JEREMI 44:10 - Bibəl ta Sar̄

¹⁰ Ɓōólaā gə̄gē ní nin̄ ndə̄ngān̄ rɔ̄də́ alé, ɓōlə́n̄ ndílə́ḿ alé. Nin̄ unən̄ gō róbə yāḿ gə̄ aĺ ō, unən̄ gō ndū najə̄ yāḿ gə̄ ń m̄-ndang m-ādə̄sí sḭḭ̄ ō, kaasí gə̄ ō ní aĺ ō.

Bible sar

¹⁰ Ɓōólaā gə̄gē ní nin̄ ndə̄ngān̄ rɔ̄də́ alé, ɓōlə́n̄ ndílə́ḿ alé. Nin̄ unən̄ gō róbə yāḿ gə̄ aĺ ō, unən̄ gō *ndū najə̄ yāḿ gə̄ ń m̄-ndang m-ādə̄sí sḭḭ̄ ō, kaasí gə̄ ō ní aĺ ō.

JEREMI 44:10 Referans Kwoze

Gōsə̄ najə̄ gə̄ 28:14

Rɔ̄nel̄ i kə deē ń ɓōĺ najə̄ kadə̄ na n-rāā yá̰á̰ kə́ majaĺ ní, banī deē ń rāā kem ngan̄g ní, a əsō kum yá̰á̰ kə́ to kum kaȳ aĺ tə́.

JEJU TEĒ KUM JA̰A̰ 15:4

Kɔ́ɔ̄ɓē, i náā n a ɓōĺ rīí aĺ ní, i náā n a ɔsə gɔn rīí aĺ ní? Tɔdɔ̄ i ḭ̄ kɔ́ kal kógə̄ḿ beē ngóy n i kə́ táĺ ní. Nápar de gə̄ malang a reēn̄ yā kɔsə nodə́ nang tə́ noí tə́ yā rɔyīneé. Tɔdɔ̄ teēn̄ kumdə́ dɔ kəla rāāí kə́ gō tə́ gə̄ tə́.

1 PIYER 5:6

I beé ní, ī-téliī kə rɔ̄sí kə̄ nang tə́ gíŕ jī Nə́ɓā kə́ tɔ́gə jīn i ngá̰ý tə́, yā kadə̄ ré ndɔ̄ ń ni-ɔjə ní ugə̄ anī, ni-ɔsəńsí kə̄ dɔɔ́.

JEREMI 8:12

Majə kadə̄ rɔ̄də́ sɔl̄də́ tɔdɔ̄ rāān̄ yá̰á̰ kə́ majaĺ ngá̰ý gə̄, ba mbātə́n̄ ger̄ yá̰á̰ kə́ to rɔ̄ sɔl̄ gə̄ ń rāān̄ ní. Gerə̄n̄ gō yá̰á̰ kə́ to rɔ̄sɔl̄ gə̄ ń rāān̄ ní kem ángaldə́ tə́ alé. I tām̄ ń toō tə́ a bḭ́ḭ̄n̄ dan ń m-ā m-ə́ndádə́ ní ō, a tə́sōn̄ tītə̄ yā gotə de gə̄ ō ní. Najə̄ ń Kɔ́ɔ̄ɓē əda ní n noó.

Makətūbə̄ ń Pol ndang adə̄ Rom gə̄ ní 11:20

I gō tə́, ɓá tā ba jéngə̄n̄də́ i najə̄ yā taā kem aĺ yādə́ tə́, ba ḭ̄, yá̰á̰ ń ra seí loo ń noō tə́ ní i taā kem yāí. Ní ɔ́jə rɔ̄í alé, ba ngá̰ý a ī-ɓōĺ i mbéé tá.

Najə̄ kə́ Majə yā Jeju ń Luk ndang ní 23:40

Anī madə̄n kə́ noō ní ndángə̄n əda na: Ḭ̄ ń gāngə̄n̄ sarya kə́ kógə̄ḿ beē dɔjí tə́ mbak ní, ī-ɓōĺ ndíĺ Nə́ɓā aĺ a?

MATIYE 27:54

Ngol áskar gə̄ ō, áskar gə̄ ń ngɔ̄mə̄n̄ Jeju seneé ní ō, a̰a̰n̄ dɔ nang ń ndebə ní ō, yá̰a̰ ń rāā yá̰á̰ ní ō anī, ɓōlə́n̄ ngá̰ý ba ədan̄ na: Deē ń toō i Ngōn̄ Nə́ɓā rɔ̄kum!

EJEKIEL 9:4

ba ədan na: Āw̄ ī-njə̄rā kem ɓē kə́ Jerusalem tə́ kə taá, ba de gə̄ malang ń a nōōn̄ rɔ̄də́ ō, najə̄ tōr̄ kemdə́ ō, tām̄ yā yá̰a̰ rāā kə́ majaĺ ngá̰ý gə̄ kə́ kemeé tə́ ní, ə́já yá̰a̰ nodə́ tə́.

JEREMI 36:24

Mban̄g ō, ngé kəla yān gə̄ ō ń oōn̄ najə̄ gə̄ ń toō ní ɓōĺ rāādə́ aĺ ō, rə̄yā̰n̄ kūbə̄ kə́ rɔ̄də́ tə́ gə̄ aĺ ō.

JEREMI 10:7

Mban̄g yā nápar de gə̄, i náā n a ɓōlíī aĺ ní? I ḭ̄ n de gə̄ ɓōĺnī ní. De kə́ nge kum kedə̄ kə́ tītīí dan nápar de gə̄ tə́ ō, kem ɓē ko̰o̰ gə̄ tə́ malang ō ní gətóo.

IJAI 66:2

I mā n m̄-rāā yá̰a̰ gə̄ ń noō malang ní. Yá̰a̰ malang ń noō i yá̰a̰ yāḿ, i najə̄ ń Kɔ́ɔ̄ɓē əda ní n noó. Banī deē ń m-á̰a̰n kə kumḿ kə́ majaá ní, i de kə́ nge rɔ̄ to ndoō ń tɔ́gən ur̄ wak kɔ̄ɔ́ ní, i deē ń oō najə̄ yāḿ anī ɓōĺ gidə ngá̰ý ní.

IJAI 57:15

Yá̰á̰ ń Nə́ɓā kə́ táĺ əda ní n toó, ni ń i dɔ yá̰a̰ gə̄ tə́ malang ō, aw̄ kə kújə́ kə́ yā ndi tū tə́ kə́ to ngándáńg ō ní: Mā i Nə́ɓā kə́ táĺ, m̄-ndi dɔɔ́ nuū. Banī mā i naā tə́ kə de gə̄ ń de gə̄ a rējə̄n̄də́ ō, dan wurdə́ i dan wur nge ndoō ō ní. Ngé gə̄ ń dan wurdə́ i dan wur nge ndoō ní, m̄-ndigə tél kə ndi kə kumuú kadə̄də́ gogə́, ngé gə̄ ń de gə̄ rējə̄n̄də́ ní, m̄-ndigə tél kə ndi kə kumuú kadə̄də́ gogə́.

Gōsə̄ najə̄ gə̄ 16:6

A ɔrə̄n̄ yá̰a̰ rāā kə́ gōtə́ aĺ kɔ̄ɔ́ i kə kem kə́ majaá ō, kə najə̄ kə́ rɔ̄kumuú ō. Deē a tūr̄ gidən kɔ̄ɔ́ ta yá̰á̰ kə́ majaĺ tə́ i kə ta kūl̄ ɓōĺ ndíĺ Kɔ́ɔ̄ɓēé ō.

Gōsə̄ najə̄ gə̄ 14:16

Nge kum kedə̄ ɓōĺ yá̰á̰ kə́ majaĺ ō, tūr̄ gidən kɔ̄ɔ́ ta tə́ ō, banī de kə́ mbóo ḭḭ retə gēé kə̄ rɔ̄ yá̰á̰ tə́ rāā tɔdɔ̄ ni sōl̄ yá̰á̰ kógə̄ḿ alé.

Gōsə̄ najə̄ gə̄ 8:13

Ɓōĺ ndíĺ Kɔ́ɔ̄ɓē i kim̄ yá̰á̰ kə́ majaĺ. Kɔjə rɔ̄ ō, gán̄g rɔ̄ ō, róbə rāā yá̰á̰ kə́ majaĺ ō, ta de kə́ a gól̄ loo ō, i yá̰a̰ gə̄ kə́ nelə̄m̄ sedə́ aĺ bátə́.

PĀ GƏ̄ 51:17

Kɔ́ɔ̄ɓē, ī-teē taḿ ādə̄ m̄-ɓōkíīneé tɔ̄ȳ.

PĀ GƏ̄ 34:18

De kə́ sew gə̄ əgan̄ kɔŕ anī Kɔ́ɔ̄ɓē oō ō, ɔr̄də́ kɔ̄ɔ́ kem wur kɔl yādə́ gə̄ tə́ malang ō.

2 YÁ̰A̰ GƏ̄ 34:27

Najə̄ kə́ dɔ Jerusalem tə́ ō, dɔ de kə́ kemeé gə̄ tə́ ō ń m-ɔ̄r̄ kemeé ní ḭ̄ ī-nēl̄ mbīí majə ōoń, tɔdɔ̄ najə̄ ní tōr̄ kemií adə̄ ī-tél kə rɔ̄í kə̄ nang tə́ ta kumḿ tə́ ō, ī-*rə́yā̰ kūbə̄ gə̄ kə́ rɔ̄í tə́ ō, ī-nōō kə man̄ kumií ō. Ní mā Kɔ́ɔ̄ɓē m-ə́daī na m-ōō ndūí.

2 YÁ̰A̰ GƏ̄ 33:19

Ba najə̄ ń ɔr̄ kem ndɔ̄ȳ yān tə́ ō, loo koō ń Nə́ɓā oō ndūn ba rāā yá̰á̰ ń dəjen ní ō, yá̰á̰ kə́ majaĺ gə̄ malang ń ni-rāā ō, háĺ kə́ gōtə́ aĺ gə̄ ń rāā kə Nə́ɓāá ní ō, rī loo gə̄ ń ni-rāā loo ndɔ̄ȳ gə̄ tū tə́ ō, túdə̄ kāgə̄ ɓesə̄ kə́ yā ɓōĺ gidə gə̄ tū tə́ ō, túdə̄ yá̰á̰ kə́ tɔ́sə̄ ba rāādə́ kum gotə yá̰a̰ gə̄ tū tə́ ō, pá tá kadə̄ tél ger̄ yá̰a̰ rāān kə́ majaĺ gə̄ ta kum Kɔ́ɔ̄ɓē tə́ ní, ndangən̄ yá̰a̰ gə̄ ń noō malang i kem makətūbə̄ ń rīn na i kəla gə̄ ń Hojai rāā ní tə́.

2 YÁ̰A̰ GƏ̄ 33:12

Dan ń wur kɔl əsō dɔ Manase tə́ anī, Manase rāā Kɔ́ɔ̄ɓē Nə́ɓā yān ɓɔ́. Yá̰á̰ kə́ gōtə́ aĺ gə̄ malang ń ni-rāā ní ni ndigə ta kum Nə́ɓā yā kaan gə̄ tə́ ō,

2 YÁ̰A̰ GƏ̄ 32:26

Ɓá tā ba Ejekias ō, de kə́ Jerusalem gə̄ ō, gerə̄n̄ majaĺ yādə́, adə̄ ɓāl̄ ko̰o̰ ɓē yā Ejekias tə́ ní Kɔ́ɔ̄ɓē ḭḭ sedə́ kə wōngōó alé.

2 MBAN̄G 22:19

Najə̄ ń m-ə́da kemeé dɔ ɓē kə́ Jerusalem tə́ ō, dɔ de kə́ kemeé gə̄ tə́ ō, na loo n toō a tél loo kə́ to kum ko̰o̰ ō, ní ī-nēl̄ mbīí ōoń majə, adə̄ ī-ndə̄ngā rɔ̄í ō, ī-tél kə rɔ̄í kə̄ nang tə́ ta kumḿ tə́ ō, ī-*rə́yā̰ kūbə̄ yāí gə̄ ō, ī-nōō kə man̄ kumií ō. Ní, mā Kɔ́ɔ̄ɓē m-ə́daī na m-ōō ndūí.

1 MBAN̄G GƏ̄ 21:29

Á̰á̰ téĺ ń Akab tél kə rɔ̄neé kə̄ nang tə́ ta kumḿ tə́ ní a? Dan ń ni-tél kə rɔ̄neé kə̄ nang tə́ beē ɓá ní, m-ā m-ādə̄ yá̰á̰ kə́ to kum kaȳ aĺ a rāā de gə̄ kə́ gír kojə yān tə́ ɓāl̄ yān tə́ alé, banī m-ā m-ādə̄ a rāādə́ i ɓāl̄ yā ngōnən tə́.

Teē Ngán Israel gə̄ 10:3

Moijə nin̄ kə Aaro̰ aw̄ əngen̄ Parao̰ ədanən̄ na Kɔ́ɔ̄ɓē Nə́ɓā yā Hebəro gə̄ əda na ké i ndɔ̄ kə́ rá tə́ n ké dɔn a tetəń ní wa. Kə əya̰ gír deē yān gə̄ kadə̄ aw̄ rāān̄ kəla adə̄nən̄.

Teē Ngán Israel gə̄ 9:30

Banī m̄-ger̄ majə kadə̄ ḭ̄ ō, ngé kəla yāí gə̄ ō, ī-ɓōlíī ndíĺ Kɔ́ɔ̄ɓē Nə́ɓā aĺ ɓáý.

Teē Ngán Israel gə̄ 9:17

Ba ī-rāā dɔ ngan̄g kə̄ noí tə́ ɔ̄gəń gír deē yān gə̄ kadə̄ aw̄n̄ ní,

PĀ GƏ̄ 78:10

i tɔdɔ̄ nin̄ ngɔ̄mə̄n̄ madə̄ naā yā Nə́ɓā alé, nin̄ mbātə́n̄ rāā yá̰á̰ ń ndū najə̄ yān əda ní.

JEREMI 6:15

Majə kadə̄ rɔ̄də́ sɔl̄də́ tɔdɔ̄ rāān̄ yá̰á̰ kə́ majaĺ ngá̰ý gə̄, ba mbātə́n̄ ger̄ yá̰á̰ kə́ to rɔ̄sɔl̄ gə̄ ń rāān̄ ní. Gerə̄n̄ gō yá̰á̰ kə́ to rɔ̄sɔl̄ gə̄ ń rāān̄ ní kem ángaldə́ tə́ alé. I tām̄ ń toō tə́ n a bḭ́ḭ̄n̄ dan ń m-ā m-ə́ndádə́ ní ō, a tə́sōn̄ tītə̄ yā gotə de gə̄ ō ní. Najə̄ ń Kɔ́ɔ̄ɓē əda ní n noó.

JEREMI 26:4

Ā ə́dádə́ na: Najə̄ ń mā Kɔ́ɔ̄ɓē m-ə́dá ní n toó: Ré sḭḭ̄ ōōī najə̄ yāḿ aĺ ō, úniī gō yá̰á̰ ń m̄-ndóōsí ní aĺ ō,

JEREMI 32:23

Nin̄ udən̄ kem ɓē ní tə́ ō, taān̄ kə́ yādə́ tə́ ō, banī mbātə́n̄ ndūí ō, mbātə́n̄ rāā yá̰á̰ ń ndū najə̄ yāí gə̄ ədan̄ ní ō. Nin̄ mbātə́n̄ rāā yá̰a̰ malang ń ə́dádə́ kadə̄ rāān̄ ní kɔ̄ɔ́. I tām̄ ń toō tə́ n ḭ̄ ī-rāā ādə̄ yá̰á̰ kə́ to kum kaȳ aĺ gə̄ malang ń toō rāādə́ ní.

JEREMI 44:23

I tɔdɔ̄ sḭḭ̄ ī-róōī yá̰a̰ ndējə̄ gə̄ ādī ɓesə̄ gə̄ ō, ī-rāāī majaĺ kə Kɔ́ɔ̄ɓē ō. Tɔdɔ̄ najə̄ ń ni-ɔr̄ sesí ní, sḭḭ̄ ōōī aĺ ō, úniī gō yá̰á̰ ndóō yān gə̄ aĺ ō, yá̰á̰ ń ni ədasí kadə̄ ī-rāāī ní, sḭḭ̄ ī-rāāī aĺ ō, yá̰á̰ ń ni-ra sesí ta rāā ní, sḭḭ̄ ī-rāāī aĺ ō. I tām̄ ń toō tə́ n yá̰á̰ kə́ to kum kaȳ aĺ ń toō rāańsí ní, yá̰á̰ ń rāā yá̰a̰ ngɔlaā ní n toó.

IJAI 42:24

I náā n əla Israel ń i gír de gə̄ yā Jakob ní jī ngé gə̄ ń taān̄ yá̰a̰ yān malang kɔ̄ɔ́ tə́ ní, jī ngé gə̄ ń ɔyn̄ yá̰a̰ yān dɔ gúú tə́ ní? I Kɔ́ɔ̄ɓē waḿ? Tām̄ jə-rāāī majaĺ seneé, gír deē yān gə̄ ndigən̄ kun róbə yān alé, ndigən̄ koō ndū najə̄ yān aĺ ō.

JEREMI 5:3

Kɔ́ɔ̄ɓē, ā ī-ngóō i ra dɔ ndū tə́ yādə́ yā ka̰ā̰ kə kumií aĺ a? Ḭ̄ ə́ndádə́, banī tōr̄də́ aĺ bátə́. Ḭ̄ ī-tɔ̄l̄də́ ngá̰ý, banī nin̄ mbātə́n̄ ger̄ kum. Dɔdə́ ngan̄g tɔȳ mbal̄ ō, mbātə́n̄ tél reē rɔ̄í tə́ ō.