JEREMI 41:9 - Bibəl ta Sar̄

⁹ Bəlo ń Ismael tə́nī nīń de gə̄ malang ń ni-tɔ̄l̄də́ ní kemeé ní, i bəlo taā man̄ ndī kə́ bo ngá̰ý ń mban̄g Asa ndēr̄ dan ń mban̄g Basa kə́ Israel tə́ ənīnneé rɔ̄ɔ̄ tə́ ní. Ismael, ngōn̄ Netania tə́nī de gə̄ ń ni-tɔ̄l̄də́ ní kemeé adə̄ rosə.

Bible sar

⁹ Bəlo ń Ismael tə́nī nīń de gə̄ malang ń ni-tɔ̄l̄də́ ní kemeé ní, i bəlo taā man̄ ndī kə́ bo ngá̰ý ń mban̄g Asa ndēr̄ dan ń mban̄g Basa kə́ *Israel tə́ ənīnneé rɔ̄ɔ̄ tə́ ní. Ismael, ngōn̄ Netania tə́nī de gə̄ ń ni-tɔ̄l̄də́ ní kemeé adə̄ rosə.

JEREMI 41:9 Referans Kwoze

2 SAMUEL 17:9

N toō ni ɓɔ̄ɔ̄ rɔ̄n kɔ̄ɔ́ kem bəlo mbal̄ kə́rēý tə́, aláa ni i loo kə́rēý tə́. Adə̄ ré deē yājí gə̄ oyn̄ ta kəla gír rɔ̄ɔ̄ tə́ anī, de gə̄ a oōn̄ i láẃ ngá̰ý ō, a ədan̄ na de gə̄ na oyn̄ dan de gə̄ ń unən gō Absalom tə́ ní ō.

1 SAMUEL 13:6

Dan ń de kə́ Israel gə̄ a̰a̰n̄ kadə̄ yo otə́ bḭḭ tɔdɔ̄ Pilistin gə̄ ń gīrə̄n̄də́ ní reēn̄ ngɔr ngá̰ý anī ɓɔ̄ɔ̄n̄ rɔ̄də́ kə̄ kem bəlo gə̄ tə́ ō, kem bəlo mbal̄ gə̄ tə́ ō, dɔ mbal̄ gə̄ tə́ ō, kem loo kə́ rāā gíŕ nángāá gə̄ tə́ ō, kə̄ kem bəlo kə́ ndēr̄ yā taāń man̄ ndī gə̄ tə́ ō.

NGÉ SARYA 6:2

Madian gə̄ rāān̄ kum ngán Israel gə̄ ndoō tə́ ngá̰ý, adə̄ nin̄ rāān̄ loo ɓɔ̄ɔ̄ rɔ̄ yādə́ mbo̰ō̰ mbal̄ gə̄ tə́ ō, bəlo mbal̄ gə̄ tə́ ō, dɔ mbal̄ gə̄ kə́ loo kaw̄ kə̄ tū tə́ tōr̄ ngá̰ý tə́ ō.

HEBƏRO 11:38

Dɔ nang ń toō majə tām̄ yādə́ alé. Nin̄-dáȳn̄ kə̄ kem dəla loo gə̄ tə́ ō, kə̄ dɔ mbal̄ gə̄ tə́ ō, kə̄ kem bəlo mbal̄ gə̄ tə́ ō, kə̄ bəlo gə̄ kə́ dɔ nang tə́ ō.

1 SAMUEL 24:3

Anī Saul gə̄rā go̰ rɔ̄ɔ̄ gə̄ dūbú mətá dan ngán Israel gə̄ tə́ malang, ba aw̄ sedə́ ndəle Dabid nin̄ kə deē yān gēé tə́, loo ń ra sɔɔ̄n̄ ta naā kə mbal̄ ń bə̄yā̰ kɔ̄r̄ gə̄ ran̄ tū tə́ ní tə́.

1 SAMUEL 14:22

Gotə de gə̄ malang kə́ Israel tə́ ń ɓɔ̄ɔ̄n̄ rɔ̄də́ gō nang kə́ mbalá yā Epəraim tə́ ní, dan ń oōn̄ kadə̄ Pilistin gə̄ a̰ȳn̄ naā anī, teē ndɔ̄də̄n̄də́ ō, rɔ̄ɔ̄n̄də́ ō.

1 SAMUEL 14:11

Adə̄ nin̄ jōó mbak ní əya̰n̄ rɔ̄də́ adə̄ Pilistin gə̄ a̰a̰n̄də́. Anī Pilistin gə̄ ədan̄ na: Á̰a̰ī Hebəro gə̄ ń ɓɔ̄ɔ̄n̄ rɔ̄də́ kem bəlo gə̄ tə́ ní n a teēn̄ noó.

IJAI 14:19

Ba ḭ̄, ənīn̄ ndágá kɔ̄ɔ́, sa̰y kə bəlo ɓádə yāí. Ī-to i tītə̄ ngōn̄ kə́ teē nīń, kə́ nel̄ de gə̄ seneé aĺ ngá̰ý. Ī-to tītə̄ nīń kə́ rējə̄n̄ kɔ̄ɔ́, de kə́ tɔ̄lə̄n̄də́ gə̄ taān̄ loo gidií tə́ malang, tɔ́sə̄n̄də́ i kə kaskar ō, tə́nīn̄də́ i dɔ mbal̄ gə̄ tə́ ō, ngɔ́n bəlo kə́ bo tə́.