JEREMI 44:12 - Bibəl ta Sar̄

¹² M-ā m-ə̄ndā kumḿ gír Juda gə̄ ń teēn̄ ta yo tə́ á əsōn̄ róbó yā kaw̄ ɓɔ̄ɔ̄ rɔ̄də́ Ejiptə tə́ ní kə gōó. Nin̄ malang a oyn̄, a tə́sōn̄ kem ɓē kə́ Ejiptə tə́. A oyn̄ yo kaskar ō, yo ɓō ō, a télən̄ yá̰á̰ kə́ to kum ko̰ ō, a ndə̄ngān̄də́ yo ō, a ndɔ̄lə́n̄də́ ō, a tájə̄n̄də́ ō.

Bible sar

¹² M-ā m-ə̄ndā kumḿ gír *Juda gə̄ ń teēn̄ ta yo tə́ á əsōn̄ róbó yā kaw̄ ɓɔ̄ɔ̄ rɔ̄də́ Ejiptə tə́ ní kə gōó. Nin̄ malang a oyn̄, a tə́sōn̄ kem ɓē kə́ Ejiptə tə́. A oyn̄ yo kaskar ō, yo ɓō ō, a télən̄ yá̰á̰ kə́ to kum ko̰ ō, a ndə̄ngān̄də́ yo ō, a ndɔ̄lə́n̄də́ ō, a tájə̄n̄də́ ō.

JEREMI 44:12 Referans Kwoze

JEREMI 42:22

Ngɔlaā ní, ī-gerī majə kadə̄ ā óyiī yo kaskar ō, yo ɓō ō, yo mo̰y ngāl̄bɔ̄gīí ō, loo ń sḭḭ̄ ī-gḛyiī kaw̄ ɓɔ̄ɔ̄ rɔ̄sí tū tə́ ní tə́.

IJAI 65:15

Ngé gə̄ ń m̄-gə̄rādə́ ní a unən̄ rīsí i yā ndɔ̄lə́nń deē ngóy, nin̄ a ədan̄ na: Ādə̄ Kɔ́ɔ̄ɓē Nə́ɓā rāā adə̄ óy tītə̄ yā deē ń toō, aláa tītə̄ yā de kə́ rang ń toō! Banī ngé gə̄ ń rāān̄ kəla adə̄mə̄n̄ ní, tām̄ yādə́ tə́ ɓáa a unən̄ i rī kə́ rang.

OJEE 4:6

Gír deē yāḿ gə̄ a oyn̄ i tām̄ nin̄ ger̄mə̄n̄ alé. Sḭḭ̄ ī-mbātíī gerə̄m̄. I tām̄ najə̄ ń toō tə́ n m̄ gḛy najə̄ yāsí to̰ aĺ ní. Sḭḭ̄ i ngé tun̄ yá̰a̰ yāḿ gə̄ to̰ alé. Dɔsí ndígə̄nal yá̰á̰ ń Nə́ɓā yāsí ndóōsí ní kɔ̄ɔ́ ɓá ní, dɔḿ mā a ndígə̄nal ngáńsí gə̄ ō.

JEREMI 29:22

Ngé gə̄ malang ń əhɔn̄də́ Juda aw̄n̄ sedə́ Babilon tə́ ní, a ndɔ̄lə́n̄ naā i kə yá̰á̰ ń rāādə́ noō, adə̄ de gə̄ a ədan̄ na: Ādə̄ Kɔ́ɔ̄ɓē rāāī tītə̄ ń rāań Sedekias ō, Akab ō ń mban̄g kə́ Babilon gírēdə́ dɔ hor tə́ ní.

JEREMI 29:18

M-ā m̄-tə̄ɓā gōdə́ kə kaskaraá ō, kə ɓōó ō, kə mo̰y ngāl̄bɔ̄gīí ō. M-ā m̄-rāādə́ kadə̄ a télən̄ yá̰á̰ kə́ to ɓōĺ kə́ ɓē ko̰o̰ gə̄ malang kə́ dɔ nang tə́ a ndɔ̄lə́n̄ naā i kə rīneé ō, yá̰á̰ kə́ to kum ko̰o̰ kə́ de gə̄ a əgan̄ kɔŕ ɓōĺ dɔ tə́ ō, a tájə̄n̄ ō, kem ɓē yā nápar de gə̄ ń m̄-tə̄ndā m̄-tḭ̄ḭ̄də́ tū tə́ ní.

JEREMI 18:16

Nin̄ rāān̄ ɓē yādə́ adə̄ téĺ ndágə loo kə́ to kum ko̰ kə́ de gə̄ a əgan̄ kɔŕ ɓōĺ dɔ tə́. De gə̄ malang ń mānə̄n̄ loo ń noō tə́ ní ɔr̄ kumdə́ ō, tə́gān̄ dɔdə́ nek nek ō.

IJAI 1:28

Banī yā ngé kəsō wōn̄g gə̄ ō, ngé rāā majaĺ gə̄ ō ní, yādə́ i nujə sák sák kə́ a teē dɔdə́ tə́ i gidə kógə̄ḿ. Ngé gə̄ ń əya̰n̄ Kɔ́ɔ̄ɓē kɔ̄ɔ́ ní, gír yādə́ a gān̄g.

TƏ́DA 5:27

Ba yá̰á̰ ń a rāā yá̰á̰ ní n toó: Ré dəyá̰ ní sāā dəngam kə́ rang gidə ngaan tə́ əlań rɔ̄sɔl̄ dɔ rɔ̄n tə́ rɔ̄kum anī, man̄ kə́ katə̄ kárárá ń a reē kə ndɔ̄ĺ dɔ deē tə́ ní a udə kemən tə́ yā tíī kemən ō, yā kɔgə̄n kojə ngōn̄ ō. Loo ń noō tə́ ré de kə́ kem ɓē yān tə́ gə̄ a túbən̄ anī a unən̄ i rīn n a túbənə̄ń.

JEREMI 16:4

Ɓō a rāādə́ bátə́ yā tɔ̄l̄də́. Deē a nōōdə́ aĺ ō, dubə̄də́ aĺ ō, a télən̄ bū loo dɔ dā̰ nang tə́ ō, a oyn̄ yo kaskar ō, yo ɓō ō. Nīńdə́ a téĺ yá̰a̰ kəsa yā yel̄ kə́ no rā̰ tə́ gə̄ ō, dā̰ kə́ dɔ nang tə́ gə̄ ō.

JEREMI 24:9

M-ā m-ūtə̄ kumḿ njárárá, ba m-ā m̄-rāādə́ kadə̄ télən̄ yá̰á̰ kə́ to ɓōĺ tām̄ yā ɓē ko̰o̰ gə̄ malang kə́ dɔ nang tə́ tə́. A ənīn̄ pā sedə́ ō, a lurən̄də́ ō, a tájə̄n̄də́ ō, a ndɔ̄lə́n̄də́ ō, kə gō loo gə̄ malang ń m̄-tə̄ndā m̄-tḭ̄ḭ̄də́ tū tə́ tə́ ní.

JEREMI 26:6

yá̰á̰ ń m̄-rāā kə Silo ní, m-ā m̄-rāā kə kújə́ ń toō. M-ā m̄-rāā ɓē ń toō kadə̄ a téĺ yá̰á̰ kə́ nápar de gə̄ malang kə́ dɔ nang tə́ a ndɔ̄lə́n̄ naā kə rīneé.

JEREMI 42:1

Tā anī Yohanan kə́ ngōn̄ Karea ō, Ajaria kə́ ngōn̄ Hosaya ō ń nin̄ i ngol ngé rɔ̄ɔ̄ gə̄ malang ní ō, kósə de gə̄ malang, adə̄ i ngáń kə́ dūú gə̄gē, de kə́ tɔgə gə̄gē ní, ndɔ́tə̄n̄

JEREMI 44:22

Kɔ́ɔ̄ɓē asə tə́gā tan dɔ kəla rāāsí kə́ kə kem nduluú gə̄ tə́ ō, dɔ yá̰á̰ kə́ majaĺ ngá̰ý gə̄ ń ī-rāāī tə́ ní ō. Adə̄ ɓē yāsí tél loo kə́ nujə sák sák kɔ̄ɔ́ ō, ndágə loo kə́ to kum ko̰ ō, yá̰á̰ kə́ ndɔ̄ĺ ō, ɓē kə́ de gə̄ gətóon̄ kemeé ō, yá̰á̰ ń rāā yá̰a̰ ngɔlaā ní n toó.

JAKARI 8:13

Ɓē ko̰o̰ gə̄ kə́ Juda tə́ ō, kə́ Israel tə́ ō, dan nápar de gə̄ tə́ ní, sḭḭ̄ i gír de gə̄ kə́ ndɔ̄lə́n̄də́ kadə̄ gotə gír de kə́ rang gə̄ a̰a̰n̄. Banī ngɔlaā ní, m-ájə́sí. Adə̄ ā ī-téliī i gír de gə̄ kə́ tɔ́rə̄n̄ tadə́ dɔdə́ tə́, kadə̄ gotə gír de kə́ rang gə̄ a̰a̰n̄. I beé ní, ī-ɓōlíī to̰ alé, banī ə́hɔī rɔ̄sí tɔgə!

JEREMI 43:11

Ni a reē ō, a ənda ɓē kə́ Ejiptə ō. Deē ń i tām̄ yā yo tə́ ní a oy. Deē ń i tām̄ yā kəhɔn kaw̄ seneé dɔ ɓē kə́ rang tə́ ní a aw̄n̄ seneé. Deē ń i tām̄ yā kadə̄ kaskar tɔ̄lən ní a oy yo kaskar.

OJEE 9:6

Dan ń ā ī-teēī kɔ̄ɔ́ kem ɓē yāsí kə́ nujə tə́ anī, ɓē kə́ Ejiptə a əhɔsí kə̄ rɔ̄n tə́, banī ɓē kə́ Mempis a tél i bəlo yosí. Mu kə́ majaĺ gə̄ a ɔrən̄ rɔ̄ɔ̄ dɔ yá̰a̰ yāsí gə̄ kə́ gātə̄də́ i ngá̰ý tə́, túpə kōn̄ gə̄ a taān̄ loo kem kújə yāsí gə̄ tə́.