JEREMI 43:2 - Bibəl ta Sar̄

² Ajaria, ngōn̄ Hosaya ō, Yohanan, ngōn̄ Karea ō, kə ngé ndájə̄ najə̄ gə̄ malang ní, ədan̄ Jeremi na: Najə̄ ń ə́da noó i najə̄ kə́ rɔ̄kum alé, tɔdɔ̄ Kɔ́ɔ̄ɓē Nə́ɓā yājí əlaī kadə̄ ə́dájí na kə jə-lōō kaw̄ ɓɔ̄ɔ̄ rɔ̄jí tə́ Ejiptə tə́ alé.

Bible sar

² Ajaria, ngōn̄ Hosaya ō, Yohanan, ngōn̄ Karea ō, kə ngé ndájə̄ najə̄ gə̄ malang ní, ədan̄ Jeremi na: Najə̄ ń ə́da noó i najə̄ kə́ rɔ̄kum alé, tɔdɔ̄ Kɔ́ɔ̄ɓē Nə́ɓā yājí əlaī kadə̄ ə́dájí na kə jə-lōō kaw̄ ɓɔ̄ɔ̄ rɔ̄jí tə́ Ejiptə tə́ alé.

JEREMI 43:2 Referans Kwoze

2 YÁ̰A̰ GƏ̄ 36:13

Mban̄g Nabukodonosor ń ni ənī míndən adə̄n kə rī Nə́ɓāá ní ni mbātə́ kadə̄ ndi dɔn tə́ ō. Ni rāā dɔ ngan̄g, mbātə́ tél kə̄ rɔ̄ Kɔ́ɔ̄ɓē Nə́ɓā yā Israel tə́.

1 PIYER 5:5

Ba sḭḭ̄ balsáa gə̄, majə kadə̄ ōōī ta kum kɔɔ̄ gə̄. Banī sḭḭ̄ malang ə́laī tél kə rɔ̄ɔ́ kə̄ nang tə́ kūbə̄ tə́ rɔ̄sí tə́ ī-ndiīneé kə naá. Tɔdɔ̄ makətūbə̄ yā Nə́ɓā əda na: Nə́ɓā a mbātə́ najə̄ gō ngé kɔsə rɔ̄də́ kə̄ dɔɔ́ gə̄ tə́, ba a rāā kem majə kə ngé gə̄ ń télən̄ kə rɔ̄də́ kə̄ nang tə́ ní.

JAKƏ 4:6

Ba Nə́ɓā rāā yá̰á̰ kə́ bo ngá̰ý yā kɔjəńjí kem majə yān, adə̄ i tām̄ ń noō tə́ n i kə́ ndang na: Nə́ɓā ndi garara ta kum ngé kɔjə rɔ̄də́ gə̄ tə́, ba a rāā kem majə kə ngé gə̄ ń dɔdə́ sɔl̄ ní.

JEREMI 43:1

Dan ń Jeremi əda gír de gə̄ malang yá̰a̰ gə̄ malang ń Kɔ́ɔ̄ɓē Nə́ɓā yādə́ ɔr̄ seneé ní, adə̄ i najə̄ gə̄ malang ń Kɔ́ɔ̄ɓē Nə́ɓā yādə́ mērən kədadə́ ní óy anī,

JEREMI 42:1

Tā anī Yohanan kə́ ngōn̄ Karea ō, Ajaria kə́ ngōn̄ Hosaya ō ń nin̄ i ngol ngé rɔ̄ɔ̄ gə̄ malang ní ō, kósə de gə̄ malang, adə̄ i ngáń kə́ dūú gə̄gē, de kə́ tɔgə gə̄gē ní, ndɔ́tə̄n̄

JEREMI 40:8

anī, nin̄ reēn̄ kə deē yādə́ gēé əngen̄ Gedalia kem ɓē kə́ Misəpa tə́. Ngol áskar gə̄ ní i Ismael ngōn̄ Netania ō, Yohanan ō, Yonatan ō, ngán Karea gə̄ ō, Seraya kə́ ngōn̄ Tanəhumet ō, ngán Epai kə́ Netopa ō, Yejanyahu kə́ ngōn̄ Maaka ō. I ngarā̰ kumdə́ nin̄ kɔ́ gə̄ ō, deē yādə́ gə̄ ō n reēn̄ ní.

JEREMI 13:15

Ōōī, ī-nēlī mbīsí ōōīneé, ī-tetiī rɔ̄sí kə̄ nang tə́ ba ōōī: I Kɔ́ɔ̄ɓē n ɔr̄ najə̄ ní.

Gōsə̄ najə̄ gə̄ 16:5

Ngé kɔjə rɔ̄də́ gə̄ i de kə́ yḛr gə̄ ta kum Kɔ́ɔ̄ɓē tə́, ta tɔ̄l̄ ta anī Kɔ́ɔ̄ɓē a əndadə́.

JEREMI 41:16

Anī Yohanan, ngōn̄ Karea ō, ngol áskar gə̄ ń dānə̄nən̄ ní ō, a̰a̰n̄ gō gotə de gə̄ malang majə. Nin̄ a̰a̰n̄ gō de gə̄ ń ngōn̄ Netania ɔydə́ Misəpa aw̄ sedə́ dan ń tɔ̄lə̄n̄neé Gedalia ngōn̄ Ahikam tə́ ní, adə̄ i de kə́ dəngam gə̄ ō, áskar gə̄ ō, dəyá̰ gə̄ ō, ngán gə̄ ō, ngé rāā kəla kə́ ndogó mbangāá gə̄ ń ḭḭn̄ sedə́ Gabaon tə́ ní ō.

Gōsə̄ najə̄ gə̄ 30:9

na sōgə́ m-ə́ngé yá̰á̰ ngá̰ý al̄ naā anī m̄-nējə̄ ndūḿ m-ə́da na ké Kɔ́ɔ̄ɓē i náā wa. Aláa m̄-ndoō ngá̰ý al̄ naā anī m̄-ɓogə adə̄ m-ə́la rɔ̄sɔl̄ dɔ Nə́ɓā yāḿ tə́.

Gōsə̄ najə̄ gə̄ 8:13

Ɓōĺ ndíĺ Kɔ́ɔ̄ɓē i kim̄ yá̰á̰ kə́ majaĺ. Kɔjə rɔ̄ ō, gán̄g rɔ̄ ō, róbə rāā yá̰á̰ kə́ majaĺ ō, ta de kə́ a gól̄ loo ō, i yá̰a̰ gə̄ kə́ nelə̄m̄ sedə́ aĺ bátə́.

PĀ GƏ̄ 123:4

Lur yā ngé ɓōĺ ndíl de gə̄ aĺ gə̄ ō, kídə̄ loo yā ngé kɔjə rɔ̄ gə̄ ō ní, asəjí nák kɔ̄ɔ́.

PĀ GƏ̄ 119:21

Ḭ̄ ī-ndán̄g ngé kɔjə rɔ̄ gə̄ ń noō ń ndɔ̄ĺ i dɔdə́ tə́ ní, nin̄ əya̰n̄ gō míndí gə̄ kɔ̄ɔ́ ba ndó̰mə̄n̄ sa̰y rɔ̄ tə́.

PĀ GƏ̄ 12:3

De gə̄ a tə́dan̄ i najə kə́ majaĺ gə̄ dɔ naā tə́, tadə́ nel̄ ngá̰ý kə naá, ba kemdə́ əhɔ naā alé.

Teē Ngán Israel gə̄ 9:17

Ba ī-rāā dɔ ngan̄g kə̄ noí tə́ ɔ̄gəń gír deē yān gə̄ kadə̄ aw̄n̄ ní,

Teē Ngán Israel gə̄ 5:2

Parao̰ tél ədadə́ na ké Kɔ́ɔ̄ɓē i náā á kadə̄ n-oō tan ba kə n-əya̰ń ngán Israel gə̄ kadə̄ aw̄n̄ wa. Na n-ger̄ Kɔ́ɔ̄ɓē aĺ ō, n-ndigə kəya̰ ngán Israel gə̄ kadə̄ aw̄n̄ aĺ ō.

TA KƏLA 19:14

Lot aw̄ ənge umən gə̄ ń nongən̄ ngánən kə́ dəyá̰ gə̄ ní, ədadə́ na kə ḭḭn̄ dɔɔ́ kə teēn̄ kɔ̄ɔ́ kem ɓē ń toō tə́, na Kɔ́ɔ̄ɓē na a nujəń kɔ̄ɔ́. Ba umən gə̄ ndin̄ tītə̄ kə́ ni a ɔr̄ i najə̄ kɔsə kum beé.

JEREMI 18:18

Anī de kə́rēý gə̄ ədan̄ na: Ī-reē j-oōī naā dɔ Jeremi tə́. Na ndū najə̄ a nal̄ ta ngé tun̄ yá̰a̰ gə̄ aĺ ō, Kɔjə̄ a nal ta kum kɔɔ̄ gə̄ aĺ ō, najə̄ yā Nə́ɓā a nal̄ ta ngé koō ta gə̄ aĺ ō. Ī-reēī jə-tə́daī najə̄ kə́ majaĺ gə̄ dɔn tə́ jə-nujiīneé rīn. J-əndāī mbījí gír najə̄ kɔrə̄n gə̄ tə́ alé.

JEREMI 41:18

Nin̄ a̰ȳn̄ i Kalde gə̄ ń nin̄ ɓōlə́n̄də́ ngá̰ý ní, tɔdɔ̄ Ismael kə́ Netania, tɔ̄l̄ Gedalia kə́ ngōn̄ Ahikam ń mban̄g kə́ Babilon əndān dɔ ɓē tə́ ní.

JEREMI 42:5

Tā anī nin̄ ədan̄ Jeremi na: Ré jə-mbātə́ rāā yá̰á̰ ń Kɔ́ɔ̄ɓē Nə́ɓā yāí ədaī tām̄ yājí tə́ ní anī, ādə̄ Kɔ́ɔ̄ɓē əndā najə̄ dɔjí tə́ kə́ de kə́ kum tə́ kə́ rɔ̄kum tə́ ō, kə́ sew tə́ ō.

JEREMI 42:20

Sḭḭ̄ kɔ́ gə̄ ī-gólī rɔ̄sí, tɔdɔ̄ sḭḭ̄ ə́lamī rɔ̄ Kɔ́ɔ̄ɓē Nə́ɓā yāsí tə́ ə́daī na: Ɔ̄r̄ najə̄ kə Kɔ́ɔ̄ɓē Nə́ɓāá tām̄ yājí tə́, ə́dájí yá̰a̰ malang ń Kɔ́ɔ̄ɓē Nə́ɓā yājí əda ní kə ta njaá na j-a jə-rāā.

JEREMI 44:16

Ɔ̄r̄ najə̄ sejí i kə rī Kɔ́ɔ̄ɓēé ɓá tā ba j-a j-oō najə̄ yāí alé.

IJAI 9:8

De gə̄ malang gerə̄n̄, Epəraim gə̄ malang ō, de kə́ Samari gə̄ malang ō, gerə̄n̄. Kété ní, kɔjə rɔ̄ rosə kem de gə̄ ngeé ń toō adə̄ nin̄ ədan̄ na: