JEREMI 40:3 - Bibəl ta Sar̄

³ Kɔ́ɔ̄ɓē rāā adə̄ yá̰á̰ ń əda najə̄n ní reē rāā yá̰a̰. Yá̰á̰ ní rāā yá̰a̰ i tɔdɔ̄ sḭḭ̄ ī-rāāī yá̰á̰ kə́ gōtə́ alé kə Kɔ́ɔ̄ɓēé ō, ōōī najə̄ yān aĺ ō.

Bible sar

³ Kɔ́ɔ̄ɓē rāā adə̄ yá̰á̰ ń əda najə̄n ní reē rāā yá̰a̰. Yá̰á̰ ní rāā yá̰a̰ i tɔdɔ̄ sḭḭ̄ ī-rāāī yá̰á̰ kə́ gōtə́ alé kə Kɔ́ɔ̄ɓēé ō, ōōī najə̄ yān aĺ ō.

JEREMI 40:3 Referans Kwoze

Makətūbə̄ ń Pol ndang adə̄ Rom gə̄ ní 2:5

Ba dɔ ngan̄g yāí ń noō ō, kem ngan̄g yāí ń ā ī-tūrəń hálí aĺ noō ō, a bə̄gān̄ wōn̄g dɔí tə́ ndɔ̄ wōn̄g ń Nə́ɓā nəkɔ́ a ɔjəń sarya yān kə́ gō tə́ kə̄ ndágá wáńg tə́ ní.

JEREMI 50:7

De gə̄ malang ń əngen̄də́ ní rə́yā̰n̄də́ naā tə́. Madə̄ ba̰ā̰də́ gə̄ ədan̄ na: Najə̄ a əsō dɔjí tə́ alé, tɔdɔ̄ nin̄ rāān̄ majaĺ kə Kɔ́ɔ̄ɓēé. I Kɔ́ɔ̄ɓē n i nge rāā yá̰á̰ kə́ gōtə́ ō, i ni n i yá̰a̰ kəndā kem dɔ tə́ yā kaadə́ gə̄ ō ní.

Makətūbə̄ ń Pol ndang adə̄ Rom gə̄ ní 3:19

Ba jə-gerī majə kadə̄ yá̰a̰ malang ń ndū najə̄ əda ní, əda i tām̄ yā de gə̄ ń ndū najə̄ i dɔdə́ tə́ ní, yā kadə̄ loo nējə̄ najə̄ dɔ rɔ̄ tə́ gətóo ō, kadə̄ sarya yā Nə́ɓā i dɔ de kə́ dɔ nang tə́ gə̄ tə́ malang ō.

NEHEMI 9:33

Ḭ̄ i de kə́ gōtə́ dan yá̰a̰ gə̄ malang ń teēn̄ dɔjí tə́ ní, tɔdɔ̄ ḭ̄ ī-rāā i yá̰á̰ kə́ rɔ̄kum, banī jḭḭ jə-rāā i kem ndul.

NEHEMI 9:28

Ba dan ń əngen̄ loo taā koō anī tél əlan̄ gír a rāān̄ majaĺ ta kumií tə́. Tā anī ḭ̄ ə́yá̰də́ kə̄ jī madə̄ ba̰ā̰də́ gə̄ tə́ adə̄ rāān̄də́ ndoō tə́. Tél nōōn̄ kə̄ dɔí tə́ ɓáý to̰, anī ī-ndi dɔ rā̰ tə́ ōō nōō yādə́. Ájə́də́ nja i ngá̰ý tɔdɔ̄ ī-táŕdə́.

NDŪ NAJƏ̄ 29:25

Nin̄ aw̄ rāān̄ kəla adə̄n̄ nə́ɓā kə́ rang gə̄ ń i ɓesə̄ gə̄ ní ō, ɔsən̄ nodə́ nang tə́ nodə́ tə́ ō, ɓesə̄ gə̄ ń i nə́ɓā gə̄ kə́ nin̄ gerə̄n̄də́ aĺ ō, Kɔ́ɔ̄ɓē adə̄də́ aĺ ō ní.

JEREMI 44:23

I tɔdɔ̄ sḭḭ̄ ī-róōī yá̰a̰ ndējə̄ gə̄ ādī ɓesə̄ gə̄ ō, ī-rāāī majaĺ kə Kɔ́ɔ̄ɓē ō. Tɔdɔ̄ najə̄ ń ni-ɔr̄ sesí ní, sḭḭ̄ ōōī aĺ ō, úniī gō yá̰á̰ ndóō yān gə̄ aĺ ō, yá̰á̰ ń ni ədasí kadə̄ ī-rāāī ní, sḭḭ̄ ī-rāāī aĺ ō, yá̰á̰ ń ni-ra sesí ta rāā ní, sḭḭ̄ ī-rāāī aĺ ō. I tām̄ ń toō tə́ n yá̰á̰ kə́ to kum kaȳ aĺ ń toō rāańsí ní, yá̰á̰ ń rāā yá̰a̰ ngɔlaā ní n toó.

JEREMI 11:17

I Kɔ́ɔ̄ɓē kə́ bo kə́ tɔ́gən i ngá̰ý ń əndāī ní n, ɓāŕ yá̰á̰ kə́ yá̰á̰ kə́ to kum kaȳ aĺ kadə̄ reē dɔí tə́, najə̄ majaĺ ń de kə́ Israel tə́ gə̄ ō, kə́ Juda gə̄ ō rāān̄ tə́ ní. Nin̄ rāān̄ yá̰á̰ kə́ majaĺ seneé tɔdɔ̄ róōn̄ yá̰á̰ kə́ tun̄ gə̄ adə̄n̄ Baal.

JEREMI 22:8

Ré de kə́ kə gō gíŕ nápar de gə̄ malang mānə̄n̄ kadə ɓē ń toō tə́ ngɔr anī, a dəjen̄ naā dɔ dáńdə́ tə́ na: I tām̄ rí tə́ á Kɔ́ɔ̄ɓē rāā ɓē bo ń toō yá̰á̰ kə́ beé?

JEREMI 39:16

Āw̄ ɔ̄r̄ najə̄ kə Ebed Melek kə́ Kus ə́dan na: Najə̄ ń Kɔ́ɔ̄ɓē kə́ bo kə́ tɔ́gən i ngá̰ý, Nə́ɓā yā Israel, əda ní n toó: M-ā m̄-rāā kadə̄ najə̄ yāḿ əsō dɔ ɓē ń toō tə́. I yá̰á̰ kə́ to kum kaȳ aĺ n m-ā m̄-rāā kadə̄ teē dɔn tə́ ní, ba i yá̰á̰ kə́ majə alé. Ndɔ̄n tə́ ní, yá̰á̰ ní a rāā yá̰a̰ i ta kumií tə́.

NŌŌ RƆ̄ 2:17

Kɔ́ɔ̄ɓē rāā yá̰á̰ ń núm̄ yā rāā ní. Ni-rāā yá̰á̰ ń əda najə̄n ní. Nujə kə looó sák sák kanjə̄ kadə̄ kumən o̰o̰n. Rāā adə̄ rɔ̄ madə̄ ba̰ā̰í nelə̄n dɔí tə́ ō, rāā adə̄ tɔ́gə́ ngé rɔ̄ɔ̄í gə̄ i ngá̰ý ō.