JEREMI 41:1 - Bibəl ta Sar̄

¹ Ismael, ngōn̄ Netania kə́ ngōn̄ Elisama ń i mósə mban̄g ō, i de kə́ bo yān kógə̄ḿ kə́ dan madə̄ gə̄ tə́ ō ní, reē kə de kə́ dəngam gə̄ kutə gōn tə́ kem nāā kə́ nge ko̰ sīrí tə́ ənge Gedalia ngōn̄ Ahikam Misəpa ba əsan̄ yá̰a̰ naā tə́ loo ń oō tə́.

Bible sar

¹ Ismael, ngōn̄ Netania kə́ ngōn̄ Elisama ń i mósə mban̄g ō, i de kə́ bo yān kógə̄ḿ kə́ dan madə̄ gə̄ tə́ ō ní, reē kə de kə́ dəngam gə̄ kutə gōn tə́ kem nāā kə́ nge ko̰ sīrí tə́ ənge Gedalia ngōn̄ Ahikam Misəpa ba əsan̄ yá̰a̰ naā tə́ loo ń oō tə́.

JEREMI 41:1 Referans Kwoze

JEREMI 40:8

anī, nin̄ reēn̄ kə deē yādə́ gēé əngen̄ Gedalia kem ɓē kə́ Misəpa tə́. Ngol áskar gə̄ ní i Ismael ngōn̄ Netania ō, Yohanan ō, Yonatan ō, ngán Karea gə̄ ō, Seraya kə́ ngōn̄ Tanəhumet ō, ngán Epai kə́ Netopa ō, Yejanyahu kə́ ngōn̄ Maaka ō. I ngarā̰ kumdə́ nin̄ kɔ́ gə̄ ō, deē yādə́ gə̄ ō n reēn̄ ní.

JEREMI 40:6

Jeremi aw̄ Misəpa rɔ̄ Gedalia, kə́ ngōn̄ Ahikam tə́. Ni-ndi seneé dan de gə̄ ń ndin̄ kem ɓēé ɓáý tə́ ní. Loo ń noō tə́ Kɔ́ɔ̄ɓē ɔr̄ najə̄ kə Jeremi.

PĀ GƏ̄ 41:9

ədan̄ na: Mo̰y ń rāān noó i mo̰y kə́ majaĺ ngá̰ý, ré ənīī ḭ̄ deē nang tə́ anī ā ḭ́ḭ dɔɔ́ to̰ alé!

JA̰A̰ 13:18

M-ɔ̄r̄ i najə̄ yāsí sḭḭ̄ malang alé, m̄-ger̄ ngé gə̄ ń m̄-gə̄rādə́ ní. Banī i gáŕ kadə̄ najə̄ ń toō ń ndangən̄ kem makətūbə̄ tə́ ní udə gírí: Deē ń əsa yá̰a̰ seḿ ní, ɔr̄ gándən əɓamə̄ń.

EJEKIEL 17:13

Gō tə́ anī gə̄rā deē kógə̄ḿ kə́ gír kojə yā mban̄g tə́, ba ənīn̄ ndūdə́ adə̄n̄ naā seneé ō, ni-adə̄ deē ní túbə ənīń ndūn yā ra dɔ ndūn tə́ seneé ō. Ni-əhɔ de kə́ bo kə́ kem ɓēé gə̄ aw̄ sedə́ kɔ̄ɔ́,

JEREMI 36:20

Gō tə́ anī nin̄ əya̰n̄ ndāŕ ndang najə̄ kógə̄ḿ kə́ ɓír̄ gidə naā tə́ ní kem kújə yā Elisama nge ndang makətūbə̄ tə́ ba udən̄ kújú gō mban̄g tə́ yā kənīn gotə yá̰a̰ malang ń rāā yá̰á̰ ní.

JEREMI 36:12

ni risə aw̄ ɓē mbangāá kem kújə yā nge ndang makətūbə̄ tə́ loo ń de kə́ bo gə̄ malang kánə̄n̄ naā kemeé ní. De gə̄ ní i Elisama kə́ nge ndang makətūbə̄ ō, Delaya ngōn̄ Semaya ō, Elnatan ngōn̄ Akbor ō, Gemariya ngōn̄ Sapan ō, Sedekias ngōn̄ Hanania ō tá de kə́ bo kə́ rang gə̄ ō.

Gōsə̄ najə̄ gə̄ 27:4

Wur katə̄ i nge rāā deē yá̰á̰ kə́ tōr̄ kanjə̄ kadə̄ kumən o̰o̰n, wōn̄g i yá̰á̰ kə́ a un dɔ deē tītə̄ man̄ kə́ rə̄ɓā kem kārə̄n tə́ kə̄ ndágá beē, ba i náā n a asə ra gotoó yā dum̄ ta jang ní?

Gōsə̄ najə̄ gə̄ 13:10

Kɔjə rɔ̄ a ənī kɔ̄l̄ dɔí ḭ̄ deē tə́ kə ndɔ̄ gə̄, ba kum kedə̄ i dām̄ yā de gə̄ ń ndigən̄ kadə̄ madə̄də́ gə̄ ɔjə̄n̄də́ ní.

PĀ GƏ̄ 109:5

Nin̄ rāāmə̄n̄ yá̰á̰ kə́ majaĺ kum gotə majə ń m̄-rāā sedə́ ní. Nin̄ imə̄mə̄n̄ tām̄ rāā ń m̄-rāā tɔdɔ̄də́ ní.

2 YÁ̰A̰ GƏ̄ 22:10

Dan ń Atali kó̰o̰ Akajias a̰a̰ kadə̄ ngōnən oy kɔ̄ɔ́ anī, gḛy tɔ̄l̄ de kə́ gír kojə yā mban̄g kə́ Juda tə́ gə̄ kɔ̄ɔ́ malang.

2 MBAN̄G 25:25

Banī kə nāā kə́ nge ko̰ sīrí anī, Ismael kə́ ngōn̄ Netania, kə́ ngōn̄ Elisama ń gírən i mban̄g ní, ɔy de gə̄ kutə reē tɔ̄ləń Gedalia ō, de kə́ Juda gə̄ kə de kə́ Kalde tə́ gə̄ ń nin̄ i seneé ní ō, kem ɓē kə́ Misəpa tə́.

2 MBAN̄G 11:1

Dan ń Atali, kó̰o̰ Akajias, a̰ā̰ kadə̄ ngōnən oy kɔ̄ɔ́ anī, gḛy tɔ̄l̄ de gə̄ kə́ gír kojə yā mban̄g tə́ kɔ̄ɔ́ malang.

2 SAMUEL 3:27

Dan ń Abner tél dɔ tə́ reē ugə̄ Hebron anī, Joab ɓārə́n kə̄ gogə́ aw̄ seneé ta róbə ndogə̄ tə́ kum kə̄ kemeé, tītə̄ kə́ yā kaw̄ kɔr̄ najə̄ kə́ loo mundə̄ tə́ seneé beē. Ni-ɔsə kem Abner kə kəyá tɔ̄lən loo ń noō tə́ kum gotə ngōkó̰o̰n Asael ń Abner tɔ̄lən ní.

JEREMI 39:14

əlan̄ gō Jeremi tə́ yā ɓɔ̄ɔ̄n kə Gedalia, ngōn̄ Ahikam kə́ ngōn̄ Sapan kadə̄ aw̄ seneé ɓēé looneé, i beé n Jeremi ndiń dan de gə̄ tə́ ní.

JEREMI 40:5

Ré ī-gḛy ndi seḿ alé anī, ī-tél āw̄ gogə́ rɔ̄ Gedalia, kə́ ngōn̄ Ahikam kə́ ngōn̄ Sapan tə́ ń mban̄g kə́ Babilon əndān dɔ ɓē gə̄ kə́ Juda tə́ ní. Ī-ndi seneé dan de gə̄ tə́ aláa āw̄ loo ń nelī kaw̄ tū tə́ ní tə́. Tā anī, ngol ngé ngɔ̄m̄ dɔ mban̄g adə̄n yá̰a̰ kəsa ō, yá̰á̰ kə́ rang gə̄ ō, ba əya̰n adə̄ aw̄.

JEREMI 40:13

Yohanan kə́ ngōn̄ Karea ō, ngol áskar gə̄ malang ń na̰yn̄ bembeé ní ō, reēn̄ rɔ̄ Gedalia tə́ Misəpa,

2 MBAN̄G 25:22

Nabukodonosor mban̄g kə́ Babilon əya̰ núsə de kə́rēý gə̄ kem ɓēé dɔ nang kə́ Juda tə́. Ni-əndā Gedalia ngōn̄ Ahikam kə́ ngōn̄ Sapan dɔdə́ tə́.

JEREMI 40:7

Dan ń ngol áskar gə̄ malang kə deē yādə́ gə̄ ń gángə̄n̄ naā bembeé ní oōn̄ kadə̄ na mban̄g kə́ Babilon na əndā Gedalia ngōn̄ Ahikam dɔ ɓē tə́ ō, na ɓɔ̄ɔ̄n de kə́ dəngam gə̄ ō, kə́ dəyá̰ gə̄ ō, ngán gə̄ ō, ngé ndoō kə́rēý gə̄ kə́ kem ɓēé ō, ngé gə̄ ń əhɔn̄də́ aw̄n̄ sedə́ Babilon aĺ ō