JEREMI 42:6 - Bibəl ta Sar̄

⁶ Ká ré najə̄ ní nel̄jí aáā, nel̄jí aĺ aáā, j-a j-oō najə̄ ta Kɔ́ɔ̄ɓē Nə́ɓā yājí ń j-əlaī rɔ̄n tə́ ní, yā kadə̄ yá̰a̰ malang əsō naā tə́ majə najə̄ koō ń j-oō tan ní tə́.

Bible sar

⁶ Ká ré najə̄ ní nel̄jí aáā, nel̄jí aĺ aáā, j-a j-oō najə̄ ta Kɔ́ɔ̄ɓē Nə́ɓā yājí ń j-əlaī rɔ̄n tə́ ní, yā kadə̄ yá̰a̰ malang əsō naā tə́ majə najə̄ koō ń j-oō tan ní tə́.

JEREMI 42:6 Referans Kwoze

JEREMI 7:23

Yá̰á̰ ń m̄-dəjedə́ ní n toó ngóy: Ōōī najə̄ yāḿ anī m-ā m̄-téĺ Nə́ɓā yāsí ō, sḭḭ̄ ā ī-téliī gír deē yāḿ gə̄ ō. Ré úniī gō róbə́ ń m̄-rāā tām̄ yāsí tə́ ní anī, ā ī-ndiī majə.

NDŪ NAJƏ̄ 5:29

Ré ran̄ dɔ míndə́də́ tə́ ō, ɓōlə́n̄ ndílə́ḿ adə̄ rāān̄ yá̰a̰ malang ń m-ə́dádə́ kadə̄ rāān̄ ní ō, kə ndɔ̄ gə̄ anī, nin̄ ō, ngáńdə́ gə̄ ō, ngán kaadə́ gə̄ ō ní rɔ̄də́ a nel̄də́ i ta kaw̄ kə̄ jóo.

Makətūbə̄ ń Pol ndang adə̄ Rom gə̄ ní 8:7

Tɔdɔ̄ ngé gə̄ ń dā̰ rɔ̄də́ o̰o̰ ɓē dɔ rɔ̄də́ tə́ ní, nin̄ i madə̄ ba̰ā̰ Nə́ɓā. Deē ń njə̄rā kə tɔ́gə yā dā̰ rɔ̄ɔ́ ní, əla dɔn gír ndū najə̄ yā Nə́ɓā tə́ alé. Ni asə aĺ bátə́ gə̄gē ɓáý.

NDŪ NAJƏ̄ 5:33

I róbə́ ń Kɔ́ɔ̄ɓē Nə́ɓā yāsí njar nosí tə́ ní n ā úniī kə ndɔ̄ gə̄ ní, yā kadə̄ ī-ndiīneé kə kumsí ō, rɔ̄sí nelə̄ńsí ō, ī-ndiīneé ta kaw̄ jóo dɔ nang ń ā ī-taāī tə́ ní ō.

Makətūbə̄ ń Pol ndang adə̄ Rom gə̄ ní 7:13

Adə̄ yá̰á̰ ń i yá̰á̰ kə́ majə ní tél reē kə yoó dɔḿ tə́ a? I tītə̄ ń noō alé. I majaĺ n rāā yá̰á̰ ń noō ní. Ni ɔjə kə̄ ndágá kadə̄ ni i yá̰á̰ kə́ majaĺ. Tɔdɔ̄ ni-un yá̰á̰ kə́ majə tɔ̄l̄məń. Loo téĺ ń yá̰á̰ kə́ majaĺ téləń yá̰á̰ kə́ majaĺ ngá̰ý al̄ naā kə ta kūl̄ gō míndə́ ní n noó.

Makətūbə̄ ń Pol ndang adə̄ Rom gə̄ ní 7:7

Kumən na i rí? I kadə̄ i ndū najə̄ n i yá̰á̰ kə́ majaĺ ní a? I tītə̄ ń noō alé. Banī i ndū najə̄ ngóy n rāā á m̄-gerə̄ń yá̰á̰ ń a ɓārə́n̄ na i yá̰á̰ kə́ majaĺ ní. Tītə̄ ń toō ní ré ndū najə̄ əda na: Ī-ndə̄ngā yá̰a̰ yā madí aĺ anī, mā m-ā m̄-ger̄ kadə̄ ndə̄ngā yá̰a̰ yā naā i yá̰á̰ kə́ majaĺ alé.

IJAI 3:10

Ngé gə̄ ń oōn̄ ta Nə́ɓā ní, ásiī kəda na nin̄ i ngé rɔ̄nel̄ gə̄. Yá̰á̰ ń nin̄ rāān̄ ní, a əngen̄ yá̰á̰ kə́ majə tām̄ yādə́ tə́ gírí.

PĀ GƏ̄ 128:2

Əsa tətōí īkɔ́ a ā ī-ndi majə ō rɔ̄í a nelī ō!

JOJUE 24:24

De gə̄ tél ədan̄ Jojue na: A̰á̰ā̰, j-a jə-rāā kəla yā Kɔ́ɔ̄ɓē ń i Nə́ɓā yājí ní ō, j-a j-oō tan ō.

Teē Ngán Israel gə̄ 24:7

Gō tə́ anī un makətūbə̄ madə̄ naā tə́da adə̄ ngán Israel gə̄ oōn̄. Anī ngán Israel gə̄ ədan̄ na yá̰a̰ gə̄ ń Kɔ́ɔ̄ɓē ədadə́ malang ní, na n-a n-əndān̄ kumdə́ gírí yā rāā.

NDŪ NAJƏ̄ 5:27

Adə̄ ḭ̄ Moijə, ī-ndɔ́tə̄ kə̄ rɔ̄ Kɔ́ɔ̄ɓē Nə́ɓā yājí tə́, ōō najə̄ malang ń a ɔr̄ seí ní, ba ī-reē ə̄nījí gotə. Na j-a j-oō ō, j-a jə-rāā yá̰á̰ ń ni-əda ní ō.

JEREMI 22:15

Nelī rāā yá̰a̰ kə kāgə̄ sédər ngá̰ý ní ī-gír̄ i dɔ ko̰o̰ ɓē tə́ ta kaw̄ jóo a? Bɔbí əsa yá̰á̰ ō, a̰ȳ ō aĺ a? Banī ni rɔ̄ɔ̄ dɔ yá̰á̰ kə́ gōtə́ tə́ ō, dɔ yá̰á̰ kə́ súmūú tə́ ō. adə̄ yá̰a̰ malang i kə́ majə tām̄ yān tə́.

JEREMI 43:4

Yohanan ngōn̄ Karea ō, ngol ngé rɔ̄ɔ̄ gə̄ ō, gír de gə̄ malang ō, oōn̄ ndū Kɔ́ɔ̄ɓē ń mērə̄ńdə́ ndi kem ɓē kə́ Juda tə́ ní alé.

PĀ GƏ̄ 78:36

Banī nin̄ a gól̄nən̄ i kə tadə́ karī, najə̄ ń ədanən̄ ní i najə̄ kə́ rɔ̄kum alé.