JEREMI 43:1 - Bibəl ta Sar̄

¹ Dan ń Jeremi əda gír de gə̄ malang yá̰a̰ gə̄ malang ń Kɔ́ɔ̄ɓē Nə́ɓā yādə́ ɔr̄ seneé ní, adə̄ i najə̄ gə̄ malang ń Kɔ́ɔ̄ɓē Nə́ɓā yādə́ mērən kədadə́ ní óy anī,

Bible sar

¹ Dan ń Jeremi əda gír de gə̄ malang yá̰a̰ gə̄ malang ń Kɔ́ɔ̄ɓē Nə́ɓā yādə́ ɔr̄ seneé ní, adə̄ i najə̄ gə̄ malang ń Kɔ́ɔ̄ɓē Nə́ɓā yādə́ mērən kədadə́ ní óy anī,

JEREMI 43:1 Referans Kwoze

JEREMI 26:8

Dan ń Jeremi ɔr̄ najə̄ ń Kɔ́ɔ̄ɓē ədan kadə̄ əda de gə̄ malang kə́ kem ɓēé ní gír gān̄g anī, ngé tun̄ yá̰a̰ gə̄ ō, ngé koō ta gə̄ ō, de kə́ kem ɓēé gə̄ ō, əhɔn̄ Jeremi ba ədanən̄ na: I ḭ̄kɔ́ n ī-ndigə koy ní.

JEREMI 51:63

Dan ń ā ī-tə́da makətūbə̄ ní təgā anī, ā ī-do̰ō̰ mbal̄ kógə̄ḿ tū tə́ ō, ā ə̄nīn kum bā Opəratə tə́ ō,

JEREMI 42:22

Ngɔlaā ní, ī-gerī majə kadə̄ ā óyiī yo kaskar ō, yo ɓō ō, yo mo̰y ngāl̄bɔ̄gīí ō, loo ń sḭḭ̄ ī-gḛyiī kaw̄ ɓɔ̄ɔ̄ rɔ̄sí tū tə́ ní tə́.

KƏLA RĀĀ 20:27

Tɔdɔ̄ m-ɔ́jə́sí yá̰a̰ malang ń Nə́ɓā əndā dɔ danaá kété kɔ̄ɔ́ ní kanjə̄ mundə̄sí yá̰á̰ kógə̄ḿ.

KƏLA RĀĀ 5:20

Āw̄ ī-raī kem kújə yā Kɔ́ɔ̄ɓē tə́ ba ɔjiī ngán Israel gə̄ najə̄ malang kə́ dɔ ndi kə kumuú ń toō tə́.

MATIYE 28:20

Ī-ndóōīdə́ yá̰a̰ malang ń m-ə́dásí kadə̄ ī-rāāī ní. Ba mā i sesí kə dɔ ndɔ̄ gə̄ bátə́ ta ngóy ndɔ̄ gə̄ tə́.

JEREMI 26:2

Mā Kɔ́ɔ̄ɓē m-ɔ̄r̄ najə̄ i tītə̄ ń toō beé: Ī-ra ndágə loo kə́ gīr̄ gidə kújə yā Kɔ́ɔ̄ɓē tə́, ba ə́da najə̄ gə̄ malang ń m-ə́daī dɔ de gə̄ ń ndin̄ kem ɓē gə̄ kə́ Juda tə́ á ɔsən̄ nodə́ nang tə́ kem kújə yā Kɔ́ɔ̄ɓē tə́ ní, kanjə̄ kɔr̄ kumən kógə̄ḿ kə̄ gogə́.

JEREMI 1:17

Banī ḭ̄, ī-do̰ō̰ ndāŕ mbə́yō mbōdīí tə́, ḭ́ḭ dɔɔ́ āw̄ ə́dádə́ yá̰a̰ malang ń m-ə̄ndā taí tə́ ní. Ī-lōō kə ndew ta kumdə́ tə́, ré i beé aĺ anī, i mā n m-ā m̄-rāāī kadə̄ ā ī-ndew ta kumdə́ tə́ ní.

JEREMI 1:7

Kɔ́ɔ̄ɓē ədam̄ na: Ī-lōō kəda na: Mā i ngōn̄ ngá̰ý ɓáý. Loo malang ń m-ə́laī tū tə́ ní, āw̄ tū tə́, yá̰a̰ malang ń m-ādī ndūḿ kadə̄ ə́dá ní, ā ə́dá yá̰á̰ ní.

1 SAMUEL 8:10

Samuel tél kə najə̄ ń Kɔ́ɔ̄ɓē ɔr̄ seneé ní əda ngán Israel gə̄ ń gḛyn̄ mban̄g ní.

Teē Ngán Israel gə̄ 24:3

Moijə tél aw̄ əda ngán Israel gə̄ najə̄ gə̄ ń Kɔ́ɔ̄ɓē ɔr̄ seneé ní malang ō, yá̰a̰ gə̄ ń ədan kadə̄ rāān̄ ní malang ō. Anī ngán Israel gə̄ ədan̄ naā tə́ malang na yá̰a̰ gə̄ ń Kɔ́ɔ̄ɓē əda ní na n-a n-rāān̄ malang.

TA KƏLA 19:14

Lot aw̄ ənge umən gə̄ ń nongən̄ ngánən kə́ dəyá̰ gə̄ ní, ədadə́ na kə ḭḭn̄ dɔɔ́ kə teēn̄ kɔ̄ɔ́ kem ɓē ń toō tə́, na Kɔ́ɔ̄ɓē na a nujəń kɔ̄ɔ́. Ba umən gə̄ ndin̄ tītə̄ kə́ ni a ɔr̄ i najə̄ kɔsə kum beé.

JEREMI 5:12

Nin̄ mbātə́n̄ Kɔ́ɔ̄ɓē ba ədan̄ na: Kɔ́ɔ̄ɓē gətóo, yá̰á̰ kə́ to kum kaȳ aĺ a rāājí alé, j-a j-oyiī yo kaskar aĺ ō yo ɓō aĺ ō.

JEREMI 42:21

M-ə́dásí yá̰á̰ ní kɔ̄ɔ́ ɓá, banī sḭḭ̄ ōoī ndū Kɔ́ɔ̄ɓē Nə́ɓā yāsí aĺ ō, ōōī najə̄ ń əndā taḿ tə́ kadə̄ m-ɔ̄r̄ sesí ní aĺ ō.