JEREMI 43:12 - Bibəl ta Sar̄

¹² M-ā m-ə́la hor dɔ kújə yā nə́ɓā gə̄ kə́ Ejiptə tə́ ń i ɓesə̄ gə̄ ní tə́. Nabukodonosor a əla hor dɔ ɓesə̄ gə̄ ní tə́ ō, a ɔydə́ yā kaw̄ń ō, a ró̰ȳdə́ kɔ̄ɔ́ Ejiptə tə́ tītə̄ ń nge kul̄ yá̰a̰ a əhɔń ngə́sā tū kūbə̄ yān tə́ ní beé ō, a tél yā kaw̄ gogə́ kanjə̄ kadə̄ yá̰á̰ kógə̄ḿ rāān ō.

Bible sar

¹² M-ā m-ə́la hor dɔ kújə yā nə́ɓā gə̄ kə́ Ejiptə tə́ ń i ɓesə̄ gə̄ ní tə́. Nabukodonosor a əla hor dɔ ɓesə̄ gə̄ ní tə́ ō, a ɔydə́ yā kaw̄ń ō, a ró̰ȳdə́ kɔ̄ɔ́ Ejiptə tə́ tītə̄ ń nge kul̄ yá̰a̰ a əhɔń ngə́sā tū kūbə̄ yān tə́ ní beé ō, a tél yā kaw̄ gogə́ kanjə̄ kadə̄ yá̰á̰ kógə̄ḿ rāān ō.

JEREMI 43:12 Referans Kwoze

EJEKIEL 30:13

Najə̄ ń mā Kɔ́ɔ̄ɓē Nə́ɓā m-ə́dá ɓáý to̰ ní n toó: M-ā m̄-rāā kadə̄ ɓesə̄ gə̄ gətóon̄ kɔ̄ɔ́ ō, m-ā m̄-rāā kadə̄ yá̰á̰ kə́ tɔ́sə̄ kum gotədə́ gə̄ ń ton̄ kem ɓē kə́ Mempis tə́ ní gətóon̄ kɔ̄ɔ́ ō. Ngār gə̄ a ton̄ dɔ nang kə́ Ejiptə tə́ to̰ aĺ ō, m-ā m-ə́la ɓōĺ kem de gə̄ tə́ kem ɓēé malang kə taá ō.

IJAI 49:18

Ɔ̄r̄ dɔí dɔɔ́ ba a̰a̰ loo ń to kə gō gidií ní: Ngání gə̄ malang ɔsən̄ dɔdə́ naā tə́, nin̄ reēn̄ kə̄ rɔ̄í tə́. Najə̄ ń Kɔ́ɔ̄ɓē əda ní n toó: Tītə̄ ń m̄-ndiń kə kumḿ rɔ̄kum noó, nin̄ a ton̄ i tītə̄ məde kɔ̄l̄ beé tām̄ yāí tə́, a ton̄ i tītə̄ ndāŕ kəhɔ ɓōdə̄ kə́ nge nong kə́ dəyá̰ əhɔń ɓōdə̄n beé.

IJAI 19:1

Najə̄ yā ɓē kə́ Ejiptə. Kɔ́ɔ̄ɓē n toó: Ni-reē dɔ nang kə́ Ejiptə tə́, al̄ i dɔ kil̄ man̄ kógə̄ḿ kə́ ngɔ̄də̄ ngá̰ý tə́. Nə́ɓā kə́ rɔ̄kum aĺ gə̄ kə́ dɔ nang kə́ Ejiptə tə́ ndewn̄ non tə́ ō, tɔ́gə de kə́ Ejiptə gə̄ ur̄ wak kɔ̄ɔ́ ō.

JEREMI 48:7

Moab, ḭ̄ ə̄ndā kemií i dɔ kəhɔ rɔ̄ tɔgə yāí tə́ ō, dɔ yá̰a̰ kənge yāí kə́ to loo ɓɔ̄ɔ̄ tə́ tə́ ō. Banī taāīn̄ gidə yādə́ tə́ kɔ̄ɔ́. Unən̄ nə́ɓā Kemos yāí dɔ gúú tə́ aw̄n̄ seneé dɔ ɓē kə́ rang tə́, naā tə́ kə ngé tun̄ yá̰a̰ yāí gə̄ ō, ngār yāí gə̄ ō.

JEREMI 46:25

Kɔ́ɔ̄ɓē kə́ bo kə́ tɔ́gən i ngá̰ý, Nə́ɓā yā Israel əda na: M-ā m̄-rāā yá̰á̰ kə́ tōr̄ kə Amon kə́ Tebə tə́ ō, Parao̰ ō, ɓē kə́ Ejiptə ō, nə́ɓā kə́ kemeé gə̄ ō, mban̄g gə̄ ō. M-ā m-ə́nda Parao̰ ō, de gə̄ malang ń ənīn̄ kemdə́ adə̄nən̄ ní ō.

PĀ GƏ̄ 104:2

Ī-ɓír̄ rɔ̄í kə loo kunjú tītə̄ loo ɓír̄ rɔ̄ kə kūbūú beē. Ḭ̄ ī-teē kem dɔ rā̰ tītə̄ loo teē kem tandā beé.

Makətūbə̄ yā Job 40:10

Beé ɓáa ī-súū rɔ̄í kə kɔsə gɔn ō, kə háĺ kə́ loo de kə́ bo tə́ ō, ə́la loo kə́ ndə́lē ngá̰ý ō, kə́ unjə̄ kow ō, rɔ̄í tə́ tītə̄ kūbə̄ beé!

ESTER 6:9

A adə̄n̄ de kə́ bo kógə̄ḿ yā mban̄g kūbə̄ ní ō, sə́ndá ní ō. Ni a əla kūbə̄ ní rɔ̄ deē ń mban̄g gḛy kɔsə gɔnən ní tə́ ō, a əndān dɔ sə́ndá ní tə́ ō. A njə̄rā seneé kə gō róbə kɔsə kə́ kem ɓēé ba a əda de gə̄ non tə́ na: Deē ń mban̄g gḛy kɔsə gɔnən ní mban̄g a rāān i beé!

2 SAMUEL 5:21

Pilistin gə̄ əya̰n̄ ɓesə̄ yādə́ gə̄ kɔ̄ɔ́ loo ní tə́, adə̄ Dabid nin̄ kə deē yān gēé ɔy aw̄n̄neé.

Teē Ngán Israel gə̄ 12:12

Ndɔ̄ɔ́ ndɔ̄ ń noō tə́ m-ā m̄-mān̄ kem ɓē kə́ Ejiptə tə́. M-ā m̄-tɔ̄l̄ ngáń hágə́ kə́ kemeé gə̄ malang, hágə de gə̄ ō, hágə dā̰ gə̄ ō. Sarya ń m̄-gān̄g dɔ ɓesə̄ gə̄ malang kə́ Ejiptə tə́ ní n noó. Mā i Kɔ́ɔ̄ɓē.

KOLOSƏ 3:14

Ba ə́laī tár tītə̄ kūbə̄ beé dɔ yá̰a̰ gə̄ ń noō tə́ malang. Tɔdɔ̄ tár to i tītə̄ kəlā kə́ do̰ō̰ de gə̄ naā tə́ majə ngá̰ý beē.

KOLOSƏ 3:12

Sḭḭ̄ ń Nə́ɓā gə̄rāsí ō, sḭḭ̄ ń i deē yān gə̄ ō, ni-táŕsí ō ní, úniī kum ko̰o̰ kə́ tām̄ yā madə̄sí gə̄ tə́ ō, rāā majə ō, kɔjə rɔ̄ aĺ ō, sɔl̄ dɔ ō, tə́gā ta ō, ə́laī rɔ̄sí tə́ tītə̄ kūbə̄ beé.

EPEJƏ 6:11

Ə́laī yá̰a̰ rɔ̄ɔ̄ malang yā Nə́ɓā rɔ̄sí tə́, kadə̄ ásiīń ra ngan̄g ta yá̰á̰ ń diabəl a rāā tə́ ní.

EPEJƏ 4:24

Úniī gō hál de kə́ kijə ń Nə́ɓā əndān kadə̄ teēn ní: I de kə́ gōtə́ ō, kə́ táĺ ō, kə́ kə ta kūl̄ najə̄ kə́ rɔ̄kum.

Makətūbə̄ ń Pol ndang adə̄ Rom gə̄ ní 13:12

Dan ndɔ̄ tɔȳ kɔ̄ɔ́, adə̄ loo a rāā yā tīī ngɔr. Ní, ādə̄ j-əya̰ī kəla kə́ tilií gə̄ kɔ̄ɔ́, ba j-ɔyī yá̰a̰ rɔ̄ɔ̄ kə́ yā rɔ̄ɔ̄ń kum loo kə́ unjə̄ kow tə́ gə̄ jə-tə́laī rɔ̄jí tə́.

SOPONI 2:11

Kɔ́ɔ̄ɓē a to ɓōĺ ngá̰ý tām̄ yādə́ tə́. Ni a nujə nə́ɓā gə̄ malang kə́ dɔ nang tə́ kɔ̄ɔ́. Loo ń noō tə́ nápar de gə̄ ń ndin̄ ta kaw̄ kə̄ sa̰y nó ní gə̄gē, a rɔȳnən̄. Nin̄ kógə̄ḿ kógə̄ḿ ní, a rɔȳnən̄ kə̄ dɔ nang yādə́ gə̄ tə́.

JEREMI 51:44

m̄-nujə ɓesə̄ Bel kɔ̄ɔ́ kem ɓē kə́ Babilon tə́ ō, m̄-taā yá̰á̰ ń ni a əsa ní tan tə́ kɔ̄ɔ́ ō. Nápar de gə̄ a teēn̄ kə̄ ta loo gə̄ tə́ yā kaw̄ rɔ̄n tə́ to̰ alé. ndogə̄ mbal̄ kə́ Babilon tə́ gə̄gē əsō kɔ̄ɔ́.

JEREMI 50:2

Ədaī najə̄ ń toō dan nápar de gə̄ tə́ ādə̄ de gə̄ gerə̄n̄ gō. Ə̄nīī najə̄ ní mbīdə́ tə́ ādə̄ oōn̄. Ə́daī ādə̄ de gə̄ oōn̄, ba ī-lōōī ɓɔ̄ɔ̄ dɔ najə̄ ní. Ədaī na: Taān̄ ɓē kə́ Babilon kɔ̄ɔ́, ɓesə̄ Bel i kə rɔ̄sɔlɔ̄ɔ́, ɓesə̄ Marduk əsō tétə̄ rárák kɔ̄ɔ́. Nujən̄ ɓesə̄ yān gə̄ sák sák kɔ̄ɔ́.

IJAI 61:10

Rɔ̄nel̄ kə́ kemḿ tə́ al̄ naā najə̄ yā Kɔ́ɔ̄ɓē tə́. Dan wurəḿ rāā rɔ̄nel̄ najə̄ yā Nə́ɓā yāḿ tə́. A̰á̰ā̰, ni ajəm̄ ō, utə̄ gidə rɔ̄ḿ kə kajə yānneé tītə̄ kūbə̄ ngāl̄ kə́ yā kəla rɔ̄ tə́ kété pá tá yā kəla madə̄ dɔ tə́ beē ō. Ni ɓírə̄m̄ kə tetə rɔ̄ɔ̄ yānneé tītə̄ kūbə̄ beé. m̄-to tītə̄ balsáá kə́ taā dəyá̰ kijə, kə́ ənda dɔn kə kūbə̄ kə́ yā kəndań dɔ ndɔ̄ nāā tə́ beē, aláa m̄-to tītə̄ ngōmandə kə́ taā ngaa kijə, kə́ tə́lá yá̰á̰ súū rɔ̄ gə̄ rɔ̄n tə́ adə̄ adə̄ taā gidə rɔ̄n malang beé.

IJAI 61:5

Tə̄rā gə̄ a ndin̄ noó yā ngɔ̄m̄ batə̄ yāsí gə̄ ō. De kə́ kḭḭ loo kə́ rang tə́ gə̄ a ndɔrə̄n̄ ndɔr̄ yāsí gə̄ ō, a ndɔrə̄n̄ kāgə̄ nduú yāsí gə̄ ō.

IJAI 59:17

Yá̰a̰ rāā kə́ gōtə́ i kūbə̄ rɔ̄ɔ̄ ń ni-əla rɔ̄n tə́ ní, kajə deē i jākā ń ni-əla dɔn tə́ ní. Rāā ba̰ā̰ i kūbə̄ ń ni utə̄ń gidə rɔ̄n ní. Təngā ta rɔ̄ɔ̄ tə́ i kūbə̄ ń ɓírə̄n ní.

IJAI 52:1

Siyo̰, ī-ndól̄, ī-ndól̄! Ɔ́jə́ tɔ́gí! Jerusalem, ɓē kə́ táĺ, ī-tə́la kūbə̄ yāí kə́ majə ngá̰ý gə̄ rɔ̄í tə́! Tām̄ kəja mɔtədə́ aĺ gə̄, de kə́ yḛr gə̄, a reēn̄ looí to̰ aĺ i kə́ bátə́ gə̄ tə́.

IJAI 46:1

Nə́ɓā Bel rugə ngung, nə́ɓā Nebo teē əsō. Tə́ndān̄ yá̰a̰ gə̄ ń tɔ́sə̄n̄ kum gotədə́ ní dɔ man̄g kə́ bəra gə̄ tə́. Kété jóó ní a əhɔn̄də́ i kə̄ dɔɔ́ ngá̰ý loo rāā yá̰a̰ kūjə́ gə̄ tə́. Ngɔlaā ní, nin̄ i yá̰a̰ kətō kə́ ɔȳ gə̄ tām̄ yā dā̰ gə̄ ń tɔ́gə́də́ təgā kɔ̄ɔ́ tə́ ní.

IJAI 21:9

Á̰a̰ī, deē kógə̄ḿ a reē noó! Ndi i kem púsə rɔ̄ɔ̄ kə́ sə́nda gə̄ jōó unən̄ tə́. Ni əga kɔŕ, əda na: Ɓē kə́ Babilon əsō, ɓē kə́ Babilon əsō! Yá̰á̰ kə́ tɔ́sə̄ kum gotə nə́ɓā yān gə̄ ton̄ nang tə́ malang, tétə̄n̄ rárák kɔ̄ɔ́.

PĀ GƏ̄ 132:18

M-ā m-ə́la rɔ̄sɔl̄ rɔ̄ madə̄ ba̰ā̰n gə̄ tə́ tītə̄ kūbə̄ beé, banī jākā mbang yān a ndə́lē pipir nɔtə non tə́.

PĀ GƏ̄ 132:16

M-ā m-ə́la kajə rɔ̄ ngé tun̄ yá̰a̰ yān gə̄ tə́ tītə̄ kūbə̄ beé ō, deē yān gə̄ a túrə̄n̄ kɔĺ rɔ̄nel̄ ō.

IJAI 46:2

Nə́ɓā gə̄ rugən̄ ngung, nin̄ malang əsōn̄ nang tə́ ndɔ̄ naā tə́. Nin̄ asən̄ kajə yá̰a̰ gə̄ ń tɔ́sə̄n̄ kum gotədə́ ní alé, nin̄ kɔ́ gə̄ aw̄n̄ dɔ ɓē kə́ rang tə́ dɔ gúú tə́.

JEREMI 43:13

Ni a tɔ̄ɔ̄ mbal̄ gə̄ kə́ Bet Semes kem ɓē kə́ Ejiptə tə́ ō, ni a əla hor dɔ kújə ɓesə̄ gə̄ kə́ Ejiptə tə́ ní ō.

JEREMI 49:27

M-ə́la hor dɔ ɓē kə́ Damas tə́, adə̄ o̰o̰ kújə gə̄ yā mban̄g Ben Hadad.

EJEKIEL 29:11

Deē aké dā̰ kə́ yā mān̄ loo ń noō tə́ a gətóo ō, ɓē kə́ Ejiptə a rāā ɓāl̄ kutə sɔ́ kanjə̄ kadə̄ deē kógə̄ḿ i kemeé ō.

DANIEL 11:8

Ni a ɔȳ yá̰a̰ kə́ tɔ́sə̄ kum gotə nə́ɓā gə̄ kə́ kem ɓēé ō, ngáń gájə́ yá̰a̰ rāā kəla yādə́ gə̄ kə́ rāān̄ kə lɔ́rɔ́ ō, kə gində̄ arjā̰a̰á̰ yā kaw̄ń Ejiptə. Gō tə́ anī asə ɓāl̄ kóndóńg wań ní ni a ndi i sa̰y rɔ̄ mban̄g kə́ dām̄ mbɔ́r ɓē kə́ ko̰ó̰ tə́.

JEREMI 10:11

Yá̰á̰ ń ā ə́daīdə́ ní n toó: Nə́ɓā gə̄ ń rāān̄ dɔ rā̰ aĺ ō, dɔ nang aĺ ō ní, a gətóon̄ kɔ̄ɔ́ dɔ nang tə́ ō, gír rā̰ tə́ ō.

JEREMI 10:15

I yá̰á̰ kə́ rāā kanjə̄ kumən gə̄ ō, kə́ to kəgō gə̄ ō. Ré ndɔ̄ kə́ yā kadə̄ ɔjəmə̄n̄neé kəla rāādə́ gə̄ asə anī, yādə́ i yo.

JEREMI 25:19

Gotə nápar de gə̄ ń a̰ȳn̄ kópə ngeé ń toō ní, nin̄ n toó: Parao̰ mban̄g kə́ Ejiptə ō, ngé kəla yān gə̄ ō, de kə́ bo yān gə̄ ō, gír deē yān gə̄ malang ō,

EJEKIEL 29:19

Tām̄ najə̄ ń noō tə́ ní, yá̰á̰ ń mā Kɔ́ɔ̄ɓē Nə́ɓā m-ə́dá ní n toó: M-ā m-ə́la ɓē kə́ Ejiptə kem jī Nabukodonosor, mban̄g kə́ Babilon tə́ tə́. Ni a ɔy yá̰a̰ kənge kə́ kem ɓēé malang kɔ̄ɔ́ ō, ni a nujə ɓē ō. Loo ń noō tə́ ni a ɔy yá̰a̰ kənge yān gə̄ kə́ kəhɔ ta rɔ̄ɔ̄ tə́ yā nə̄ɓō áskar yān gə̄ kadə̄ i kəgā yādə́.