JEREMI 4:13 - Bibəl ta Sar̄

¹³ Á̰a̰ī, madə̄ ba̰ā̰jí n a reē tītə̄ kil̄ man̄ yā kənījí rɔ̄ɔ̄ toó. Púsə rɔ̄ɔ̄ yān gə̄ ton̄ tītə̄ nél balway. Sə́nda yān gə̄ ɔlən̄ tɔȳ kə̄rō. Jḭḭ̄ i kə rɔ̄ tō ndoó tɔdɔ̄ nujən̄ sejí sák sák kɔ̄ɔ́.

Bible sar

¹³ Á̰a̰ī, madə̄ ba̰ā̰jí n a reē tītə̄ kil̄ man̄ yā kənījí rɔ̄ɔ̄ toó. Púsə rɔ̄ɔ̄ yān gə̄ ton̄ tītə̄ nél balway. Sə́nda yān gə̄ ɔlən̄ tɔȳ kə̄rō. Jḭḭ̄ i kə rɔ̄ tō ndoó tɔdɔ̄ nujən̄ sejí sák sák kɔ̄ɔ́.

JEREMI 4:13 Referans Kwoze

IJAI 19:1

Najə̄ yā ɓē kə́ Ejiptə. Kɔ́ɔ̄ɓē n toó: Ni-reē dɔ nang kə́ Ejiptə tə́, al̄ i dɔ kil̄ man̄ kógə̄ḿ kə́ ngɔ̄də̄ ngá̰ý tə́. Nə́ɓā kə́ rɔ̄kum aĺ gə̄ kə́ dɔ nang kə́ Ejiptə tə́ ndewn̄ non tə́ ō, tɔ́gə de kə́ Ejiptə gə̄ ur̄ wak kɔ̄ɔ́ ō.

IJAI 66:15

Tām̄ á̰a̰ī Kɔ́ɔ̄ɓē n toó: Ni a reē i kum hor tə́, púsə rɔ̄ɔ̄ yān gə̄ ton̄ tītə̄ nél man̄ kə́ əla kə ngangá ngá̰ý beē. Ni-reē i kɔjə wōn̄g yān kə́ to ɓōĺ ngá̰ý tə́ ō, i kəla ɓōló kem de gə̄ tə́ tə́ kə ta ndo̰ hor gēé ō.

HABAKUK 1:8

Sə́nda yādə́ gə̄ a̰ȳn̄ ngɔ̄də̄ tɔȳn̄ malya gə̄ ō, ɔlən̄ tɔȳn̄ soó gə̄ kə́ ngé kaw̄ ndo̰ó̰ loo tíbí gə̄. Ngé kal̄ sə́nda yādə́ gə̄ ḭḭn̄ i sa̰y n reēn̄ ō, nin̄-tḭ́ḭ̄n̄ bal ō. Nin̄ əlan̄ ngɔ̄də̄ tītə̄ kə̄rō kə́ a risə kə̄ dɔ dā̰ tə́ yā kəsan beé.

NŌŌ RƆ̄ 4:19

Ngé rāājí ndoō tə́ gə̄ ɔlən̄ tɔȳ kə̄rō kə́ dɔ rā̰ tə́ gə̄. Njadə́ ra gōjí tə́ dɔ mbal̄ gə̄ tə́, déwn̄ kem dəla loo tə́ yā kəsō sejí.

IJAI 5:28

Kum gərā yādə́ gə̄ i kə́ tadə́ atə limbēȳ limbēȳ, ga̰ gərā yādə́ gə̄ i kə́ kɔr gō malang. Hḛ̄l̄ nja sə́nda yādə́ gə̄ i kə́ ngan̄g tītə̄ mbal̄ beé ō, nja púsə́ sə́nda yādə́ gə̄ rə̄ngō tītə̄ nél man̄ kə́ əla kə ngangá ngá̰ý beē ō.

NAHUM 1:3

Kɔ́ɔ̄ɓē i de kə́ nge tə́gā tan ō, tɔ́gən i ngá̰ý ō. Banī deē ń najə̄ i dɔn tə́ ní, ni a əya̰n karī kanjə̄ kəndan alé. Dan ń ni a mān̄ anī, nél man̄ kə́ ngan̄g ngá̰ý əla. Kil̄ man̄ i bumbə́rú kə́ gír njan tə́.

IJAI 13:5

Kɔ́ɔ̄ɓē ō, ngé gə̄ ń a bə̄gān̄ wōn̄g yān ō ní, ḭḭn̄ i sa̰y ngá̰ý n a reēn̄ ní, ḭḭn̄ i ta ngóy dɔ rā̰ kə́ dām̄ kə́rēý tə́. Nin̄ a nujən̄ ɓē malang kɔ̄ɔ́.

NDŪ NAJƏ̄ 28:49

Ni a ɔy nápar de gə̄ kógə̄ḿ kə́ ḭ̄ ī-ger̄ kum najə̄ kɔr̄də́ aĺ gə̄, ta ngóy dɔ nang tə́ sa̰y yā reē ɓōkə́də́ dɔí tə́ tītə̄ kə̄rō kə́ a jə̄ngā kə̄ dɔ dā̰ tə́ yā kəhɔn beé.

JEREMI 4:31

M-ōō nōō rɔ̄ kə́ tītə̄ yā dəyá̰ kə́ a rāā kem ō, m-ōō kɔŕ kə́ tītə̄ yā dəyá̰ kə́ a ojə ngōn̄ kem mandən ō. I kɔŕ ngōmandə kə́ Siyo̰, koō gāngən. Ni ɔy jīn kə̄ dɔɔ́. Mā i kə rɔ̄ ndoó. M-ā m-óy sɔɔ̄ń ndéý kə́ al̄ naā yā ngé tɔ̄l̄ de gə̄.

JEJU TEĒ KUM JA̰A̰ 1:7

Á̰a̰ī, ni a reē dan kil̄ man̄ tə́ ō, de gə̄ malang a a̰a̰nən̄ kə kumdə́ ō, de gə̄ ń ɔsənən̄ kə nəngaá ní, a a̰a̰nən̄ ō. Gír ɓē gə̄ malang kə́ dɔ nang tə́ a nōōn̄ rɔ̄də́ najə̄ yān tə́ ō. A̰á̰ā̰, adə̄ i tītə̄ ń noō.

MATIYE 24:30

Loo ń noō tə́ yá̰á̰ kə́ ɔjə dɔ Ngōn̄ Deē a teē dɔ rā̰ tə́. Dan ngeé ń noō tə́ ní, gír ɓē kə́ dɔ nang tə́ gə̄ malang a sɔ̄mə́n̄, nin̄ a əndan̄ kadədə́ ō, a a̰a̰n̄ Ngōn̄ Deē loo reē tə́ dɔ kil̄ man̄ gə̄ tə́ dɔ rā̰ tə́, kə tɔ́gə́ kə́ ngá̰ý ō, kə kɔsə gɔn kə́ ngá̰ý ō.

OJEE 8:1

Ī-kɔ̄ríī tōw̄ gajə batə̄ yāsí gə̄ ī-tāāiń de gə̄. Yá̰á̰ kə́ to kum kaȳ aĺ a reē kə̄ dɔ ɓē yā Kɔ́ɔ̄ɓē tə́ tītə̄ kə̄rō kə́ a jə̄ngā beé. Kɔ́ɔ̄ɓē əda na: Nin̄-ɓōlə́n̄ gidə madə̄ naā yāḿ aĺ ō, ran̄ dɔ yá̰á̰ ń m̄-ndóōdə́ ní tə́ aĺ ō. mbātə́n̄ yá̰a̰ gə̄ ń m-ɔ́jə́də́ ní ō.

DANIEL 7:4

Nge kə́ ta kəga dɔ to tītə̄ ɓɔl ō, bɔ̄gə̄n gə̄ ton̄ tītə̄ bɔ̄gə̄ kə̄rō ō. m̄-na̰y kə̄ loo ka̰ā̰ tə́ anī ɔrə̄n̄ bɔ̄gə̄n gə̄ ō, un udənən̄ dɔɔ́ adə̄ ra dɔ njan kə́ gogə́ kə́ jōó gə̄ tə́ tītə̄ deē ō, adə̄nən̄ dan wur kə́ ger̄ najə̄ tītə̄ da n wur deē ō.

JEREMI 10:19

Rɔ̄ ndoō wa! Loo nujə sák sák kɔ̄ɔ́! J-ə́ngeī do kə́ dum̄ kedə̄. J-ə́daī na: I majaĺ yājí n noó. Yājí i kadə̄ jə-tə́gāī tají dɔ tə́.

2 SAMUEL 1:23

Saul nin̄ kə Jonatan, de gə̄ rāān̄ tɔdɔ̄də́ ngá̰ý. Dan ń nin̄ ndin̄ kə kumdə́, aké ndɔ̄ yodə́ tə́ ní, yá̰á̰ kógə̄ḿ gān̄gdə́ naā tə́ alé. Nin̄ ɔlən̄ tɔȳn̄ kə̄rō gə̄ ō, ngangə̄n̄ tɔȳn̄ ɓɔl gə̄ ō.

IJAI 3:8

Ɓē kə́ Jerusalem əsō, ɓē ko̰o̰ kə́ Juda teē əsō kərim. Nin̄ əsōn̄ wōn̄g ta tɔ́gə yā Kɔ́ɔ̄ɓē tə́. Rɔ̄ɔ̄n̄ Kɔ́ɔ̄ɓē kə najə̄ kɔr̄də́ ō, kə yá̰a̰ rāādə́ ō.

JEREMI 4:12

Néĺ kə́ əla kə tɔ́gɔ́ ngá̰ý ḭḭ nú a reē kum kə̄ dɔḿ tə́. Ngɔlaā ní, ta i dɔḿ tə́ tā, m̄-gḛy gān̄g sarya dɔdə́ tə́.

JEREMI 9:19

Dəyá̰ gə̄, ōōī najə̄ yā Kɔ́ɔ̄ɓē. Ādə̄ najə̄ kɔrə̄n əsō mbīsí tə́. Ī-ndóōī ngáńsí kə́ dəyá̰ gə̄ pā nōō yo, ī-ndóōī madə̄sí kə́ dəyá̰ gə̄ pā nōō rɔ̄ ō.

JEREMI 49:22

To i tītə̄ kə̄rō kə́ ḭḭ kum kə̄ dɔɔ́ ba nēl̄ ō, j-ā̰ā̰ bɔ̄gə̄n dɔ Bosra tə́ ō. Ndɔ̄ ń noō tə́ ní, kem go̰ rɔ̄ɔ̄ gə̄ kə́ Edom tə́ a to i tītə̄ kem dəyá̰ kə́ nge rāā kem beé.

EJEKIEL 26:10

Dan ń nin̄ a a̰ȳn̄ ngɔ̄də̄ anī, sə́nda yādə́ kə́ ngá̰ý gə̄ a rāān̄ kadə̄ bumbə́ru əga nding dɔí tə́. Kōō ngé kal̄ sə́nda gə̄ ō, kōō nja púsə rɔ̄ɔ̄ gə̄ ń a ndūbə̄rūn̄ ní ō, a rāān̄ ndogə̄ mbal̄ yāí gə̄ kadə̄ a ndewn̄. Nin̄ a udən̄ kem ɓēé kə ta róbə yāí gēé, tītə̄ ń deē a udəń kem ɓēé gō tɔ́sə̄ kə́ ni tɔ́sə̄ ndogə̄ mbal̄ kə́ gidə ɓēé mbutə tə́ ní.

EJEKIEL 38:9

Ḭ̄ ō, ngé rɔ̄ɔ̄ yāí gə̄ ō, ngé ɓoo rɔ̄də́ tū yāí tə́ gə̄ ń nin̄ i ngá̰ý ní ō, ā ə̄nīdə́ rɔ̄ɔ̄. Ā āwī kə̄ dɔdə́ tə́ i tītə̄ nél man̄ kə́ əla kə ngangá ngá̰ý beē ō, ā ī-taāī loo kem ɓē yādə́ tə́ malang tītə̄ kil̄ man̄ kə́ to tītə̄ mbal̄ bo beé.

DANIEL 11:40

Kum mban̄g kə́ ta ngóy tə́ anī mban̄g kə́ dām̄ mbɔ́r ɓē kə́ geleé tə́ a rɔ̄ɔ̄n̄ naā kə mban̄g kə́ dām̄ mbɔ́r ɓē kə́ ko̰ó̰ tə́. Banī mban̄g kə́ dām̄ kə́ mbɔ́r ɓē kə́ ko̰ó̰ tə́ a aw̄ láẃ kə̄ dɔn tə́ kə púsə rɔ̄ɔ̄ yān gə̄ ō, ngé kal̄ sə́nda yān gə̄ ō, too gə̄ ngá̰ý ō. Ni a ənda dɔ nin̄ dɔ nang gə̄ ngá̰ý yā mān̄ kə áskar yān gēé tītə̄ man̄ kə́ a un loo beé, yā kudəń kə̄ kem ɓē gə̄ tə́.

MISE 2:4

Kum mbang ngeé ń noō tə́ ní, de gə̄ a ənīn̄ pā ń toō sesí, a ənīn̄ pā yo ń toō: Táān̄ yá̰a̰ yājí gə̄ malang kɔ̄ɔ́. Gír deē yājí gə̄ aw̄n̄ kə dɔ nang to̰ alé. Ngé kɔy yá̰a̰ yājí gə̄ dɔ gúú tə́, kēgə̄n̄ naā ndɔr̄ yājí gə̄ dɔ dáńdə́ tə́. Nin̄ táān̄ yá̰a̰ yājí gə̄ malang kɔ̄ɔ́ i najə̄ rí tə́?

JEREMI 6:23

Nin̄ əlan̄ ga̰ gərā ō, nənga ō kum kə̄ dɔɔ́. Kumdə́ o̰o̰də́ aĺ ō, a̰a̰n̄ kum to ndoō yā deē aĺ ō. Kōōdə́ ɓār̄ tītə̄ kōō bā bo beé. Ngōmandə kə́ Siyo̰, nin̄ ndin̄ dɔ sə́nda gə̄ tə́, ba ran̄ kə ta naá tītə̄ ɓūtə̄ ngé rɔ̄ɔ̄ gə̄ kə́ aw̄n̄ kə̄ kənīí rɔ̄ɔ̄ tə́ beé.

JEREMI 46:18

Mban̄g ń rīn na i Kɔ́ɔ̄ɓē kə́ bo kə́ tɔ́gən i ngá̰ý ní əda na: Tītə̄ ń m̄-ndiń kə kumḿ noō, ni a reē, a to i tītə̄ mbal̄ Tabor kə́ ra dan mbal̄ madə̄n gə̄ tə́ beē ō, i tītə̄ mbal̄ Karmel kə́ ra dan bā bo tə́ beē ō!

JEREMI 48:40

Najə̄ ń Kɔ́ɔ̄ɓē əda ní n toó: To i tītə̄ māl̄ kə́ a nēl̄ ō, jā̰ bɔ̄gə̄n ō, dɔ ɓē kə́ Moab tə́ beē.

JAKARI 6:1

M-ún kumḿ kə̄ dɔɔ́ ɓáý to̰, anī m-á̰á̰ púsə rɔ̄ɔ̄ gə̄ sɔ́. Púsə rɔ̄ɔ̄ gə̄ ní njə̄rān̄ kumdə́ kə̄ kété, ba i dɔ dán mbal̄ bo gə̄ jōó tə́. Rāān̄ mbal̄ bo gə̄ ní i kə gində̄ nə̄ngá kasaá.