JEREMI 42:5 - Bibəl ta Sar̄

⁵ Tā anī nin̄ ədan̄ Jeremi na: Ré jə-mbātə́ rāā yá̰á̰ ń Kɔ́ɔ̄ɓē Nə́ɓā yāí ədaī tām̄ yājí tə́ ní anī, ādə̄ Kɔ́ɔ̄ɓē əndā najə̄ dɔjí tə́ kə́ de kə́ kum tə́ kə́ rɔ̄kum tə́ ō, kə́ sew tə́ ō.

Bible sar

⁵ Tā anī nin̄ ədan̄ Jeremi na: Ré jə-mbātə́ rāā yá̰á̰ ń Kɔ́ɔ̄ɓē Nə́ɓā yāí ədaī tām̄ yājí tə́ ní anī, ādə̄ Kɔ́ɔ̄ɓē əndā najə̄ dɔjí tə́ kə́ de kə́ kum tə́ kə́ rɔ̄kum tə́ ō, kə́ sew tə́ ō.

JEREMI 42:5 Referans Kwoze

TA KƏLA 31:50

Ré ī-rāā ngánə́ḿ kə́ dəyá̰ gə̄ majaĺ ō, ī-táā dəyá̰ kə́ rang gə̄ ɓáý to̰ ō anī, i deē ndul n i kə́ kum tə́ yājí ní alé, ba i Nə́ɓā n i kə́ kum tə́ yājí ní.

NGÉ SARYA 11:10

Anī kum kɔɔ̄ kə́ Galaad gə̄ ədan̄ Jepte na: Kɔ́ɔ̄ɓē rāā kə́ kum tə́ yājí, adə̄ j-a jə-rāā yá̰á̰ ń ə́dá ní.

JEJU TEĒ KUM JA̰A̰ 3:14

Ī-ndang najə̄ ń toō ādə̄ de kə́ dɔ rā̰ tə́ yā Egəlijə kə́ Laodise: Najə̄ ń deē ń i Amen ō, ni i de kə́ kum tə́ kə́ nge ra dɔ ndūn tə́ ō, ni i de kə́ rɔ̄kum ō, Nə́ɓā əndā yá̰a̰ malang i kə ta kūl̄neé ō əda ní n toó:

MALASI 3:5

A̰á̰ā̰, Kɔ́ɔ̄ɓē kə́ bo kə́ tɔ́gən i ngá̰ý əda najə̄ ń toō: M-ā m̄-reē dansí tə́ yā rāā sarya sesí. M-ā m-ɔ́r bā̰ā̰ loo kəndā najə̄ dɔ ngé kəga gə̄ tə́ aĺ ō, ngé rāȳ gə̄ tə́ aĺ ō, ngé túbə dɔ lám̄ gə̄ tə́ aĺ ō, ngé kəgā ngé kəla yādə́ gə̄ kə gōó aĺ gə̄ ō, ngé rējə̄ dəyá̰ kə́ ngaa koy gə̄ ō, ngán hal gə̄ ō, kə yá̰a̰ rāādə́ kə́ gōtə́ aĺ ō, ngé rāā tə̄rā gə̄ majaĺ ō, de gə̄ malang ń ɓōlə́n̄ ndílə́ḿ aĺ ní ō.

MALASI 2:14

Sḭḭ̄ ī-dəjeī rɔ̄sí najə̄ ə́daī na ké i tām̄ rí tə́ wa. I tɔdɔ̄ sḭḭ̄ ə̄nī ndūsí ta kumən tə́ yā ra dɔ ndūsí tə́ kə dəyá̰ ń sḭḭ̄ ī-gə̄rāī dan balsáásí tə́ ní. Banī sḭḭ̄ ī-raī dɔ ndūsí tə́ kə dəyá̰ ní alé! Kété ní dəyá̰ ní ndi sesí ō, sḭḭ̄ ə̄nīī ndūsí ādīin̄ ō.

MISE 1:2

Sḭḭ̄ gír de gə̄ malang, ōōī! Ḭ̄ dɔ nang ō, de kə́ dɔ nang tə́ gə̄ ō, ī-nēlī mbīsí! Kɔ́ɔ̄ɓē Nə́ɓā a ndi loo yān kə́ táĺ tə́ yā kəndāń najə̄ dɔsí tə́.

Makətūbə̄ ń Pol ndang adə̄ Rom gə̄ ní 1:9

Tɔdɔ̄ Nə́ɓā i de kə́ kum tə́ yāḿ tām̄ yā najə̄ ń noō tə́. Ni ń m̄-rāā kəla yān kə ngarān̄g kemḿ gēé malang loo kɔjə Najə̄ kə́ Majə yā Ngōnən tə́ ní. Mā m-ɔ̄r̄ najə̄ yāsí ngándáńg,

JEREMI 5:2

Ədan̄ kə̄ nja naā tə́ na tītə̄ ń Kɔ́ɔ̄ɓē ndiń kə kumneé noō. Banī túbən̄ i túbə̄ kə́ rɔ̄kum alé.

1 SAMUEL 20:42

Jonatan əda Dabid na: Āw̄ kə kem sɔlɔ́. Ba ādə̄ əga kemií dɔ madə̄ naā ń jə-túbə j-adə̄ naā j-əhɔń kə rī Kɔ́ɔ̄ɓēé ní tə́. Ādə̄ Kɔ́ɔ̄ɓē ra dɔ dáńjí tə́ ō, dɔ dáń ngáńjí gə̄ tə́ ō, ngán kaají gə̄ tə́ ō, bátə́ ta kaw̄ jóo.

1 SAMUEL 12:5

Samuel tél ədadə́ ɓáý to̰ na: De kə́ kum tə́ gə̄ i Kɔ́ɔ̄ɓē nin̄ kə mbangāá. Nin̄ a̰a̰n̄ kadə̄ sḭḭ̄ ə́ngeī yá̰á̰ kógə̄ḿ jīḿ tə́ ɓōólaā alé. De gə̄ tél ədanən̄ na: I rɔ̄kum.

Teē Ngán Israel gə̄ 20:19

Nin̄-ədan̄ Moijə na kə nəkɔ́ kə ɔr̄ najə̄ sedə́ anī n-a n-oōn̄, ba kadə̄ Nə́ɓā kə ɔr̄ najə̄ sedə́ to̰ alé na sōgə́ n-oyn̄.

Teē Ngán Israel gə̄ 20:7

Ā ī-ɓāŕ rīḿ kanjə̄ kumən alé, tɔdɔ̄ deē ń a ɓāŕ rīḿ kanjə̄ kumən ní, mā Kɔ́ɔ̄ɓē Nə́ɓā yāí m-ā m-ə́ya̰n karī alé.

JEREMI 43:2

Ajaria, ngōn̄ Hosaya ō, Yohanan, ngōn̄ Karea ō, kə ngé ndájə̄ najə̄ gə̄ malang ní, ədan̄ Jeremi na: Najə̄ ń ə́da noó i najə̄ kə́ rɔ̄kum alé, tɔdɔ̄ Kɔ́ɔ̄ɓē Nə́ɓā yājí əlaī kadə̄ ə́dájí na kə jə-lōō kaw̄ ɓɔ̄ɔ̄ rɔ̄jí tə́ Ejiptə tə́ alé.

JEREMI 43:4

Yohanan ngōn̄ Karea ō, ngol ngé rɔ̄ɔ̄ gə̄ ō, gír de gə̄ malang ō, oōn̄ ndū Kɔ́ɔ̄ɓē ń mērə̄ńdə́ ndi kem ɓē kə́ Juda tə́ ní alé.

JEREMI 42:20

Sḭḭ̄ kɔ́ gə̄ ī-gólī rɔ̄sí, tɔdɔ̄ sḭḭ̄ ə́lamī rɔ̄ Kɔ́ɔ̄ɓē Nə́ɓā yāsí tə́ ə́daī na: Ɔ̄r̄ najə̄ kə Kɔ́ɔ̄ɓē Nə́ɓāá tām̄ yājí tə́, ə́dájí yá̰a̰ malang ń Kɔ́ɔ̄ɓē Nə́ɓā yājí əda ní kə ta njaá na j-a jə-rāā.