JEREMI 42:19 - Bibəl ta Sar̄

¹⁹ Kɔ́ɔ̄ɓē ədasí, sḭḭ̄ Juda gə̄ ń ī-teēī ta yo tə́ ní na: Ī-lōōī kaw̄ Ejiptə tə́. Ī-gerī majə kadə̄ ɓōólaā mā i de kə́ kum tə́ kə́ ngé kəndā najə̄ dɔsí tə́.

Bible sar

¹⁹ Kɔ́ɔ̄ɓē ədasí, sḭḭ̄ *Juda gə̄ ń ī-teēī ta yo tə́ ní na: Ī-lōōī kaw̄ Ejiptə tə́. Ī-gerī majə kadə̄ ɓōólaā mā i de kə́ kum tə́ kə́ ngé kəndā najə̄ dɔsí tə́.

JEREMI 42:19 Referans Kwoze

NDŪ NAJƏ̄ 17:16

Mban̄g yāí a aw̄ kə sə́nda gə̄ ngá̰ý aĺ ō, a əla de gə̄ ngá̰ý mangaá dɔ nang kə́ Ejiptə tə́ aĺ ō. Tām̄ Kɔ́ɔ̄ɓē ədasí na: Ī-lōōī tél kun róbə́ gír njasí.

NEHEMI 9:26

Banī nin̄ rāān̄ dɔ ngan̄g, mbātə́n̄ kadə̄ ó̰o̰ ɓē dɔdə́ tə́. Taān̄ ndū najə̄ yāí ənīn̄ gidədə́ tə́ ta kaw̄ kə̄ nú. Nin̄ tɔ̄lə̄n̄ ngé koō ta yāí gə̄ ń i ngé ra sedə́ gagar ta tél reē gogə̄ rɔ̄í tə́ ní. Háĺdə́ ń rāān̄ ní majaĺ ngá̰ý,

1 TESALONIK 4:6

Tū najə̄ ń noō tə́ ní, ādə̄ deē kógə̄ḿ rāā ngōkó̰o̰n yá̰á̰ kə́ gō tə́ aĺ loon tə́ aĺ ō, əsa tətōn loon tə́ aĺ ō. Tɔdɔ̄ Kɔ́ɔ̄ɓē a rāā ba̰ā̰ yá̰a̰ gə̄ ń noō malang. J-ədasí najə̄ ń noō kété ō, j-ɔjəsí kadə̄ i rɔ̄kum ō.

EPEJƏ 4:17

Adə̄ najə̄ ń m-ə́dásí, ba m-ə́dásí ɓáý to̰ kə rī Kɔ́ɔ̄ɓēé ní n toó: Ī-lōōī kun háĺ de gə̄ kə́ nin̄ i Jipə aĺ gə̄ ō, gír̄ kə́ kemdə́ tə́ i gír̄ kə́ kanjə̄ kumən gə̄ ō ní.

KƏLA RĀĀ 2:40

Piyer ɔr̄ najə̄ kə́ rang gə̄ ngá̰ý sedə́ loo de kə́ kum yá̰á̰ tə́ tə́ ɔjəńdə́ yá̰a̰ kadə̄ gerə̄n̄ ō, mēr̄də́ kəhɔ rɔ̄də́ tɔgə ō ədadə́ na: Ī-ndigiī yá̰á̰ ń i kajə ní ādə̄ ajən̄sí, loo ń noō tə́ ā ī-teēī kɔ̄ɔ́ dan gír de kə́ tadə́ tḭ̄ḭ̄ kɔ̄ɔ́ gə̄ ń toō tə́!

EJEKIEL 17:15

Banī mban̄g kə́ kijə ní mbātə́ ta mban̄g kə́ Babilon, adə̄ əla de gə̄ Ejiptə tə́, kadə̄ ɓē kə́ Ejiptə adə̄n sə́nda gə̄ ō, ngé rɔ̄ɔ̄ gə̄ ngá̰ý ō. Deē ń rāā yá̰á̰ ń noō ní a asə a? Deē ń rāā yá̰a̰ beé ní a asə kaw̄ kum kə̄ kété a? A̰ á̰, ni a asə teē kum tə́ alé, tām̄ ni-ra dɔ ndūn ń ənī tə́ ní alé.

EJEKIEL 3:21

Ba ré ī-tāā de kə́ gōtə́ ní kadə̄ rāā yá̰á̰ kə́ majaĺ alé ō, ni-lōō gírí ō anī, ni a ndi kə kumneé sɔɔ̄ń tāā ń ī-tāān ní ō, ḭ̄ ā ájə rɔ̄í ō.

EJEKIEL 2:5

Ká ré nin̄ oōn̄ aáā oōn̄ aĺ aáā tām̄ nin̄ i gír de kə́ mbātə́ najə̄ gə̄ ní, a gerə̄n̄ kadə̄ nge koō ta kógə̄ḿ i dandə́ tə́.

JEREMI 38:21

Ba ré ī-mbātə́ teē anī, yá̰á̰ ń a rāā yá̰á̰ á Kɔ́ɔ̄ɓē rāā ta kumḿ tə́ adə̄ m-á̰a̰ā̰ ní n toó:

2 YÁ̰A̰ GƏ̄ 24:19

Gō tə́ anī Kɔ́ɔ̄ɓē əla ngé koō ta yān gə̄ kadə̄ tél reēn̄ sedə́ gogə́ rɔ̄n tə́, banī deē oō najə̄ yādə́ alé.

NDŪ NAJƏ̄ 31:21

Loo ń noō tə́ yá̰á̰ kə́ to kum kaȳ aĺ ngá̰ý gə̄ ō, wur kɔl kə́ ngá̰ý gə̄ ō, a rāān̄də́. Banī pā ń toō a tél najə̄ kə́ kum tə́ kə́ kəda dɔdə́ tə́. Tɔdɔ̄ dɔ ngáńdə́ gə̄ ō, ngán kaadə́ gə̄ ō, a ndígə̄nal pā ń toō alé. Yá̰á̰ ń ndi a nɔ́mə̄n̄ kemdə́ tə́ ɓōólaā ní, m̄-ger̄ majə kɔ̄ɔ́ pá tá kadə̄ m-āw̄ sedə́ dɔ nang ń m-ə̄nī ndūḿ yā kadə̄də́ tə́ ní.

TƏ́DA 14:3

Kɔ́ɔ̄ɓē a aw̄ sejí kə̄ dɔ nang kə́ to beé tə́ kadə̄ aw̄ tɔ̄lə̄n̄jí tū tə́ kə kəyā kaskaraá ō, kadə̄ madə̄ ba̰ā̰jí gə̄ əhɔn̄ nə̄yá̰jí gə̄ kə ngáńjí gə̄ ɓəlo tə́ ō, i najə̄ rí tə́? Jə-tél j-awī gogə́ dɔ nang kə́ Ejiptə tə́ i só tə́ aĺ a?

IJAI 21:12

Nge ngɔ̄m̄ loo tūr̄ əda na: Loo tīī, ba téĺ tíbə gogə́. Ré ī-gḛyiī dəje najə̄ ɓáý to̰ anī, ī-dəjeī, gō tə́ anī ī-tél ī-reēī gogə́ ndɔ̄ kə́ rang tə́ ɓáý!