JEREMI 40:5 - Bibəl ta Sar̄

⁵ Ré ī-gḛy ndi seḿ alé anī, ī-tél āw̄ gogə́ rɔ̄ Gedalia, kə́ ngōn̄ Ahikam kə́ ngōn̄ Sapan tə́ ń mban̄g kə́ Babilon əndān dɔ ɓē gə̄ kə́ Juda tə́ ní. Ī-ndi seneé dan de gə̄ tə́ aláa āw̄ loo ń nelī kaw̄ tū tə́ ní tə́. Tā anī, ngol ngé ngɔ̄m̄ dɔ mban̄g adə̄n yá̰a̰ kəsa ō, yá̰á̰ kə́ rang gə̄ ō, ba əya̰n adə̄ aw̄.

Bible sar

⁵ Ré ī-gḛy ndi seḿ alé anī, ī-tél āw̄ gogə́ rɔ̄ Gedalia, kə́ ngōn̄ Ahikam kə́ ngōn̄ Sapan tə́ ń mban̄g kə́ Babilon əndān dɔ ɓē gə̄ kə́ *Juda tə́ ní. Ī-ndi seneé dan de gə̄ tə́ aláa āw̄ loo ń nelī kaw̄ tū tə́ ní tə́. Tā anī, ngol ngé ngɔ̄m̄ dɔ mban̄g adə̄n yá̰a̰ kəsa ō, yá̰á̰ kə́ rang gə̄ ō, ba əya̰n adə̄ aw̄.

JEREMI 40:5 Referans Kwoze

JEREMI 39:14

əlan̄ gō Jeremi tə́ yā ɓɔ̄ɔ̄n kə Gedalia, ngōn̄ Ahikam kə́ ngōn̄ Sapan kadə̄ aw̄ seneé ɓēé looneé, i beé n Jeremi ndiń dan de gə̄ tə́ ní.

JEREMI 41:2

Tā anī Ismael ngōn̄ Netania ō, de kə́ dəngam kə́ kutə gə̄ ń dānə̄nən̄ ō ní, tə́gān̄ Gedalia kə kaskaraá tɔ̄lnən̄ kə ta jī tə́ noō. I loo tɔ̄l̄ ń ni tɔləń nge ń mban̄g əndān dɔ ɓē ní n noó.

HEBƏRO 13:6

Adə̄ j-asiī kənī kemjí mámák kədań najə̄ ń toō: Kɔ́ɔ̄ɓē i nge rāā seḿ, m-ā m̄-ɓōĺ yá̰á̰ kógə̄ḿ alé. Deē a rāā i rí seḿ?

KƏLA RĀĀ 28:10

Nin̄-rɔ̄ȳn̄jí ngá̰ý ō, ta kaw̄jí anī adə̄n̄jí sádə̄ gə̄ ngá̰ý ō.

KƏLA RĀĀ 27:43

Banī ngol áskar gə̄ gḛy kajə Pol, adə̄ mbātə́ gōdə́ tə́. Ni-adə̄ ndūn kadə̄ ngé gə̄ ń gerə̄n̄ kal man̄ ní kə tə́sōn̄ maná kété kə aw̄n̄ ndágá,

KƏLA RĀĀ 27:3

Teē kə ndɔ̄ kə́ noō anī j-ugə̄ Sidon. Julius ń i nge rāā kem majə kə Poló ní, əya̰n kadə̄ aw̄ rɔ̄ madə̄n gə̄ tə́ kadə̄ rāān̄ seneé.

JEREMI 40:4

Ba ń toō ní m-ā m̄-tútə́ súĺ kə́ jīí tə́ ɓōólaā nəkɔ́ ń toō tə́. Ré ī-ndigə dānə̄m̄ Babilon anī, ī-reē j-aw̄, na m-ā m-ə̄ndā kumḿ gírí tə́. Ré nelī alé anī ī-lōō reē. Á̰a̰ dɔ nang malang kə taá n to noí tə́ toō: Āw̄ loo nəkɔ́ ń nelī kaw̄ tū tə́ ní tə́.

JEREMI 26:24

Jeremi tā anī, Ahikam kə́ ngōn̄ Sapan ngɔ̄mən ō, ɔgə̄ kəlan jī de gə̄ ń sāān̄ tɔ̄lən tə́ ní ō.

JEREMI 15:11

Kɔ́ɔ̄ɓē əda na: Njaḿ gē m-ā m̄-gān̄g dɔí kadə̄ i-ndi majə. Njaḿ gē m-ā m̄-rāā kadə̄ madə̄ ba̰ā̰í sāā njaí dan ń yá̰á̰ kə́ to kum kaȳ aĺ ō, to wur kɔl ō a teēn̄neé dɔn tə́ ní.

Gōsə̄ najə̄ gə̄ 21:1

Ngarā̰ kem mban̄g to i tītə̄ kə̄lá man̄ kə́ i jī Kɔ́ɔ̄ɓē n a ɔjən loo ń a nūgə́ kə̄ tū tə́ ní.

Gōsə̄ najə̄ gə̄ 16:7

Dan ń hál deē nel̄ Kɔ́ɔ̄ɓē anī ni a rāā kadə̄ madə̄ ba̰ā̰n gə̄ gə̄gē tél aw̄n̄ naā tə́ seneé.

Makətūbə̄ yā Job 22:29

Ré tɔ́gə́ ngé kə́rēý gə̄ gətóo anī, ā ásə kədadə́ na kə ḭḭn̄ dɔɔ́! Tɔdɔ̄ ni ajə deē ń əla dɔn nang tə́ ní.

NEHEMI 1:11

Kɔ́ɔ̄ɓē, m̄-rāāī ɓɔ́, ī-nēl̄ mbīí ōoń ndɔ̄ȳ yāḿ mā nge kəla yāí ō, ndɔ̄ȳ yā gotə ngé kəla yāí kə́ rang gə̄ ń rɔ̄də́ nel̄də́ loo ɓōĺ ndūí tə́ ní ō. Ī-rāā ādə̄ yá̰á̰ ń m-ā m̄-rāā loon ɓōólaā ní teē yá̰a̰ ō, ī-rāā ādə̄ dəngam ń noō rāā kem majə seḿ ō. Dan ngeé ń noō tə́ ní mā i nge kadə̄ mban̄g yá̰a̰ ka̰ȳ.

ESDRAS 7:27

Ādə̄ de gə̄ tɔ̄ȳn̄ Nə́ɓā yā kaají gə̄ ń rāā adə̄ mban̄g rɔȳ kújə yā Kɔ́ɔ̄ɓē kə́ kem ɓē kə́ Jerusalem tə́ beé ní! I ni n rāā adə̄ gír̄ ń noō reē kem mban̄g tə́ ní.

ESDRAS 7:6

ḭḭ Babilon reē ugə̄. Ni i nge ndang makətūbə̄ kə́ ger̄ ndóō de gə̄ ndū najə̄ ń Kɔ́ɔ̄ɓē Nə́ɓā yā Israel adə̄ Moijə ní ngá̰ý. Jī Kɔ́ɔ̄ɓē Nə́ɓā yān i dɔn tə́ adə̄ mban̄g adə̄n yá̰a̰ malang ń ni-dəje ní.

2 YÁ̰A̰ GƏ̄ 34:20

ba əda Hilkia ō, Ahikam ngōn̄ Sapan ō, Abədon ngōn̄ Mika ō, Sapan nge ndang makətūbə̄ ō, Asaya nge kəla yā mban̄g ō na:

2 MBAN̄G 22:14

Hilkia ngol ngé tun̄ yá̰a̰ gə̄ ō, Ahikam ō, Akbor ō, Sapan ō, Asaya ō, aw̄ əngen̄ Hulda nge koō ta kə́ dəyá̰. I nə̄yá̰ Salum kə́ nge ngɔ̄m̄ kūbə̄ tun̄ yá̰a̰ gə̄ kə́ kem kújə yā Kɔ́ɔ̄ɓē tə́. Salum i ngōn̄ Tikəba kə́ ngōn̄ Haras. Hulda ndi i Jerusalem kem ɓē kə́ kijə tə́. Dan ń de gə̄ ní ɔjən̄ nge koō ta kə́ dəyá̰ yá̰a̰ gə̄ ń rāān̄ yá̰á̰ ní oy anī,

2 MBAN̄G 22:12

Ni-ɓāŕ Hilkia ngol ngé tun̄ yá̰a̰ gə̄ ō, Ahikam ngōn̄ Sapan ō, Akbor ngōn̄ Mikaya ō, Sapan nge ndang makətūbə̄ ō, Asaya pajā yā mban̄g ō, ba ədadə́ na

JEREMI 41:1

Ismael, ngōn̄ Netania kə́ ngōn̄ Elisama ń i mósə mban̄g ō, i de kə́ bo yān kógə̄ḿ kə́ dan madə̄ gə̄ tə́ ō ní, reē kə de kə́ dəngam gə̄ kutə gōn tə́ kem nāā kə́ nge ko̰ sīrí tə́ ənge Gedalia ngōn̄ Ahikam Misəpa ba əsan̄ yá̰a̰ naā tə́ loo ń oō tə́.

JEREMI 41:18

Nin̄ a̰ȳn̄ i Kalde gə̄ ń nin̄ ɓōlə́n̄də́ ngá̰ý ní, tɔdɔ̄ Ismael kə́ Netania, tɔ̄l̄ Gedalia kə́ ngōn̄ Ahikam ń mban̄g kə́ Babilon əndān dɔ ɓē tə́ ní.