JEREMI 4:31 - Bibəl ta Sar̄

³¹ M-ōō nōō rɔ̄ kə́ tītə̄ yā dəyá̰ kə́ a rāā kem ō, m-ōō kɔŕ kə́ tītə̄ yā dəyá̰ kə́ a ojə ngōn̄ kem mandən ō. I kɔŕ ngōmandə kə́ Siyo̰, koō gāngən. Ni ɔy jīn kə̄ dɔɔ́. Mā i kə rɔ̄ ndoó. M-ā m-óy sɔɔ̄ń ndéý kə́ al̄ naā yā ngé tɔ̄l̄ de gə̄.

Bible sar

³¹ M-ōō nōō rɔ̄ kə́ tītə̄ yā dəyá̰ kə́ a rāā kem ō, m-ōō kɔŕ kə́ tītə̄ yā dəyá̰ kə́ a ojə ngōn̄ kem mandən ō. I kɔŕ ngōmandə kə́ *Siyo̰, koō gāngən. Ni ɔy jīn kə̄ dɔɔ́. Mā i kə rɔ̄ ndoó. M-ā m-óy sɔɔ̄ń ndéý kə́ al̄ naā yā ngé tɔ̄l̄ de gə̄.

JEREMI 4:31 Referans Kwoze

NŌŌ RƆ̄ 1:17

Siyo̰ ɔy jīn kə̄ dɔɔ́ rāań ɓɔ́, banī de kə́ sɔl̄ kemən gətóo. Kɔ́ɔ̄ɓē adə̄ ndūn ngé rɔ̄ɔ̄ Jakob gə̄ ń ndi gīrə̄n̄ gidən ní kadə̄ ənīnən̄ rɔ̄ɔ̄. Jerusalem tél yá̰á̰ kə́ yḛr dɔ dandə́ tə́.

IJAI 1:15

Loo ń ī-sə́raī jīsí yā ndɔ̄yń anī, m-ún kumḿ ta tə́ kɔ̄ɔ́. Ká ré ndɔ̄ȳ yāsí gə̄ i ngá̰ý gə̄gē anī, mā m-ōō alé, tām̄ jīsí i mósə malang.

JEREMI 13:21

I rí n ā ə́da dan ń de gə̄ a reēn̄ rāāī yá̰á̰ kə́ to kum kaȳ aĺ tə́ ní. I īkɔ́ n ī-ndóōdə́ loo ko̰o̰ ɓē dɔí tə́ ní aĺ a? Rɔ̄kum, rɔ̄í a tōrī tītə̄ yā dəyá̰ ń a rāā kem ní.

1 TESALONIK 5:3

Dan ń de gə̄ a ədan̄ na loo na to lɔm kɔ̄ɔ́ ō, yá̰á̰ kə́ yā rāā yá̰a̰ na gətóo ō anī, yá̰á̰ kə́ nujə sák sák a teē dɔdə́ tə́ gidə kógə̄ḿ, tītə̄ kem kə́ ɔsə kə dəyá̰ beē, adə̄ nin̄ a teēn̄ kum tə́ alé.

1 KORḚNTƏ 9:16

Tɔdɔ̄ kɔjə de gə̄ Najə̄ kə́ Majə i yá̰a̰ kɔjə rɔ̄ yāḿ alé, tām̄ i yá̰á̰ kə́ m-ásə ndi kanjə̄n alé. Ré m-ɔjə de gə̄ Najə̄ kə́ Majə aĺ anī, yāḿ a majaĺ ngá̰ý!

MATIYE 21:5

Ədaī ngōmandə kə́ Siyo̰ na: Á̰a̰ mban̄g yāí a reē kə̄ rɔ̄í tə́. Ni i de kə́ najə̄n gətóo. Ndi i gidə kərō kə́ dəyá̰ tə́, gidə ngōn̄ kərō tə́.

MISE 7:1

Yá̰á̰ kə́ to kum kaȳ aĺ kə́ ba̰ý beē! m̄-to i tītə̄ deē kógə̄ḿ kə́ dan yā sāā kan̄ yá̰a̰ gə̄ tə́ anī, teē aw̄ sāā kan̄ kāgə̄ nduú tə́. I dan kə́ yá̰a̰ gətóo kɔ̄ɔ́ tə́. Dɔ bəra nduú kə́ yā kəsa gətóo! Ka̰n̄ kótə̄ kə́ ta kəga dɔ ń nelə̄m̄ ngá̰ý ní, kógə̄ḿ gē gətóo!

OJEE 13:13

Kə́ tām̄ yān ni tə́ ɓáa, i kum mbang kə́ tām̄ yā ko̰y kə́ tītə̄ ko̰y kə́ ndɔ̄ kojə ngōn̄ tə́ beē. Banī Epəraim i ngōn̄ kógə̄ḿ kə́ kum kedə̄ yān gətóo. Ni-mbātə́ teē kem kó̰o̰n tə́ kɔ̄ɔ́.

NŌŌ RƆ̄ 2:21

Balsáa gə̄ ō, de kə́ tɔgə ɓə́ga gə̄ ō, ton̄ nang tə́ kum róbə kɔsə gə̄ tə́. Ngáń kə́ mandə yāḿ gə̄ ō, kə́ balsáa yāḿ gə̄ ō, oyn̄ yo kaskar. Ī-tɔ̄l̄də́ ndɔ̄ wōn̄g yāí tə́ ō, ə́já míndə́də́ kanjə̄ kadə̄ kumií o̰o̰ī ō.

NŌŌ RƆ̄ 1:20

Kɔ́ɔ̄ɓē, á̰a̰ wur kɔl yāḿ, kemḿ təngām̄ ngá̰ý loon tə́. Ngarā̰ kemḿ nujə, tɔdɔ̄ mā i nge mbātə́ najə̄ rɔ̄kum. Kaskar tɔ̄ɔ̄ kōōdə́ kə gō gidə looó ō, yo nujə loo kem ɓēé ō.

JEREMI 50:43

Mban̄g kə́ Babilon tə́ oō najə̄ ní, adə̄ tɔ́gən ur̄ wak kɔ̄ɔ́. Ni-ndi kə sōlōó kekəre ō, kemən tōrə̄n tītə̄ yā dəyá̰ kə́ a rāā kem beé ō.

JEREMI 49:24

Tɔ́gə Damas teē kɔ̄ɔ́. Ni tūr̄ rɔ̄n yā ka̰ȳ. Ni-ndew yakə yakə. Ni sōl̄ kekəre ō, rɔ̄n tōrə̄n ō, tītə̄ dəyá̰ kə́ a rāā kem beé.

JEREMI 49:22

To i tītə̄ kə̄rō kə́ ḭḭ kum kə̄ dɔɔ́ ba nēl̄ ō, j-ā̰ā̰ bɔ̄gə̄n dɔ Bosra tə́ ō. Ndɔ̄ ń noō tə́ ní, kem go̰ rɔ̄ɔ̄ gə̄ kə́ Edom tə́ a to i tītə̄ kem dəyá̰ kə́ nge rāā kem beé.

JEREMI 48:41

Taān̄ ɓē kə́ Keriyot ō, tetən̄ ɓē kə́ Mesadot rɔ̄ɔ̄ ō. Ndɔ̄ ń noō tə́ ní, kem go̰ rɔ̄ɔ̄ kə́ Moab gə̄ a to tītə̄ kem dəyá̰ ń a rāā loo kojə ní beē.

JEREMI 45:2

Kɔ́ɔ̄ɓē, Nə́ɓā yā Israel ɔr̄ najə̄ seí ḭ̄ Baruk i tītə̄ ń toō beē:

JEREMI 30:6

Ī-dəjeī najə̄ ōōī ké de kə́ dəngam gə̄ ojən̄ ngán gə̄ ō wa. M-á̰a̰ de kə́ dəngam kə́ ngan̄g majə gə̄ tə́nīn̄ jīdə́ dɔ kemdə́ tə́, tītə̄ dəyá̰ gə̄ kə́ a rāān̄ kem beé. I tām̄ rí tə́ á ta kum de gə̄ malang tél kə́ rang ō, tetə ndaa kɔ̄ɔ́ ō ní?

JEREMI 22:23

Ḭ̄ ń ī-rāā ɓē dɔ mbal̄ Liban tə́ ō, ī-rāā kújə yāí dan kāgə̄ sédər gə̄ tə́ ō ní, ā ī-to̰ō̰ rus rus dan ń rɔ̄í a tōrī, tītə̄ yā dəyá̰ ń a rāā kem á a jənga rik rik ní.

JEREMI 18:21

Ɓá anī ādə̄ ɓō rāā ngáńdə́ gə̄ ō, ī-rāā ādə̄ oyn̄ yo kaskar ō, ādə̄ nə̄yá̰də́ gə̄ nalə̄n̄ ngáńdə́ gə̄ ō, ngaadə́ gə̄ ō, ādə̄ yo tɔ̄l̄ dəngam gə̄ ō, ādə̄ balsáa gə̄ oyn̄ yo kaskar ta rɔ̄ɔ̄ tə́ ō.

JEREMI 15:18

I tām̄ rí tə́ á tápə̄ yāḿ i kə́ dum̄ təgā ō, do yāḿ i kə́ dum̄ kedə̄ ō, dum̄ ta kəga gə̄ malang ō ní. Kə́ rɔ̄kum tə́ ní ḭ̄ ī-tél ī-to i tītə̄ kəɓa man̄ kə́ a gól̄ loo beé ō, kə́ deē asə kəndā kemən dɔ tə́ aĺ beé ō tām̄ yāḿ tə́.

JEREMI 14:18

Ré m-āw̄ kem ndɔr̄ gə̄ tə́ a, i nīń de kə́ oyn̄ yo kaskar gə̄ n ton̄ toó. Ré m-údə kə̄ kem ɓēé a, i ngé gə̄ ń ɓō rāā kumdə́ ndoō tə́ ní n ton̄ toó. Ngé koō ta gə̄ ō, ngé tun̄ yá̰a̰ gə̄ ō, njə̄rā ɔrə̄n̄ gō loo kem ɓēé kanjə̄ ger̄ kum yá̰á̰ kógə̄ḿ.

JEREMI 10:19

Rɔ̄ ndoō wa! Loo nujə sák sák kɔ̄ɔ́! J-ə́ngeī do kə́ dum̄ kedə̄. J-ə́daī na: I majaĺ yājí n noó. Yājí i kadə̄ jə-tə́gāī tají dɔ tə́.

JEREMI 6:2

Ḭ̄, mandə Siyo̰, ngōn̄ kə́ dəyá̰ kə́ mandə ngá̰ý, kə́ rāā rɔ̄n majə ngá̰ý, ā ásə teē taí kɔr̄ najə̄ alé.

IJAI 42:14

Kɔ́ɔ̄ɓē əda na: M-ɔ̄r̄ najə̄ aĺ i jóo, m̄-ndi kanjə̄ kəda yá̰á̰ kógə̄ḿ. Ba ngɔlaā m-ā m-ə́ga kɔŕ. m̄-tó̰ō̰ ō, koōḿ gətóo ō, m̄-taā koō majaĺ ō, tītə̄ dəyá̰ kə́ a rāā loo kojə ngōn̄ beé.

IJAI 21:3

I tām̄ najə̄ ń toō tə́ m̄-ndew kə̄ dūnə̄ḿ gə̄ tə́ ní. M-á̰á̰ tápə̄ tītə̄ dəyá̰ kə́ a rāā loo kojə beé. Kemḿ nujə ngá̰ý adə̄ mbīḿ oō loo alé, ndílə́ḿ a̰ȳ kɔ̄ɔ́ adə̄ kumḿ a̰a̰ loo alé.

IJAI 13:8

Ndíĺdə́ a̰ȳ, gír rɔ̄ tōr̄ kə́ tayā tayā gə̄ malang rāādə́. Rɔ̄də́ tōr̄də́ ngá̰ý tītə̄ dəyá̰ kə́ a rāā kem beé. Ɔr kumdə́ ngá̰ý adə̄ nin̄ a̰a̰n̄ naā. Loo təngādə́.

IJAI 6:5

Anī m-ə́da na: Yá̰á̰ kə́ to kum kaȳ aĺ a teē dɔḿ tə́! Mā i kə́ taḿ tḭ̄ḭ̄ kɔ̄ɔ́! Mā i de kə́ taḿ i kə́ yḛr ō, m̄-ndi i dan de gə̄ kə́ tadə́ i kə́ yḛr tə́ ō, kumḿ a̰a̰ mban̄g ń i Kɔ́ɔ̄ɓē kə́ bo kə́ tɔ́gən i ngá̰ý ní ō!

PĀ GƏ̄ 120:5

Yá̰á̰ kə́ to kum kaȳ aĺ kə́ ba̰ý beē! Tɔdɔ̄ m̄-ndi ɓē dan tə̄rā gə̄ tə́, m̄-ndi dan de kə́ kumdə́ o̰o̰də́ aĺ gə̄ tə́.

Makətūbə̄ yā Job 10:1

Ndi kə kumuú ɔr̄ wurəḿ adə̄ m-ā m-ə́ya̰ taḿ dɔɔ́ yā nōoń banī m-ā m-ə́hɔ rɔ̄ḿ to̰ alé. M-ā m-ɔ̄r̄ najə̄ kə wur katāá.

TA KƏLA 27:46

Rebeka əda Isaak na: Nelə̄m̄ kə rɔ̄ḿ to̰ alé sɔɔ̄ń dəyá̰ Het gə̄ ń Esau taā ní. Ré Jakob taā dəyá̰ dɔ nang ń toō tə́ ɓáý to̰ anī, ndiḿ kə kumḿ to̰ aĺ i só tə́.

IJAI 26:17

Kɔ́ɔ̄ɓē, kété ní jə-ra noí tə́ i tītə̄ dəyá̰ kə́ a rāā yā kojə ngōn̄ beé. Dəyá̰ ní a̰a̰ tápə̄ ō, əga kɔŕ tɔdɔ̄ rɔ̄n tōrə̄n ō.

MISE 4:9

Sḭḭ̄ de kə́ Jerusalem gə̄, ngɔlaā ə́gaī kɔŕ i najə̄ rí tə́? Rɔ̄sí tōr̄sí tītə̄ dəyá̰ kə́ a ojə ngōn̄ beé i tām̄ rí tə́? Mban̄g yāsí gətóo i mbée a? Ngé kadə̄sí kɔjə̄ gə̄ oyn̄ i mbée kɔ̄ɔ́ a?

MISE 4:10

Ādə̄ rɔ̄sí tōr̄sí ō, ī-nōōī ō, tītə̄ dəyá̰ kə́ a ojə ngōn̄ beé. Tɔdɔ̄ ngɔlaā ní, ā ī-teēī kem ɓēé yā kaw̄ ndi bembeé ō, ā āwī bátə́ yā kugə̄ Babilon ō. A əya̰n̄sí dɔɔ́ loo ń noō tə́, Kɔ́ɔ̄ɓē a taāsí jī madə̄ ba̰ā̰sí gə̄ tə́ loo ń noō tə́.