Biblia Todo Logo
Bib sou entènèt

- Piblisite -




JEREMI 40:11 - Bibəl ta Sar̄

11 Tāa Juda gə̄ malang ń ndin̄ Moab ō, dan Amon gə̄ tə́ ō, ngé gə̄ ń ndin̄ Edom ō, kə gō ɓē gə̄ malang ní ō, oōn̄ kadə̄ mban̄g kə́ Babilon na əya̰ gō yá̰á̰ kə́rēý gə̄ adə̄ Juda ō, na əndā Gedalia kə́ ngōn̄ Ahikam kə́ ngōn̄ Sapan dɔ ɓē gə̄ tə́ ō,

Gade chapit la Kopi

Bible sar

11 Tāa *Juda gə̄ malang ń ndin̄ Moab ō, dan Amon gə̄ tə́ ō, ngé gə̄ ń ndin̄ Edom ō, kə gō ɓē gə̄ malang ní ō, oōn̄ kadə̄ mban̄g kə́ *Babilon na əya̰ gō yá̰á̰ kə́rēý gə̄ adə̄ Juda ō, na əndā Gedalia kə́ ngōn̄ Ahikam kə́ ngōn̄ Sapan dɔ ɓē gə̄ tə́ ō,

Gade chapit la Kopi




JEREMI 40:11
23 Referans Kwoze  

Ə́ya̰ mā̰ȳ rɔ̄ɔ̄ yājí gə̄ ādə̄ ndin̄ ɓēé looí, ādə̄də́ loo ādə̄ ndin̄ tū tə́ najə̄ yā nge nujə loo tə́. Nge rējə̄jí a ndi ngándáńg alé, gír nujə loo a gān̄g. Nge nujəjí a əya̰ ɓē yājí ba a aw̄.


Dan ń ḭ̄ á̰a̰ kadə̄ nujən̄ Israel gə̄ ń i gír deē yāḿ gə̄ ní anī, ḭ̄ ī-rāā rɔ̄nel̄. I beé ní, yá̰á̰ ń m-ā m̄-rāā seí ní, i yá̰á̰ kə́ tītə̄ ń noō ō. A nujən̄ mbal̄ bo yāí gə̄ ō, ɓē yāí kə taá malang ō. Loo ń noō tə́ de gə̄ a gerə̄n̄ kadə̄ Kɔ́ɔ̄ɓē i mā.


Ngáńdáńg ní, nelī ḭ̄ kə Israel gēé aĺ ngá̰ý. Kum mbang ń yá̰á̰ kə́ to kum kaȳ aĺ teē dɔdə́ tə́ ní, dan ń gíŕ yá̰a̰ rāādə́ kə́ majaĺ ngá̰ý gə̄ gān̄g ní, ḭ̄ ə̄nīdə́ rɔ̄ɔ̄ kə kaskaraá.


Najə̄ ń Kɔ́ɔ̄ɓē Nə́ɓā ɔr̄ ní n toó: Edom gə̄ rāān̄ yá̰á̰ majaĺ ngá̰ý gə̄ dalnə̄ń ba̰ā̰ dɔ gír de gə̄ yā Juda tə́. I tām̄ najə̄ ń noō tə́ n najə̄ i dɔdə́ tə́ ní.


Najə̄ ń Kɔ́ɔ̄ɓē Nə́ɓā ɔr̄ ní n toó: Moab gə̄ ədan̄ na: De gə̄ kə́ gír yā Juda tə́ gə̄ ton̄ i tītə̄ gotə nápar de gə̄.


Yá̰á̰ ń mā Kɔ́ɔ̄ɓē Nə́ɓā m-ə́dá ní n toó: Dan ń sḭḭ̄ ōōī yá̰á̰ kə́ to kum kaȳ aĺ kə́ teē dɔ Israel tə́ ní, rɔ̄nel̄ rāāsí adə̄ ə́ndaī jīsí ō, ḭ́ḭḭ̄ bal walya ō. Sḭḭ̄ ī-rāāī rɔ̄nel̄ kə ngarā̰ kemsí gēé malang ō, ī-kídī gír deē yāḿ gə̄ ngá̰ý ō.


Ḭ̄ ngōn̄ deē, ī-tūr̄ kumií kə̄ dɔ Amon gə̄ tə́, ba ɔ̄r̄ najə̄ sedə́ ādə̄m̄.


Núsə de kə́ kem ɓēé gə̄ kə́ ta kəga dɔ a oyn̄ yo mo̰y ngāl̄bɔ̄gīí, aláa yo ɓō kem ɓēé. Núsə de kə́ kem ɓēé kə́ nge ko̰ jōó a oyn̄ yo kaskar kə gō gidə ɓēé. Núsə de kə́ kem ɓēé gə̄ kə́ nge ko̰ mətá ní, m-ā m̄-tə̄ndā yā tḭ̄ḭ̄də́ kə̄ loo gə̄ tə́, ba m-ā m̄-ngɔ̄də̄də́ kə kaskaraá.


Banī ā ī-ngɔ̄m̄ núsə bḭḭ̄ kə́ sḛ́ý beē yā ɓōkə́ gə́le ngong kə́ tū kūbə̄ yāí tə́ tə́.


M-ā m-ūtə̄ kumḿ njárárá, ba m-ā m̄-rāādə́ kadə̄ télən̄ yá̰á̰ kə́ to ɓōĺ tām̄ yā ɓē ko̰o̰ gə̄ malang kə́ dɔ nang tə́ tə́. A ənīn̄ pā sedə́ ō, a lurən̄də́ ō, a tájə̄n̄də́ ō, a ndɔ̄lə́n̄də́ ō, kə gō loo gə̄ malang ń m̄-tə̄ndā m̄-tḭ̄ḭ̄də́ tū tə́ tə́ ní.


Ba dan ń sḭḭ̄ á̰a̰ī kadə̄ mban̄g yā ngán Amon gə̄ ń i Nahas ní a reē yā rɔ̄ɔ̄sí anī ə́damī na ī-sāāī mban̄g kadə̄ o̰o̰ ɓē dɔsí tə́, tītə̄ kə́ Kɔ́ɔ̄ɓē i mban̄g yāsí alé beē.


Nahas ń i mban̄g yā Amon gə̄ ní, aw̄ ndi gidə ɓē kə́ Yabes tə́, dɔ nang kə́ Galaad tə́, yā kənīń ɓē kə́ Yabes rɔ̄ɔ̄. De gə̄ malang kə́ kem ɓēé kə́ Yabes tə́ ədan̄ Nahas na: ɔ́jə́jí yá̰a̰ gə̄ ń kemií ndigə ní, ba ādə̄ lápə́ya i mbo̰ō̰jí tə́, tɔdɔ̄ jə-ndigə̄ kəla dɔjí gíŕ tɔ́gí tə́.


Ngán Israel gə̄ ndin̄ Sitim anī əlan̄ gír rāā kaya kə ngáń kə́ dəyá̰ kə́ Moab gə̄.


Ngán Israel gə̄ ɔrə̄n̄ dɔɔ́ aw̄ ndin̄ ndágə̄ loo gə̄ kə́ Moab tə́, dɔ gɔ́sə bā Jurdḛ kə́ dām̄ kə́ gír ɓē tə́ ń ra sɔɔ̄n̄ ta naā kə ɓē kə́ Jeriko ní.


I tām̄ ń noō tə́ n Esau ń rīn kə́rēý na i Edom ní aw̄ ndiń ɓē dɔ mbal̄ kə́ Seir tə́ ní.


Ngán kə́ dəyá̰ gə̄ ní ɓārə́n̄də́ loo tun̄ yá̰a̰ kadə̄ ɓesə̄ yādə́ gə̄ tə́, adə̄ əsan̄ yá̰a̰ tū tə́ ō, əsōn̄ kə̄ nang tə́ no ɓesə̄ gə̄ tə́ ndɔ̄ȳn̄də́ ō.


Nin̄ a aw̄n̄ naā tə́ mbak dɔ ngán mbal̄ gə̄ yā Pilistin gə̄ tə́, dām̄ kə́ no ɓē tə́. Nin̄ a ɔyn̄ yá̰a̰ kənge gə̄ yā gír ɓē gə̄ ń ndin̄ dəla loo tə́ ní dɔ gúú tə́, dām̄ kə́ gír ɓē tə́. Edom nin̄ kə Moab a əlan̄ dɔdə́ gíŕ tɔ́gə yādə́ tə́ ō, Amon gə̄ a oōn̄ tadə́ ō.


Ismael ɔy gotə de gə̄ malang ń na̰yn̄ Misəpa ní aw̄ sedə́. De gə̄ ní i ngáń ngār kə́ dəyá̰ gə̄ ō, de gə̄ malang ń ndin̄ Misəpa ɓáý ní ō, ngé gə̄ ń Nebujaradan, ngol ngé ngɔ̄m̄ dɔ mban̄g ɓɔ̄ɔ̄də́ kə Gedalia, ngōn̄ Ahikam, kadə̄ ngɔ̄m̄də́ majə ní ō. Ismael, ngōn̄ Netania, əhɔdə́ aw̄ sedə́ yā kəsōń gír Amon gə̄ tə́.


Yohanan, ngōn̄ Karea ō, ngol ngé rɔ̄ɔ̄ gə̄ malang ō, a̰a̰n̄ gō de gə̄ malang kə́ Juda tə́ ń teēn̄ ta yo tə́ ō, ngé gə̄ ń tə̄ndā tḭ̄ḭ̄n̄də́ dan nápar de gə̄ ń ndi gīrə̄n̄ gidədə́ tə́ á tél reē ndin̄ gogə́ Juda tə́ ní ō majə.


Ɓūtə̄ yá̰a̰ kul̄ yāḿ gə̄ aw̄ tḭ̄ḭ̄n̄ ta rɔ̄də́ kə̄ dɔ mbal̄ gə̄ tə́ ō, kə̄ dɔ ngán mbal̄ gə̄ tə́ ō. Batə̄ yāḿ gə̄ tə̄ndān̄ naā tḭ̄ḭ̄n̄ kə̄ loo gə̄ tə́ kem ɓēé kə taá malang. Deē aw̄ sāādə́ aĺ ō, deē əndā kumən gíŕdə́ tə́ aĺ ō.


Dəngam gə̄ ō, dəyá̰ gə̄ ō, ngán gə̄ ō, ngán ngār kə́ dəyá̰ gə̄ ō, de gə̄ malang ń Nebujaradan, ngol ngé ngɔ̄m̄ dɔ mban̄g ɓɔ̄ɔ̄də́ kə Gedalia, ngōn̄ Ahikam kə́ ngōn̄ Sapan ní ō, Jeremi kə́ nge koō ta ō, Baruk, ngōn̄ Neriya ō,


Swiv nou:

Piblisite


Piblisite