JEREMI 41:5 - Bibəl ta Sar̄

⁵ Anī de kə́ dəngam gə̄ kutə sɔ́sɔ́ ḭḭn̄ Sisem ō, Silo ō, Samari ō, reēn̄. Nin̄ dəsān̄ mbāýdə́ kɔ̄ɔ́ ō, rə́yā̰n̄ kūbə̄ kə́ rɔ̄də́ gə̄ tə́ ō, tə́jān̄ rɔ̄də́ kə doó ō, əhɔn̄ yá̰a̰ ndējə̄ gə̄ ō, kajaja ō, jīdə́ tə́ yā ndējə̄ kem kújə yā Kɔ́ɔ̄ɓē tə́.

Bible sar

⁵ Anī de kə́ dəngam gə̄ kutə sɔ́sɔ́ ḭḭn̄ Sisem ō, *Silo ō, Samari ō, reēn̄. Nin̄ dəsān̄ mbāýdə́ kɔ̄ɔ́ ō, *rə́yā̰n̄ kūbə̄ kə́ rɔ̄də́ gə̄ tə́ ō, tə́jān̄ rɔ̄də́ kə doó ō, əhɔn̄ *yá̰a̰ ndējə̄ gə̄ ō, kajaja ō, jīdə́ tə́ yā ndējə̄ kem *kújə yā Kɔ́ɔ̄ɓē tə́.

JEREMI 41:5 Referans Kwoze

1 MBAN̄G GƏ̄ 16:24

Gō tə́ anī aw̄ mang mbal̄ kə́ Samari jī Semer tə́ kə nar gində̄ arjā̰a̰ dūbú mehḛ́. Ni-rāā ɓē dɔ mbal̄ ní tə́ ba əndā rī ɓē ní na i Samari kə rī Semer kɔ́ɔ̄ mbal̄ ní.

2 MBAN̄G 25:9

Ni-əla hor dɔ kújə yā Kɔ́ɔ̄ɓē tə́ ō, kújə yā mban̄g tə́ ō, kújə gə̄ kə́ kem ɓēé tə́ ō, ba mandang ní ni tə́la hor i dɔ kújə yā de kə́ bo gə̄ tə́ malang.

JOJUE 18:1

Dan ń ngán Israel gə̄ taān̄ ɓē malang oy anī, kánə̄n̄ naā Silo, ba udən̄ kújə kənge naā kemeé.

NDŪ NAJƏ̄ 14:1

Sḭḭ̄ i ngán Kɔ́ɔ̄ɓē Nə́ɓā yāsí, adə̄ ā ī-tə́jāī rɔ̄sí, aláa ā ī-dəsāī dɔsí yā rāań ndoō de kə́ koy alé.

1 MBAN̄G GƏ̄ 12:1

Roboam aw̄ Sisem, tɔdɔ̄ Israel gə̄ malang reēn̄ kəndā mban̄g tə́ Sisem.

NGÉ SARYA 9:1

Abimelek ngōn̄ Yerubaal aw̄ ənge nanən gə̄ ō, ngéé bɔbə̄ kó̰o̰n gə̄ malang ō, kem ɓē kə́ Sisem tə́ ba ədadə́ na:

TA KƏLA 33:18

Jakob tél Mesopotami ugə̄ Sisem dɔ nang kə́ Kanaan tə́ kə lápə́yaá. Ni ndi i kadə ɓē tə́.

IJAI 15:2

De kə́ Dibon gə̄ aw̄n̄ nōó loo ndɔ̄ȳ gə̄ tə́. Moab gə̄ unən̄ pā yo kem ɓē kə́ Nebo tə́ ō, Medeba tə́ ō. Dɔ de gə̄ malang i kə́ dəsā kɔ̄ɔ́ ō, mbāý de gə̄ malang i kə́ kəja kɔ̄ɔ́ ō.

1 MBAN̄G GƏ̄ 16:29

Kem ɓāl̄ ko̰o̰ ɓē kə́ nge ko̰ kutə mətá gidə i sɔ́sɔ́ yā Asa mban̄g kə́ Juda tə́ ní, Akab ngōn̄ Omri ndi mban̄g dɔ Israel gə̄ tə́. Ni-o̰o̰ ɓē ɓāl̄ kutə jōó gidə i jōó Samari.

1 MBAN̄G GƏ̄ 12:25

Jeroboam ənī ndogə̄ mbal̄ kə́ ngan̄g gīrəń gidə ɓē kə́ Sisem, gō nang kə́ mbalá yā Epəraim tə́, ba ndi kem ɓē kə́ Sisem tə́. Gō tə́ anī ni teē kɔ̄ɔ́ kem ɓē kə́ Sisem tə́ ba aw̄ ənī ndogə̄ mbal̄ kə́ ngan̄g gīrəń gidə ɓē kə́ Penuel.

1 SAMUEL 1:7

Adə̄ kə dɔ ɓāl̄ gə̄ ń noō ré Ana aw̄ kem kújə yā Kɔ́ɔ̄ɓē tə́ anī, yá̰á̰ ń Elkana a rāā seneé ní n noó ō, yá̰á̰ ń Penina a rāā seneé ní n noó ō. Ɓāl̄ kə́rēý tə́ dan ń Ana mbātə́ kəsa yá̰a̰ ba ndi a nōō ní anī,

JEREMI 7:14

kújə́ ń rīḿ i dɔ tə́ ō, ī-taāī kemən mámák ō, loo ń m-ādə̄sí ō, m-ādə̄ kaasí gə̄ ō ní, ngɔlaā m-ā m̄-rāań yá̰á̰ ń m̄-rāā kə Silo ní.

JEREMI 7:12

Āwī Silo, loo yāḿ ń rīḿ ɓār̄ dɔ tə́ kété ní, ba á̰a̰ī yá̰á̰ ń m̄-rāā seneé najə̄ kem ndul yā Israel ń i gír deē yāḿ gə̄ ní tə́.

PĀ GƏ̄ 102:14

Ā ḭ́ḭ dɔɔ́ tām̄ yā Siyo̰ tə́, tām̄ táŕ kə́ ī-tárən tə́, tɔdɔ̄ mbang kə́ kadə̄ kumií o̰o̰īneé tām̄ yān tə́ asə. A̰á̰ā̰ kum mbang ní asə kɔ̄ɔ́!

2 SAMUEL 10:4

Loo ń noō tə́ Hanun əhɔ de kə́ bo gə̄ ń Dabid əladə́ ní, dəsā mbāýdə́ dām̄ kógə̄ḿ ō, tə́jā kūbə̄ yādə́ gə̄ gán̄g danaá adə̄ gində̄ ugə̄ ta gíŕdə́ tə́ ō, ba əya̰də́ adə̄ aw̄n̄.

JOJUE 24:32

Ngán Israel gə̄ dubə̄n̄ kə̄ngā Jəjep ń ḭḭnə̄ń Ejiptə ní kem ɓē ké Sisem tə́. Dubə̄n̄ i kem ndɔr̄ ń Jakob mang jī ngán Hamor kə́ bɔbə̄ Sisem tə́ kə kesita ɓú kógə̄ḿ. Ndɔr̄ ń dubə̄n̄ kə̄ngā Jəjep tū tə́ ní tél i ndɔr̄ yā ngán kaa Jəjep gə̄.

TA KƏLA 34:2

Anī Sisem, ngōn̄ ngār kə́ kem ɓēé ń rīn na i Hamor ní, a̰a̰n. Ni əhɔn aw̄ sāān dɔ gúú tə́ əlań rɔ̄sɔl̄ dɔn tə́,

TA KƏLA 37:12

Ngákó̰o̰ Jəjep gə̄ aw̄n̄ Sisem kə yá̰a̰ kul̄ gēé dɔ mu tə́.

NGÉ SARYA 18:31

Nin̄-ngɔ̄mə̄n̄ ɓesə̄ kə́ tɔ́l yā Mika ní adə̄ ra loo ń udənən̄ tū tə́ ní bátə́ ndɔ̄ ń kújə yā Nə́ɓā gətóoń Silo tə́ ní.

PĀ GƏ̄ 78:60

Ni əya̰ kújə́ kə́ Silo kɔ̄ɔ́, kújə tandā ń ni udə dan de gə̄ tə́ ní.

JEREMI 16:6

Kem ɓē ń toō tə́ ní, de kə́ bo gə̄ ō, de kə́ dūú gə̄ ō a oyn̄ mbak. Deē a dubə̄də́ aĺ ō, a un pā yo dɔdə́ tə́ aĺ ō, a əja rɔ̄n kə doó najə̄ yādə́ tə́ aĺ ō, a dəsā dɔn aĺ ō.

JEREMI 41:4

Kə ndɔ̄ kə́ nge ko̰ jōó ní de kə́ ger̄ kadə̄ tɔ̄lə̄n̄ Gedalia gətóó ɓáý.

JEREMI 47:5

Nənga dɔ de kə́ Gaja tə́ gə̄ i kə́ dəsā kɔ̄ɔ́, utə̄n̄ ta de kə́ Askalon tə́ gə̄ kɔ̄ɔ́, adə̄ ndin̄ tadə́ mbóo. Sḭḭ̄ de kə́ ndágə loo tə́ gə̄ ń ī-ndiī kə kumsí ní, ā ī-toī dan tə́jā rɔ̄sí kə doó i bátə́ ta kə́ rá?

JEREMI 48:37

Tā anī, dəsān̄ dɔ de gə̄ malang ō, mbāý de gə̄ malang ō, tə́jān̄ jī de gə̄ malang kə doó ō, de gə̄ malang o̰ō̰n̄ kūbə̄ kəhɔ ndoō ō.

JOEL 2:13

Ī-rə́yā̰ī dan wursí gə̄ ba i kūbə̄ kə́ rɔ̄sí tə́ gə̄ alé. Ī-téliī kə̄ rɔ̄ Kɔ́ɔ̄ɓē Nə́ɓā yāsí tə́. Ni i Nə́ɓā kə́ kumən a o̰o̰n ō, kə́ nge kem majə ō, kə́ a rāā wōn̄g láẃ aĺ ō, kə́ nge ra dɔ ndūn tə́ ō. Ni i nge lōō gír yá̰á̰ kə́ to kum kaȳ aĺ ń núm̄ kemən tə́ yā rāā kə deē ní ō.

1 YÁ̰A̰ GƏ̄ 19:4

Loo ń noō tə́ Hanun adə̄ əhɔn̄ de kə́ bo gə̄ yā Dabid, dəsān̄ mbāýdə́ ō, tə́jān̄ kūbə̄ kə́ rɔ̄də́ tə́ gə̄ adə̄ gīndə̄ ugə̄ ta gíŕdə́ tə́ dɔɔ́ ō, ba tə̄ɓān̄də́.