JEREMI 4:23 - Bibəl ta Sar̄

²³ M-á̰a̰ loo kə̄ dɔ nang tə́ anī, m-á̰a̰ kadə̄ dɔ ndágə doy ō, yá̰a̰ gətóo tū tə́ ō. M-á̰a̰ loo kə́ no rā̰ tə́ anī, m-á̰a̰ kadə̄ loo kə́ unjə̄ kow gətóo kɔ̄ɔ́ tū tə́.

Bible sar

²³ M-á̰a̰ loo kə̄ dɔ nang tə́ anī, m-á̰a̰ kadə̄ dɔ ndágə doy ō, yá̰a̰ gətóo tū tə́ ō. M-á̰a̰ loo kə́ no rā̰ tə́ anī, m-á̰a̰ kadə̄ loo kə́ unjə̄ kow gətóo kɔ̄ɔ́ tū tə́.

JEREMI 4:23 Referans Kwoze

MATIYE 24:29

Sḛ́ý gō wur kɔl gə̄ kə́ kem ndɔ̄ gə̄ ngeé ń noō tə́ anī, mbang a ndul ō, nāā a ndaa to̰ aĺ ō, tə́yō̰ kə́ dɔ rā̰ tə́ gə̄ a tə́sōn̄ dɔ nang tə́ ō, ngé tɔ́gə́ kə́ dɔ rā̰ tə́ gə̄ a ndewn̄ ō.

IJAI 13:10

Tə́yō̰ kə́ dɔ rā̰ tə́ gə̄ ō, ɓūtə̄ tə́yō̰ gə̄ ō ní, a nujən̄ to̰ alé. Dan ń mbang a əɓa lap anī, a tetə ndul kɔ̄ɔ́ ō, nāā a ndaa to̰ aĺ ō.

TA KƏLA 1:2

Dɔ nang i kə́ ndágə doy karī ō, yá̰a̰ gətóo tū tə́ ō. Loo i man̄ malang ō, til utə̄ dɔ ō, ɓá tā ba ndíĺ Nə́ɓā a nēl̄ dɔ man̄ tə́.

AMOS 8:9

Najə̄ ń Kɔ́ɔ̄ɓē Nə́ɓā əda ní n toó: Ndɔ̄ ngeé ń noō tə́ ní, m-ā m̄-rāā kadə̄ mbang udə dan kadə ndaá ō, loo ndul dɔ nang tə́ dan kadə ndaá ō.

JOEL 2:10

Dɔ nang ndebə ō, dɔ rā̰ yéȳ ō. Mbang nin̄ kə nāá ō udən̄ tilií ō. Tə́yō̰ gə̄ unjə̄n̄ to̰ aĺ ō kété nodə́ tə́.

IJAI 5:30

Ɓá tā ba ndɔ̄ kógə̄ḿ anī, man̄ a ndán̄g gír de gə̄ ń toō, tītə̄ kōō bā bo kə́ ɓār̄ dan ń nél man̄ a əlań kə tɔ́gɔ́ tə́ ní beē. A a̰a̰n̄ ɓē, banī loo kə́ ndɔ̄ɔ́ ō, wur kɔl ō, a ɓír̄ gidə kɔ̄ɔ́. Kil̄ man̄ gə̄ kə́ ndulən̄ ndí ndí a utə̄n̄ dɔ loo kə́ unjə̄ kow kə́ kadaá kɔ̄ɔ́.

MATIYE 24:35

Dɔ rā̰ ō dɔ nang ō a mānə̄n̄, banī najə̄ yāḿ a mān̄ aĺ bátə́.

JEJU TEĒ KUM JA̰A̰ 20:11

Gō tə́ anī m-á̰a̰ kōr̄ kāgə̄ mbang kə́ bo kə́ ndaa ō, deē ń ndi dɔ tə́ ní ō. Dɔ nang ō, dɔ rā̰ ō, a̰ȳn̄ naā kɔ̄ɔ́ ta kumən tə́ ō, əngen̄ loo tām̄ yādə́ tə́ to̰ aĺ ō.

JEREMI 9:10

M-ā m̄-rāā Jerusalem kadə̄ to tītə̄ mbal̄ kə́ kán̄ dɔ naā tə́ ō, kadə̄ to tītə̄ loo ra tal̄ gə̄ ō. m-ā m̄-rāā ɓē kə́ Juda tə́ gə̄ kadə̄ télən̄ loo kə́ to kum ko̰ ō, de gə̄ a gətóon̄ kemeé ō.

JEREMI 2:12

Sḭḭ̄, dɔ rā̰ gə̄, ādə̄ yá̰á̰ ń noō ɔr kumsí. Ādə̄ ɓōĺ rāāsí tāmə̄n̄ n tə́ ō, ādə̄ kə̄ngā sā gān̄gsí ō. Najə̄ ń Kɔ́ɔ̄ɓē əda ní n noó.

NŌŌ RƆ̄ 3:2

Ni-aw̄ seḿ adə̄ m̄-njə̄rā kum loo kə́ risə til nding tə́ banī i kum loo kə́ unjə̄ kow tə́ alé.

JAKARI 14:6

Ndɔ̄ ngeé ń noō tə́ ní, deē a sāā nja loo kə́ unjə̄ kow to̰ alé. Kūl̄ a o̰o̰ to̰ aĺ ō, kūl̄ a rāā man̄ kadə̄ a tél kɔ̄sə̄ to̰ aĺ ō.