JEREMI 4:1 - Bibəl ta Sar̄

¹ Israel, ré ī-tél ī-reē anī, majə kadə̄ ī-reē i rɔ̄ḿ mā tə́.

Bible sar

¹ *Israel, ré ī-tél ī-reē anī, majə kadə̄ ī-reē i rɔ̄ḿ mā tə́.

JEREMI 4:1 Referans Kwoze

JOEL 2:12

Kɔ́ɔ̄ɓē ɔr̄ najə̄ əda na: Ngɔlaā ní, ī-teliī kə̄ rɔ̄ḿ tə́ kə ngarā̰ kemsí malang. Ī-*ndiī ɓō tām̄ yāḿ tə́ ō, ī-nōōī ō, ī-sɔ̄míī ō.

JEREMI 3:22

Ngáń kə́ ngé túy taā kem gə̄ ī-tél ī-reēī, m̄-ndigə rāā kadə̄ gír túy taā kem yāsí gān̄g kɔ̄ɔ́. Jḭḭ n toó! Jḭḭ i tām̄ yāí tə́. Rɔ̄kum i ḭ̄ n i Kɔ́ɔ̄ɓē Nə́ɓā yājí ní.

EJEKIEL 43:9

Ngɔlaā ní a asə ngán Israel gə̄ rāā ájə́ba. Nin̄ a ɔyn̄ nīń mban̄g yādə́ gə̄ yā kaw̄ń sa̰y kɔ̄ɔ́ rɔ̄ḿ tə́ ō, m-ā m̄-ndi dandə́ tə́ i kə́ njɔ́ḿ gə̄ tə́ ō.

JEREMI 25:5

Ni ədasí na: Ī-tūrī háĺsí kə́ majaĺ gə̄ ō, ə́ya̰ī gō kəla rāāsí kə́ gōtə́ aĺ gə̄ ō kɔ̄ɔ́, anī ā ī-ndiī dɔ nang ń Kɔ́ɔ̄ɓē adə̄sí sḭḭ̄ ō, kaasí gə̄ ō, kété jóo, i kə́ njɔ́ḿ gə̄ tə́ ní.

JEREMI 3:12

Āw̄, ə̄nī mbēr̄ ń toō dām̄ mbɔ́r ɓē kə́ ko̰ó̰ tə́ ə́da na: Israel kə́ nge túy taā kem yān, ī-tél ī-reē tā. Najə̄ ń Kɔ́ɔ̄ɓē əda ní n noó. Ndíĺsí a a̰ȳ ta kumḿ tə́ to̰ alé. Rɔ̄kum, mā i de kə́ sew. M-ā m̄-rāā wōn̄g sesí kə́ njɔ́ḿ gə̄ tə́ alé. Najə̄ ń Kɔ́ɔ̄ɓē əda ní n noó.

JEREMI 3:1

Ré de kə́ dəngam mbātə́ nə̄yá̰n adə̄ aw̄ taā de kə́ rang anī, a tél yā taān gogə́ ɓáý a? dəyá̰ ní tél i loo kə́ yḛr kə́ njɔ́ḿ gə̄ tə́ aĺ a? Ba ḭ̄ ń ī-sāā dəngam gə̄ loo ájə́ba tə́ ngá̰ý ní, ā ī-tél yā reē jīḿ tə́ a? Najə̄ ń Kɔ́ɔ̄ɓē əda ní n noó.

TA KƏLA 35:2

Jakob əda de kə́ kújú gōn tə́ gə̄ ō, de gə̄ ń seneé malang ní ō na: Ī-ró̰yī ɓesə̄ gə̄ ń i nə́ɓā kə́ tə̄rā gə̄ ní dɔ dáńsí tə́ kɔ̄ɔ́. Ī-rāāī yá̰á̰ kə́ yā kunəń majaĺ ń tákə̄sí ní kɔ̄ɔ́ ō, ī-tə́laī kūbə̄ kə́ rang gə̄ rɔ̄sí tə́ ō.

OJEE 14:1

De kə́ Samari gə̄ a əgān̄ kə̄rā yá̰a̰ rāādə́ kə́ gōtə́ aĺ gə̄, tɔdɔ̄ nin̄ mbātə́n̄ najə̄ gō Nə́ɓā yādə́ tə́. Nin̄ a oyn̄ ta rɔ̄ɔ̄ tə́ ō, a rējə̄n̄ ngáń kásə̄ yādə́ gə̄ ō, a njarən̄ kem dəyá̰ yādə́ gə̄ kə́ ndānə̄n̄ ngán gə̄ ō.

OJEE 2:2

Loo ń noō tə́ de kə́ Juda gə̄ ō, de kə́ Israel gə̄ ō, a télən̄ yā ɓoo naā gogə́. Nin̄ a əndān̄ ngār kə́ kógə̄ḿ beē dɔdə́ tə́ ō, nin̄ a télən̄ Kɔ́ɔ̄ ɓē gə̄ ō. Ndɔ̄ ń noō i ndɔ̄ kə́ bo yā Jisreel.

2 YÁ̰A̰ GƏ̄ 33:8

yá̰a̰ gə̄ malang ń m̄-ndang kadə̄ yā rāā ní ō, ndū najə̄ gə̄ ō, jī bēl̄ loo rāā yá̰a̰ gə̄ ō ń m̄-ndang m-ādə̄ ngán Israel gə̄ kə ta kūl̄ Moijə ní, ré ngán Israel gə̄ əndān̄ kumdə́ gírí malang rāān̄ anī, m-ā m̄-rā sedə́ kə gúu ta teē kɔ̄ɔ́ kem ɓē ń m-ādə̄ kaadə́ gə̄ tə́ ní to̰ alé.

2 YÁ̰A̰ GƏ̄ 15:8

Dan ń Asa oō najə̄ gə̄ ń noō ō, najə̄ gə̄ ń Oded nge koō ta ɔr̄ kə́ nge koō ta tə́ ō ní anī, ənge tɔ́gə adə̄ ni-rāā adə̄ ɓesə̄ gə̄ gətóon̄ kɔ̄ɔ́ dɔ nang kə́ Juda tə́ malang ō, dɔ nang yā Benjamḛ tə́ ō, kem ɓē gə̄ ń ni táādə́ gō nang kə́ mbalá yā Epəraim tə́ ní ō. Ni-rāā loo tun̄ yá̰a̰ yā Kɔ́ɔ̄ɓē ń ra ta ngōn̄ kújə́ kə́ ta róbə́ kújə yā Kɔ́ɔ̄ɓē tə́ ní adə̄ to kijə ō.

2 MBAN̄G 23:24

Josias rāā adə̄ ngé koō ta de kə́ koy gə̄ ō, kɔdə̄ sāā gə̄ ō, ɓesə̄ Terapim gə̄ ō, gotə ɓesə̄ kə́ rang gə̄ ō, gətóon̄ kɔ̄ɔ́ malang dɔ nang kə́ Juda tə́ ō, kem ɓē kə́ Jerusalem tə́ ō. Ni-rāā yá̰á̰ ń ndangən̄ kem makətūbə̄ ndū najə̄ ń Hilkia ngol ngé tun̄ yá̰a̰ gə̄ ənge kem kújə yā Kɔ́ɔ̄ɓē tə́ ní.

2 MBAN̄G 23:13

Ni-rāā adə̄ majaĺ tákə̄ loo ndɔ̄ȳ gə̄ ń ran̄ sɔɔ̄ ta ɓē kə́ Jerusalem ní. Ré deē ra mbal̄ kāgə̄ olibə gə̄ tə́ anī, loo ndɔ̄ȳ gə̄ ní ran̄ i kə̄ dām̄ mbɔ́r ɓē kə́ geleé tə́. Salomo̰ mban̄g kə́ Israel rāā loo ndɔ̄ȳ gə̄ ní kété adə̄ i Astarte ń i ɓesə̄ kə́ majaĺ ngá̰ý yā Sidon gə̄ ní ō, adə̄ i Kemos ń i ɓesə̄ kə́ majaĺ ngá̰ý yā Moab gə̄ ō, Milkom ń i ɓesə̄ kə́ majaĺ ngá̰ý yā Amon gə̄ ní ō.

1 SAMUEL 7:3

Tā anī Samuel ədadə́ na: Ré ī-tél ī-reēī rɔ̄ Kɔ́ɔ̄ɓē tə́ i kə kemsí malang anī, ɓesə̄ yā tə̄rā gə̄ ō, ɓesə̄ Astarte gə̄ ō, kə́ dɔ dáńsí tə́ ní, ī-ró̰yīdə́ kɔ̄ɔ́ ō, ə́hɔī gō Kɔ́ɔ̄ɓē ō, i ni ngóy n ā ī-rāāī kəla yān ō ní. I loo ń noō tə́ ń ni a ɔr̄sí kɔ̄ɔ́ jī Pilistin gə̄ tə́ ní.

NGÉ SARYA 10:16

Gō tə́ anī ró̰ȳn̄ ɓesə̄ yā tə́rā gə̄ ń udən̄ loodə́ ní kɔ̄ɔ́ ba tél rāān̄ kəla yā Kɔ́ɔ̄ɓē. Adə̄ Kɔ́ɔ̄ɓē asə tə́gā tan dɔ ko̰y yādə́ tə́ to̰ alé.

OJEE 7:16

Ré a tél a reēn̄ i kə̄ rɔ̄ deē kógə̄ḿ tə́ anī, i kə̄ rɔ̄ḿ mā tə́ alé. Nin̄ ton̄ i tītə̄ ga̰ gərā kə́ rugə beé. Ngār yādə́ gə̄ a oyn̄ ta rɔ̄ tə́, tɔdɔ̄ nin̄ ɔrə̄n̄ najə̄ kə́ majaĺ dɔḿ tə́. Ba de gə̄ a mbóōn̄ sedə́ dɔ nang kə́ Ejiptə tə́.

EJEKIEL 18:13

Ni-adə̄ nar yān loo tə̄nā tə́ yā kəngeń manə̄n dɔ tə́ ō, yā kəngeń yá̰á̰ gírí ō. Ngōn̄ ń noō ní a ndi kə kumneé a? Rɔ̄kum, a ndi kə kumneé alé! Yá̰á̰ kə́ majaĺ ngá̰ý gə̄ malang ń noō ni-rāādə́. Adə̄ ni a oy ō, najə̄ yon a tél yā kəsō i dɔn nəkɔ́ tə́ ō.

EJEKIEL 11:18

Ré ī-tél ī-reē ūgī gogə́ anī, kəla kə́ majaĺ ngá̰ý gə̄ ń de kə́ kemeé gə̄ a rāān̄ adə̄n̄ nə́ɓā kə́ rɔ̄kum aĺ gə̄ ní, ā ī-rāāī kadə̄ a gətóo kɔ̄ɔ́.

JEREMI 36:3

Majanī de kə́ Juda tə́ gə̄ a əndān̄ ma̰ȳ yá̰á̰ kə́ to rɔ̄ tō ndoō gə̄ malang ń m̄-gír̄ kadə̄ rāādə́ ní, adə̄ náā nəkɔ́ ɓáa a tūr̄ hálən ō, m-ā m-ásə mā̰ȳ rɔ̄ḿ dɔ yá̰á̰ kə́ gōtə́ aĺ yādə́ gə̄ tə́ ō, dɔ majaĺ yādə́ gə̄ tə́ ō.

JEREMI 35:15

m̄-to dan kəla ngé kəla yāḿ gə̄ ń i ngé koō ta gə̄ ní kə̄ rɔ̄sí tə́ kadə̄ ədan̄sí na: Sḭḭ̄ kógə̄ḿ kógə̄ḿ malang ní ī-tūrī háĺsí kə́ majaĺ gə̄ rɔ̄kum, ī-tūrī yá̰a̰ rāāsí gə̄ ō, ī-lōōī ngɔ̄də̄ gō nə́ɓā kə́ rang gə̄ yā ndɔ̄ȳdə́ ō. Anī ā ī-ndiī dɔ nang ń m-ādə̄ kaasí gə̄ ō, madə̄sí sḭḭ̄ ō ní tə́. Banī sḭḭ̄ ī-nēlī mbīsí ōōīneé najə̄ yāḿ alé.

JEREMI 24:9

M-ā m-ūtə̄ kumḿ njárárá, ba m-ā m̄-rāādə́ kadə̄ télən̄ yá̰á̰ kə́ to ɓōĺ tām̄ yā ɓē ko̰o̰ gə̄ malang kə́ dɔ nang tə́ tə́. A ənīn̄ pā sedə́ ō, a lurən̄də́ ō, a tájə̄n̄də́ ō, a ndɔ̄lə́n̄də́ ō, kə gō loo gə̄ malang ń m̄-tə̄ndā m̄-tḭ̄ḭ̄də́ tū tə́ tə́ ní.

JEREMI 15:4

M-ā m̄-rāā kadə̄ télən̄ yá̰á̰ kɔjə kə́ to ɓōĺ ngá̰ý ta kum ɓē ko̰o̰ gə̄ malang kə́ dɔ nang tə́. M-ā m̄-rāā tītə̄ ń noō i najə̄ yā Manase ngōn̄ Ejekias, mban̄g kə́ Juda tə́, tām̄ yā yá̰a̰ malang ń ni-rāā Jerusalem tə́ ní.

JEREMI 4:4

De kə́ Juda tə́ gə̄ ō, de kə́ kem ɓē kə́ Jerusalem tə́ gə̄ ō, ə́jaī mɔtəsí tām̄ yā Kɔ́ɔ̄ɓē tə́, ə́jaī mɔtə kə́ dan wursí tə́. Ré i beé aĺ anī, wōn̄g yāḿ a ndūbə̄ tītə̄ hor yā ko̰o̰ loo kanjə̄ kadə̄ deē asə tɔ̄l̄ ɔjəń dɔ kəla rāāsí kə́ majaĺ ngá̰ý gə̄.

JEREMI 3:14

Ngáń kə́ ngé túy taā kem gə̄ ī-tél ī-reēī! Tɔdɔ̄ i mā n i Kɔ́ɔ̄ɓē ní. Najə̄ ń Kɔ́ɔ̄ɓē əda ní n noó. M-ā m-ɔ́ýsí kógə̄ḿ, kógə̄ḿ kə dɔ ɓē gēé ō, jōó jōó kə dɔ gír kaa gēé ō, yā kaw̄ sesí Siyo̰.

IJAI 31:6

Israel gə̄, sḭḭ̄ ī-tūrī gidəsí kɔ̄ɔ́ ta Kɔ́ɔ̄ɓē tə́. I beé ní, ī-tél ī-reēī kum kə̄ rɔ̄n tə́.

JOJUE 24:14

Anī Jojue tél əda na: Ngɔlaā ní, ī-ɓōlíī ndíĺ Kɔ́ɔ̄ɓē ō, ī-rāāī kəla kə ngarā̰ kemsí malang ādīin̄ ō, ī-raī dɔ ndūsí tə́ ō. Ɓesə̄ gə̄ ń kaasí gə̄ a rāān̄ gidə bā tə́ ō, dɔ nang kə́ Ejiptə tə́ ō ní, ī-ró̰yīdə́ kɔ̄ɔ́ ba ī-rāāī kəla yā Kɔ́ɔ̄ɓē.

NDŪ NAJƏ̄ 27:15

Deē ń a tə́gā kāgə̄ yā kudə ɓesə̄ tə́, aké a nō gində̄ horoó yā tɔ́sə̄ ba rāā kum gotə yá̰á̰ kə́rēý tə́ yā ndɔ̄ȳ loo mundə̄ tə́ jəke ní, ndɔ̄ĺ i dɔn tə́. Tɔdɔ̄ yá̰á̰ kə́ beé gə̄ ń de gə̄ rāān̄ kə jīdə́ ní, i yá̰á̰ kə́ to yḛr kum gə̄ ta kum Kɔ́ɔ̄ɓē tə́. Loo ń noō tə́ de gə̄ malang a ədan̄ na: A̰á̰ā̰ ādə̄ i tītə̄ ń noō.

NDŪ NAJƏ̄ 4:30

Ré yá̰a̰ gə̄ ń m̄-tāāsí najə̄n malang toó reē ugə̄n̄ dɔsí tə́ adə̄ ī-ndiī dan wur kɔl tə́ anī, ā ī-téliī yā reē rɔ̄ Kɔ́ɔ̄ɓē Nə́ɓā yāsí tə́ ō, yā koō najə̄ kɔrə̄n gogə́ rang ō.

JEREMI 7:3

Najə̄ ń Kɔ́ɔ̄ɓē kə́ bo kə́ tɔ́gən i ngá̰ý, Nə́ɓā yā Israel əda ní n toó: Ī-tūrī háĺsí ō, yá̰a̰ rāāsí gə̄ ō, anī m-ā m-ə́yá̰sí kadə̄ ā ī-ndiī loo ní tə́.

JEREMI 7:5

Ba ī-tūrī háĺsí ō, yá̰a̰ rāāsí gə̄ ō, ādī de gə̄ yá̰á̰ kə́ sɔɔ̄ dɔdə́ kógə̄ḿ kógə̄ḿ ō,

JEREMI 7:7

Ta anī m-ā m-ə́yá̰sí kadə̄ ī-ndiī loo ń toō tə́, kem ɓē ń m-ādə̄ kaasí gə̄ i jóo kə́ njɔ́ḿ gə̄ tə́ ní.

JEREMI 15:19

I tām̄ ń toō tə́ n Kɔ́ɔ̄ɓē ɔr̄ najə̄ tītə̄ ń toō beé ní: Ré ī-tél ī-reē rɔ̄ḿ tə́ anī, m-ā m̄-rāā kadə̄ ī-tél ī-reē gogə́ loo kəla yāí tə́ ta kumḿ tə́. Ré ɔ̄r̄ najə̄ kə́ kə kumneé gə̄ ba ə́yá̰ gíŕ ngé kə́ diring diring gə̄ kɔ̄ɔ́ anī, najə̄ kɔrīí a tél i najə̄ kɔrə̄ḿ mə̄kɔ́. Adə̄ i gír deē yāḿ gə̄ n a télən̄ yā reē rɔ̄í tə́, ba i ḭ̄ n ā ī-tél yā kaw̄ rɔ̄də́ tə́ alé.

JEREMI 18:11

Ngɔlaā ní ɔ̄r̄ najə̄ kə de kə́ Juda tə́ gə̄ ō, kə de gə̄ ń ndin̄ Jerusalem tə́ ní ō, ə́dádə́ na: Najə̄ ń Kɔ́ɔ̄ɓē əda ní n toó: Á̰a̰ī, m̄-nóm̄ yá̰á̰ kə́ to kum kaȳ aĺ yā rāā sesí. m̄-gír̄ rāā yá̰á̰ kógə̄ḿ sesí. Ī-tūrī hálsí kógə̄ḿ kógə̄ḿ ba ə́ya̰ī yá̰a̰ kə́ majaĺ gə̄ kɔ̄ɔ́. Rɔ̄kum, ī-rāāī ādə̄ pā njə̄rāsí majə ō, kəla rāāsí majə ō.

JAKARI 1:4

Ī-lōōī ndájə̄ kaasí gə̄. Kété ní, m-ə̄ndā ɓār̄ yāḿ ta ngé koō ta gə̄ tə́ adə̄ ɓārə́n̄də́, ədan̄ na: Ī-lōōī gíŕ háĺsí kə́ majaĺ tə́ ō, gíŕ yá̰a̰ rāāsí gə̄ kə́ majaĺ tə́ ō. Banī nin̄ oōn̄ najə̄ yāḿ aĺ ō, usədə́ dɔḿ tə́ aĺ ō.

2 YÁ̰A̰ GƏ̄ 34:33

Josias bā ta yá̰á̰ kə́ to yḛr kum gə̄ ń de gə̄ a rāān̄ dɔ nang kə́ Israel tə́ ní kɔ̄ɔ́ ō, ra kə de kə́ kem ɓēé gēé ta rɔȳ Kɔ́ɔ̄ɓē Nə́ɓā yādə́ ō. Adə̄ dan ń Josias ndi kə kumneé ní nin̄ tūrə̄n̄ gidədə́ kɔ̄ɔ́ ta Kɔ́ɔ̄ɓē Nə́ɓā yā kaadə́ gə̄ tə́ alé.