JEREMI 42:1 - Bibəl ta Sar̄

¹ Tā anī Yohanan kə́ ngōn̄ Karea ō, Ajaria kə́ ngōn̄ Hosaya ō ń nin̄ i ngol ngé rɔ̄ɔ̄ gə̄ malang ní ō, kósə de gə̄ malang, adə̄ i ngáń kə́ dūú gə̄gē, de kə́ tɔgə gə̄gē ní, ndɔ́tə̄n̄

Bible sar

¹ Tā anī Yohanan kə́ ngōn̄ Karea ō, Ajaria kə́ ngōn̄ Hosaya ō ń nin̄ i ngol ngé rɔ̄ɔ̄ gə̄ malang ní ō, kósə de gə̄ malang, adə̄ i ngáń kə́ dūú gə̄gē, de kə́ tɔgə gə̄gē ní, ndɔ́tə̄n̄

JEREMI 42:1 Referans Kwoze

JEREMI 41:11

Yohanan, ngōn̄ Karea ō, ngol áskar gə̄ malang ń i seneé ní ō, oōn̄ najə̄ yá̰á̰ kə́ majaĺ ń Ismael, ngōn̄ Netania rāā ní.

JEREMI 40:13

Yohanan kə́ ngōn̄ Karea ō, ngol áskar gə̄ malang ń na̰yn̄ bembeé ní ō, reēn̄ rɔ̄ Gedalia tə́ Misəpa,

JEREMI 6:13

Ngáń kə́ dūú gə̄gē, de kə́ tɔgə gə̄gē, malang rāān̄ ɓō yá̰a̰ kənge adə̄ al̄ naā ngá̰ý. Ngé koō ta gə̄ ō, ngé tun̄ yá̰a̰ gə̄ ō, malang rāān̄ háĺ kə́ gōtə́ alé.

JEREMI 44:12

M-ā m-ə̄ndā kumḿ gír Juda gə̄ ń teēn̄ ta yo tə́ á əsōn̄ róbó yā kaw̄ ɓɔ̄ɔ̄ rɔ̄də́ Ejiptə tə́ ní kə gōó. Nin̄ malang a oyn̄, a tə́sōn̄ kem ɓē kə́ Ejiptə tə́. A oyn̄ yo kaskar ō, yo ɓō ō, a télən̄ yá̰á̰ kə́ to kum ko̰ ō, a ndə̄ngān̄də́ yo ō, a ndɔ̄lə́n̄də́ ō, a tájə̄n̄də́ ō.

JEREMI 42:8

adə̄ ni ɓāŕ Yohanan, ngōn̄ Karea kə ngol ngé rɔ̄ɔ̄ gə̄ malang kə́ gōn tə́ ō, ngán gə̄ ō, de kə́ tɔgə gə̄ ō malang,

JEREMI 40:8

anī, nin̄ reēn̄ kə deē yādə́ gēé əngen̄ Gedalia kem ɓē kə́ Misəpa tə́. Ngol áskar gə̄ ní i Ismael ngōn̄ Netania ō, Yohanan ō, Yonatan ō, ngán Karea gə̄ ō, Seraya kə́ ngōn̄ Tanəhumet ō, ngán Epai kə́ Netopa ō, Yejanyahu kə́ ngōn̄ Maaka ō. I ngarā̰ kumdə́ nin̄ kɔ́ gə̄ ō, deē yādə́ gə̄ ō n reēn̄ ní.

KƏLA RĀĀ 8:10

adə̄ de gə̄ malang, kə́ dūú gə̄gē kə́ bo gə̄gē a oōn̄ i yān. De gə̄ ədan̄ na deē ní na i tɔ́gə yā Nə́ɓā ń a ɓārə́n̄ na i tɔ́gə́ kə́ bo ní.

JEREMI 8:10

Tām̄ ń toō tə́ ní, m-ādə̄ nə̄yá̰də́ gə̄ de kə́ rang gə̄ ō, m-ādə̄ ndɔr̄ yādə́ gə̄ ngé gə̄ ń a taān̄ jīdə́ tə́ kɔ̄ɔ́ ní ō. Tɔdɔ̄ de kə́ yá̰a̰ aĺ gə̄ ō, de kə́ bo gə̄ ō malang naā tə́ i ngé rāā ta nar gə̄. Háĺ ngé koō ta gə̄ ō, ngé tun̄ yá̰a̰ gə̄ ō i háĺ kə́ rɔ̄kum alé.

MATIYE 15:8

De gə̄ ń toō rɔȳmə̄n̄ i kə tadə́ karī, ba kemdə́ i sa̰y rɔ̄ḿ tə́.

EJEKIEL 33:31

Adə̄ nin̄ reēn̄ ngá̰ý ndin̄ nang tə́ noí tə́. Nin̄ oōn̄ najə̄ kɔrīí gə̄, banī rāān̄ yá̰a̰ gə̄ ń ə́dá ní alé. Nin̄ a rāān̄ i yá̰á̰ kə́ nel̄də́ gə̄ ō, a sāān̄ i yá̰á̰ kə́ majə tām̄ yādə́ tə́ gə̄ ō ngóy.

EJEKIEL 11:1

Ndíl Kɔ́ɔ̄ɓē unəm̄ nang tə́ kum kə̄ dɔɔ́, ba aw̄ seḿ ta kújə yā Kɔ́ɔ̄ɓē kə́ dām̄ kə́ gír ɓēé tə́. De kə́ dəngam gə̄ kutə jōó gidə i mí ndin̄ ta róbə́ tə́. M-á̰a̰ ngār gə̄ yā ngán Israel gə̄ jōó dandə́ tə́ m̄-ger̄də́. I Yajania kə́ ngōn̄ Ajur ō, Pelatia kə́ ngōn̄ Benaya ō.

EJEKIEL 8:11

Kum kɔɔ̄ gə̄ kutə sīrí yā ngán Israel gə̄ ran̄ kə njadə́ dɔɔ́ no nə́ɓā kə́ rɔ̄kum aĺ gə̄ ní tə́. Yajania kə́ ngōn̄ Sapan i dandə́ tə́. Nin̄ kógə̄ḿ kógə̄ḿ ní, ganáń róō ndujə̄ yá̰á̰ kə́ kotə majə i jīdə́ gə̄ tə́ kógə̄ḿ kógə̄ḿ ō, sa ndujə̄ yá̰á̰ kə́ kotə majə ḭḭ kum kə̄ dɔɔ́ dɔɔ́ ō.

JEREMI 42:20

Sḭḭ̄ kɔ́ gə̄ ī-gólī rɔ̄sí, tɔdɔ̄ sḭḭ̄ ə́lamī rɔ̄ Kɔ́ɔ̄ɓē Nə́ɓā yāsí tə́ ə́daī na: Ɔ̄r̄ najə̄ kə Kɔ́ɔ̄ɓē Nə́ɓāá tām̄ yājí tə́, ə́dájí yá̰a̰ malang ń Kɔ́ɔ̄ɓē Nə́ɓā yājí əda ní kə ta njaá na j-a jə-rāā.

JEREMI 41:16

Anī Yohanan, ngōn̄ Karea ō, ngol áskar gə̄ ń dānə̄nən̄ ní ō, a̰a̰n̄ gō gotə de gə̄ malang majə. Nin̄ a̰a̰n̄ gō de gə̄ ń ngōn̄ Netania ɔydə́ Misəpa aw̄ sedə́ dan ń tɔ̄lə̄n̄neé Gedalia ngōn̄ Ahikam tə́ ní, adə̄ i de kə́ dəngam gə̄ ō, áskar gə̄ ō, dəyá̰ gə̄ ō, ngán gə̄ ō, ngé rāā kəla kə́ ndogó mbangāá gə̄ ń ḭḭn̄ sedə́ Gabaon tə́ ní ō.

IJAI 48:1

Kojə yā Jakob gə̄, sḭḭ̄ ń rī Israel ɓār̄ dɔsí tə́ ō, i Juda n ojəsí ō ní, ōōī. Sḭḭ̄ ī-túbiī kə rī Kɔ́ɔ̄ɓēé ō, ɔ̄rī najə̄ yā yá̰a̰ gə̄ ń Nə́ɓā yā Israel rāā ní ō, banī sḭḭ̄ i de kə́ rɔ̄kum gə̄ aĺ ō, de kə́ súmūú gə̄ aĺ ō.

IJAI 29:13

Kɔ́ɔ̄ɓē ɔr̄ najə̄ yā gír de gə̄ ń toō əda na: Gír de gə̄ ń toō ní, nin̄ i ngɔr rɔ̄ḿ tə́ i kə najə̄ kə́ tadə́ tə́. Nin̄ rɔȳmə̄n̄ i kə tadə́, banī kemdə́ əya̰m̄ sa̰y ngá̰ý. Ɓōĺ ń nin̄ a ɓōlə́n̄ gidəḿ ní, i yá̰á̰ kə́ kəda kadə̄ yā rāā kə́ i de gə̄ n ndóōn̄də́ kadə̄ rāān̄.

2 MBAN̄G 25:23

Dan ń ngol áskar gə̄ malang kə deē yādə́ gēé oōn̄ kadə̄ mban̄g kə́ Babilon əndā Gedalia dɔ ɓē tə́ anī, reēn̄ kə de gə̄ yādə́ gēé əngen̄ Gedalia kem ɓē kə́ Misəpa tə́. Ngol áskar gə̄ ní i Ismael kə́ ngōn̄ Netania ō, Yohanan kə́ ngōn̄ Karea ō, Seraya kə́ ngōn̄ Tanəhumet kə́ Netopa ō, Yajania ń i de kə́ gír kojə yā Maaka tə́ ní ō.

JEREMI 37:3

Mban̄g Sedekias əla Yehukal, kə́ ngōn̄ Selemia ō, Sepania nge tun̄ yá̰á̰ kə́ ngōn̄ Maseya ō, rɔ̄ Jeremi nge koō ta tə́ kadə̄ ədanən̄ na: m̄-rāāī ɓɔ́ ba ɔ̄r̄ najə̄ kə Kɔ́ɔ̄ɓē Nə́ɓā yājí tām̄ yājí tə́!

JEREMI 41:18

Nin̄ a̰ȳn̄ i Kalde gə̄ ń nin̄ ɓōlə́n̄də́ ngá̰ý ní, tɔdɔ̄ Ismael kə́ Netania, tɔ̄l̄ Gedalia kə́ ngōn̄ Ahikam ń mban̄g kə́ Babilon əndān dɔ ɓē tə́ ní.

JEREMI 43:2

Ajaria, ngōn̄ Hosaya ō, Yohanan, ngōn̄ Karea ō, kə ngé ndájə̄ najə̄ gə̄ malang ní, ədan̄ Jeremi na: Najə̄ ń ə́da noó i najə̄ kə́ rɔ̄kum alé, tɔdɔ̄ Kɔ́ɔ̄ɓē Nə́ɓā yājí əlaī kadə̄ ə́dájí na kə jə-lōō kaw̄ ɓɔ̄ɔ̄ rɔ̄jí tə́ Ejiptə tə́ alé.