JEREMI 40:15 - Bibəl ta Sar̄

¹⁵ Tā anī Yohanan, ngōn̄ Karea əda Gedalia loo mundə̄ tə́ jəke Misəpa na: Ādə̄m̄ ta róbə ādə̄ m-āw̄ m̄-tɔ̄l̄ Ismael kə́ ngōn̄ Netania kanjə̄ kadə̄ deē ger̄ gō. Ī-gḛy kadə̄ tɔ̄lī kə̄ non tə́ a? De kə́ Juda tə́ gə̄ malang ń ndi gīrə̄n̄ gidií ní a tə̄ndān̄ naā yā tḭ̄ḭ̄ kə̄ loo gə̄ tə́ ō, de gə̄ ń na̰yn̄ Juda tə́ ní a oyn̄ ō.

Bible sar

¹⁵ Tā anī Yohanan, ngōn̄ Karea əda Gedalia loo mundə̄ tə́ jəke Misəpa na: Ādə̄m̄ ta róbə ādə̄ m-āw̄ m̄-tɔ̄l̄ Ismael kə́ ngōn̄ Netania kanjə̄ kadə̄ deē ger̄ gō. Ī-gḛy kadə̄ tɔ̄lī kə̄ non tə́ a? De kə́ *Juda tə́ gə̄ malang ń ndi gīrə̄n̄ gidií ní a tə̄ndān̄ naā yā tḭ̄ḭ̄ kə̄ loo gə̄ tə́ ō, de gə̄ ń na̰yn̄ Juda tə́ ní a oyn̄ ō.

JEREMI 40:15 Referans Kwoze

2 SAMUEL 21:17

Banī Abisai ń rī kó̰o̰n na i Seruya ní dḭḭ̄ mban̄g, adə̄ ni tɔ̄l̄ Pilistin ní. Loo ń noō tə́ áskar gə̄ ənīn̄ ndūdə́ adə̄n̄ Dabid ədan̄ na n-aw̄n̄ sedə́ ta rɔ̄ɔ̄ tə́ to̰ alé, tá kadə̄ ɓē ko̰o̰ udəń kɔ̄ɔ́ Israel tə́ alé.

1 SAMUEL 26:8

Abisai əda Dabid na: Ɓōólaā Nə́ɓā əla madə̄ ba̰ā̰í jīí tə́. Adə̄ ādə̄m̄ ta róbə ādə̄ m-āw̄ m-ɔ́sən kə nəngaá ta kógə̄ḿ ngóy m-ə́ren nang tə́. M-ā m-ɔ́sən i nja jōó alé.

JA̰A̰ 11:50

Kə́ só tə́ yāsí i kadə̄ deē kógə̄ḿ oy tām̄ yā gotə de gə̄ tə́, ba kadə̄ de gə̄ malang nujəń aĺ ní, ī-gerī aĺ a?

JEREMI 42:2

kə̄ rɔ̄ Jeremi nge koō ta tə́ ba ədanən̄ na: Jə-rāāī ɓɔ́ ba ī-nēl̄ mbīí ōoń najə̄ yājí. Ɔ̄r̄ najə̄ kə Kɔ́ɔ̄ɓē Nə́ɓā yāí tām̄ yājí jḭḭ gotə de kə́ séý beē gə̄ ń jə-na̰y tə́ toō. Rɔ̄kum, kété ní jḭḭ i de kə́ ngá̰ý gə̄ ba ń toō ɓáa jḭḭ ngé teē ta yo tə́ gə̄ i sḛ́ý beē, tītə̄ ń īkɔ́ á̰a̰ń kə kumií toō.

Makətūbə̄ yā Job 31:31

I náā n m-ādə̄n dā̰ adə̄ əsa asə tan aĺ ní? Mbā gə̄ ədan̄ nge ń noō ō aĺ a?

2 SAMUEL 18:3

Banī áskar gə̄ ní tél ədanən̄ na: Ā āw̄ sejí ta rɔ̄ɔ̄ tə́ alé! Tɔdɔ̄ ré jḭḭ j-a̰ȳ naā anī, a usə madə̄ ba̰ā̰ gə̄ alé. Ká ré i núsə́jí n oy gə̄gē anī a usədə́ alé. Banī ḭ̄ kal kógə̄ḿ beē ī-rāā rɔ̄í i de kə́ dūbú kutə gə̄ tə́ danjí tə́. Adə̄ majə kadə̄ ī-ndi i kem ɓēé tá ī-dḭḭ̄ńjí.

1 SAMUEL 24:4

Nin̄ ugə̄n̄ loo ń gong batə̄ gə̄ i tū tə́ kə gō kadə róbó ní tə́, anī Saul aw̄ ta wa tə́ kem bəlo mbal̄ kógə̄ḿ kə́ ra loo ní tə́ tə́. Ba Dabid nin̄ kə deē yān gēé ndin̄ gə́le bəlo mbal̄ ní tə́.

JEREMI 40:8

anī, nin̄ reēn̄ kə deē yādə́ gēé əngen̄ Gedalia kem ɓē kə́ Misəpa tə́. Ngol áskar gə̄ ní i Ismael ngōn̄ Netania ō, Yohanan ō, Yonatan ō, ngán Karea gə̄ ō, Seraya kə́ ngōn̄ Tanəhumet ō, ngán Epai kə́ Netopa ō, Yejanyahu kə́ ngōn̄ Maaka ō. I ngarā̰ kumdə́ nin̄ kɔ́ gə̄ ō, deē yādə́ gə̄ ō n reēn̄ ní.