JEREMI 43:11 - Bibəl ta Sar̄

¹¹ Ni a reē ō, a ənda ɓē kə́ Ejiptə ō. Deē ń i tām̄ yā yo tə́ ní a oy. Deē ń i tām̄ yā kəhɔn kaw̄ seneé dɔ ɓē kə́ rang tə́ ní a aw̄n̄ seneé. Deē ń i tām̄ yā kadə̄ kaskar tɔ̄lən ní a oy yo kaskar.

Bible sar

¹¹ Ni a reē ō, a ənda ɓē kə́ Ejiptə ō. Deē ń i tām̄ yā yo tə́ ní a oy. Deē ń i tām̄ yā kəhɔn kaw̄ seneé dɔ ɓē kə́ rang tə́ ní a aw̄n̄ seneé. Deē ń i tām̄ yā kadə̄ kaskar tɔ̄lən ní a oy yo kaskar.

JEREMI 43:11 Referans Kwoze

JEREMI 44:13

M-ā m-ə́nda de gə̄ malang ń ndin̄ kem ɓē kə́ Ejiptə tə́ ní tītə̄ ń m-ə́ndań ɓē kə́ Jerusalem kə kaskaraá ō, kə ɓōó ō, kə mo̰y ngāl̄bɔ̄gīí ō ní.

JEREMI 15:2

Ba ré dəjenī ədan̄ na: Ní kə j-aw̄ i kə̄ rá tāā wa anī, ḭ̄ ā ī-téĺ ə́dádə́ na: Najə̄ ń Kɔ́ɔ̄ɓē əda ní n toó: Deē ń i tām̄ yā yo tə́ ní i tām̄ yā yo tə́. Deē ń i tām̄ yā kaskar tə́ ní i tām̄ yā kaskar tə́. Deē ń i tām̄ yā ɓō tə́ ní i tām̄ yā ɓō tə́, deē ń i tām̄ yā kəhɔn dɔ gúú tə́ kaw̄ seneé dɔ ɓē kə́ rang tə́ ní, i tām̄ yā kəhɔn dɔ gúú tə́ kaw̄ seneé dɔ ɓē kə́ rang tə́.

JAKARI 11:9

Tā anī, m-ə́dádə́ na: M-ā m-á̰a̰ gōsí to̰ alé. Ngé gə̄ ń kadə̄ oyn̄ ní, ādə̄ oyn̄! Ngé gə̄ ń kadə̄ gətóon̄ ní, ādə̄ gətóon̄! Ba ngé gə̄ ń gō tə́ anī nin̄ a ndin̄ kə kumdə́ ɓáý ní, ādə̄ əsan̄ naā!

JEREMI 25:19

Gotə nápar de gə̄ ń a̰ȳn̄ kópə ngeé ń toō ní, nin̄ n toó: Parao̰ mban̄g kə́ Ejiptə ō, ngé kəla yān gə̄ ō, de kə́ bo yān gə̄ ō, gír deē yān gə̄ malang ō,

EJEKIEL 5:12

Núsə de kə́ kem ɓēé gə̄ kə́ ta kəga dɔ a oyn̄ yo mo̰y ngāl̄bɔ̄gīí, aláa yo ɓō kem ɓēé. Núsə de kə́ kem ɓēé kə́ nge ko̰ jōó a oyn̄ yo kaskar kə gō gidə ɓēé. Núsə de kə́ kem ɓēé gə̄ kə́ nge ko̰ mətá ní, m-ā m̄-tə̄ndā yā tḭ̄ḭ̄də́ kə̄ loo gə̄ tə́, ba m-ā m̄-ngɔ̄də̄də́ kə kaskaraá.

Makətūbə̄ yā Job 20:29

Yá̰á̰ ń Nə́ɓā ngɔ̄m̄ tām̄ yā nge kem ndul tə́ ní n noó, yá̰a̰ ndəbā ń Nə́ɓā adə̄n ní n noó.

JEJU TEĒ KUM JA̰A̰ 13:10

Deē ń kadə̄ aw̄ ɓəloó anī, a aw̄ ɓəloó ō, deē ń kadə̄ oy yo kaskar anī, a oy yo kaskar ō. I yá̰á̰ ń noō n majə kadə̄ de gə̄ yā Nə́ɓā ɔjən̄ kadə̄ nin̄ i de kə́ ngé tə́gā tadə́ gə̄ ō, de kə́ ngé taā kem gə̄ ō ní.

JEREMI 25:15

Yá̰á̰ ń Kɔ́ɔ̄ɓē, Nə́ɓā yā Israel ədam̄ ní n toó: Ī-taā kópə kasə nduú ń toō jīḿ tə́, ādə̄ nápar de gə̄ malang ń m-ā m-ə́laī kə̄ rɔ̄də́ tə́ ní ādə̄ a̰ȳn̄, i kasə wōn̄g yāḿ.

JEREMI 42:22

Ngɔlaā ní, ī-gerī majə kadə̄ ā óyiī yo kaskar ō, yo ɓō ō, yo mo̰y ngāl̄bɔ̄gīí ō, loo ń sḭḭ̄ ī-gḛyiī kaw̄ ɓɔ̄ɔ̄ rɔ̄sí tū tə́ ní tə́.

EJEKIEL 29:11

Deē aké dā̰ kə́ yā mān̄ loo ń noō tə́ a gətóo ō, ɓē kə́ Ejiptə a rāā ɓāl̄ kutə sɔ́ kanjə̄ kadə̄ deē kógə̄ḿ i kemeé ō.

JEREMI 44:12

M-ā m-ə̄ndā kumḿ gír Juda gə̄ ń teēn̄ ta yo tə́ á əsōn̄ róbó yā kaw̄ ɓɔ̄ɔ̄ rɔ̄də́ Ejiptə tə́ ní kə gōó. Nin̄ malang a oyn̄, a tə́sōn̄ kem ɓē kə́ Ejiptə tə́. A oyn̄ yo kaskar ō, yo ɓō ō, a télən̄ yá̰á̰ kə́ to kum ko̰ ō, a ndə̄ngān̄də́ yo ō, a ndɔ̄lə́n̄də́ ō, a tájə̄n̄də́ ō.