JEREMI 4:11 - Bibəl ta Sar̄

¹¹ Kem ndɔ̄ gə̄ ń noō tə́ ní, de gə̄ a ədan̄ gír de gə̄ ń toō ō, Jerusalem ō na: Nél kə́ təngā piling əla dɔ loo kə́ kḭḭ kə̄ dɔɔ́ gə̄ tə́ ō, kem dəla loo tə́ ō, aw̄ kum kə̄ dɔ gír deē yāḿ gə̄ tə́. Ni-aw̄ i kə̄ tó yá̰á̰ tə́ aĺ ō, kɔy tə́ aĺ ō.

Bible sar

¹¹ Kem ndɔ̄ gə̄ ń noō tə́ ní, de gə̄ a ədan̄ gír de gə̄ ń toō ō, Jerusalem ō na: Nél kə́ təngā piling əla dɔ loo kə́ kḭḭ kə̄ dɔɔ́ gə̄ tə́ ō, kem dəla loo tə́ ō, aw̄ kum kə̄ dɔ gír deē yāḿ gə̄ tə́. Ni-aw̄ i kə̄ tó yá̰á̰ tə́ aĺ ō, kɔy tə́ aĺ ō.

JEREMI 4:11 Referans Kwoze

OJEE 13:15

Dan ń Epəraim tɔgə dan ngákó̰o̰n gə̄ tə́ anī, nél kə́ dūn̄ ɓē tə́ reē, néĺ ní ḭḭ i dəla loo tə́. I mā Kɔ́ɔ̄ɓē n m-ə́la seneé ní. Loo ń noō tə́ ní, loo gə̄ ń man̄ gə̄ a əɓan̄ tū tə́ ní, man̄ kə́ tū tə́ gə̄ gətóon̄ kɔ̄ɔ́ ō, kem bəlo man̄ gə̄ tutən̄ kɔ̄ɔ́ ō. Nél un yá̰a̰ kənge aw̄ń kɔ̄ɔ́, ni-ɔy yá̰a̰ malang kə́ gātə̄n i ngá̰ý aw̄ń kɔ̄ɔ́.

EJEKIEL 17:10

Əhɔn̄ kāgə̄ nduú ní majə, banī ni asə rāā rɔ̄n alé. Ré néĺ kə́ dūn̄ ɓē tə́ a əla dɔn tə́ anī, ni a tutə malang kɔ̄ɔ́. Ni a tutə kɔ̄ɔ́ dɔ nang ń sɔɔ̄ kadə̄ ni tɔgə tū tə́ ní.

Najə̄ kə́ Majə yā Jeju ń Luk ndang ní 3:17

Ni-əhɔ yá̰á̰ tóó yá̰a̰ jīn tə́. Ni a ɔy njár̄ kōō kə́ kem ngárāá kə̄ kem mō̰ȳ yān tə́, ba təsán tá a róō kum hor kə́ a oy aĺ bátə́ tə́.

MATIYE 3:12

Yá̰á̰ tóó yá̰a̰ i jīn tə́. Ni a ɔr̄ njár̄ kōō tayā ō, a ɔr̄ təsá kōō tayā ō. Ni a ɔy njár̄ kōō yān kə́ kem gárāá kə̄ mō̰yō̰ó̰, ba təsán tá a róō kum hor kə́ a oy aĺ bátə́ tə́.

OJEE 13:3

I tām̄ najə̄ noō tə́ n nin̄ a ton̄ tītə̄ kil̄ man̄ kə́ dəloí ní. A ton̄ tītə̄ man̄ kə́ tə́sō kok kok kə́ iī láẃ kɔ̄ɔ́ beē. A ton̄ tītə̄ mu kə́ nél un loo kənda kōō gémē tə́ aw̄ń sa̰y kɔ̄ɔ́ beē. A ton̄ tītə̄ sa hor kə́ teē ta bəlo kógə̄ḿ tə́ beē.

EJEKIEL 19:12

Banī ɔr̄nən̄ kə wōn̄g gēé ənīnən̄ nang tə́. Néĺ kə́ dūn̄ tə́ tutə kanə̄n gə̄, adə̄ kanə̄n gə̄ tə́sōn̄ nang tə́. Ta jīn kə́ ngan̄g gə̄ ní tutən̄ kɔ̄ɔ́ ō, hor o̰o̰də́ ō.

NŌŌ RƆ̄ 4:6

Ngōmandə ń toō ń rāā rɔ̄n i gír deē yāḿ gə̄ tə́ ní, rāā yá̰á̰ kə́ majaĺ ngá̰ý tɔȳ yā Sodom ń rāā yá̰á̰ kə́ gōtə́ aĺ á nujən̄ seneé gidə kógə̄ḿ kanjə̄ kadə̄ jī deē ɔdən ní.

NŌŌ RƆ̄ 4:3

Tal̄ gə̄ gə̄gē a, adə̄n̄ ngáńdə́ gə̄ mba adə̄ ilən̄ ō, adə̄n̄də́ yá̰á̰ adə̄ əsan̄ ō. Banī ngōmandə ń toō ń rāā rɔ̄n i gír deē yāḿ gə̄ tə́ ní, kumən o̰o̰n alé, tītə̄ burum kə́ dəla loo tə́ beé.

NŌŌ RƆ̄ 3:48

Man̄ kumḿ a̰ȳ tɔdɔ̄ gír deē yāḿ gə̄ ń rāān̄ rɔ̄də́ i dəyá̰ kə́ mandə tə́ ní, nujən̄ kɔ̄ɔ́.

NŌŌ RƆ̄ 2:11

Man̄ nōō utə̄ kumḿ ō, kemḿ təngām̄ ngá̰ý ō. Tɔ́gə́ḿ gətóo kɔ̄ɔ́ adə̄ m-ə̄sō m-ɔ́də nang. Tɔdɔ̄ ngōmandə yā gír deē yāḿ gə̄ nujə kɔ̄ɔ́ ō. ngán kə́ dūú gə̄ ō, kə́ ta mba tə́ gə̄ ō, ton̄ kə́ yo tə́ ndágə loo gə̄ kə́ kem ɓēé tə́.

JEREMI 23:19

Á̰a̰ī nél ń əla kə tɔ́gɔ́ noō i wōn̄g yā Kɔ́ɔ̄ɓē kə́ ngá̰ý n ḭḭ seneé ní. Nél balway əla kə ngangá ngá̰ý kum kə̄ dɔ de gə̄ ń najə̄ i dɔdə́ tə́ ní.

JEREMI 14:17

Ḭ̄ ā ə́dádə́ najə̄ ń toō: m̄-ndi i kə man̄ nōó kumḿ tə́ ndɔ̄ɔ́ ō, kadaá ō, kanjə̄ dəba. Tɔdɔ̄ yá̰á̰ kə́ to kum ko̰ ngá̰ý nujə kə ngōmandə ń i gír deē yāḿ gə̄ ní.

JEREMI 9:7

Ndo̰də́ i kum gərā kə́ ta katə. Nin̄ ɔrə̄n̄ i najə̄ kə́ sor̄ gə̄. Ɔrə̄n̄ najə̄ kem sɔl̄ lɔm kə madə̄də́ gēé i kə tadə́ karī, ba əyān̄ gūmbə̄ ngarā̰ kemdə́ tə́ a ngóōn̄neédə́.

JEREMI 9:1

Ré de gə̄ adə̄mə̄n̄ loo ɓɔ̄ɔ̄ rɔ̄ yā ngé njə̄rā mbā kə jámbal gə̄ dəla loo tə́ anī, m-ā m-ə́yá̰ gír deē yāḿ gə̄ kɔ̄ɔ́ ō, m-ā m-ɔ̄r̄ rɔ̄ḿ kɔ̄ɔ́ rɔ̄də́ tə́ ō. Nin̄ malang i ngé sāā naā gír naā tə́ ō, ngé kɔr̄ gír naā gə̄ ō.

JEREMI 8:19

De kə́ dɔ nang kə́ sa̰y ngá̰ý tə́ gə̄ oōn̄ kɔŕ nōō rɔ̄ yā gír deē yāḿ gə̄. Kɔ́ɔ̄ɓē gətóo Siyo̰ a? Mban̄g yān gətóo looneé a? I tām̄ rí tə́ á adə̄mə̄n̄ wōn̄g kə ɓesə̄ yādə́ gə̄ ń i yá̰á̰ kə́ kanjə̄ kumən gə̄ kə́ kḭḭ loo kə́ rang tə́ ní?

IJAI 64:6

Deē ɓāríī to̰ alé, deē ndól̄ dɔ ɓīī tə́ yā tə́ya̰ gōí tə́ to̰ alé. Tām̄ ī-ndigə ka̰a̰jí to̰ aĺ ō, ə́yá̰jí kem jī yá̰a̰ rāājí kə́ gōtə́ aĺ gə̄ tə́ ō.

IJAI 41:16

Ā ī-tə́nīdə́ kum kə̄ dɔɔ́ ō, nél a aw̄ sedə́ kɔ̄ɔ́ tītə̄ ń aw̄ń kə muú kɔ̄ɔ́ ní ō. Nél man̄ kə́ əla kə tɔ́gɔ́ a ɔydə́ yā kaw̄ sedə́ kə̄ loo gə̄ tə́. Banī ḭ̄ ā ə́ga kɔŕ rɔ̄nel̄ najə̄ yā Kɔ́ɔ̄ɓē tə́, ā ə́nda kadií najə̄ yā Nə́ɓā kə́ táĺ yā Israel tə́.

IJAI 27:8

I beé alé, banī ni əndadə́ i mbée tām̄ majaĺ yādə́ tə́ kə ta kūl̄ tə̄ɓādə́ kɔ̄ɔ́, kə ta kūl̄ kəla sedə́ dɔ ɓē kə́ rang tə́ dɔ gúú tə́. Ni ɔydə́ kɔ̄ɔ́ kə ta kūl̄ koōn kə́ teē kə tɔ́gɔ́, tītə̄ kə́ i kə néĺ kə́ ngan̄g kə́ dūn̄ tə́ beē.

IJAI 22:4

I tām̄ najə̄ ń toō tə́ n m-ə́dásí najə̄ ń toō ní: Ə̄ndāī kumsí gōḿ tə́ to̰ alé, ə́ya̰mī ādə̄ m̄-nōō kə wur katāá. Nujən̄ gír deē yāḿ gə̄ kɔ̄ɔ́, ba ī-lōōī nāā sɔl̄ kemḿ.

NŌŌ RƆ̄ 4:10

Dəyá̰ gə̄ ń i de gə̄ kə́ kadə̄ kumdə́ o̰o̰də́ ngá̰ý ní ndīrə̄n̄ ngán kemdə́ gə̄ kə jīdə́. Ngáńdə́ gə̄ télən̄ i yá̰a̰ kəsa yādə́, tɔdɔ̄ ngōmandə ń rāā rɔ̄n i gír deē yāḿ gə̄ tə́ ní, əsō tétə̄ rárák kɔ̄ɔ́.

PĀ GƏ̄ 11:6

Ādə̄ ni-rāā yā̰l̄ hor ō, hor bursu ō adə̄ edən̄ kə́ man̄ tə́ dɔdə́ tə́. Ādə̄ nél man̄ bā kə́ bo undə́ no kem! Yá̰a̰ kəndā nja yādə́ n noó.

JEREMI 4:12

Néĺ kə́ əla kə tɔ́gɔ́ ngá̰ý ḭḭ nú a reē kum kə̄ dɔḿ tə́. Ngɔlaā ní, ta i dɔḿ tə́ tā, m̄-gḛy gān̄g sarya dɔdə́ tə́.

JEREMI 13:24

M-ā m̄-tə̄ndā m̄-tḭ̄ḭ̄də́ tītə̄ buĺ mu kə́ néĺ kə́ mángá ɔy dáyń beé.

HABAKUK 1:6

Babilon gə̄ ń i gír de kə́ ngé rāā yá̰a̰ kə dɔ́nɔ́ gə̄ ō, kumdə́ o̰o̰də́ aĺ ō ní, m-ā m̄-reē sedə́. Nin̄-aw̄n̄ kə̄ loo gə̄ tə́ malang dɔ nang tə́ yā taā gō nang gə̄ ń i yādə́ aĺ ní.

HABAKUK 1:11

Nin̄ mānə̄n̄ tītə̄ nél man̄ kə́ əla kə tɔ́gɔ́ ō, aw̄n̄ loo yādə́ ō. Tām̄ yādə́ nin̄ tə́ ɓáa, yá̰á̰ kə́ ngá̰ý yādə́ i tɔ́gə́də́. Tɔ́gə́də́ i nə́ɓā yādə́.

OJEE 4:19

Nél a ɔydə́ gidə bɔ̄gə̄n tə́ yā kaw̄ sedə́ kɔ̄ɔ́ ō, rɔ̄də́ a sɔl̄də́ tām̄ yá̰a̰ tun̄ yādə́ gə̄ tə́ ō.