JEREMI 42:3 - Bibəl ta Sar̄

³ Ādə̄ Kɔ́ɔ̄ɓē Nə́ɓā yāí ɔjəjí róbə kə́ kadə̄ j-un ō, yá̰á̰ kə́ kadə̄ jə-rāā ō.

Bible sar

³ Ādə̄ Kɔ́ɔ̄ɓē Nə́ɓā yāí ɔjəjí róbə kə́ kadə̄ j-un ō, yá̰á̰ kə́ kadə̄ jə-rāā ō.

JEREMI 42:3 Referans Kwoze

Gōsə̄ najə̄ gə̄ 3:6

Tū yá̰a̰ rāāí gə̄ tə́ malang ní majə kadə̄ ī-gerə̄n, loo ń noō tə́ ni a ɔjiī loo rāā yá̰a̰.

PĀ GƏ̄ 86:11

Kɔ́ɔ̄ɓē, ɔ́jəm̄ róbə yāí, anī m-ā m-ún gō najə̄ yāí kə́ rɔ̄kum. Ī-rāā ādə̄ kemḿ i dɔ yá̰á̰ kə́ kal kógə̄ḿ beē tə́: I kadə̄ m̄-ɓōĺ gidə rīí.

MISE 4:2

Nápar de kə́ ngá̰ý gə̄ kə́ dɔ nang kə́ rang tə́ a əsōn̄ róbó yā reē. Nin̄ a ədan̄ na: Ī-reē j-awī dɔ mbal̄ yā Kɔ́ɔ̄ɓē tə́, j-awī kújə yā Nə́ɓā yā Jakob tə́. Ni a ndóōjí yá̰á̰ ń a sāā rɔ̄jí tə́ ní ō, j-a j-uniī róbə́ ń ni ɔjəjí ní ō. Tɔdɔ̄ yá̰á̰ ndóō yā Kɔ́ɔ̄ɓē teē i Siyo̰. A̰á̰ā̰, najə̄ yān teē i Jerusalem n reē ugə̄ rɔ̄jí tə́ ní.

JEREMI 6:16

Najə̄ ń Kɔ́ɔ̄ɓē əda ní n toó: Ī-dəbaī kum róbə gə̄ tə́, ba á̰a̰ī loo, ī-dəjeī najə̄ kə́ dɔ róbə́ kə́ jóó ngá̰ý gə̄ tə́. I róbə́ kə́ rá n i róbə́ kə́ majə ní? Ī-njə̄rāī tū tə́ anī, ā ə́ngeī loo kə́ kadə̄ ī-taāīneé koō. Ba nin̄ ədan̄ na: J-a jə-njə̄rā tū tə́ alé.

ESDRAS 8:21

m̄-ra kə̄ kadə man̄ kə́ Ahaba tə́ noō m-ə́dań de gə̄ malang kadə̄ jə-*ndi ɓō tām̄ yā Nə́ɓā tə́ j-ɔjəń sɔl̄ kə́ jə-sɔl̄ dɔjí kə̄ no Nə́ɓā yājí tə́ i kanjə̄ kɔjə rɔ̄, yā kadə̄ ni-rāā tá yá̰á̰ kə́ majaĺ rāānjí dɔ róbə mbā yājí tə́ alé. Kadə̄ yá̰a̰ rāānjí jḭḭ kɔ gə̄ aĺ ō, ngánjí gə̄ aĺ ō, yá̰a̰ kənge yājí gə̄ aĺ ō.

IJAI 2:3

Gír de gə̄ ngá̰ý a əsōn̄ róbó. Nin̄ a ədan̄ na: Ī-reē j-awī dɔ mbal̄ yā Kɔ́ɔ̄ɓē tə́, j-awī kújə yā Nə́ɓā yā Jakob tə́. Ni a ndóōjí yá̰á̰ ń ni a sāā rɔ̄jí tə́ ní ō, róbə́ ń ni ɔjəjí ní, j-a j-uniī ō. Tām̄ yá̰á̰ ndóō yā Kɔ́ɔ̄ɓē ḭḭ i Siyo̰ n reē ní. A̰á̰ā̰, najə̄ yān teē i Jerusalem n reē ugə̄ rɔ̄jí tə́ ní.

1 MBAN̄G GƏ̄ 8:36

ḭ̄ ń ī-ndi dɔ rā̰ tə́ ní ī-nēl̄ mbīí ōoń ndūdə́ ba ī-mā̰ȳ rɔ̄í dɔ majaĺ yādə́ gə̄ tə́, tɔdɔ̄ nin̄ i ngé kəla yāí gə̄ ō, i gír deē yāí gə̄ ō. Ɔ́jə́də́ róbə́ kə́ majə kə́ kadə̄ unən̄, ba gō tə́ anī ī-rāā ādə̄ man̄ edə dɔ nang yāí ń toō ń ādə̄də́ yá̰a̰ haladə́ tə́ ní.

NDŪ NAJƏ̄ 5:29

Ré ran̄ dɔ míndə́də́ tə́ ō, ɓōlə́n̄ ndílə́ḿ adə̄ rāān̄ yá̰a̰ malang ń m-ə́dádə́ kadə̄ rāān̄ ní ō, kə ndɔ̄ gə̄ anī, nin̄ ō, ngáńdə́ gə̄ ō, ngán kaadə́ gə̄ ō ní rɔ̄də́ a nel̄də́ i ta kaw̄ kə̄ jóo.

NDŪ NAJƏ̄ 5:26

I de kə́ rá n oō ndū Nə́ɓā kə́ ndi kə kumneé loo kɔr̄ najə̄ tə́ kum hor tə́ tītə̄ yājí ba kɔ́ɔ̄ oy aĺ ní?

PĀ GƏ̄ 27:11

Kɔ́ɔ̄ɓē, ɔ́jəm̄ róbə yāí ō, ī-ndɔ́rə̄m̄ kə̄ dɔ róbə́ kə́ majə tə́ ō, najə̄ yā madə̄ ba̰ā̰ḿ gə̄ tə́.