JEREMI 4:6 - Bibəl ta Sar̄

⁶ Ə́laī dərapóo dɔɔ́ kum kə̄ Siyo̰. Āw̄ ī-ɓɔ̄ɔ̄ī rɔ̄sí, ī-lōōī dəba róbó. I yá̰á̰ kə́ to kum kaȳ aĺ n m̄-rāā kadə̄ ḭḭ dām̄ mbɔ́r ɓē kə́ ko̰ó̰ tə́ yā reē ní. Loo a nujə sák sák.

Bible sar

⁶ Ə́laī dərapóo dɔɔ́ kum kə̄ *Siyo̰. Āw̄ ī-ɓɔ̄ɔ̄ī rɔ̄sí, ī-lōōī dəba róbó. I yá̰á̰ kə́ to kum kaȳ aĺ n m̄-rāā kadə̄ ḭḭ dām̄ mbɔ́r ɓē kə́ ko̰ó̰ tə́ yā reē ní. Loo a nujə sák sák.

JEREMI 4:6 Referans Kwoze

JEREMI 50:2

Ədaī najə̄ ń toō dan nápar de gə̄ tə́ ādə̄ de gə̄ gerə̄n̄ gō. Ə̄nīī najə̄ ní mbīdə́ tə́ ādə̄ oōn̄. Ə́daī ādə̄ de gə̄ oōn̄, ba ī-lōōī ɓɔ̄ɔ̄ dɔ najə̄ ní. Ədaī na: Taān̄ ɓē kə́ Babilon kɔ̄ɔ́, ɓesə̄ Bel i kə rɔ̄sɔlɔ̄ɔ́, ɓesə̄ Marduk əsō tétə̄ rárák kɔ̄ɔ́. Nujən̄ ɓesə̄ yān gə̄ sák sák kɔ̄ɔ́.

JEREMI 51:27

Údiī dərapóo rɔ̄ɔ̄ ādī ra dɔɔ́, ī-kɔ̄ríī tōw̄ dan nápar de gə̄ tə́. Ɔ́siī dɔ nápar de gə̄ naā tə́ ādə̄ ənīnən̄ rɔ̄ɔ̄. Ī-ɓāríī ɓē ko̰o̰ gə̄ kə́ Ararat ō, Mini ō, Asəkenas ō, ādə̄ rɔ̄ɔ̄nən̄. Ī-tə́ndāī ngé kɔy de gə̄ áskaraá gə̄ ādə̄ ɔyn̄ de gə̄ rɔ̄ɔ̄nəń ɓē kə́ Babilon. Ɔ́siī dɔ sə́nda gə̄ naā tə́, ādə̄ ran̄ kadə naā tə́ meje meje tītə̄ yim̄ gə̄ beé.

JEREMI 51:12

Ə́laī dərapóo rɔ̄ɔ̄ kum kə̄ dɔ ndogə̄ mbal̄ kə́ Babilon tə́, ī-rēēī kə ngé ngɔ̄m̄ loo gēé dɔ madə̄ tə́ ɓáý, ī-tə́ndāī ngé ngɔ̄m̄ loo gə̄ ō, ngé ngān̄g róbə gə̄ ō, loo ndadə́ gə̄ tə́. A̰á̰ā̰, yá̰á̰ ń Kɔ́ɔ̄ɓē əda dɔ de kə́ Babilon gə̄ tə́ ní, i yá̰á̰ kə́ ni gír̄ dɔ tə́ ō, rāā ō.

JEREMI 25:9

m-ā m-ə́la gō gír de kə́ mbɔ́r ɓē kə́ ko̰ó̰ tə́ gə̄ ō, m-ā m̄-ɓār̄ nge kəla yāḿ Nabukodonosor, mban̄g kə́ Babilon tə́ ō, yā reē sedə́ kadə̄ rɔ̄ɔ̄n̄ ɓē ń toō ō, de gə̄ ń ndin̄ kemeé ní ō, kadə̄ rɔ̄ɔ̄n̄ nápar de gə̄ ń ndin̄ kemeé ní ō, kadə̄ rɔ̄ɔ̄n̄ nápar de gə̄ malang ń gīrə̄n̄ gidə ní ō. M-ə̄ndādə́ dɔ jīḿ yā rāādə́ kadə̄ télən̄ ndágə loo kə́ to kum ko̰, kə́ de gə̄ a əgan̄ kɔŕ ɓōĺ dɔ tə́ ō, yá̰á̰ kə́ nujə sák sák kə́ njɔ́ḿ gə̄ tə́ ō.

JEREMI 6:22

Najə̄ ń Kɔ́ɔ̄ɓē əda ní n toó: Gír deē kógə̄ḿ gə̄ ḭḭn̄ mbɔ́r ɓē kə́ ko̰ó̰ tə́ a reēn̄ noó, nápar de kə́ ngá̰ý gə̄ ḭḭn̄ ta ngóy dɔ nang tə́ a reēn̄ noó.

JEREMI 6:1

Ngán Benjamḛ gə̄, ī-teēī kɔ̄ɔ́ Jerusalem ba ī-sāāī loo ɓɔ̄ɔ̄ rɔ̄ yāsí loo kə́ rang tə́. Ī-kɔ̄ríī tōw̄ Tekoa tə́. Ə́laī dərapóo kə̄ dɔɔ́ dɔ ɓē kə́ Bet Kerem tə́. Yá̰á̰ kə́ to kum kaȳ aĺ ḭḭ dām̄ mbɔ́r ɓē kə́ ko̰ó̰ tə́ a reēsí noó, ā ī-nujiī nujə kə́ to ɓōĺ ngá̰ý.

JEREMI 4:21

M-ā m-á̰a̰ dərapóo rɔ̄ɔ̄ ō, m-ā m-ōō kōō tōw̄ ō, i bátə́ ta kə́ rá?

IJAI 62:10

De kə́ Jerusalem gə̄, ī-teēī, ī-teēī láẃ kɔ̄ɔ́ kem ɓēé! Ī-njariī róbə ādī gír deē yāḿ gə̄. Ī-rāāī róbə ādī majə, ī-ró̰yī mbal̄ gə̄ kɔ̄ɔ́, údiī yá̰á̰ kógə̄ḿ dɔɔ́ yā taāń gír de gə̄.

SOPONI 1:10

Kɔ́ɔ̄ɓē əda wáńg na: Ndɔ̄ ń noō tə́ ní, deē a oō kōō kɔŕ kə́ ngá̰ý kem ɓē kə́ Jerusalem tə́, ta róbə yā kānjə̄ gə̄ tə́ ō, kōō sōḿ kem ɓē kə́ kijə tə́ ō, deē a oō kōō yá̰á̰ kə́ ɓār̄ ngá̰ý dɔ ngán mbal̄ gə̄ tə́ ō.

JEREMI 51:54

De gə̄ ɓārə́n̄ yá̰a̰ Babilon tə́ kadə̄ yā dḭḭ̄də́, ədan̄ na ɓē kə́ Kalde na nujə to ɓōĺ ngá̰ý.

JEREMI 50:22

M-ōō kōō rɔ̄ɔ̄ kem ɓēé ō, kōō yá̰á̰ kə́ tɔ̄ɔ̄ kə́ ɓār̄ ngá̰ý ō.

JEREMI 21:7

Gō yá̰a̰ ń noō tə́ anī, m-ā m-ə́la Sedekias mban̄g kə́ Juda tə́ ō, ngé rāā kəla yān gə̄ kə́ kem ɓē ń toō tə́ ń a teēn̄ ta mo̰y ngāl̄bɔ̄gīí tə́ ní ō, ta kaskar tə́ ō, ta ɓō tə́ ō ní, jī mban̄g kə́ Babilon tə́ ō, jī madə̄ ba̰ā̰də́ gə̄ tə́ ō, jī ngé ndə̄ngādə́ yo tə́ ō. Mban̄g kə́ Babilon a tɔ̄l̄də́ kə kaskar kə́ ta kataá kanjə̄ ɓōĺ gō jīn ō, a a̰a̰ kum tō ndoō yādə́ aĺ ō, kumən a o̰o̰n sedə́ aĺ ō. Najə̄ ń Kɔ́ɔ̄ɓē əda ní n noó.

JEREMI 18:11

Ngɔlaā ní ɔ̄r̄ najə̄ kə de kə́ Juda tə́ gə̄ ō, kə de gə̄ ń ndin̄ Jerusalem tə́ ní ō, ə́dádə́ na: Najə̄ ń Kɔ́ɔ̄ɓē əda ní n toó: Á̰a̰ī, m̄-nóm̄ yá̰á̰ kə́ to kum kaȳ aĺ yā rāā sesí. m̄-gír̄ rāā yá̰á̰ kógə̄ḿ sesí. Ī-tūrī hálsí kógə̄ḿ kógə̄ḿ ba ə́ya̰ī yá̰a̰ kə́ majaĺ gə̄ kɔ̄ɔ́. Rɔ̄kum, ī-rāāī ādə̄ pā njə̄rāsí majə ō, kəla rāāsí majə ō.

JEREMI 22:7

m̄-ɔ̄r̄ kam̄ de gə̄ kadə̄ nujən̄ seí. Náā nəkɔ́ a ɔy yá̰a̰ kəla yān gə̄ jīn tə́. Nin̄ a tə́gān̄ kāgə̄ sédər yāí kə́ majə ngá̰ý gə̄ kɔ̄ɔ́ ō, a rāān̄də́ kadə̄ a tə́sōn̄ kum hor tə́ ō.

JAKARI 6:6

Púsə rɔ̄ɔ̄ ń sə́ndá kə́ ndul gə̄ unən̄ ní, aw̄ kum kə̄ dām̄ mbɔ́r ɓē kə́ ko̰ó̰ tə́ ō, sə́ndá kə́ ndaa gə̄ aw̄n̄ kum kə̄ no ɓē tə́ ō, sə́ndá kə́ ɓál gə̄ aw̄n̄ kum kə̄ dām̄ mbɔ́r ɓē kə́ geleé tə́ ō.

JEREMI 10:22

De gə̄ oōn̄ kōō yá̰á̰ kógə̄ḿ kə́ a reē kə̄ dɔdə́ tə́ ō, kə́ ḭḭ dām̄ mbɔ́r ɓē kə́ ko̰ó̰ tə́ ba yéȳ yá̰a̰ kə ngangāá ngá̰ý ō. A reē yā rāā ɓē kə́ Juda tə́ kadə̄ tél loo kə́ to kum ko̰ ō, kadə̄ telən̄ loo ra tal̄ gə̄ ō.

EJEKIEL 9:1

Gō tə́ anī, m-ōō Kɔ́ɔ̄ɓē əda najə̄ kə ndūn kə́ kə tɔ́gɔ́ na: Sḭḭ̄ gə̄ ń əndān̄ dɔsí tə́ kadə̄ ī-rāāī yá̰a̰ kə ɓē kə́ Jerusalem ní, ī-reēī kə̄ ngɔr. Sḭḭ̄ kógə̄ḿ kógə̄ḿ ní, ādə̄ náā nəkɔ́ ɓáa un yá̰a̰ rɔ̄ɔ̄ yān kə́ yā nujəń ɓē.

EJEKIEL 9:2

Anī de kə́ dəngam gə̄ mehḛ́ teēn̄ ta róbə́ kə́ dɔɔ́ tə́ a reēn̄. Ré deē ra kújə yā Kɔ́ɔ̄ɓē tə́ anī, ta róbə́ ní i kə̄ dām̄ mbɔ́r ɓē kə́ ko̰ó̰ tə́. Nin̄ kógə̄ḿ kógə̄ḿ ní, yá̰a̰ rɔ̄ɔ̄ kə́ yā nujəń loo i kə̄ jīdə́ gə̄ tə́. De kógə̄ḿ kə́ o̰ō̰ kūbə̄ lḛ́ḛ i dandə́ tə́. Ni do̰ō̰ yá̰á̰ kə́ yā ndang yá̰a̰ dɔ tə́ tū ndāŕ ń ni-əhɔń ɓōdə̄n ní tə́. Nin̄ malang ní reēn̄ kə̄ ngɔr, ba dəba ran̄ ta loo tun̄ yá̰á̰ kə́ rāā kə gində̄ nə̄ngá kasaá tə́.