n toó.

JEREMI 25:11

Ɓē ń noō kə taá malang a tél loo kə́ nujə sák sák kɔ̄ɔ́ ō, ndágə loo kə́ to kum ko̰ ō, nápar de gə̄ ń noō a rāān̄ kəla adə̄n̄ mban̄g kə́ Babilon kem ɓāl̄ kutə sīrí.

JEREMI 7:34

M-ā m̄-rāā kadə̄ pā walya ō, najə̄ kə́ to rɔ̄nel̄ ō, pā yā ngaa dəyá̰ ō, rɔ̄nel̄ yā nge taā ngaa ō, a ɓār̄ kem ɓē gə̄ kə́ Juda tə́ to̰ aĺ ō, kum róbə kɔsə gə̄ kə́ Jerusalem tə́ to̰ aĺ ō. Tɔdɔ̄ ɓē a tél loo kə́ nujə sák sák.

IJAI 24:12

I kɔkərɔ kə́ kán̄ dɔ naā tə́ gə̄ ngóy n ton̄ kem ɓēé ní. Tetən̄ ta róbə́ kə́ yā kudəń kə̄ kem ɓēé kɔ̄ɔ́, ta róbə́ ní nujə sák sák kɔ̄ɔ́.

2 MBAN̄G 21:13

M-ā m̄-nujə ɓē kə́ Jerusalem tītə̄ ń m̄-nujəń ɓē kə́ Samari ō, de gə̄ kə́ gír kojə yā Akab tə́ ō ní. M-ā m̄-tə́go kem ɓē kə́ Jerusalem tītə̄ ń deē a tə́goń səmbē ba sébə kemən nang tə́ ní.

JOJUE 23:3

Yá̰á̰ malang ń Kɔ́ɔ̄ɓē Nə́ɓā yāsí rāā kə nápar de gə̄ kə́ dɔ nang ń toō tə́ tām̄ yāsí tə́ ní, sḭḭ̄ kɔ́ gə̄ á̰a̰ī kə kumsí. Tɔdɔ̄ ni tɔ̄ɔ̄ tām̄ yāsí tə́.

NDŪ NAJƏ̄ 29:2

Yá̰a̰ nāā kə́ ngan̄g gə̄ ń əngedə́ ní ō, yá̰a̰ gə̄ ń Nə́ɓā rāādə́ yā kɔjəń yá̰á̰ ní ō, yá̰á̰ kə́ yáā kə́ to ɓōĺ gə̄ ń ni rāādə́ ní ō, sḭḭ̄ á̰a̰ī kə kumsí.

LEBI GƏ̄ 26:43

Dan ń nin̄ a gətóon̄ kɔ̄ɔ́ kem ɓē yādə́ tə́ ní, dɔ nang yādə́ ń əyan̄ kɔ̄ɔ́ ni-taā koō. Ba m-ā m̄-tɔ̄l̄ ta ndéý m-ə́ndádə́ tām̄ tūr̄ kə́ nin̄ tūrə̄n̄ gidədə́ kɔ̄ɔ́ ta yá̰a̰ kāgə̄ ɓē yāḿ gə̄ tə́ ō, tām̄ kidə̄ kə́ nin̄ kidə̄n̄ ndū najə̄ yāḿ gə̄ ō.

Teē Ngán Israel gə̄ 19:4

Sḭḭ̄ kɔ́ gə̄ á̰a̰ī yá̰á̰ ń m̄-rāā kə de kə́ Ejiptə gēé ní ō, á̰a̰ī loo reē ń m̄-reē sesí rɔ̄ḿ tə́ laā ngɔr tītə̄ kə̄rō kə́ ɔy ngánən gə̄ dɔ bɔ̄gə̄n tə́ ní ō.

LEBI GƏ̄ 26:31

M-ā m̄-rāā kadə̄ ɓē bo yāsí gə̄ télən̄ ndəba ɓē ō, m-ā m̄-nujə loo kə́ táĺ yāsí gə̄ kɔ̄ɔ́ ō, m-ā m̄-sír̄ sēē ndujə̄ yá̰á̰ kə́ kotə majə yāsí gə̄ ń a sɔlə̄n̄ kemḿ ní to̰ aĺ ō.

JEREMI 44:23

I tɔdɔ̄ sḭḭ̄ ī-róōī yá̰a̰ ndējə̄ gə̄ ādī ɓesə̄ gə̄ ō, ī-rāāī majaĺ kə Kɔ́ɔ̄ɓē ō. Tɔdɔ̄ najə̄ ń ni-ɔr̄ sesí ní, sḭḭ̄ ōōī aĺ ō, úniī gō yá̰á̰ ndóō yān gə̄ aĺ ō, yá̰á̰ ń ni ədasí kadə̄ ī-rāāī ní, sḭḭ̄ ī-rāāī aĺ ō, yá̰á̰ ń ni-ra sesí ta rāā ní, sḭḭ̄ ī-rāāī aĺ ō. I tām̄ ń toō tə́ n yá̰á̰ kə́ to kum kaȳ aĺ ń toō rāańsí ní, yá̰á̰ ń rāā yá̰a̰ ngɔlaā ní n toó.

DANIEL 9:12

Nə́ɓā rāā yā ń əda dɔjí tə́ ō dɔ ngé ko̰o̰ ɓē dɔjí tə́ gə̄ ō ní, ni-reē kə yá̰á̰ kə́ to kum kaȳ aĺ kə́ ngá̰ý dɔjí tə́ Jerusalem. Kum tō ndoō kə́ tītə̄ ń noō to loo kə́rēý tə́ dɔ nang tə́ aĺ ɓáý.

JEREMI 8:3

Gotə de gə̄ malang kə́ gír kaa kə́ majaĺ ń toō tə́, adə̄ i ngé gə̄ ń teēn̄ ta yo tə́ loo malang ń m̄-tə̄ndā m̄-tḭ̄ḭ̄də́ tū tə́ ní, a ndə̄ngān̄ i koy ba i ndi kə kumuú alé. Najə̄ ń Kɔ́ɔ̄ɓē kə́ bo kə́ tɔ́gən i ngá̰ý əda ní ń noó.