JEREMI 4:5 - Bibəl ta Sar̄

⁵ Ə̄nīī mbēr̄ ń toō Juda tə́. Ə̄nīī mbēr̄ ní ādə̄ de kə́ Jerusalem gə̄ oōn̄. Ī-kɔ̄rí tōw̄ kem ɓēé. Əgaī kɔŕ ə́daī na: Ī-kánī naā kadə̄ j-udiī kem loo kə́ ngan̄g gə̄ tə́.

Bible sar

⁵ Ə̄nīī mbēr̄ ń toō *Juda tə́. Ə̄nīī mbēr̄ ní ādə̄ de kə́ Jerusalem gə̄ oōn̄. Ī-kɔ̄rí tōw̄ kem ɓēé. Əgaī kɔŕ ə́daī na: Ī-kánī naā kadə̄ j-udiī kem loo kə́ ngan̄g gə̄ tə́.

JEREMI 4:5 Referans Kwoze

JEREMI 8:14

I tām̄ rí tə́ á jə-ndiī kanjə̄ kɔdə rɔ̄jí ní? Ɔ́siī dɔsí naā tə́. J-udiī kem loo ndi kə́ ngan̄g gə̄ tə́, ba j-awī loo alé. Tɔdɔ̄ Kɔ́ɔ̄ɓē Nə́ɓā yājí ɔgə̄jí ndɔ́tə̄ loo. Ni-adə̄jí man̄ kə́ yḛl kum adə̄ j-a̰ȳī. Kə́ rɔ̄kum tə́ ní, jə-rāāī majaĺ kə Kɔ́ɔ̄ɓēé.

JEREMI 6:1

Ngán Benjamḛ gə̄, ī-teēī kɔ̄ɔ́ Jerusalem ba ī-sāāī loo ɓɔ̄ɔ̄ rɔ̄ yāsí loo kə́ rang tə́. Ī-kɔ̄ríī tōw̄ Tekoa tə́. Ə́laī dərapóo kə̄ dɔɔ́ dɔ ɓē kə́ Bet Kerem tə́. Yá̰á̰ kə́ to kum kaȳ aĺ ḭḭ dām̄ mbɔ́r ɓē kə́ ko̰ó̰ tə́ a reēsí noó, ā ī-nujiī nujə kə́ to ɓōĺ ngá̰ý.

JOJUE 10:20

Jojue kə ngán Israel gēé tetən̄ Amor gə̄ rɔ̄ɔ̄ tetə kə́ to ɓōĺ ngá̰ý. Nin̄ nujən̄ sedə́ sák sák kɔ̄ɔ́. Ngé kə́rēý gə̄ ń teēn̄ ta yo tə́ ní, a̰ȳ udən̄ kem ɓē yādə́ gə̄ kə́ ndogə̄ mbal̄ kə́ ngan̄g gə̄ gīrə̄n̄ gidə tə́.

OJEE 8:1

Ī-kɔ̄ríī tōw̄ gajə batə̄ yāsí gə̄ ī-tāāiń de gə̄. Yá̰á̰ kə́ to kum kaȳ aĺ a reē kə̄ dɔ ɓē yā Kɔ́ɔ̄ɓē tə́ tītə̄ kə̄rō kə́ a jə̄ngā beé. Kɔ́ɔ̄ɓē əda na: Nin̄-ɓōlə́n̄ gidə madə̄ naā yāḿ aĺ ō, ran̄ dɔ yá̰á̰ ń m̄-ndóōdə́ ní tə́ aĺ ō. mbātə́n̄ yá̰a̰ gə̄ ń m-ɔ́jə́də́ ní ō.

AMOS 3:8

Dan ń ɓɔl nōō ní, i náā n ɓōĺ aĺ ní? Dan ń Kɔ́ɔ̄ɓē Nə́ɓā ɔr̄ najə̄ ní, i náā n ɔjə najə̄ najə̄ yān aĺ ní?

AMOS 3:6

Deē a kɔĺ tōw̄ rɔ̄ɔ̄ kem ɓēé kanjə̄ kəla ɓōĺ kem de kə́ kem ɓēé gə̄ tə́ a? Yá̰á̰ kə́ to kum kaȳ aĺ kógə̄ḿ a reē dɔ ɓē tə́ kanjə̄ kadə̄ i Kɔ́ɔ̄ɓē n əlań a?

JEREMI 35:11

I dan ń Nabukodonosor, mban̄g kə́ Babilon taāń ɓē tə́ ní n j-əda naā na: I só tə́ kadə̄ j-a̰yī ɓūtə̄ ngé rɔ̄ɔ̄ yā Kalde gə̄ ō, Aram gə̄ ō, ba j-awī Jerusalem. Gír ndijí Jerusalem n noó.

JEREMI 11:2

Ōōī najə̄ kə́ dɔ madə̄ naā ní tə́. Ə́daī de kə́ Juda tə́ gə̄ ō, kə́ kem ɓē kə́ Jerusalem tə́ gə̄ ō najə̄ ní.

JEREMI 9:12

Kɔ́ɔ̄ɓē əda na: Nin̄ əya̰n̄ gō yá̰á̰ ndóō yāḿ ń m-ə̄ndā nodə́ tə́ ní kɔ̄ɔ́, tɔdɔ̄ nin̄ oōn̄ najə̄ yāḿ aĺ ō, unən̄ gō najə̄ ní aĺ ō,

JEREMI 5:20

Ə̄nīī mbēr̄ ń toō ādī de kə́ gír yā Jakob tə́ gə̄ oōn̄, ə̄nīī mbēr̄ ní Juda tə́ ādə̄ oōn̄.

TƏ́DA 10:3

Ré a kɔ̄rə́n̄ bərúnjə gə̄ ní jōó mbak anī, i ngán Israel gə̄ malang n a kánə̄n̄ naā rɔ̄í tə́ ta kújə kənge naā tə́ ní.

EJEKIEL 7:14

De gə̄ a kɔ̄rə́n̄ bərúnjə ngá̰ý ō, a əndān̄ dɔ yá̰a̰ malang danaá kɔ̄ɔ́ ō ɓá tā, ba deē kógə̄ḿ kə́ yā kaw̄ ta rɔ̄ɔ̄ tə́ a gətóo. Tɔdɔ̄ wōn̄g rāām̄ i kə ngán Israel gēé malang.

JOEL 2:1

Ī-kɔ̄ríī tōw̄ Siyo̰ tə́. Úriī kɔl rɔ̄ɔ̄ dɔ mbal̄ yāḿ kə́ táĺ tə́. Ādə̄ de kə́ kem ɓēé gə̄ malang ndewn̄. Ndɔ̄ yā Kɔ́ɔ̄ɓē a reē noó, dɔ ndɔ̄ ní i ngɔr.

TƏ́DA 10:2

Ī-mēr̄ rāā bərúnjə gə̄ jōó, ādə̄ rāān̄də́ kə gində̄ arjā̰a̰ kə́ koó. Bərúnjə gə̄ ní i yā ɓāŕəń ngán Israel gə̄ kadə̄ kánə̄nəń naā ō, ndɔ́tə̄nəń ɓē ō.

IJAI 28:19

Ni a mān̄ dəloí kə ndɔ̄ gə̄ malang, a mān̄ kadaá ō ndɔ̄ɔ́ ō. Kə dɔ mānən gə̄ malang ń noō ní, ni a ɔysí yā kaw̄ sesí. Dan ń de gə̄ a gerə̄n̄ kum najə̄ yān anī, ɓōĺ a tɔ̄l̄də́ kɔ̄ɔ́.