JEREMI 4:30 - Bibəl ta Sar̄

³⁰ Ba ḭ̄, ā ī-rāā i rí? Ə́la kūbə̄ kə́ kərē bḭḭ ō, ī-tə́lá yá̰á̰ súū rɔ̄ kə́ rāā kə lɔ́rɔ́ gə̄ ō. Ī-rāā yá̰á̰ súū rɔ̄ dɔ kumií tə́. Ī-rāā mandə i ndāńg. ngé sāāí gə̄ idən̄ tadə́ gírí tə́, nin̄ sāān̄ tɔ̄lī.

Bible sar

³⁰ Ba ḭ̄, ā ī-rāā i rí? Ə́la kūbə̄ kə́ kərē bḭḭ ō, ī-tə́lá yá̰á̰ súū rɔ̄ kə́ rāā kə lɔ́rɔ́ gə̄ ō. Ī-rāā yá̰á̰ súū rɔ̄ dɔ kumií tə́. Ī-rāā mandə i ndāńg. ngé sāāí gə̄ idən̄ tadə́ gírí tə́, nin̄ sāān̄ tɔ̄lī.

JEREMI 4:30 Referans Kwoze

2 MBAN̄G 9:30

Yá̰a̰ malang ń rāā yá̰á̰ ní Jesabel oō. Adə̄ rāā yá̰á̰ súū rɔ̄ dɔ kumən tə́ ō, rāā dɔn adə̄ majə ō. Ba dan ń Yehu tél dɔ tə́ reē gogə́ Jisreel anī, Jesabel aw̄ ndi kum ko̰rō̰ kújə́ kə́ bo kə́ rāān̄ tū kújə́ tə́.

NŌŌ RƆ̄ 1:19

m̄-ɓāŕ ngé sāāḿ gə̄, banī nin̄ gól̄mə̄n̄. Ngé tun̄ yá̰a̰ yāḿ gə̄ ō, kum kɔ̄ɔ́ yāḿ gə̄ ō, oyn̄ kem ɓēé dan ń a sāān̄neé yá̰a̰ kəsa kə́ tadə́ tə́ yā kajəń ní.

NŌŌ RƆ̄ 1:2

Ni nōō ba tél nōō dan ndɔ̄ɔ́, man̄ nōō nɔ̄l̄ kumən malang. Dan ngé sāān gə̄ tə́ malang ní, nge kə́ asə sɔl̄ kemən gətóo. Dɔ madə̄ njə̄rān gə̄ malang ndigə̄nal dɔn tə́ kɔ̄ɔ́. Nin̄ télən̄ madə̄ ba̰ā̰n gə̄.

IJAI 10:3

Dan ń Kɔ́ɔ̄ɓē a rāā yá̰a̰, dan ń yá̰á̰ kə́ to kum kaȳ aĺ a ḭḭ sa̰y yā reē ní, ā ī-rāāī i ba̰ý? I náā n ā ā̰yī yā kaw̄ looneé kadə̄ rāā sesí ní? Ā ə́ya̰ī yá̰a̰ kənge yāsí gə̄ i loo kə́ rá tə́?

EJEKIEL 28:13

Ī-ndi i Eden, kem ndɔr̄ yā Nə́ɓā tə́, mbal̄ gə̄ kə́ gātə̄də́ i ngá̰ý gə̄ utə̄n̄ gidií, adə̄ i mbal̄ sarduan ō, topajə ō, diyamā̰a̰ ō, kərijolitə ō, kɔrnalin ō, jaspə ō, sapir ō, gərenatə ō, emerodə ō. Ḭ̄ ō̰ō̰ nə̄ngá kə́ tayā tayā gə̄ kə́ rāān̄də́ kə lɔ́r, rāān̄ nə̄ngá gə̄ ní i ndɔ̄ ń rāānəń ḭ̄ tə́ ní.

JEREMI 13:21

I rí n ā ə́da dan ń de gə̄ a reēn̄ rāāī yá̰á̰ kə́ to kum kaȳ aĺ tə́ ní. I īkɔ́ n ī-ndóōdə́ loo ko̰o̰ ɓē dɔí tə́ ní aĺ a? Rɔ̄kum, rɔ̄í a tōrī tītə̄ yā dəyá̰ ń a rāā kem ní.

IJAI 20:6

Ndɔ̄ ngeé ń noō tə́ ní, ngé gə̄ ń ndin̄ ɓē ta bā bo tə́ ní, a ədan na: Yá̰á̰ ń a rāā ngé gə̄ ń j-əndāī kemjí dɔdə́ tə́ ní n noó! Jə-ndigiī ɓɔ̄ɔ̄ rɔ̄jí ɓēé loodə́ i yā kəngeń rāā kə́ kadə̄ rāān̄ sejí ō, kadə̄ gāngə̄n̄ dɔjí jī mban̄g kə́ Asiri tə́ ō.

JEJU TEĒ KUM JA̰A̰ 17:13

Gír̄ yādə́ i kógə̄ḿ beē, i kadə̄ adə̄n̄ dā̰ ní tɔ́gə́də́ ō, ko̰o̰ ɓē yādə́ ō.

JEJU TEĒ KUM JA̰A̰ 17:4

Dəyá̰ ní o̰ō̰ kūbə̄ kə́ kərē ning ō, kə́ kərē bḭḭ ō. Lɔ́ŕ kə́ rɔ̄n tə́ ō, mbal̄ gə̄ kə́ gātə̄də́ i ngá̰ý gə̄ kə́ rɔ̄n tə́ ō, məde gə̄ kə́ rɔ̄n tə́ ō, ndə́lēn̄ pipir. Ni-əhɔ kópə kógə̄ḿ kə́ rāā kə lɔ́rɔ́, kə́ yá̰á̰ kə́ majaĺ ngá̰ý gə̄ i kemeé jīn tə́. Yá̰á̰ kə́ majaĺ ngá̰ý gə̄ ní i yá̰á̰ kə́ yḛr gə̄ ń ni-rāā loo ájə́ba yān tə́ ní.

JEJU TEĒ KUM JA̰A̰ 17:2

Mban̄g kə́ dɔ nang tə́ gə̄ ɓīīn̄ seneé loo ájə́ba tə́ ō, kasə ájə́ba yān rāā de kə́ dɔ nang tə́ gə̄ ō.

HEBƏRO 2:3

jḭḭ̄ ní, ré usəjí dɔ kajə kə́ bo ngá̰ý ń toō tə́ aĺ anī, j-a j-asiī teē karī ta ndéý tə́ i ba̰ý? Kajə ngeé ń toō, Kɔ́ɔ̄ɓē əla gír kɔr̄ najə̄ kə́ dɔ tə́ ō, ngé gə̄ ń oōn̄ ní ədan̄ kadə̄ i najə̄ kə́ rɔ̄kum ō.

EJEKIEL 28:9

Dan ń ā ī-ra no ngé tɔ̄līí gə̄ tə́ ní, ā ə́da na ḭ̄ na i nə́ɓā kógə̄ḿ ɓáý a? Dan ń ḭ̄ i kem jī ngé tɔ̄līí gə̄ tə́ ní, yá̰á̰ kógə̄ḿ kə́ ɔjə kadə̄ ḭ̄ i nə́ɓā ní gətóo.

NŌŌ RƆ̄ 4:17

Jḭḭ tā anī, kumjí roō kɔ̄ɔ́ loo ngóō ta de kə́ yā kadə̄ reē dḭḭ̄jí tə́. Jə-nda loo ngɔ̄m̄ loo yājí gə̄ tə́ jə-ngóoń ta reē nápar de kə́ tɔ́gə́də́ asə kajəjí aĺ gə̄.

JEREMI 5:31

Ngé koō ta gə̄ ɔrə̄n̄ najə̄ kə́ rɔ̄kum aĺ ō, ngé tun̄ yá̰a̰ gə̄ sāān̄ i kə̄ ta yādə́ nin̄ kɔ́ gə̄ tə́ ō, ba hál gə̄ ń noō malang asə kum gír deē yāḿ gə̄. Ní ḭ̄ deē ā ī-rāā i rí kə́ rang gō tə́ to̰?

IJAI 33:14

Kem ɓē kə́ Siyo̰ tə́ ní, de gə̄ ń najə̄ əhɔdə́ ní, ndíĺdə́ a̰ȳ ō, ɓōĺ rāā de kə́ majaĺ gə̄ adə̄ nin̄ ndewn̄ ō. Nin̄ dəjen̄ najə̄ ədan̄ na: I náā kə́ danjí tə́ n asə ra kadə hor kə́ a o̰o̰ ń toō tə́ ní? I náā kə́ danjí tə́ n asə ra kadə ta ndo̰ hor kə́ a oy aĺ ń toō tə́ ní?

Gōsə̄ najə̄ gə̄ 6:25

Ī-ndə̄ngā mandən kemií tə́ alé, ādə̄ dɔ kumən kə́ mɔlyɔ̄ gólī alé.

Gōsə̄ najə̄ gə̄ 7:10

Anī dəyá̰ ní tə́nī tan, o̰ō̰ i kūbə̄ ko̰ō̰ ájə́ba gə̄ ō, gól̄ loo rosə kemən ō.

JEREMI 22:23

Ḭ̄ ń ī-rāā ɓē dɔ mbal̄ Liban tə́ ō, ī-rāā kújə yāí dan kāgə̄ sédər gə̄ tə́ ō ní, ā ī-to̰ō̰ rus rus dan ń rɔ̄í a tōrī, tītə̄ yā dəyá̰ ń a rāā kem á a jənga rik rik ní.

JEREMI 30:14

Dɔ ngé sāāí gə̄ malang ndigə̄nalií kɔ̄ɔ́. Gírə̄n̄ dɔí tə́ to̰ alé. M-ə́ndaī tītə̄ ń madə̄ ba̰ā̰í ḭ̄ deē a əndaīneé ní. I yá̰á̰ kə́ tōr̄ ngá̰ý n m̄-rāā seí ní, kadə̄ ī-gerə̄ń gō majaĺ yāí kə́ ngá̰ý gə̄ ō, yá̰á̰ kə́ gōtə́ aĺ yāí kə́ ngá̰ý gə̄ ō.

ABƏDIAS 1:7

Tə̄ɓān̄sí kɔ̄ɔ́ dɔ nang yāsí tə́. Ngé ɓoo rɔ̄də́ tū yāsí gə̄ tə́ malang teēn̄ kə gíŕsí dɔɔ́ ō, nujən̄sí kɔ̄ɔ́ ō. Ngé kəsa yá̰a̰ sesí gə̄ əyān̄ gūmbə̄ gír njasí tə́. De gə̄ ədan̄ najə̄ yāsí na: Dɔdə́ ndi kə gōó alé.