JEREMI 43:9 - Bibəl ta Sar̄

⁹ Ɔ́y mbal̄ kə́ bo gə̄ ba ī-dubə̄də́ ta kum de kə́ Juda kə́rēý gə̄ tə́, ndágə loo kə́ to bɔr ń de gə̄ a tə́ngān̄ yá̰á̰ kə́ to tītə̄ kéngəlé kə́ yā lábə̄ dɔ kújə́ tə́ tū tə́ ní tə́, kum kə̄ ta róbə kújə yā mban̄g Parao̰ tə́ kem ɓē kə́ Tapanes tə́.

Bible sar

⁹ Ɔ́y mbal̄ kə́ bo gə̄ ba ī-dubə̄də́ ta kum de kə́ *Juda kə́rēý gə̄ tə́, ndágə loo kə́ to bɔr ń de gə̄ a tə́ngān̄ yá̰á̰ kə́ to tītə̄ kéngəlé kə́ yā lábə̄ dɔ kújə́ tə́ tū tə́ ní tə́, kum kə̄ ta róbə kújə yā mban̄g *Parao̰ tə́ kem ɓē kə́ Tapanes tə́.

JEREMI 43:9 Referans Kwoze

JEJU TEĒ KUM JA̰A̰ 18:21

Anī de kə́ dɔ rā̰ tə́ kógə̄ḿ kə́ tɔ́gən i ngá̰ý, un mbal̄ kógə̄ḿ kə́ bo tītə̄ mbal̄ riī yá̰á̰ kə́ bo beé, ənī kum bā bo tə́ ba əda na: A unən̄ Babilon ń i ɓē kə́ bo ní yā kənīn gidə kógə̄ḿ tītə̄ ń noō ō, a əngen̄ ɓē kə́ Babilon gogə́ to̰ aĺ ō.

KƏLA RĀĀ 21:11

Ni-reē rɔ̄jí tə́, un kəlā do̰ō̰ ɓōdə̄ yā Pol tó̰o̰ń njan gə̄ ō jīn gə̄ ō ba əda na: Yá̰á̰ ń Ndíĺ kə́ Táĺ əda ní n toó: Deē ń i kɔ́ɔ̄ kəlā do̰ō̰ ɓōdə̄ ń toō ní, Jipə gə̄ a do̰ō̰nən̄ beé kem ɓē kə́ Jerusalem tə́, ba a əlanən̄ jī de gə̄ ń nin̄ i Jipə aĺ gə̄ ní tə́.

NAHUM 3:14

Sḭḭ̄ de kə́ Ninibə gə̄, ɔ́diī man̄ ī-rāāī sádə̄ tə́, kadə̄ ī-tə́gāīń tasí dan ń a ənīn̄sí rɔ̄ɔ̄ tə́ ní. Ī-ngɔ̄mī ndogə̄ mbal̄ yāsí gə̄ kə́ yā rɔ̄ɔń dɔ ɓē yāsí tə́. Ī-mbə̄sāī bɔr kə njasí ō, ə̄ndāī dɔ yá̰a̰ kɔr̄ derngēl̄ gə̄ danaá ō.

OJEE 12:10

Əla gír i ndɔ̄ ń ḭ̄ ī-teēń kɔ̄ɔ́ kem ɓē kə́ Ejiptə tə́ ní n mā n ń i Kɔ́ɔ̄ɓē Nə́ɓā yāí ní. M-ā m̄-rāāī kadə̄ ā ī-tél yā ndi gíŕ kújə tandā gə̄ tə́, tītə̄ kə́ kété, dan ń m-ə́ngeńsí ní.

EJEKIEL 4:1

Kɔ́ɔ̄ɓē ədam̄ ɓáý to̰ na: Ḭ̄ ngōn̄ deē, ún bəríkə kógə̄ḿ ə̄ndā nang tə́ noí tə́, ī-rāā yá̰á̰ kə́ to tītə̄ ɓē beé dɔ tə́. Ɓē ní i kum gotə ɓē kə́ Jerusalem.

2 SAMUEL 12:31

Ba de kə́ kem ɓēé gə̄ tá ni ɔydə́ aw̄ sedə́ kadə̄ əjan̄ kāgə̄ gə̄ kə síí ō, tɔ́sə̄n̄ mbal̄ gə̄ ō, tə́gān̄ kāgə̄ gə̄ ō, ɔrə̄n̄ bəríkə gə̄ ō. Ni-rāā tītə̄ ń noō kə gotə ɓē gə̄ yā ngán Amon gə̄ malang. Gō tə́ anī Dabid nin̄ kə ngán Israel gə̄ malang tél reēn̄ gogə́ Jerusalem.

Teē Ngán Israel gə̄ 1:14

Adə̄n̄ a rāān̄ i kəla kə́ ngan̄g gə̄ adə̄ rɔ̄də́ atə̄də́ ngá̰ý: I kəla ndām̄ bɔr ō, kɔr̄ bəríkə ō, kəla ndɔr̄ gə̄ malang ō. Nin̄-tə́ndān̄ kəla gə̄ dɔdə́ tə́ kə gúú.

JEREMI 43:8

Tā anī, Kɔ́ɔ̄ɓē ɔr̄ najə̄ kə Jeremi kem ɓē kə́ Tapanes tə́ ədan na:

JEREMI 43:10

Gō tə́ anī ā ə́dádə́ na: Najə̄ ń Kɔ́ɔ̄ɓē kə́ bo kə́ tɔ́gən i ngá̰ý, Nə́ɓā yā Israel, əda ní n toó: M-ā m-ə́la gō nge kəla yāḿ Nabukodonosor mban̄g kə́ Babilon tə́, m-ā m-ə̄ndā kōr̄ kāgə̄ mbang yān dɔ mbal̄ gə̄ ń ī-dubə̄ tə́ ní ō, ni a udə təndā mban̄g yān dɔ tə́ dɔɔ́ ō.

JEREMI 44:30

M-ā m-ə́la Parao̰ Hopəra, mban̄g kə́ Ejiptə kem jī madə̄ ba̰ā̰n gə̄ tə́, adə̄ i kem jī ngé gə̄ ń sāān̄ tɔ̄lən tə́ ní, tītə̄ ń m-ə́lań Sedekias, mban̄g kə́ Juda, kem jī madə̄ ba̰ā̰n Nabukodonosor tə́, mban̄g kə́ Babilon ń sāā tɔ̄lən ní.

JEREMI 25:19

Gotə nápar de gə̄ ń a̰ȳn̄ kópə ngeé ń toō ní, nin̄ n toó: Parao̰ mban̄g kə́ Ejiptə ō, ngé kəla yān gə̄ ō, de kə́ bo yān gə̄ ō, gír deē yān gə̄ malang ō,