JEREMI 4:14 - Bibəl ta Sar̄

¹⁴ Ī-tə́go kem ndul kə́ kemií tə́ kɔ̄ɔ́ malang yā kadə̄ ə́ngeń gān̄g dɔ. I rə́ngáý tə́ n gir̄ kə́ majaĺ gə̄ a teēn̄ kemií tə́ kɔ̄ɔ́ ní?

Bible sar

¹⁴ Ī-tə́go kem ndul kə́ kemií tə́ kɔ̄ɔ́ malang yā kadə̄ ə́ngeń gān̄g dɔ. I rə́ngáý tə́ n gir̄ kə́ majaĺ gə̄ a teēn̄ kemií tə́ kɔ̄ɔ́ ní?

JEREMI 4:14 Referans Kwoze

JAKƏ 4:8

Ī-ndɔ́tī kə̄ rɔ̄ Nə́ɓā tə́, anī ni a ndɔ́tə̄ kə̄ rɔ̄sí tə́ ō. Sḭḭ̄ ngé kem jōó gə̄, ī-tə́goī ngarān̄g kemsí ādī unjə̄ njáý njáý.

KƏLA RĀĀ 8:22

Ní, ī-tūr̄ hálí dɔ yá̰á̰ kə́ majaĺ ń ī-sāā rāā tə́ ní. Ba ī-ndɔ̄ȳ Kɔ́ɔ̄ɓē, yā kadə̄ ré majanī ni m ā̰ȳ rɔ̄n dɔ gír̄ kə́ kemií tə́ n toō.

IJAI 55:7

Majə kadə̄ de kə́ majaĺ gə̄ əya̰n̄ háĺdə́ kɔ̄ɔ́. Majə kadə̄ nge rāā yá̰á̰ kə́ majaĺ əya̰ gír̄ yān kə́ to kem ndul gə̄ kɔ̄ɔ́. Majə kadə̄ de gə̄ malang tél reēn̄ kə̄ rɔ̄ Kɔ́ɔ̄ɓē tə́, tɔdɔ̄ kumən a o̰o̰n tām̄ yādə́ tə́. Majə kadə̄ de gə̄ malang tél reēn̄ kə̄ rɔ̄ Nə́ɓā yājí tə́, tɔdɔ̄ ni mā̰ȳ rɔ̄n ngá̰ý.

1 KORḚNTƏ 3:20

Tá ndangən̄ ɓáý to̰ na: Kɔ́ɔ̄ɓē ger̄ gír̄ yā ngé kum kedə̄ gə̄, ni-ger̄ kadə̄ i yá̰á̰ kə́ kanjə̄ kumən.

Makətūbə̄ ń Pol ndang adə̄ Rom gə̄ ní 1:21

Tɔdɔ̄ nin̄-gerə̄n̄ Nə́ɓā ba ɔsən̄ gɔnən aĺ ō, ndadə̄nən̄ sḛ́ý tītə̄ ń de gə̄ a rāān̄neé kə Nə́ɓāá ní aĺ ō. Ba gír̄ yā de gə̄ i gír̄ kə́ ro karī ō, ger̄ yá̰a̰ aĺ kə́ kemdə́ tə́ ənī til kumdə́ tə́ kɔ̄ɔ́ ō.

Najə̄ kə́ Majə yā Jeju ń Luk ndang ní 11:39

Anī Kɔ́ɔ̄ɓē ədan na: Sḭḭ̄ Parijiyḛ gə̄, ī-tə́goī gidə kópə ō, gidə səmbē kə́ laa ō, banī ngur ɓogə i ngá̰ý kemsí tə́ ō, kemsí ndul ngá̰ý ō.

JEREMI 13:27

M-ōō ndūí loo nōō ɓō dəngam tə́ ō, m-á̰a̰ī loo rāā rāȳ tə́ ō, loo rāā ájə́ba kə́ to rɔ̄sɔl̄ tə́ ō. M-á̰á̰ yá̰á̰ kə́ to yḛr kum yāí gə̄ ń ī-rāā dɔ ngán mbal̄ gə̄ tə́ ō, kem ndɔr̄ gə̄ tə́ ō ní. Rɔ̄ ndoō wa, Jerusalem! Ī-mbātə́ kun gōḿ yā tə́goń rɔ̄í kadə̄ unjə̄ i bátə́ ta kə́ rá?

Gōsə̄ najə̄ gə̄ 1:22

Sḭḭ̄ de kə́ kum gān̄g aĺ gə̄, a nel̄sí kə kum gān̄g aĺ yāsí i bátə́ ta kə́ rá? Ngé lur loo gə̄ a nel̄də́ lur loo i bátə́ ta kə́ rá ō, de kə́ mbóo gə̄ a mbātə́n̄ yá̰a̰ ger̄ i bátə́ ta kə́ rá ō?

PĀ GƏ̄ 66:18

Loo kə́ beé tə́ ré m̄-gír̄ i yá̰á̰ kə́ majaĺ kemḿ tə́ anī, Kɔ́ɔ̄ɓē a oō najə̄ yāḿ alé.

MATIYE 12:33

Ré kāgə̄ i kə majanī kanə̄n i kə́ majə ō, ré kāgə̄ i kə́ majanī kanə̄n i kə́ majaĺ ō. Tɔdɔ̄ a gerə̄n̄ kāgə̄ i kanə̄n tə́.

EJEKIEL 18:31

Ī-lōōī gíŕ yá̰a̰ rāāsí kə́ majaĺ gə̄ tə́. Ī-tūrī kemsí ō, ndíĺsí ō. Sḭḭ̄ Israel gə̄, ī-gḛyiī koy i najə̄ rí tə́?

PĀ GƏ̄ 119:113

Nelə̄m̄ kə ngé kem jōó gēé aĺ bátə́, banī ndū najə̄ yāí nelə̄m̄ ngá̰ý.

PĀ GƏ̄ 51:2

I dan ń ni sāā Batəseba nə̄yá̰ Uri ō Natan nge koō ta aw̄ rɔ̄n tə́ ō ní.

JEREMI 2:22

Ká ré ī-ndogə̄ man̄ i kə sabūnūú aké ī-ndogə̄ man̄ i kə sabūn̄ katāá gə̄gē anī, yá̰á̰ kə́ to yḛr kum ń ī-rāā ní a to ta kumḿ tə́ ɓáý. Najə̄ ń Kɔ́ɔ̄ɓē Nə́ɓā əda ní n noó.

JEREMI 6:19

Dɔ nang, ī-nēl̄ mbīí ōoń. Mā, m-ā m̄-rāā kadə̄ yá̰á̰ kə́ to kum kaȳ aĺ əsō dɔ gír de gə̄ ń toō tə́, i yá̰á̰ kə́ teē tū kəla rāādə́ gə̄ tə́. Nin̄ nēlə̄n̄ mbīdə́ oōnneé najə̄ kɔrə̄ḿ alé, kídə̄n̄ ndū najə̄ yāḿ gə̄.

JEREMI 17:1

Yá̰á̰ kə́ gōtə́ aĺ yā Juda i kə́ ndang kə gəreé ō, kə diyamā̰a̰ kə́ ta nīmbə́ ō. Ndangən̄ i ngarā̰ kemdə́ tə́ ō, i dɔ gajə loo tun̄ yá̰a̰ gə̄ tə́ ō.

JAKARI 8:17

Kɔ́ɔ̄ɓē ɔr̄ najə̄, əda na: Ī-lōōī gír̄ rāā yá̰á̰ kə́ majaĺ kə naá. Ī-mbātíī túbə̄ dɔ lám̄ tə́. Yá̰a̰ rāā kə́ majaĺ gə̄ malang ń noō ní, nelə̄m̄ aĺ ngá̰ý. I mā Kɔ́ɔ̄ɓē n m-ə́da najə̄ ń noō ní.

JEREMI 18:11

Ngɔlaā ní ɔ̄r̄ najə̄ kə de kə́ Juda tə́ gə̄ ō, kə de gə̄ ń ndin̄ Jerusalem tə́ ní ō, ə́dádə́ na: Najə̄ ń Kɔ́ɔ̄ɓē əda ní n toó: Á̰a̰ī, m̄-nóm̄ yá̰á̰ kə́ to kum kaȳ aĺ yā rāā sesí. m̄-gír̄ rāā yá̰á̰ kógə̄ḿ sesí. Ī-tūrī hálsí kógə̄ḿ kógə̄ḿ ba ə́ya̰ī yá̰a̰ kə́ majaĺ gə̄ kɔ̄ɔ́. Rɔ̄kum, ī-rāāī ādə̄ pā njə̄rāsí majə ō, kəla rāāsí majə ō.

JA̰A̰ 13:9

Simo̰ Piyer ədan na: Kɔ́ɔ̄ɓē, ré i beé anī, ā ī-tə́go i njaḿ ngóy alé, ā ī-tə́go jīḿ ō, dɔḿ ō.